زورآور نے مدِ مقابل کو محصور ہی رکھنا ہے

اکتوبر 1, 2017ماجِد نشان،ماجد صدیقی،غزلمنصور،مجبور،محصور،چور،دور،رنجورadmin

ماجد صدیقی ۔ غزل نمبر 32

اِٹھلانے کچھ کر دکھلانے سے معذور ہی رکھنا ہے

زورآور نے مدِ مقابل کو محصور ہی رکھنا ہے

ہم ایسوں کو جو بے سمت بھی ہیں اور غافل و کاہل بھی

جبر نے اپنا ہاتھ دکھانا ہے مجبور ہی رکھنا ہے

جو بھی ہے صاحبِ قامت اُسکو شاہ کے مصاحب بَونوں نے

دھج اپنی قائم رکھنے کو شاہ سے دُور ہی رکھنا ہے

ظلمتِ شب میں کرمکِ شب بھی جس کے لبوں پر چمکا ہے

دن چڑھنے پر نام اُس نے اپنا منصور ہی رکھنا ہے

اِس مقصد کو سر نہ کہیں وہ اُٹھائیں تازہ بدن ہو کر

مزدوروں کو آجر نے ہر حال میں چُور ہی رکھنا ہے

ماجِد ہم نے یہی دیکھا ہے مشفق ماؤں تک نے بھی

جو بھی کوئی سوتیلا ہو اُس کو رنجور ہی رکھنا ہے

ماجد صدیقی

وقت سے پہلے خوشیوں کا اسقاط ہمارے نام لگا

اکتوبر 1, 2017ماجِد نشان،ماجد صدیقی،غزلنام،کہرام،انعام،جام،خام،دام،شامadmin

ماجد صدیقی ۔ غزل نمبر 33

شاخِ شجر پر پھل پکنے کا ہر حیلہ ناکام لگا

وقت سے پہلے خوشیوں کا اسقاط ہمارے نام لگا

آنے والے وقت کے تیور اِس میں وہ پڑھ لیتا ہے

اب بھی شاہ کے ہاتھ میں ہے جو وہ جمشیدی جام لگا

ہم جس کی کوڑی لائے تھے ہم نے جو کچھ سوچا تھا

اس کا ہونا ہی کیونکر اب کے بھی خیال خام لگا

ضبط کے ہاتھوں پھٹی پھٹی لگتی تھیں جتنی آنکھیں تھیں

اور سکوت لبوں کا سینے سینے کا کہرام لگا

ا چّھی قدروں کو اپنانا بات گئے وقتوں کی ہے

آج تو جس میں بھی ہے اُس کو سفلہ پن انعام لگا

وقت نہ پھر ہاتھ آئے گا ایسا اے صاحبِ بینائی

بول کوئی بولی اور ہم سارے اندھوں کے دام لگا

ہم کہ پیادہ پیا ہیں ماجدؔ جانیں یہ احوال ہمِیں

کن کن حیلوں دن کا سورج جا کے کنارِ شام لگا

ماجد صدیقی

جُگ بیتے وہ شخص نہیں ہے دیکھا جیسے

اکتوبر 1, 2017ماجِد نشان،ماجد صدیقی،غزلچندا،اونچا،تمنّا،دیکھا،سنّاٹاadmin

ماجد صدیقی ۔ غزل نمبر 34

آنکھوں میں آباد ہے ویرانہ سا جیسے

جُگ بیتے وہ شخص نہیں ہے دیکھا جیسے

کوئی چکور نہیں آتا ہے اُڑ کر ہم تک

ہم تنہا ہیں آسمان پر چندا جیسے

جب سے باغ نے ابر سے ہم آغوشی چاہی

اُڑنے لگا وہ اور بھی، اور بھی اُونچا جیسے

چھنی سماعت سے جب سے بُوندوں کی آہٹ

چاروں اور ہے ہیبت زا سنّاٹا جیسے

جب سے ماجِد عمر کی پت جھڑ زوروں پر ہے

گرد آلود ہُوئی ہر ایک تمنّا جیسے

ماجد صدیقی

انگناں اُترا پُورا چندا آتی شب گھٹ جائے گا

اکتوبر 1, 2017ماجِد نشان،ماجد صدیقی،غزلکھائے،پچتائے،آئے،جائےadmin

ماجد صدیقی ۔ غزل نمبر 35

آج کے دن کا لطف اُٹھا لے، آج نہیں پِھر آئے گا

انگناں اُترا پُورا چندا آتی شب گھٹ جائے گا

انساں گِدھ یا زاغ نہیں ہے اُس سے مرے کب اُس کا ضمیر

چال چلے یا ظلم کرے وُہ،آخر کو پچتائے گا

اچّھا کر اور اچّھا کرکے،اُس کے انت کی فکر نہ کر

خَیر کے بِیج سے دیکھنا اِک دِن پَودا اُگ ہی آئے گا

ماجِداپنے سُخن کی ضَو پرپڑتے چھینٹوں کو یہ بتا

چاند پہ جو بھی تُھوکے گا آخر کو منہ کی کھائے گا

ماجد صدیقی

ہاں سانس یہی خُدا نُما ہے

اکتوبر 1, 2017ماجِد نشان،ماجد صدیقی،غزلہوا،منچلا،چلا،نما،کھلا،جلاadmin

ماجد صدیقی ۔ غزل نمبر 36

یہ سانس عطّیۂ خُدا ہے

ہاں سانس یہی خُدا نُما ہے

قربت میں بھی فاصلہ ہے لازم

یہ راز اِک عمر میں کُھلا ہے

پِھرپنکھ کسی کے پھڑپھڑائے

ہاں گھونسلا پھر کوئی جلا ہے

ہونٹوں پِہ سجی ہے بات دل کی

غنچہ سرِ شاخ کِھل چلا ہے

آئی ہے تری گلی سے ہو کر

سرمست وگرنہ کیوں ہوا ہے

ماجِد یہ شریر موسمِ گلُ

تیری ہی طرح کا منچلا ہے

ماجد صدیقی

جو سیر کر دے رُوح کو ایسا کوئی منظر نہیں

اکتوبر 1, 2017ماجِد نشان،ماجد صدیقی،غزلمنظر،ازبر،بر،دانشور،رہبر،شرadmin

ماجد صدیقی ۔ غزل نمبر 37

یادوں کا نقشِ دلنشیں دِل میں کوئی کیونکر نہیں

جو سیر کر دے رُوح کو ایسا کوئی منظر نہیں

وُہ جس جگہ ہے اُس جگہ جانا کسی کا سہل کب

تُجھ بِن صبا! اپنا کوئی اب اور نامہ بر نہیں

ہم آپ تو ہیں دمبخود،ہم سے ملے جو وہ کہے

تُم لوگ ہو جس جَیش میں اُس کا کوئی رہبر نہیں

ہے کس جگہ چلنا ہمیں رُکنا کہاں بِچھنا کہاں

ہے درس ایسا کون سا وُہ جو ہمیں ازبر نہیں

جو دب گیا وُہ صید ہے،چڑھ دوڑتا صیّاد ہے

ابنائے آدم ہیں جہاں،بالائے خیر و شر نہیں

کُچھ یہ کہیں کُچھ وہ کہیں ہم کیاکہیں کیا ٹھیک ہے

ماجِد ہی ذی دانش یہاں، ماجِد ہی دانشور نہیں

ماجد صدیقی

ہاں وجود اپنا جتا اور رقص کر

اکتوبر 1, 2017ماجِد نشان،ماجد صدیقی،غزلکہا،آزما،اٹھا،بنا،جتا،سماadmin

ماجد صدیقی ۔ غزل نمبر 38

ہے اگر زندہ تو آ اور رقص کر

ہاں وجود اپنا جتا اور رقص کر

خود کو پودوں، اور گُلوں میں ڈھال لے

آنکھ میں رُت کی سما اور رقص کر

فرش سے تا عرش یُوں بھی لَو لگا

چاہتوں کے پر بنا اور رقص کر

مُحتسب کی آنکھ سے بچ کر کبھی

مان لے تن کا کہا اور رقص کر

ہے اگر اِک یہ بھی اندازِ حیات

ہاتھ میں ساغر اُٹھا اور رقص کر

دیکھ یُوں بھی اپنے ماجِد کو کبھی

ظرف اِس کا آزما اور رقص کر

ماجد صدیقی

دریا میں وفور آب کا ہے

اکتوبر 1, 2017ماجِد نشان،ماجد صدیقی،غزلکھنچا،کا،پلا،دعا،صبا،ضیاadmin

ماجد صدیقی ۔ غزل نمبر 39

ہر سُو جو چھلک چھلک چلا ہے

دریا میں وفور آب کا ہے

چُوزوں ہی پہ چِیل چِیل جِھپٹے

مظلوم ہی دار پر کِھنچا ہے

اب تک نہ لگا کسی کنارے

لب پر جو سفینۂ دُعا ہے

ذرّے مجھے مہر دیں دکھائی

قدموں میں لگے ،بِچھی ضیا ہے

چندا میں ہے اُس کا چاند چہرہ

اور ایلچی اُس کی یہ صبا ہے

مُونس ہے ہر اِک لُٹے پُٹے کا

ماجِد کہ نِعَم میں خود پلا ہے

ماجد صدیقی

رُت اپنے نگر کی اور کیا ہے

اکتوبر 1, 2017ماجِد نشان،ماجد صدیقی،غزلچہچہا،ڈھلا،کیا،پڑا،اٹھا،بلاadmin

ماجد صدیقی ۔ غزل نمبر 40

ہر جسم پہ گرد کی ردا ہے

رُت اپنے نگر کی اور کیا ہے

وُہ دوستی ہو کہ دُشمنی ہو

اِک کرب ہے دُوسری بلا ہے

دیتا ہے افق افق دکھائی

اک شخص کہ چاند سا ڈھلا ہے

کیا درس دِلا رہا ہے دیکھو!

