دل ترے درد کے سوا کیا ہے

جنوری 8, 1972باقی صدیقی،شعراء،غزلفاصلہ،مدعا،ناروا،کیا،پا،سوا،صباadmin

باقی صدیقی ۔ غزل نمبر 248

کیا بتاؤں کہ مدعا کیا ہے

دل ترے درد کے سوا کیا ہے

دور تاروں کی انجمن جیسے

زندگی دیکھنے میں کیا کیا ہے

ہر قدم پر نیا تماشا ہو

اور دنیا کا مدعا کیا ہے

کوئی لائے پیام فصل بہار

ہم نہیں جانتے صبا کیا ہے

درد کی انتہا نہیں کوئی

ورنہ عمر گریز پا کیا ہے

آپ بیٹھے ہیں درمیاں ورنہ

مرگ و ہستی میں فاصلہ کیا ہے

نہ رہا جب خلوص ہی باقیؔ

پھر روا کیا ہے ناروا کیا ہے

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

Related