الطاف حسین حالی ۔ غزل نمبر 25

کھولی ہیں تم نے آنکھیں اے حادثو ہماری

احسان یہ نہ ہر گز بھولیں گے ہم تمہارا

ہوتے ہی تم تو پیدل کچھ رو دئیے سوارو

ہے لاکھ لاکھ من کا ایک اک قدم تمہارا

رستے میں گر نہ ٹھہرے تو تم بھی جا ملو گے

گزرا ابھی ہے یاں سے خیل و حشم تمہارا

پھرتے ادھر ادھر ہو کس کی تلاش میں تم

گم ہے تمہیں میں یارو باغ ارم تمہارا

جادو رقم تو مانیں، ہم دل سے تم کو حالیؔ

کچھ کر کے بھی دکھائے زور قلم تمہارا

الطاف حسین حالی