پانی پہ جو بُلبُلہ اُٹھا ہے

بدلی نئی رُت نے اور کروٹ

پِھر شاخ پہ تازہ چہچہا ہے

پہچان کب اس کی جانے ہو گی

ماجِد کہ جو کُنج میں پڑا ہے

ماجد صدیقی

کیا اور نجانے دیکھنا ہے

اکتوبر 1, 2017ماجِد نشان،ماجد صدیقی،غزلچلا،کیا،بسا،دیکھنا،سلا،سوچناadmin

ماجد صدیقی ۔ غزل نمبر 41

ہر سمت ہی حشر اِک بپا ہے

کیا اور نجانے دیکھنا ہے

نِت اپنی جھلک دکھانے آئے

وُہ بُوم کہ بام پر بسا ہے

اِک اور کی ڈور سے وُہ دیکھو

اِک اور پتنگ لُٹ چلا ہے

جارِح کو گئے تھے جو دکھانے

وُہ زخم تو پھر بھی اَن سِلا ہے

گر دِل نہ رکاوٹوں کو مانے

مشکل ہو کوئی بھی سو وُہ کیا ہے

دِن کتنے ہیں اور کام کتنے

ماجِد تُجھے یہ بھی سوچنا ہے

ماجد صدیقی

ارماں پسِ چشم جو رُکا ہے

اکتوبر 1, 2017ماجِد نشان،ماجد صدیقی،غزلمدّعا،نیا،آئنہ،آزما،رکا،سواadmin

ماجد صدیقی ۔ غزل نمبر 42

ہر آن بدن پہ بوجھ سا ہے

ارماں پسِ چشم جو رُکا ہے

جس میں نیا رنج روز اُترے

دِل ایسا ہی فرد آئنہ ہے

ہر سمت شروع میں سفر کے

دیکھا ہے جِدھر بھنور نیا ہے

رفعت کا ہے جو بھی اگلا زینہ

لاریب وُہ قوّت آزما ہے

اعصاب پڑے ہیں ماند جب سے

ہر تازہ سفر کٹھن سَوا ہے

بارش کو ترستا مُرغِ گِریاں

ماجِد! ترا حرفِ مُدّعا ہے

ماجد صدیقی

صحرا میں یہ موجۂ صبا ہے

اکتوبر 1, 2017ماجِد نشان،ماجد صدیقی،غزلہوا،بڑا،بجا،دھرا،سنا،صباadmin

ماجد صدیقی ۔ غزل نمبر 43

ہونٹوں پہ جو بول پیار کا ہے

صحرا میں یہ موجۂ صبا ہے

پُونجی کسی بُلبُلے کی جیسے

اِس زیست میں اور کیا دھرا ہے

باز آئے نہ لوٹنے سے سورج

دیکھاہے یہی، یہی سُنا ہے

بندھنی ہے جو آتے موسموں میں

اپنے ہی سخن کی وُہ ہوا ہے

ہر میمنہ گُرگ سے کہے یہ

جو آپ کہیں وُہی بجا ہے

سہہ جائے تُو تُند و تُرش کیا کیا

ماجِد ترا حوصلہ بڑا ہے

ماجد صدیقی

ایم سی ایس اک اور بھی آپ نے کرنا ہو گا

اکتوبر 1, 2017ماجِد نشان،ماجد صدیقی،غزلنکھرنا،ڈرنا،کرنا،ابھرنا،اترنا،بھرنا،توٹھہرناadmin

ماجد صدیقی ۔ غزل نمبر 44

نرم روی اپنا کے اور سُدھرنا ہو گا

ایم سی ایس اک اور بھی آپ نے کرنا ہو گا

اندر کی ٹھنڈک سے رکھ کے پروں کو سلامت

پار بکھیڑوں کے صحرا سے اترنا ہو گا

تازہ عزم و عمل اپنا کے گُن دکھلاکے

جیون میں اک رنگ نیا نت بھرنا ہو گا

شام کی گرد میں کھو کے اور پھر تازہ ہو کے

وادیٔ شب سے مثل گلوں کے ابھرنا ہو گا

رکھنا ہو گا پاس سدا ننھوں کی رضا کا

آپ سے ننھوں کو ہرگز نہیں ڈرنا ہو گا

جینے کے فن سے لے کر تخلیقِ سخن تک

اک اک میں کھو جانا اور نکھرنا ہو گا

آپ کا جیون سہل ہوا گر یاور بیٹے

آسودہ ماجِد نے بھی توٹھہرنا ہو گا

ماجد صدیقی

زمین کیا ہے، فضا کیا ہے، آسماں کیا ہے

اکتوبر 1, 2017ماجِد نشان،ماجد صدیقی،غزلکہکشاں،آسماں،امتحاں،خزاں،رفتگاں،سگاںadmin

ماجد صدیقی ۔ غزل نمبر 45

نگاہ میں ہے جو منظر بہ جُز گماں کیا ہے

زمین کیا ہے، فضا کیا ہے، آسماں کیا ہے

یہ جانتے ہیں مسافر فقط اندھیروں کے

ستارۂ سحری کیا ہے، کہکشاں کیا ہے

نظر میں لا کے تنِ برگِ زرد کا لرزہ

کُھلا یہ ہم پہ کہ اندیشۂ خزاں کیا ہے

گدا گدا ہے سو کُتّوں کا سامنا ہے اُسے

غنی کے واسطے آوازۂ سگاں کیا ہے

زوالِ عمر تلک ہم نہ سُرخرو ٹھہرے

حیات!تُجھ سا کوئی اور امتحاں کیا ہے

کوئی رہا ہے نہ ماجِد کسی نے رہنا ہے

تو پھر یہ مضحکۂ رنجِ رفتگاں کیا ہے

ماجد صدیقی

جہان دیکھتا اپنا سلوک کیا ہوتا

اکتوبر 1, 2017ماجِد نشان،ماجد صدیقی،غزلکیا،کا،خداadmin

ماجد صدیقی ۔ غزل نمبر 46

ملا نہ تخت ہمیں اور اگر ملا ہوتا

جہان دیکھتا اپنا سلوک کیا ہوتا

کھلے کی دھوپ میں کوئی تو آسرا ہوتا

وہ چاہے سایہ کسی گرد باد کا ہوتا

نظامِ دہر نجانے سنبھالتا کیسے

ہُوا بہشت بدر جو اگر خدا ہوتا

ماجد صدیقی

جابر کی یہی تو اِک ادا ہے

اکتوبر 1, 2017ماجِد نشان،ماجد صدیقی،غزلقبا،گھلا،ادا،دعا،ریاadmin

ماجد صدیقی ۔ غزل نمبر 47

کہہ دے جو وُہ ہوتے دیکھتا ہے

جابر کی یہی تو اِک ادا ہے

لے عفو سے کام ،لے سکے گر

ہاں ہاں یہی وصفِ بے ریا ہے

اُجلا ہے تو دامنِ بداں ہے

تر خوں سے مری تری قبا ہے

رکھ تازگی تُو مری سلامت

مولا یہی اِک مری دُعا ہے

پنپی ہے یہ کس کی نیّتِ بد

ماحول میں زہر سا گُھلا ہے

ماجد صدیقی

ہے اگر مہلت تو کُچھ آرام کر

اکتوبر 1, 2017ماجِد نشان،ماجد صدیقی،غزلنام،کہرام،آرام،جام،رامadmin

ماجد صدیقی ۔ غزل نمبر 48

کھینچتے ہر صبح کی مت شام کر

ہے اگر مہلت تو کُچھ آرام کر

اے کہ تُو چاہے کرے شیروں کو زیر

اولاً چڑیاں چمن کی رام کر

جس طرف تیرا گزر ہو اے کلرک!

اُس سڑک کی کُل ٹریفک جام کر

اے دلِ نادان!سب کچھ جاں پہ سہہ

مت مچا تُو شور،مت کُہرام کر

جو بھی دے ماجِد جنم وُہ ہے عظیم

ہو سکے تو دیس کو خوش نام کر

ماجد صدیقی

اُس پہ کوئی نظم پِھر لکھ لایئے

اکتوبر 1, 2017ماجِد نشان،ماجد صدیقی،غزلللچایئے،لایئے،لائیے،چھایئے،گِنوایئے،جایئے،دُہرائیےadmin

ماجد صدیقی ۔ غزل نمبر 49

کرب کوئی سوچ کر سو جایئے

اُس پہ کوئی نظم پِھر لکھ لایئے

آپ بِن چاہے جو طوطے بن گئے

اِک سبق ہی زیست بھر دُہرائیے

لا کے پنجوں میں کہاں چھوڑے گا باز

یہ رعایت ذہن میں مت لائیے

پُوری کشتی ہو شکنجے میں تو پھر

کُود کر گرداب ہی میں جایئے

پھیلئے تو مثلِ خُوشبو پھیلئے

چھایئے تو ابر بن کر چھایئے

آپ سے بہتر ہو گر نسل آپ کی

اور کسی حاصل کو مت للچایئے

تُم کہ ماجِد ابکے امریکہ میں ہو

گُن کُچھ اپنے بھی یہاں گِنوایئے

ماجد صدیقی

ذلیل کرتا ہے، بے حد خراب کرتا ہے

اکتوبر 1, 2017ماجِد نشان،ماجد صدیقی،غزللاجواب،نقاب،انتخاب،اجتناب،خرابadmin

ماجد صدیقی ۔ غزل نمبر 50

کرے تو اور ہی وہ احتساب کرتا ہے

ذلیل کرتا ہے، بے حد خراب کرتا ہے

سنان و تیر و کماں توڑ دے اُسی پر وہ

ستم کشی کو جسے انتخاب کرتا ہے

دمکتا اور جھلکتا ہے برگِ سبز سے کیوں؟

وہ برگِ زرد سے کیوں اجتناب کرتا ہے

بھلے جھلک نہ دکھائے وہ اپنے پیاروں کو

بُلا کے طُور پہ کیوں لاجواب کرتا ہے

گلوں میں عکس وہ ماجد دکھائے خود اپنے

کلی کلی کو وہی بے نقاب کرتا ہے

ماجد صدیقی

یہ ایک شمعِ سخن ہم نے جو جلائی ہے

اکتوبر 1, 2017ماجِد نشان،ماجد صدیقی،غزلچڑھائی،کمائی،اٹھائی،بھائی،جلائی،دہائیadmin

ماجد صدیقی ۔ غزل نمبر 51

ضیائے دہر، اندھیروں میں کھینچ لائی ہے

یہ ایک شمعِ سخن ہم نے جو جلائی ہے

کوئی کوئی ہے خُلیفہ خُدا کا ایسا بھی

تمام خلق میں جس کے سبب دُہائی ہے

مِلا ہے زاغ کو ٹُکڑا کہیں سے روٹی کا

اور ایک جُھنڈ کی اُس ایک پر چڑھائی ہے

بہ حقِ ہم نفساں ہے جو شر، یہ انساں ہے

کہ کل بھی جس نے قیامت نئی اُٹھائی ہے

نجانے کتنے دھڑوں میں ہے منقسم ٹھہری

وُہ نسل، روزِ ازل سے جو بھائی بھائی ہے

لگا رہا ہے تُو کیوں اِس کو داؤ پر ماجِد!

یہ آن ہی تو تری زیست کی کمائی ہے

ماجد صدیقی

سُکھ کی شِیرِینی کو چیونٹیاں چاٹتی ہیں چِنتاؤں کی

اکتوبر 1, 2017ماجِد نشان،ماجد صدیقی،غزلماؤں،چنتاؤں،چھاؤں،ناؤں،خطاؤں،داؤں،صحراؤںadmin

ماجد صدیقی ۔ غزل نمبر 52

شہر کی ناآسودگیاں اور اُجڑی یادیں گاؤں کی

سُکھ کی شِیرِینی کو چیونٹیاں چاٹتی ہیں چِنتاؤں کی

آمر آمر کے سائے میں خلقِ خدا نے پنپنا کیا

رات کی رانی پلنے لگی ہے کوُکھ میں کب صحراؤں کی

وہ بھی کسی کسی بختاور کے حصے میں آتی ہے

آخر کو سرہانے سجتی ہے جو تختی ناؤں کی

کھیل میں بد خُلقی کے ناتے وہ کہ ہے جو شہ زور بنا

زِچ لگتا ہے کیا کیا،کوشش کرتے آخری داؤں کی

بھلے وہ حق میں ہو اولاد کے، خالص اور پوِتّر بھی

پھولنے پھلنے پائی ہے کب چاہت بیوہ ماؤں کی

ہم کہ جنموں کے ہیں مسافر مغوی طیّاروں کے،ہمیں

جانے کیا کیا باقی ہے ملنی تعزِیر خطاؤں کی

بادلوں میں بھی دیکھو ماجِد ابکے یہ کیا پھوٹ پڑی

چھائے دشت نوردوں کے سر ٹُکڑی ٹُکڑی چھاؤں کی

ماجد صدیقی

ہاں مِلے گر تو یوں وقار مِلے

اکتوبر 1, 2017ماجِد نشان،ماجد صدیقی،غزلنکھار،وقار،یار،پکار،دار،شکار،شعارadmin

ماجد صدیقی ۔ غزل نمبر 53

شیر کی کھال مستعار مِلے

ہاں مِلے گر تو یوں وقار مِلے

تھے وہ درباریوں کے چھوڑے ہوئے

جو پرندے پئے شکار مِلے

ڑُخ بہ رُخ چاہے گردِ جَور سجے

تخت کو اور بھی نکھار ملے

جو بھی ہے دردمندِ خلق اُس کو

اور کیا جُز فرازِ دار مِلے

جو خلافِ فرعون اُٹّھی تھی

لب بہ لب کیوں وہی پُکار مِلے

کاسہ لیسوں میں اک سے اک تازہ

جو ملے وہ وفا شعار مِلے

وہ جو لائے بقائے حفظِ عوام

کون ماجِد کو ایسا یار مِلے

ماجد صدیقی

تُند ہوا آ آ کر کیوں دہلائے مجھے

اکتوبر 1, 2017ماجِد نشان،ماجد صدیقی،غزللوٹائے،کھولائے،آئے،ترسائے،دہلائے،سہلائےadmin

