ہے گراں خود پہ اک نظر اپنی

جنوری 8, 1972باقی صدیقی،شعراء،غزلنظر،گر،بیشتر،راہبر،سحرadmin

باقی صدیقی ۔ غزل نمبر 165

کیا ملے گی ہمیں خبر اپنی

ہے گراں خود پہ اک نظر اپنی

دوسروں کے بھلے میں بھی اے دوست

فکر ہوتی ہے بیشتر اپنی

اک سحر ظلمت جہاں سے دور

کہہ سکیں ہم جسے سحر اپنی

کارواں ہے قریب منزل کے

اب کرے فکر راہبر اپنی

پوچھتے ہیں جہاں کی ہم باقیؔ

اور کہتا ہے چارہ گر اپنی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

Related