اس کو بھی اپنی طرح برباد کر

دسمبر 1, 2007منصور آفاق،شعراء،غزلفریاد،یاد،افتاد،امداد،آباد،آزاد،ارشاد،باد،برباد،زادadmin

منصور آفاق ۔ غزل نمبر 170

اب کوئی ایسا ستم ایجاد کر

اس کو بھی اپنی طرح برباد کر

روند کر رکھ دوں ترے سات آسماں

اک ذرا بس موت سے آزاد کر

اب مجھے تسخیر کرنے کے لیے

اسم اعظم روح میں آباد کر

میری باتیں میری آنکھیں میرے ہاتھ

بیٹھ کر اب رو مجھے اور یاد کر

قریہء تشکیک کی سرحد پہ ہوں

صاحبِ لوح و قلم امداد کر

خالق و مخلوق میں دے فاصلے

ہم خدا زادوں کو آدم زاد کر

خشک سالی آ گئی آنکھوں تلک

پانیوں کے واسطے فریاد کر

ہے رکا کوئی یہاں برسوں کے بعد

بس دعائے عمرِ ابر و باد کر

اک قیامت سے نکل آیا ہوں میں

اب کوئی نازل نئی افتاد کر

ہیں ہمہ تن گوش ساتوں آسماں

بول کچھ منصور کچھ ارشاد کر

منصور آفاق

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

Related