ماجد صدیقی ۔ غزل نمبر 54

شاخ پہ برگِ زرد ہی کیوں ٹھہرائے مجھے

تُند ہوا آ آ کر کیوں دہلائے مجھے

بادل میرے نام اُمڈ کے نہ برسے جو

ڈال کے لیت و لعل میں کیوں ترسائے مجھے

میری ولی عہدی کیونکر تسلیم نہیں

بات یہ بس دربار کی ہے کھولائے مجھے

پل پل جس کی میں نے خیر طلب کی ہے

خلق بھی کچھ تو میرا دیا لوٹائے مجھے

مجھے ملے پھل میرے سینچے پودے کا

اور نہ ملے تو چَین بھلا کیوں آئے مجھے

اپنے لفظ ہی ٹھہریں پُھونک مسیحا کی

ایسا کون ہے ماجِد جو سہلائے مجھے

ماجد صدیقی

یار تک، بے وفا نِرا نکلا

اکتوبر 1, 2017ماجِد نشان،ماجد صدیقی،غزلمرا،چرا،کرکرا،گھرا،ترا،سرپھراadmin

ماجد صدیقی ۔ غزل نمبر 55

ربطِ باہم کا یہ سِرا نکلا

یار تک، بے وفا نِرا نکلا

کھیل میں ٹیڑھ جو، قصور تھا جو

اور کسی کا نہیں مِرا نکلا

ہوشمند اِک مجھے ہی رہنا تھا

جو مِلا مجھ سے سرپِھرا نکلا

جتنا پیندا تھا دل کی ناؤ کا

آبِ دشمن میں ہی گِھرا نکلا

جو مزہ قُربِ دوستاں کا تھا

آخرش وہ بھی کِرکِرا نکلا

تیرا سایہ تلک بھی اے ماجِد!

جانے کیوں مُحتسب ترا نکلا

ماجد صدیقی

اے لرزتے زرد پتّے مت خزاں کی بات کر

ستمبر 30, 2017ماجِد نشان،ماجد صدیقی،غزلکماں،گماں،آسماں،آستاں،جاں،خزاںadmin

ماجد صدیقی ۔ غزل نمبر 56

خاک میں ملنے پہ در آتے زماں کی بات کر

اے لرزتے زرد پتّے مت خزاں کی بات کر

تیرنے کو ہیں یہ نیّائیں فراتِ زیست میں

بات کر ایقان کی یا تُو گماں کی بات کر

ہاں وہی جو ہم نے حفظِ جاں کو حاصل کی نہیں

اور ہمیں پر جو تنی ہے اُس کماں کی بات کر

جس کے فیض و غیض ہر دو میں دوگونہ لطف ہے

چھوڑ سارے مخمصے اُس جانِ جاں کی بات کر

ہم فرشتے تو نہیں،نوری ہوں کیا خاکی سے ہم

اے زمیں زادے! نہ ہر دم آسماں کی بات کر

غیر ہیں جو گنبد و مِینار ماجِد کیا ہیں وُہ

دیس سے نکلا ہے اپنے آستاں کی بات کر

ماجد صدیقی

برسے غضب ، جو قسطوں میں مرنے سے بچا لے

ستمبر 30, 2017ماجِد نشان،ماجد صدیقی،غزللےadmin

ماجد صدیقی ۔ غزل نمبر 57

چوزوں جیسا، پروں تلے سے اُچک لے، اٹھا لے

برسے غضب ، جو قسطوں میں مرنے سے بچا لے

ماجد صدیقی

میرا وُہی اُس سے واسطہ ہے

ستمبر 30, 2017ماجِد نشان،ماجد صدیقی،غزلڈھلا،واسطہ،ٹلا،پھلا،بھرا،رمزکیاadmin

ماجد صدیقی ۔ غزل نمبر 58

چھت کو جو ستوں کا آسرا ہے

میرا وُہی اُس سے واسطہ ہے

اُترا ہے کہاں کہاں سے جانے

نس نس میں جو زہر سا بھرا ہے

اپنائیں نہ خاک و باد جِس کو

وُہ پیڑ بھلا کہاں پھلا ہے

کیوں بات یہ، ناتواں نہ جانے

کب شیر شکار سے ٹلا ہے

حاوی ہے جو ہر کہیں سروں پر

ناوقت وُہ مِہر کب ڈھلا ہے

جو عمر گزشتنی ہے ماجِد!

بِیتے بھی تو اُس کا رمزکیا ہے

ماجد صدیقی

وقت ہی سب کا محرم وقت ہی دشمن بھی

ستمبر 30, 2017ماجِد نشان،ماجد صدیقی،غزلفن،پن،دھن،دھڑکن،دشمن،رنadmin

ماجد صدیقی ۔ غزل نمبر 59

جس سے بن بھی آئے، رہے ہے ان بن بھی

وقت ہی سب کا محرم وقت ہی دشمن بھی

ناداری دکھلائے سگی ماؤں میں بھی

اپنائیت بھی اور سوتیلا پن بھی

اپنے عزیز و اقارب راضی رکھنے کو

تن من بھی لگتا ہے، لگتا ہے دھن بھی

جیسے ہو بھونچال کا شور فضاؤں میں

گُونجے ہے یوں گاہے دل کی دھڑکن بھی

سب سے بڑا ہے داعیٔ امن بھی انساں ہی

اور انسانوں میں پڑتے ہیں رَن بھی

ناآگاہ ترے اخلاص سے اہلِ جہاں

کُھلا نہیں ماجِد اِن سب پہ ترا فن بھی

ماجد صدیقی

موجۂ آبِ رواں یاد آئے

ستمبر 30, 2017ماجِد نشان،ماجد صدیقی،غزلکماں،بیاں،جناں،رواں،زیاں،شہاںadmin

ماجد صدیقی ۔ غزل نمبر 60

جب ترا لطفِ نہاں یاد آئے

موجۂ آبِ رواں یاد آئے

تجھ سے خسارہ پیار میں پا کے

سُود نہ کوئی زیاں یاد آئے

تیور جب بھی فلک کے دیکھوں

تجھ ابرو کی کماں یاد آئے

راج پاٹ جب دل کا جانچوں

تجھ سا رشکِ شہاں یاد آئے

ہاں ہاں ہر دو بچھڑے مجھ سے

بزم تری کہ جناں یاد آئے

چاند اور لہر کے ربط سے ماجِد

کس کا زورِ بیاں یاد آئے

ماجد صدیقی

دیس سے ہٹ کر کون ٹھکانہ گھر سا ہو

ستمبر 30, 2017ماجِد نشان،ماجد صدیقی،غزلیاور،گھر،بر،تر،زر،ساگرadmin

ماجد صدیقی ۔ غزل نمبر 61

جس کا اندر جنّت کے اندر سا ہو

دیس سے ہٹ کر کون ٹھکانہ گھر سا ہو

بیشک دِل اُس میں اُلجھے پر فتنہ وُہ

زن سا اور زمیں اور نہ زر سا ہو

رحمتِ یزداں تک سے بھی وہ ڈر جائے

جس کھیتی پر بادل ٹوٹ کے برسا ہو

اُس خطّے میں اچّھے دن کم کم آئیں

تخت جہاں کا بھی حقدار کو ترسا ہو

گُنی بہت اور اپنی آن کا رکھوالا

جس کا بیٹا ہو میرے یاور سا ہو

اپنے یہاں گھر بار کے سب دکھ سہنے کو

حوصلہ ہو تو ماجِد وُہ ساگر سا ہو

ماجد صدیقی

اور پیرایہ نہ تھا اظہار کا

ستمبر 30, 2017ماجِد نشان،ماجد صدیقی،غزلچار،انکار،اظہار،بیدار،بازار،شہکارadmin

ماجد صدیقی ۔ غزل نمبر 62

ترجماں لرزہ تھا بس بیمار کا

اور پیرایہ نہ تھا اظہار کا

یہ چلن اب نِت کا ہے، اخبار کا

اِک نہ اِک لائے بگولہ نار کا

استطاعت ہو تو پڑھ لو ہر کہیں

رُخ بہ رُخ اِک نرخ ہے بازار کا

تاب کیا کیا دے گیا ابلیس کو

اِک ذرا سا حوصلہ انکار کا

ہم کہ ہیں ہر پل سکوں نا آشنا

ہے یہ فتنہ دیدۂ بیدار کا

ہو سخن ماجِد کا یا خلقِ خُدا

حال مندا ہے ہر اِک شہکار کا

ماجد صدیقی

شجر پہ پات تھے جتنے وہ زرد ہونے لگے

ستمبر 30, 2017ماجِد نشان،ماجد صدیقی،غزلہونے،چبھونے،ڈبونے،پرونے،بونے،رونے،سونےadmin

