منصور آفاق ۔ غزل نمبر 308

باقی سب چیزیں تو رکھی ہیں اٹیچی کیس میں

میں جوانی بھول آیا ہوں کہیں پردیس میں

زندگی کی دوڑ ہے اور دوڑنا ہے عمر بھر

شرط گھوڑا جیت سکتا ہی نہیں ہے ریس میں

رقص کرتی لڑکیاں میوزک میں تیزی اور شراب

نیکیاں ملتی ہیں مجھ سے کیوں بدی کے بھیس میں

میں برہنہ گھومتا تھا ہجر کی فٹ پاتھ پر

رات جاڑے کی اکیلی سو گئی تھی کھیس میں

کیوں بدلتا جا رہا ہے روح کا جغرافیہ

کون سرحد پار سے آیا بدن کے دیس میں

منصور آفاق