دل میں جب کوئی بات ہوتی ہے

جنوری 8, 1972باقی صدیقی،شعراء،غزلنجات،کائنات،بات،راتadmin

باقی صدیقی ۔ غزل نمبر 255

ہر نظر ایک گھات ہوتی ہے

دل میں جب کوئی بات ہوتی ہے

شمع بجھتی ہے، زلف کھلتی ہے

تب کہیں رات، رات ہوتی ہے

حسن سرشار، عشق وا رفتہ

کس سے ایسے میں بات ہوتی ہے

زیست لے بیٹھتی ہے اپنے گلے

غم سے جب کچھ نجات ہوتی ہے

بے رخی، اختلاف، روکھا پن

یوں بھی کیا کوئی بات ہوتی ہے

زخم کھا کر نظر جب اٹھتی ہے

حاصل کائنات ہوتی ہے

غم کا احساس تک نہیں باقیؔ

یوں بھی غم سے نجات ہوتی ہے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

Related