ماجد صدیقی ۔ غزل نمبر 63

تھے جتنے ذائقے وہ اپنا لطف کھونے لگے

شجر پہ پات تھے جتنے وہ زرد ہونے لگے

وہی جو کھینچ کے لائے تھے کشتیوں سے ہمیں

بھنور کے بیچ وہ ناؤ ہیں اب ڈبونے لگے

کٹے ہیں جن کے بھی رشتے کہ تھے جو جزو بدن

سکوں کی نیند بھلا وہ کہاں ہیں سونے لگے

ہیں جتنے دل بھی غرض کی تپش سے بنجرہیں

یہ ہم کہاں ہیں محبت کے بیج بونے لگے

یہ واقعہ ہے کہ وہ حبسِدم سے ہو آزاد

بحال کرب کوئی، جب بھی کھُل کے رونے لگے

ملے جو شاہ بھی تقلیلِ رزقِ خلق سے وُہ

رگوں میں جبر کے نشتر نئے چبھونے لگے

ترے یہ حرف کہ جگنو ہیں ا شک ہیں ماجد

ہیں سانس سانس میں، کیا کیا گہر پرونے لگے

ماجد صدیقی

بدلیں چمن کے بس ایسے سارے ہی اصول تو کیا اچّھا ہو

ستمبر 30, 2017ماجِد نشان،ماجد صدیقی،غزلفضول،اصول،بھول،ببول،دھول،طولadmin

ماجد صدیقی ۔ غزل نمبر 64

پھول پہ منڈلاتی تتلی لے بھاگے پُھول تو کیا اچّھا ہو

بدلیں چمن کے بس ایسے سارے ہی اصول تو کیا اچّھا ہو

ہجر کی گھڑیاں بُجھتی سی چنگاریوں سی راکھ ہوتی جائیں

اُس کے وصل کا لمحہ لمحہ پکڑے طُول تو کیا اچّھا ہو

جو پودا بھی بیج سے پھوٹے کاش وہ پودا سرو نشاں ہو

خاک پہ اُگنے ہی سے اگر باز آئیں ببول تو کیا اچّھا ہو

کاش ہماری جلدوں کے اندر سے جھلکے علم کا غازہ

اپنے چہروں سے دھل جائے جُہل کی دھول تو کیا اچّھا ہو

جس سے بہم میدانِ عمل ہو پھر سے کسی گستاخِ خدا کو

گاہے گاہے سرزد ہو گر ہم سے وہ بھول تو کیا اچّھا ہو

ماجِد کرتے رہو نت تازہ اپنے گلشنِ ذہن کا منظر

پیڑوں سے جھڑ جھڑجائے جو کچھ ہو فضول تو کیا اچّھا ہو

ماجد صدیقی

بادل کہ نشے میں جُھومتا ہے

ستمبر 30, 2017ماجِد نشان،ماجد صدیقی،غزلکٹا،اٹھا،برملا،جھنجھنا،جھومتا،سراadmin

ماجد صدیقی ۔ غزل نمبر 65

پاس اُس کے بہت پئے عطا ہے

بادل کہ نشے میں جُھومتا ہے

اُن سب کا کہ سنگدل ہیں جو

ہے جو بھی ستم سو برملا ہے

بچّے کو بہت ہے ہاتھ میں گر

اُس کے کوئی ایک جھنجھنا ہے

راحت پہ مقّربان کے بھی

دیکھا ہے جسے جلا کٹا ہے

پِھر پِھرنے لگیں کسی کی نظریں

پِھر ہاتھ مرا کہیں اُٹھا ہے

ماجِد ہے کہ نیم قرن سے جو

کُچھ پائے بِناں غزل سرا ہے

ماجد صدیقی

ربّ عالم پناہ میں رکھنا

ستمبر 30, 2017ماجِد نشان،ماجد صدیقی،غزلنگاہ،واہ!،کلاہ،پناہ،آہ،سپاہadmin

ماجد صدیقی ۔ غزل نمبر 66

پاندھیوں کو نہ راہ میں رکھنا

ربّ عالم پناہ میں رکھنا

عرش تک کو ہِلا کے جو رکھ دے

تاب ایسی بھی آہ میں رکھنا

لے نہ بیٹھیں یہ باتفنگ تمہیں

کوئی مُخبر سپاہ میں رکھنا

شیر جو ہو گیا ہے آدم خور

اُس کی یہ خُو نگاہ میں رکھنا

تاجور! نسخۂ حصولِ تخت

سینت رکھنا، کُلاہ میں رکھنا

ہو جو ماجِد سُخن پسند تو پِھر

فرق کیا واہ واہ میں رکھنا

ماجد صدیقی

میں کِشتِ تاریخ میں پھر سے پُھوٹ چلا ہوں

ستمبر 30, 2017ماجِد نشان،ماجد صدیقی،غزلہوا،لگتا،چلا،اڑتا،اٹھا،بستا،دیاadmin

ماجد صدیقی ۔ غزل نمبر 67

باپ تھا بیٹے کا اب پوتے کا دادا ہُوں

میں کِشتِ تاریخ میں پھر سے پُھوٹ چلا ہوں

اپنی نسل کے بڑھنے کا بھی سرور عجب ہے

میں جو ایک تھا اپنے آپ میں سَو لگتا ہوں

میرے انگناں اُتری ہے پھر صبحِ درخشاں

جس کی کرنوں سے میں اور دمک اُٹھا ہوں

میری جبیں اب اور منوّر ہونے لگی ہے

میں کہ شبانِ پیہم کا اِک جلتا دِیا ہوں

میرے جَنے ہوں گے کچھ اور لطافت پیشہ

میں جو گُلوں بگھیوں پر تتلی سا اُڑتا ہوں

اُس کی حیات میں، اُس کے فروغ میں، میری بقا ہے

اُس کے جنم کے ناتے میں ذی شان ہُوا ہوں

ماجِد فیض مرے ملکِ آزاد کا ہے یہ

ملک سے باہر بھی اب میں جیتا بستا ہوں

ماجد صدیقی

بَیری بھی اُنہی کی وُہ ہوا ہے

ستمبر 30, 2017ماجِد نشان،ماجد صدیقی،غزلہوا،کھلاadmin

ماجد صدیقی ۔ غزل نمبر 68

پتّوں کی جو ماں ہے مامتا ہے

بَیری بھی اُنہی کی وُہ ہوا ہے

لپٹا ہُوا بھید بھید میں ہے

وہ بھید جو سب پہ اَن کھلا ہے

ماجد صدیقی

وُہ کہ اوروں کو میّسرہے،مجھے کیونکر نہیں

ستمبر 30, 2017ماجِد نشان،ماجد صدیقی،غزلکیونکر،اخگر،بہتر،بھر،باہر،زرadmin

ماجد صدیقی ۔ غزل نمبر 69

اب خُدا سے بھی مجھے کہنے میں یہ، کُچھ ڈر نہیں

وُہ کہ اوروں کو میّسرہے،مجھے کیونکر نہیں

نیّتیں بھی جب نہیں ہیں صاف، نظریں بھی علیل

کب یہ مانیں ہم کہ خرمن میں کوئی اخگر نہیں

جانے کیا ہے جو بھی رُت بدلے رہے رنگ ایک سا

حال جو پہلے تھا،اُس سے اب بھی کُچھ بہتر نہیں

بس فقط اُلٹا ہے تختہ اور کُچھ جانیں گئیں

بہرِ غاصب،فرق یُوں ہونے میں ذرّہ بھر نہیں

بچپنے سے رگ بہ رگ تھا جو رچاؤ لُطف کا

دیس کے اندر بہت ہے،دیس سے باہر نہیں

آخرش ایسا ہی ماجِد ہر کہیں ہو گا رقم

تُم نے اپنا نام کب لکّھا بہ آبِ زر نہیں

ماجد صدیقی

جذبۂ رشک و رقابت ہے جگر میں اُترا

ستمبر 30, 2017ماجِد نشان،ماجد صدیقی،غزلجگر،شرadmin

ماجد صدیقی ۔ غزل نمبر 70

اُس سے جو فرقِ ممالک ہے نظر میں اُترا

جذبۂ رشک و رقابت ہے جگر میں اُترا

کاش یہ سوچتا میں ساکھ نہ کھو دوں اپنی

میں کہ تھا پہلے پہل پہلوئے شر میں اُترا

ماجد صدیقی

چنگاری کو رقصاں دیکھا

ستمبر 30, 2017ماجِد نشان،ماجد صدیقی،غزلفراواں،نمایاں،گریاں،پریشاں،رقصاں،عریاں،غزلخواںadmin

ماجد صدیقی ۔ غزل نمبر 71

اُس کا حسنِ درخشاں دیکھا

چنگاری کو رقصاں دیکھا

تھوڑ ہی تھوڑ رہی خوشیوں کی

رنج ہی رنج فراواں دیکھا

چاند اُسے ہی رگیدنے آیا

جو تارا بھی نمایاں دیکھا

جسم پگھل کے چٹختا لاگے

روح کو جب سے پرِیشاں دیکھا

گل پہ نجانے اوس پڑی کیا

صبح اسے بھی گریاں دیکھا

بام و افق سے ہم نے اکثر

حسن کو آنکھ پہ عریاں دیکھا

وجد سے پھر نکلا نہ وہ جس نے

ماجد! تجھ کو غزلخواں دیکھا

ماجد صدیقی

اور مقیّد ہو کے نہروں کی روانی ہو گیا

ستمبر 30, 2017ماجِد نشان،ماجد صدیقی،غزلمانی،نشانی،کہانی،آسمانی،جانی،روانی،زبانیadmin

ماجد صدیقی ۔ غزل نمبر 72

ابر بردوشِ ہوا رہ کر بھی پانی ہو گیا

اور مقیّد ہو کے نہروں کی روانی ہو گیا

لطفِ باراں سے، شگفتِ گُل سے جو منسوب تھا

ہاں وہی مضموں ادا میری زبانی ہو گیا

وہ کہ کہلاتا رہا تھا لالۂ صحرا کبھی

رنگ و خوشبو کی کشش سے میرا جانی ہو گیا

اُس نے اہلِ خاک سے پھر رابطہ رکھا نہیں

جس کو کچھ رفعت ملی وہ آسمانی ہو گیا

خواب میں اکثر لگا ایسا کہ صبح جاگتے

میں بھی اوروں کی طرح قصّہ کہانی ہو گیا

کھو کے سارے رنگ گردآلود، زنگ آلود سا

دل بھی ہے گزرے زمانوں کی نشانی ہو گیا

ہاں وہی ماجِد کہ تھا صورت گرِ جذبات جو

مانتے ہیں سب کہ ہے بہزاد و مانی ہو گیا

ماجد صدیقی

آندھی کب آداب اپنائے

ستمبر 30, 2017ماجِد نشان،ماجد صدیقی،غزلپھیلائے،پائے،اپنائے،جُھلائے،جائے،سہلائے،سائےadmin

ماجد صدیقی ۔ غزل نمبر 73

آئے اور کہرام مچائے

آندھی کب آداب اپنائے

ہم پہ نگاہ پڑی ہے رُت کی

اُڑتی ریت ہمیں سہلائے

دکھلائیں ہر قد کو بڑھا کے

پچھلے پہر کے بڑھتے سائے

راہی ہمیشہ راہ نکالے

سانپ ہمیشہ پھن پھیلائے

بندہ خوشی خوشی کو پا کر

بچوں ایسی پینگ جُھلائے

وقت کی اَن جانی چالوں سے

کوہ بدن کا کُھرتا جائے

ماجد پائے رواں کیوں ٹھہرے

جب تک سانس نہ رُکنے پائے

ماجد صدیقی

چُوزے ہوں جیسے ماں کے پروں میں سمٹ گئے

اگست 31, 2017ماجد صدیقی،اَکھیاں بیچ الاؤ،غزلنمٹ،ڈٹ،کٹ،اٹ،سمٹadmin

ماجد صدیقی ۔ غزل نمبر 1

یوں لوگ اب کے جادۂ گرگاں سے ہٹ گئے

چُوزے ہوں جیسے ماں کے پروں میں سمٹ گئے

پنچھی شکار ہو کے نشیمن میں آ گرا

اور خواب، عافیت کے بدن سے چمٹ گئے

کھانے لگا فضا میں لہو ان کا بازیاں

بِلّی کے سامنے تھے کبوتر جو ڈٹ گئے

مجروح کب ہوئے ہیں نہتّوں سے اہلِ تیغ

کب یوں ہوا کہ دانت زبانوں سے کٹ گئے

جھاڑا نہیں کسی نے اِنہیں حادثہ یہ ہے

دل آئنے تھے گردِ زمانہ سے اٹ گئے

ماجد ہر آن جیسے اذّیت پہ ہوں تُلے

کانٹے لباس سے ہیں کچھ ایسے چمٹ گئے

ماجد صدیقی

مشتہر کرتے ہیں جنسِ دختراں اخبار میں

اگست 31, 2017ماجد صدیقی،اَکھیاں بیچ الاؤ،غزلانکار،اخبار،بیدار،بازار،خار،دربارadmin

