بجھ بجھ کے چراغ جل رہے ہیں

جنوری 8, 1972باقی صدیقی،شعراء،غزلچل،نکل،اگل،بدل،جل،سنبھلadmin

باقی صدیقی ۔ غزل نمبر 131

اشکوں میں خیال ڈھل رہے ہیں

بجھ بجھ کے چراغ جل رہے ہیں

آداب چمن بھی سیکھ لیں گے

زنداں سے ابھی نکل رہے ہیں

پھولوں کو شرار کہنے والو

کانٹوں پہ بھی لوگ چل رہے ہیں

ہے جھوٹ کہ سچ کسے خبر ہے

سنتے ہیں کہ ہم سنبھل رہے ہیں

آرام کریں کہاں مسافر

سائے بھی شرر اگل رہے ہیں

حالات سے بے نیاز ہو کر

حالات کا رُخ بدل رہے ہیں

کہتے ہیں اسے نصیب باقیؔ

پانی سے چراغ جل رہے ہیں

باقی صدیقی

Rate this:

اسے شیئر کریں:

• X
• فیس بک

پسند کریں لوڈ کیا جا رہا ہے۔۔۔

Related