ملک اردو میں پڑ گیا ہو گا

دسمبر 1, 2007منصور آفاق،شعراء،غزلپہلو،پکھیرو،آنسو،اردو،بازو،تالو،ترازو،جگنو،خوشبو،دارو!admin

منصور آفاق ۔ غزل نمبر 72

سین ستو میں پڑ گیا ہو گا

ملک اردو میں پڑ گیا ہو گا

گر پڑا ہے افق کے شعلوں میں

دل پکھیرو میں پڑ گیا ہو گا

بے خیالی میں چھو گئے تھے لب

نیل بازو میں پڑ گیا ہو گا

اس طرف جھک گئی ہے سب دنیا

کچھ ترازو میں پڑ گیا ہو گا

ایک گجرے کے ٹوٹ جانے سے

داغ خوشبو میں پڑ گیا ہو گا

ایسا لگتا ہے عمر کا دریا

ایک آنسو میں پڑ گیا ہو گا

کتنی مشکل سے روکی ہے گالی

چھالا تالو میں پڑ گیا ہو گا

ہجر کی رات شور تھا کوئی

درد پہلو میں پڑ گیا ہو گا

شام سے جا گرا تھا کچھ باہر

نور جگنو میں پڑ گیا ہو گا

ہاتھ چھلکا نہیں یونہی منصور

چاند دارو میں پڑ گیا ہو گا

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

Related