ماجد صدیقی ۔ غزل نمبر 2

یہ اضافہ بھی ہُوا ماں باپ کے آزار میں

مشتہر کرتے ہیں جنسِ دختراں اخبار میں

آبلہ پائی نے کر دی ہے مسافت یوں تمام

پیر چپکے رہ گئے ہیں جادۂ پر خار میں

تن بدن سے کھال تک جیسے ادھڑ جانے لگے

جیب ہی ہلکی نہیں ہوتی ہے اب بازار میں

سخت مشکل ہے کوئی تریاق اُس کا مِل سکے

زہر جو شامل ملے، ذی جاہ کے انکار میں

خلق ناداری کے ہاتھوں جان دینے پر مصر

اور زر کی بانٹ کے جھگڑے ادھر دربار میں

کیا کہیں ہر آن ماجد مضطرب، پڑنے کو ہیں

سنگ ریزے کیا سے کیا ہر دیدۂ بیدار میں

ماجد صدیقی

جھونکے آگ بجھانے آئے

اگست 31, 2017ماجد صدیقی،اَکھیاں بیچ الاؤ،غزلفسانے،منانے،بہلانے،بجھانے،دہرانے،زمانے،سہانےadmin

ماجد صدیقی ۔ غزل نمبر 3

ہم پہ کرم فرمانے آئے

جھونکے آگ بجھانے آئے

ہمیں پرانا ٹھہرانے کو

کیا کیا نئے زمانے آئے

خلق، وہ کارآمد بچّہ ہے

شاہ جسے بہلانے آئے

قیس کو جو ازبر تھا،ہم بھی

درس وہی دہرانے آئے

جنہیں بھُلاتے، خود کو بھُولے

لب پہ اُنہی کے، فسانے آئے

اپنی جگہ تھے جو بھی سہانے

دن پھر وہ نہ سہانے آئے

جن کو دیکھ کے تاپ چڑھے وہ

ماجد ہمیں منانے آئے

ماجد صدیقی

اور نا خلف کے منہ سے مِلیں، گالیاں الگ

اگست 31, 2017ماجد صدیقی،اَکھیاں بیچ الاؤ،غزلنشاں،گالیاں،آسماں،بیٹیاں،دھجیاں،داستاں،سماںadmin

ماجد صدیقی ۔ غزل نمبر 4

ہوتا ہے ایسے ربط سے جی کا زیاں الگ

اور نا خلف کے منہ سے مِلیں، گالیاں الگ

ہونے کو ہو تو جائے ادا ایک فرضِ خاص

ماں باپ بھی ہوں خاک بہ سر، بیٹیاں الگ

جاتی ہے اپنی کم نظری سے اِدھر جو آن

اُڑتی ہیں جسم و جاں کی اُدھر دھجیاں الگ

ڈالی جو خاک سر پہ ہمارے، زمین نے

برسا کیا ہے ہم پہ اُدھر آسماں الگ

توقیر بھی بدلتی ہے، تحقیر میں کبھی

حالات جس طرح کا بھی دے دیں نشاں الگ

لیکھوں میں شخص شخص کے لکّھی ملے یہاں

ناطے سے بِنت بِنت کے اِک داستاں الگ

ہم گُل بہ کف تھے، سنگ بہ کف مل گئے ہمیں

اُترا ہے اب کے آنکھ میں ماجد سماں الگ

ماجد صدیقی

ننّھی ننّھی خواہشیں خلقت کی، جو اغوا کریں

اگست 31, 2017ماجد صدیقی،اَکھیاں بیچ الاؤ،غزلویسا،کیا،اغوا،دیکھا،سایاadmin

ماجد صدیقی ۔ غزل نمبر 5

وہ کمانڈو بھی تو ہوں ایسوں کو جو سِیدھا کریں

ننّھی ننّھی خواہشیں خلقت کی، جو اغوا کریں

ہر نگارِ شام اُن کے واسطے ہو مہ بکف

ہم ہلالِ عید بعد از سال ہی دیکھا کریں

اُن کے جتنے تیر ہیں موزوں ہوں وہ اہداف پر

اور ہمیں تلقین یہ ،ایسا کریں ویسا کریں ،

خود ہی جب اقبال سا لکھنا پڑے اس کا جواب

اے خدا تجھ سے بھی ہم شکوہ کریں تو کیا کریں

وہ ادا کرتے ہیں جانے موسموں کو کیا خراج

بدلیاں جن کے سروں پر بڑھ کے خود سایا کریں

ماجد صدیقی

پَو پھٹے چاند سے اُس کا جوبن لُٹا اور میں کھو گیا

اگست 31, 2017ماجد صدیقی،اَکھیاں بیچ الاؤ،غزلہوا،لٹا،گیا،بڑھا،حناadmin

ماجد صدیقی ۔ غزل نمبر 6

وقت کی شاخ پر پات پیلا پڑا اور میں کھو گیا

پَو پھٹے چاند سے اُس کا جوبن لُٹا اور میں کھو گیا

پھر نجانے معطل رہے کب تلک میرے اعصاب تک

ہاتھ جابر کا شہ رگ کی جانب بڑھا اور میں کھو گیا

آسماں پر کماں بن کے قوسِ قزح دُور ہنستی رہی

وار جو بھی ہُوا پاس ہی سے ہُوا اور میں کھو گیا

عمر کیا کیا نہیں لڑکیوں کی ڈھلی پاس ماں باپ کے

خوں کے آنسو بنے اُن کا رنگ حنا اور میں کھو گیا

میں کہ ماجد ہوں اہلِ ہنر، اہلِ مکر و ریا کیوں نہیں

بس یہ نکتہ مجھے بے زباں کر گیا اور میں کھو گیا

ماجد صدیقی

مرے پاس بھی کوئی گلبدن تھا بہار سا

اگست 31, 2017ماجد صدیقی،اَکھیاں بیچ الاؤ،غزلقرار،نکھار،بہار،تار،خمارadmin

ماجد صدیقی ۔ غزل نمبر 7

وہ کہ لمس میں تھا حریر، رنگ میں نار سا

مرے پاس بھی کوئی گلبدن تھا بہار سا

کبھی بارشوں میں بھی پھر دکھائی نہ دے سکا

اُسے دیکھنے سے فضا میں تھا جو نکھار سا

مری چاہ کو اُسے چاندنی کی قبائیں دیں

مرا بخت کس نے بنا دیا شبِ تار سا

کوئی آنکھ جیسے کھُلی ہو اِن پہ بھی مدھ بھری

ہے دل و نظر پہ عجب طرح کا خمار سا

لگے پیش خیمۂ قربِ یار گھڑی گھڑی

مری دھڑکنوں میں جو آ چلا ہے، قرار سا

ماجد صدیقی

نئی نسلوں کو لاحق ہو چلیں بیماریاں کیا کیا

اگست 31, 2017ماجد صدیقی،اَکھیاں بیچ الاؤ،غزلچنگاریاں،گلکاریاں،بیماریاں،تیّاریاں،خواریاں،دھاریاںadmin

ماجد صدیقی ۔ غزل نمبر 8

وراثت میں اِنہیں ملنے لگیں عیّاریاں کیا کیا

نئی نسلوں کو لاحق ہو چلیں بیماریاں کیا کیا

کوئی فتنہ کوئی لاشہ اِنہیں مل جائے شورش کو

برائے تخت، نا اہلوں کی ہیں تیّاریاں کیا کیا

ارادت کے تسلسل کی، غلامانہ اطاعت کی

ہماری گردنوں کے گرد بھی ہیں دھاریاں کیا کیا

نمو بھی دیں، تحفّظ بھی کریں ہر پیڑ کا لیکن

جھڑیں تو نام پتوں کے، رقم ہوں خواریاں کیا کیا

جنہیں درکار ہیں قالین چلنے کو نجانے وہ

کرائیں گے لہو سے خاک پر، گُلکاریاں کیا کیا

حقائق سے ڈرانے کو، طلسمِ شر دکھانے کو

سرِ اخبار ماجدؔ نقش ہیں، چنگاریاں کیا کیا

ماجد صدیقی

جگنوؤں سی اپنی اپنی روشنی ہے اور ہم

اگست 31, 2017ماجد صدیقی،اَکھیاں بیچ الاؤ،غزلچارگی،کمی،آگہی،بسی،تازگی،روشنی،سادگیadmin

ماجد صدیقی ۔ غزل نمبر 9

وسعتِ تِیرہ شبی ، تنہا روی ہے اور ہم

جگنوؤں سی اپنی اپنی روشنی ہے اور ہم

کیمیا گر تو ہمیں کندن بنا ڈالے مگر

آنچ بھر کی ایسا ہونے میں کمی ہے اور ہم

بھیڑیوں کی دھاڑ کو سمجھیں صدائے رہنما

خوش گماں بھیڑوں سی طبعی سادگی ہے اور ہم

کیا سلوک ہم سے کرے یہ منحصر ہے زاغ پر

گھونسلے کے بوٹ سی نا آگہی ہے اور ہم

ہاں یہی وہ فصل ہے پکنے میں جو آتی نہیں

زخمِ جاں کی روز افزوں تازگی ہے اور ہم

ناگہانی آندھیوں میں جو خس و خاشاک کو

جھیلنی پڑتی ہے وہ بے چارگی ہے اور ہم

ناخدا کو ناؤ سے دیکھا ہو جیسے کُودتے

دم بہ دم ماجد کچھ ایسی بے بسی ہے اور ہم

ماجد صدیقی

پو پھٹے تھی ہوا کو شکایت یہی، لوگ سوئے ملے

اگست 31, 2017ماجد صدیقی،اَکھیاں بیچ الاؤ،غزلچلی،یہی،کہی،گمرہی،گھلی،بندگی،بھیadmin

ماجد صدیقی ۔ غزل نمبر 10

نشۂ بے حسی تھی کہ نا آگہی لوگ سوئے ملے

پو پھٹے تھی ہوا کو شکایت یہی، لوگ سوئے ملے

روشنی کے سفیروں نے کیا کیا نہ گُر آزمائے مگر

سینہ سینہ بسائے ہوئے گمرہی لوگ سوئے ملے

زمزمے چہچہے کوئی تریاق ان کے نہ کام آ سکا

سم کچھ ایسی تھی سانسوں میں اِن کے گھلی لوگ سوئے ملے

صبح، پرچم لپیٹے ہوا ہو گئی اپنے سندیس کا

پھول نے جو کہی رہ گئی ان کہی لوگ سوئے ملے

بادباں کھول کر کشتیوں کے، ہوا کو انہیں سونپ کر

اور تو اور آغوشِ دریا میں بھی لوگ سوئے ملے

جانے حلقۂ بگوشی میں تھا کیا شرف، جو انہیں بھا گیا

جاگتا تھا فقط جذبۂ بندگی لوگ سوئے ملے

کتنے تھوڑے صلے سے بہلنے لگیں ان کی نادانیاں

رسم ماجدؔ یہ کیا اکتفا کی چلی لوگ سوئے ملے

ماجد صدیقی

رہ بہ رہ جھومتا ہر شجر دیکھنا

اگست 31, 2017ماجد صدیقی،اَکھیاں بیچ الاؤ،غزلگہر،خبر،سفر،شجر،شررadmin

ماجد صدیقی ۔ غزل نمبر 11

نشۂ سَرخوشی اَوج پر دیکھنا

رہ بہ رہ جھومتا ہر شجر دیکھنا

مٹھیوں میں شگوفوں کی زر سر بہ سر

سیپیوں میں گلوں کی گہر دیکھنا

لطف جو چشمِ تشنہ کو درکار ہے

شاخ در شاخ محوِ سفر دیکھنا

دل بہ دل آرزوؤں کے جگنو اڑے

صحن در صحن رقصِ شرر دیکھنا

جی نہ ساون کے جَل سے کہیں جَل اٹھے

تم بھی ماجدؔ ہو اہلِ خبر دیکھنا

ماجد صدیقی

نظر میں تھا، پہ ترا ہی وہ اک جمال نہ تھا

اگست 31, 2017ماجد صدیقی،اَکھیاں بیچ الاؤ،غزلملال،مال،ڈھال،کال،جلال،جمال،سوالadmin

