کون بچھڑا تھا وہاں یاد نہیں

جنوری 8, 1972باقی صدیقی،شعراء،غزلہاں،نشاں،گراں،جہاں،خزاں،دگراںadmin

باقی صدیقی ۔ غزل نمبر 139

چشمک ہم سفراں یاد نہیں

کون بچھڑا تھا وہاں یاد نہیں

دل شوریدہ سے الجھا تھا کوئی

تم تھے یا درد جہاں یاد نہیں

ہم تھے شاکی کہ جہاں تھا شاکی

کون تھا کس پہ گراں یاد نہیں

زندگی چال نہ چل جائے کہیں

کوئی بھی اپنا نشاں یاد نہیں

ہم کہاں ہیں کہ ہمیں اب کچھ بھی

جز حدیث دگراں یاد نہیں

آگ گلشن میں لگی تھی باقیؔ

فصل گل تھی کہ خزاں یاد نہیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

Related