منصور آفاق ۔ غزل نمبر 282

تم ایسے لوگوں کا رستہ میں چھوڑ دیتا ہوں

پر اپنے ساتھ گلی کو بھی موڑ دیتا ہوں

میں اس مقام پہ پہنچا ہوں عشق میں کہ جہاں

فراق و وصل کو آپس میں جوڑ دیتا ہوں

مجھے مزاج کی وحشت نے فتح مند رکھا

کہ ہار جاؤں تو سر اپنا پھوڑ دیتا ہوں

ابھی دھڑکتا ہے دل بھیڑیے کے سینے میں

ابھی غزال پکڑتا ہوں ، چھوڑ دیتا ہوں

ڈرا ہوا ہوں میں اپنے مزاج سے منصور

جو میری ہو نہ سکے، شے وہ توڑ دیتا ہوں

منصور آفاق