ماجد صدیقی ۔ غزل نمبر 12

نہیں کہ تجھ سے وفا کا ہمیں خیال نہ تھا

نظر میں تھا، پہ ترا ہی وہ اک جمال نہ تھا

لبوں میں جان تھی پھر بھی ہماری آنکھوں میں

ستمگروں سے بقا کا کوئی سوال نہ تھا

ٹھہر سکا نہ بہت تیغِ موج کے آگے

ہزار سخت سہی، جسم تھا یہ ڈھال نہ تھا

کوئی نہیں تھا شکایت نہ تھی جسے ہم سے

ہمیں تھے ایک، کسی سے جنہیں ملال نہ تھا

غضب تو یہ ہے کہ تازہ شکار کرنے تک

نظر میں گرگ کی، چنداں کوئی جلال نہ تھا

بہ کُنجِ عجز فقط گن ہی گن تھے پاس اپنے

یہاں کے اوج نشینوں سا کوئی مال نہ تھا

ہمیں ہی راس نہ ماجدؔ تھی مصلحت ورنہ

یہی وہ جنس تھی، جس کا نگر میں کال نہ تھا

ماجد صدیقی

کُتا بھونکے تو آگے سے بھونکے کون

اگست 31, 2017ماجد صدیقی،اَکھیاں بیچ الاؤ،غزلکودے،کھرچے،ٹھہرے،الجھے،بھونکے،بدلےadmin

ماجد صدیقی ۔ غزل نمبر 13

منصبِ انسانی سے نیچے اترے کون

کُتا بھونکے تو آگے سے بھونکے کون

وہ کہ جو نیّتِ بد کے بطن سے پھوٹی ہو

تاب کسے ہے اُس دلدل میں الجھے کون

جز پت جھڑ کے اِس فن کا ادراک کسے

رنگ کسی کا جیسا بھی ہو بدلے کون

جسم پہ جس کے لباس ہو جھاڑ میں کانٹوں کے

حفظِ گلاب و سمن کی دُھن میں کودے کون

کون ہو جو خّرم ہو لہو میں نہا کر بھی

پیغمبر کے سوا طائف میں ٹھہرے کون

کام نہیں بس میں یہ دئیے کے ناخن کے

چہرۂ شب سے ماجدؔ ظلمت کھُرچے کون

ماجد صدیقی

سلجھا نہیں جو بخت کا دھاگا ملا مجھے

اگست 31, 2017ماجد صدیقی،اَکھیاں بیچ الاؤ،غزلملا،کوٹنا،کیا،کا،گھورتا،پتا،حوصلہ،خلا،خدا،دیا،دعا،ذرا،رہا،راستا،صداadmin

ماجد صدیقی ۔ غزل نمبر 14

ماتھے کی سلوٹوں سے ہے اتنا گلا مجھے

سلجھا نہیں جو بخت کا دھاگا ملا مجھے

چھابہ بغل میں اور ہے خوانچہ، کنارِ دوش

عمرِ اخیر! اور یہ کیا دے دیا مجھے

اے خاک! آرزو میں نگلنے کی تن مرا

کیسا یہ بارِ خارکشی دے دیا مجھے

ایسا ہی تیرا سبزۂ نورس پہ ہے کرم

کیا بوجھ پتھروں سا دیا اے خدا ! مجھے

کج ہو چلی زبان بھی مجھ کُوز پشت کی

کیا کیا ابھی نہیں ہے لگانی صدا مجھے

اک اک مکاں اٹھا ہے مرے سر کے راستے

کیسا یہ کارِ سخت دیا مزد کا، مجھے

بچپن میں تھا جو ہمدمِ خلوت، ملا کِیا

مکڑا قدم قدم پہ وُہی گھورتا مجھے

میں تھک گیا ہوں شامِ مسافت ہوا سے پوچھ

منزل کا آ کے دے گی بھلا کب پتا مجھے

محتاج ابر و باد ہوں پودا ہوں دشت کا

لگتی نہیں کسی بھی رہٹ کی دعا مجھے

لاتی ہے فکرِ روزیِ یک روز، ہر سحر

آہن یہ کس طرح کا پڑا کوٹنا مجھے

بارِ گراں حیات کا قسطوں میں بٹ کے بھی

ہر روز ہر قدم پہ جھُکاتا رہا مجھے

اتنا سا تھا قصور کہ بے خانماں تھا میں

کسبِ معاش میں بھی ملی ہے خلا مجھے

حکمِ شکم ہے شہر میں پھیری لگے ضرور

سُوجھے نہ چاہے آنکھ سے کچھ راستا مجھے

میں بار کش ہوں مجھ پہ عیاں ہے مرا مقام

اِحساسِ افتخار دلاتا ہے کیا مجھے

میری بھی ایک فصل ہے اُٹھ کر جو شب بہ شب

دیتی ہے صبح گاہ نیا حوصلہ مجھے

کہتا ہے ہجرتوں پہ گئے شخص کو مکاں

آ اے حریصِ رزق ! کبھی مل ذرا مجھے

ماجد صدیقی

یزیدِ وقت نے جور و ستم کی اِنتہا کر دی

اگست 31, 2017ماجد صدیقی،اَکھیاں بیچ الاؤ،غزلکما،انتہا،خفا،خطا،دعا،سجاadmin

ماجد صدیقی ۔ غزل نمبر 15

مری ہر آس کے خیمے کی زینب بے رِدا کر دی

یزیدِ وقت نے جور و ستم کی اِنتہا کر دی

اگر سر زد ہوا حق مانگنے کا جرم تو اس پر سزا کیسی

مرے دستِ طلب نے کونسی ایسی خطا کر دی

کچھ افیونی حقائق ہی کھُلے ورنہ اِن ہونٹوں پر

سخن کیا تھا کہ خلقِ شہر تک جس نے خفا کر دی

زمیں یا آسماں کا جو خدا تھا سامنے اُس کے

جھکایا سر اٹھائے ہاتھ اور رو کر دعا کر دی

وطن کی بد دعا پر ریزہ ریزہ ہو گیا کوئی

کسی نے دیس پر جاں تک ہتھیلی پر سجا کر دی

حیا آنکھوں میں اور سچّائیاں جذبات میں ماجد

مجھے ماں باپ نے جو دی یہی پونجی کما کر دی

ماجد صدیقی

اہلِ نظر میں بھی ہیں گویا تنگ نظر کے لوگ

اگست 31, 2017ماجد صدیقی،اَکھیاں بیچ الاؤ،غزلمنظر،نظر،ڈگر،گھر،پتّھرadmin

ماجد صدیقی ۔ غزل نمبر 16

مجھ سے کشیدہ رو ہیں کیونکر میرے ہنر کے لوگ

اہلِ نظر میں بھی ہیں گویا تنگ نظر کے لوگ

جیسے کم سن چوزے ہوں مرغی کے پروں میں بند

جبر کی چیلوں سے دبکے ہیں یوں ہر گھر کے لوگ

ہر فریاد پہ لب بستہ ہیں مانندِ اصنام

عدل پہ بھی مامور ہوئے کیا کیا پتّھر کے لوگ

صبح و مسا ان کے چہروں پر اک جیسا اندوہ

منظر منظر ہیں جیسے اک ہی منظر کے لوگ

کچھ بھی نہیں مرغوب اِنہیں، کولہو کے سفر کے سوا

میرے نگر کے لوگ ہیں ماجد اور ڈگر کے لوگ

ماجد صدیقی

کام مرے، کانٹوں میں اُلجھے بالوں جیسے

اگست 31, 2017ماجد صدیقی،اَکھیاں بیچ الاؤ،غزلنقالوں،چھالوں،بالوں،جالوںadmin

ماجد صدیقی ۔ غزل نمبر 17

لمحے بوجھل قدموں، ٹھٹھرے سالوں جیسے

کام مرے، کانٹوں میں اُلجھے بالوں جیسے

مچھلیوں جیسی سادہ منش امیدیں اپنی

عیّاروں کے ہتھکنڈے ہیں جالوں جیسے

دھُند سے کیونکر نکلے پار مسافت اُن کی

رہبر جنہیں میّسر ہوں نقالوں جیسے

اپنے یہاں کے حبس کی بپتا بس اتنی ہے

آنکھوں آنکھوں اشک ہیں ماجد چھالوں جیسے

ماجد صدیقی

ماں! ترا لاڈلا ہے مشکل میں

اگست 31, 2017ماجد صدیقی،اَکھیاں بیچ الاؤ،غزلمشکل،گل،بل،تل،جھلمل،سلadmin

ماجد صدیقی ۔ غزل نمبر 18

گھِر گیا ہے سیاستِ دل میں

ماں! ترا لاڈلا ہے مشکل میں

عمر گزری تلاش کرتے ہوئے

روشنی آنسوؤں کی جھلمل میں

اپنا عکسِ نصیب دیکھ لیا

چمپئی گال پر سجے تِل میں

ڈنک مارا تحفّظِ جاں کو

سانپ بزدل تھا گُھس گیا بِل میں

ہم نے ظالم سے یوں کہی دل کی

چھید جیسے کرے کوئی سِل میں

جانے ماجد کن آنسوؤں سے لگا

اک کٹاؤ سا جسم کی گِل میں

ماجد صدیقی

پئے رقص، لطفِ ہوا چاہتا ہوں

اگست 31, 2017ماجد صدیقی،اَکھیاں بیچ الاؤ،غزلہوا،قبا،کیا،کھلا،آسرا،انا،سامنا،سجاadmin

ماجد صدیقی ۔ غزل نمبر 19

گِرا ہوں شجر سے اُڑا چاہتا ہوں

پئے رقص، لطفِ ہوا چاہتا ہوں

وہی جو منگیتر سا ہے مجھ سے، مخفی

وہ منظر، نظر پر کھُلا چاہتا ہوں

سبھی ناؤ والے ہیں، اِک میں نہیں ہوں

کہ تنکے کا جو، آسرا چاہتا ہوں

گریزاں ہوں ابنائے قابیل سے میں

کہ شانوں پہ یہ سر، سجا چاہتا ہوں

وہی شہ رگوں میں جو پنہاں ہے، اُس کا

سرِ طُور کیوں سامنا چاہتا ہوں

گوارا ہو بے ناپ خلعت مجھے کیوں

جو زیبا مجھے ہو قبا چاہتا ہوں

نہیں چاہتا تاج میں پاپیادہ

میں توقیر، حسبِ انا چاہتا ہوں

لگے جیسے پہرے ہوں ہر اور میری

کہوں کس سے ماجدؔ، میں کیا چاہتا ہوں

ماجد صدیقی

ملیں ہَوا کو اُدھر حکمرانیاں کیا کیا

اگست 31, 2017ماجد صدیقی،اَکھیاں بیچ الاؤ،غزلنشانیاں،بدگمانیاں،حکمرانیاں،خانیاں،راجدھانیاںadmin

