کس توقع پہ دے صدا کوئی

جنوری 8, 1972باقی صدیقی،شعراء،غزلہوا،چلا،گیا،آسرا،صداadmin

باقی صدیقی ۔ غزل نمبر 152

ہم سخن ہے نہ ہم نوا کوئی

کس توقع پہ دے صدا کوئی

اب تصور بھی ساتھ دے نہ سکے

دور اتنا نکل گیا کوئی

منزلوں سے بھی بڑھ گئے آگے

دو قدم ساتھ جب چلا کوئی

زندگی راستہ ہے یا منزل

چل دیا سوچتا ہوا کوئی

کس توقع پہ آرزو کی تھی

کام آیا نہ آسرا کوئی

آس ٹوٹی کچھ اسطرح باقیؔ

جیسے پردہ سا اٹھ گیا کوئی

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

Related