منصور آفاق ۔ غزل نمبر 566

وہ لپیٹ کر نکلی تولیے میں بال اپنے

بوند بوند بکھرے تھے جسم پر خیال اپنے

درد کے پرندوں کو آنکھ سے رہائی دی

آخرش وہ دن آیا رو پڑے ملال اپنے

یہ صدا سنائی دے کوئلے کی کانوں سے

زندگی کے چولھے میں جل رہے ہیں سال اپنے

دیکھ دستِ جانانہ ! کھلنے کی تمنا میں

جینز کے اٹیچی میں بند ہیں جمال اپنے

قتل تو ڈرامے کا ایکٹ تھا کوئی منصور

کس لیے لہو سے ہیں دونوں ہاتھ لال اپنے

منصور آفاق