ماجد صدیقی ۔ غزل نمبر 20

گیاہ و برگ کو دیں بے زبانیاں کیا کیا

ملیں ہَوا کو اُدھر حکمرانیاں کیا کیا

بکھر گئی ہیں کسی مور کے پروں کی طرح

درونِ مصحفِ گل تھیں نشانیاں کیا کیا

گھرا ہے جا کے جہاں بھی ہجومِ طفلاں میں

ہوئیں بہ حقِ جنوں چھیڑ خانیاں کیا کیا

خلافِ فتنہ و شر جب بھی مستعد ٹھہریں

الٹ گئی ہیں یہاں راجدھانیاں کیا کیا

گماں تھا جن پہ کہ وہ رشکِ خضر ہیں ماجد

ہمیں اُنہی سے ہوئیں بدگمانیاں کیا کیا

ماجد صدیقی

شاعری ماجد! عبارت ہو اگر صدمات سے

اگست 31, 2017ماجد صدیقی،اَکھیاں بیچ الاؤ،غزلپات،آلات،حالات،رات،صدماتadmin

ماجد صدیقی ۔ غزل نمبر 21

کم نہیں وجدان پر اُتری ہوئی آیات سے

شاعری ماجد! عبارت ہو اگر صدمات سے

ہر تمنّا ہے اِسی کی دھند میں لپٹی ہوئی

مدّتوں سے ہے یہی رشتہ اندھیری رات سے

کر لئے بے ذائقہ وہ دن بھی جو آئے نہیں

درس کیا لیتے بھلا ہم اور جھڑتے پات سے

بن گئیں پیڑوں کی شاخیں بھی قفس کی تیلیاں

سامنا ہے باغ میں ایسے ہی کچھ حالات سے

ابنِ آدم اب کے پھر فرعون ٹھہرا ہے جسے

مل گیا زعمِ خدائی آہنی آلات سے

ماجد صدیقی

تجھ سے چھینے گئے جو گہر، چھین لے

اگست 31, 2017ماجد صدیقی،اَکھیاں بیچ الاؤ،غزلہنر،گہر،گر،پر،بر،تبرadmin

ماجد صدیقی ۔ غزل نمبر 22

کر کے غاصب کو زیر و زبر چھین لے

تجھ سے چھینے گئے جو گہر، چھین لے

ناز ہو ننّھی چڑیوں کے خوں پر جنہیں

اُن عقابوں سے تُو بال و پر چھین لے

جس کی بنیاد تیرے عرق سے اٹھی

اُس سپھل پیڑ سے برگ و بر چھین لے

نرم خُوئی تلک نرم خُو ہو، مگر

دستِ جارح سے تیغ و تبر چھین لے

حق ملے گا تجھے دشتِ وحشت میں کیا

چھین لے، چھین سکتا ہے گر، چھین لے

جس کا حقدار ہے تو وہ تکریمِ فن

تو بھی اے ماجدِ با ہنر! چھین لے

ماجد صدیقی

رسوائیِ خواہش کو، ہوا اور نہ دینا

اگست 31, 2017ماجد صدیقی،اَکھیاں بیچ الاؤ،غزلہوا،گھٹا،جلا،ردا،صبا،صداadmin

ماجد صدیقی ۔ غزل نمبر 23

کافی ہے یہی، دل کو سزا اور نہ دینا

رسوائیِ خواہش کو، ہوا اور نہ دینا

پہلے ہی قفس میں ترے احسان بہت ہیں

گھاؤ کوئی، اے موجِ صبا! اور نہ دینا

کیا درد بٹاؤ گے کہ جس سِحر میں ہم ہیں

پتھر ہی نہ ہو جائیں صدا اور نہ دینا

صنّاع کہیں خود نہ کھنچا آئے زمیں پر

اِس چاند سے چہرے کو جِلا اور نہ دینا

حاصل ہے جو تجھ سے ہمیں پھولوں کی مہک سی

اُس قرب کی مہلت کو گھٹا اور نہ دینا

ہے اِس کی شرافت ہی خسارے کو کہاں کم

ماجد کو بزرگی کی رِدا اور نہ دینا

ماجد صدیقی

دل کیوں بیکل سا ہے اتنی دیر گئے

اگست 31, 2017ماجد صدیقی،اَکھیاں بیچ الاؤ،غزللٹا،کیا،کھلا،بپا،برسا،جھانکا،ساadmin

ماجد صدیقی ۔ غزل نمبر 24

کس نے یاد کیا ہے اتنی دیر گئے

دل کیوں بیکل سا ہے اتنی دیر گئے

کس نے کس کی پھر دیوار پھلانگی ہے

کس کا چین لٹا ہے اِتنی دیر گئے

کس کی آنکھ سے آس کا تارا ٹوٹا ہے

کس پر کون کھُلا ہے اِتنی دیر گئے

دل کے پیڑ پہ پنکھ سمیٹے سپنوں میں

ہلچل سی یہ کیا ہے اِتنی دیر گئے

کن آنکھوں کی نم میں گھلنے آیا ہے

بادل کیوں برسا ہے اِتنی دیر گئے

سو گئے سارے بچّے بھی اور جگنو بھی

پھر کیوں شور بپا ہے اِتنی دیر گئے

دیکھ کے ماجدؔ چندا نے بیدار کسے

آنگن میں جھانکا ہے اِتنی دیر گئے

ماجد صدیقی

تیور بدل چلے ہیں بہت ، آسمان کے

اگست 31, 2017ماجد صدیقی،اَکھیاں بیچ الاؤ،غزلٹھان،آسمان،بادبان،تانadmin

ماجد صدیقی ۔ غزل نمبر 25

کیا کیا خم اور ہوں ابھی بازو کمان کے

تیور بدل چلے ہیں بہت ، آسمان کے

جیسے کوئی اُڑائے کبوتر ، بہ روزِ جشن

پُرزے ہوا کے ہاتھ تھے یوں بادبان کے

بہروپ ہی بھرے گا ، کرم بھی وہ گر کرے

نکلا جو گھر سے ، راہزنی ہی کی ٹھان کے

ماجد ہمیں بھی ، دیکھیے جھانسہ دیا ہے کیا

آنچل سا آسمان پہ ،بدلی نے تان کے

ماجد صدیقی

فیصلہ دیتے ہوئے عادل بھی رُسوا ہو گئے

اگست 31, 2017ماجد صدیقی،اَکھیاں بیچ الاؤ،غزلمسیحا،افشا،رسوا،صحرا،عنقاadmin

ماجد صدیقی ۔ غزل نمبر 26

کیا کہیں ذی مرتبت کتنے تھے اور کیا ہو گئے

فیصلہ دیتے ہوئے عادل بھی رُسوا ہو گئے

کونپلیں کیا کیا نہیں جھلسی ہیں بادِ مکر سے

گلستاں امید کے، کیا کیا نہ صحرا ہو گئے

جن دنوں کی چاہ میں بے تاب تھی خلقت بہت

شو مئی قسمت سے وہ دن اور عنقا ہو گئے

خُبث کیا کیا کھُل گیا اُن کا بھی جو تھے ذی شرف

نیّتوں کے جانے کیا کیا راز افشا ہو گئے

دم بخود ٹھہرے ہیں اُن کی پاک دامانی پہ ہم

قتل کرنے پر بھی جو ماجد مسیحا ہو گئے

ماجد صدیقی

جا بجا تیرے لئے یہ سر، نگوں کرنا پڑا

اگست 31, 2017ماجد صدیقی،اَکھیاں بیچ الاؤ،غزلنگوں،یوں،کیوں،خوںadmin

ماجد صدیقی ۔ غزل نمبر 27

کیا کہیں کیا کچھ ہمیں دنیائے دُوں کرنا پڑا

جا بجا تیرے لئے یہ سر، نگوں کرنا پڑا

ہم کہ تھے اہلِ صفا یہ راز کس پر کھولتے

قافلے کا ساتھ آخر، ترک کیوں، کرنا پڑا

سر ہم ایسوں سے کہاں ہونا تھا قلعہ جبر کا

ایک یہ دل تھا جسے ہر بار خوں کرنا پڑا

خم نہ ہو پایا تو سر ہم نے قلم کروا لیا

وُوں نہ کچھ ہم سے ہُوا ماجد تو یُوں کرنا پڑا

ماجد صدیقی

زاغ جُتے دیکھے، پس خوردہ کھانے میں

اگست 31, 2017ماجد صدیقی،اَکھیاں بیچ الاؤ،غزللہرانے،کھانے،ٹھہرانے،افسانے،بنانےadmin

ماجد صدیقی ۔ غزل نمبر 28

فرق نہ سمجھیں کچھ دھُتکارے جانے میں

زاغ جُتے دیکھے، پس خوردہ کھانے میں

پیڑ بحالِ ضعف بھی ہے مسرور لگا

خشک زبانوں کے پرچم لہرانے میں

پر ٹُوٹے اور ساتھ ہوا نے چھوڑ دیا

سطر بڑھا دو یہ بھی اب افسانے میں

لو اس کو بھی تکڑی تول جو رکھتا تھا

وقت نے دیر نہ کی عادل ٹھہرانے میں

اپنی جگہ امید سے پیروکار سبھی

رہبر محو ہے ماجد، مال بنانے میں

ماجد صدیقی

کس نے کس کو کتنا نیچا دِکھلانا ہے

اگست 31, 2017ماجد صدیقی،اَکھیاں بیچ الاؤ،غزلگہنانا،اترانا،برسانا،جانا،دہرانا،دکھلاناadmin

ماجد صدیقی ۔ غزل نمبر 29

عہد یہی اب اِنسانوں نے ٹھہرانا ہے

کس نے کس کو کتنا نیچا دِکھلانا ہے

چڑیوں نے ہے اپنی جان چھپائے پھرنا

شہبازوں نے اپنی دھونس پہ اِترانا ہے

دھوپ کے ہاتھوں اِن سے اوس کی نم چھننے پر

گرد نے پھولوں کو سہلانے آ جانا ہے

سورج کے ہوتے، جب تک محتاجِ ضیا ہے

چاند نے گھٹنا بڑھنا ہے اور گہنانا ہے

جانبِ تشنہ لباں پھر بڑھنے لگا مشکیزہ

جبر نے جِس پر تیر نیا پھر برسانا ہے

عاجز ہم اور قادر اور کوئی ہے ماجد

جیون بھر بس درس یہی اِک دہرانا ہے

ماجد صدیقی

چِڑا رہے ہیں مرا منہ، مرے سخن کے گلاب

اگست 31, 2017ماجد صدیقی،اَکھیاں بیچ الاؤ،غزلفتن،بن،بدن،دھن،سخنadmin

ماجد صدیقی ۔ غزل نمبر 30

شرف مآب ہوئے سے جب سے مکر و فن کے گلاب

چِڑا رہے ہیں مرا منہ، مرے سخن کے گلاب

بناتِ شہر کی پژمردگی وہ کیا جانے

بہم ہر آن جسے ہوں، بدن بدن کے گلاب

ملے نہ جس کا کہیں بھی ضمیر سے رشتہ

گراں بہا ہیں اُسی فکرِ پر فتن کے گلاب

سخن میں جس کے بھی اُمڈی ریا کی صنّاعی

ہر ایک سمت سے برسے اُسی پہ دَھن کے گلاب

یہاں جو قصر نشیں ہے، یہ جان لے کہ اُسے

نظر نہ آئیں گے ماجد، تجھ ایسے بن کے گلاب

ماجد صدیقی

سورج نے کھُلی آنکھ سے ہے کم ہمیں دیکھا

اگست 31, 2017ماجد صدیقی،اَکھیاں بیچ الاؤ،غزلمدّھم،مدغم،کم،برہمadmin

ماجد صدیقی ۔ غزل نمبر 31

شاخیں یہی کہتی ہیں، نہ بے دم ہمیں دیکھا

سورج نے کھُلی آنکھ سے ہے کم ہمیں دیکھا

ژالوں سے بچے ہیں تو ہوا نوچنے آئی

اِس خاک نے ہر حال میں برہم ہمیں دیکھا

ہر دیکھنے والے نے دھند لکوں میں حسد کے

مہتابِ سرِ صبح سا، مدّھم ہمیں دیکھا

ماجد ہوئے ہم اوس ، گیاہِ لبِ جو کی

ہر شخص نے ندیا ہی میں مدغم ہمیں دیکھا

ماجد صدیقی

آگے انت اُس کا دیکھا ہے

اگست 31, 2017ماجد صدیقی،اَکھیاں بیچ الاؤ،غزلکیا،کا،اٹھا،برا،خدا،رواadmin

ماجد صدیقی ۔ غزل نمبر 32

شاخ پہ پھول کھِلا دیکھا ہے

آگے انت اُس کا دیکھا ہے

زور رہا جب تک سینے میں

تھا نہ روا جو، روا دیکھا ہے

فریادی ہی رہا وہ ہمیشہ

جو بھی ہاتھ اُٹھا دیکھا ہے

ہم نے کہ شاکی، خلق سے تھے جو

اب کے سلوکِ خدا دیکھا ہے

سنگدلوں نے کمزوروں سے

جو بھی کہا ، وُہ کِیا ، دیکھا ہے

جس سے کہو، کہتا ہے وُہی یہ

کر کے بَھلا بھی ، بُرا دیکھا ہے

اور نجانے کیا کیا دیکھے

ماجد نے ، کیا کیا دیکھا ہے

ماجد صدیقی

جبر نے بخشی ہمیں کیا گونجتی تنہائیاں

اگست 31, 2017ماجد صدیقی،اَکھیاں بیچ الاؤ،غزلگہنائیاں،گہرائیاں،بینائیاں،تنہائیاں،دارائیاں،رُسوائیاںadmin

ماجد صدیقی ۔ غزل نمبر 33

سُر اداسی کے بکھیریں سانس کی شہنائیاں

جبر نے بخشی ہمیں کیا گونجتی تنہائیاں

منتظر رہ رہ کے آنکھیں اِس قدر دھندلا گئیں

فرقِ روز و شب تلک جانیں نہ اب بینائیاں

رنگ پھیکے پڑ گئے کیا کیا رُتوں کے پھیر سے

گردشوں سے صورتیں کیا کیا نہیں گہنائیاں

جاگنے پر، تخت سے جیسے چمٹ کر رہ گئے

ہاتھ جن کے، سو کے اُٹھنے پر لگیں دارائیاں

لے کے پیمانے گلوں کی مسکراہٹ کے رُتیں

ناپنے کو آ گئیں پھر درد کی گہرائیاں

اُس سے ہم بچھڑے ہیں ماجد ابکے اِس انداز سے

پت جھڑوں میں جیسے پتوں کو ملیں رُسوائیاں

ماجد صدیقی

جہاں کے ہم مکیں ہیں، اُس نگر کی بات اور ہے

اگست 31, 2017ماجد صدیقی،اَکھیاں بیچ الاؤ،غزلہنر،نگر،گہر،سحر،شجرadmin

ماجد صدیقی ۔ غزل نمبر 34

سجل حویلیوں کی ، بام و در کی بات اور ہے

جہاں کے ہم مکیں ہیں، اُس نگر کی بات اور ہے

محال ہو گیا ہے، دھُند سے جسے نکالنا

چمن میں آرزو کے اُس شجر کی، بات اور ہے

صدف سے چشمِ تر کے، دفعتاً ٹپک پڑا ہے جو

گراں بہا نہیں ، پہ اُس گہر کی بات اور ہے

ہُوئی ہے روشنی سی، جگنوؤں کے اجتماع سے

لگی نہیں جو ہاتھ، اُس سحر کی بات اور ہے

کوئی کوئی ہے شہر بھر میں، تجھ سا ماجدِ حزیں

ہُوا جو تجھ پہ ختم ، اُس ہنر کی بات اور ہے

ماجد صدیقی

حبس پہنچا ہے کس اَوج پر دیکھنا

اگست 31, 2017ماجد صدیقی،اَکھیاں بیچ الاؤ،غزلپر،خبر،رہبر،شررadmin

ماجد صدیقی ۔ غزل نمبر 35

سانس روکے کھڑے ہیں شجر دیکھنا

حبس پہنچا ہے کس اَوج پر دیکھنا

خرمنوں میں ہوئیں جن کی بیجائیاں

پھولنے کو ہیں اب وہ شرر دیکھنا

لیس کر کے ہمیں رختِ بارود سے

بھیجتا ہے کدھر؟ رہبر دیکھنا

کھور ہی دے بدن کو نہ آنکھوں کی نم

دیکھنا ماجدِ بے خبر دیکھنا

ماجد صدیقی

وہ ستمگر پھر ڈگر پہلی سی اپنانے لگا

اگست 31, 2017ماجد صدیقی،اَکھیاں بیچ الاؤ،غزللہرانے،ڈھانے،آنے،اپنانے،برسانے،دکھلانےadmin

ماجد صدیقی ۔ غزل نمبر 36

زچ ہوئے پر جو ذرا سا تھا بدل جانے لگا

وہ ستمگر پھر ڈگر پہلی سی اپنانے لگا

بچ کے پچھلے دشت میں نکلے تھے جس کے سِحر سے

پھر نگاہوں میں وہی اژدر ہے لہرانے لگا

کر کے بوندوں کو بہ فرطِ سرد مہری منجمد

دیکھ لو نیلا گگن پھر زہر برسانے لگا

جُود جتلانے کو اپنی شاہ ہنگامِ سخا

عیب کیا کیا کچھ نہ ناداروں کے دِکھلانے لگا

سُرخرُو اس نے بھی زورآور کو ہی ٹھہرا دیا

حفظِ منصب کو ستم عادل بھی یہ ڈھانے لگا

دل میں تھا ماجدؔ جو سارے دیوتاؤں کے خلاف

اب زباں پر بھی وہ حرفِ احتجاج آنے لگا

ماجد صدیقی

ختم ہونے ہی نہیں پاتا شجر کا انتظار

اگست 31, 2017ماجد صدیقی،اَکھیاں بیچ الاؤ،غزلقمر،گہر،زر،سفر،سحر،شجر،شررadmin

ماجد صدیقی ۔ غزل نمبر 37

رگ بہ رگ پیہم لئے برگ و ثمر کا انتظار

ختم ہونے ہی نہیں پاتا شجر کا انتظار

کوئی منزل ہو ٹھہرتی ہے وہ کیوں مل کر سراب

ہر مسافر کو ہے کیوں تازہ سفر کا انتظار

رزق تک بھی روٹھنے کو جیسے ہم ایسوں سے ہے

جو بھی ہے کھلیان اُس کو ہے شرر کا انتظار

کاوشِ اظہارِ حق سے کب بہم ہو گا اِنہیں

اہلِفن کو جانے کیوں ہے سیم و زر کا انتظار

تشنہ لب خوشوں کی آنکھیں بوندیوں پر ہیں لگی

بحر کو بہرِ تموّج ہے قمر کا انتظار

اک سے اک بے جان سُورج اپنے پہلو میں لیے

ہر سحر سونپے ہمیں، اگلی سحر کا انتظار

کرب کے آنسو طرب کے آنسوؤں میں کب ڈھلیں

آنکھ کو ماجدؔ ہے کیوں پھر بھی گہر کا انتظار

ماجد صدیقی

رگوں سے شہر کی، فاسد لہو نکلنے دو

اگست 31, 2017ماجد صدیقی،اَکھیاں بیچ الاؤ،غزلنکلنے،ٹلنے،اچھلنے،بدلنے،جلنےadmin

ماجد صدیقی ۔ غزل نمبر 38

ریا کی زد پہ ہے کب سے اسے سنبھلنے دو

رگوں سے شہر کی، فاسد لہو نکلنے دو

جو اُن کے جسم پہ سج بھی سکے مہک بھی سکے

رُتوں کو ایسا لبادہ کوئی بدلنے دو

کسی بھی بام پہ اب لَو کسی دئیے کی نہیں

چراغِ چشم بچا ہے اسے تو جلنے دو

بچے گا خیر سے شہ رگ کٹے پہ بسمل کیا

ذرا سی ڈھیل اِسے دو، اِسے اُچھلنے دو

چلن حیات کا ماجدؔ بدل بھی لو اپنا

جو سر سے ٹلنے لگی ہے بلا وہ ٹلنے دو

ماجد صدیقی

کِیا ہے چاک ہواؤں نے بادباں کیا کیا

اگست 31, 2017ماجد صدیقی،اَکھیاں بیچ الاؤ،غزلکماں،گماں،آسماں،بادباں،زباںadmin

ماجد صدیقی ۔ غزل نمبر 39

رہِ سفر میں ہوئیں ہم پہ سختیاں کیا کیا

کِیا ہے چاک ہواؤں نے بادباں کیا کیا

نہ احتساب ہی بس میں، نہ احتجاج اُن کے

عوام اپنے یہاں کے ہیں بے زباں کیا کیا

فساد و فتنہ و شر کے ہم اہلِ مشرق کو

دِکھا رہا ہے نئے رنگ آسماں کیا کیا

وہ جسکے ہاتھ میں کرتب ہیں اُس کی چالوں سے

لٹیں گے اور بھی ہم ایسے خوش گماں کیا کیا

ہم ایسے اڑتے پرندوں کو کیا خبر ماجدؔ

دکھائے اور ہنر حرص کی کماں کیا کیا

ماجد صدیقی

ہم تم پائے تخت کے ہیں اور تخت نشیں کوئی اور

اگست 31, 2017ماجد صدیقی،اَکھیاں بیچ الاؤ،غزلنہیں،نگیں،نشیں،بریں،حزیں،حسیںadmin

ماجد صدیقی ۔ غزل نمبر 40

ذرّوں سے پہچان ہے ضو کی، ماہِ مبیں کوئی اور

ہم تم پائے تخت کے ہیں اور تخت نشیں کوئی اور

بال یہ پُوچھے منکرِ یزداں ہیں جو ہیں اور کثیر

اُنکے نصیبوں میں بھی ہے کیا فردوسِ بریں کوئی اور

آتی جاتی سانسوں کا بھی رکھ نہ سکیں جو حساب

دشمن ہیں تو ایک ہمِیں اپنے ہیں ،نہیں کوئی اور

چاند کو بس گھٹتا ہی دیکھیں اور رہیں رنجور

اِس دنیا میں شاید ہی ہو ہم سا حزیں کوئی اور

دل جس کو دینا تھا دیا اور اب ہے کہاں یہ تاب

دل کی لگن میں دیکھ لیا ہے جیسے حسیں کوئی اور

ہم ذی جوہر ہیں، یہ گماں ماجدؔ تھا گمانِ محض

اوج کی انگوٹھی میں سجا ہے دیکھ! نگیں کوئی اور

ماجد صدیقی

پسِ خیال عجب سنسنی سی شہر میں ہے

اگست 31, 2017ماجد صدیقی،اَکھیاں بیچ الاؤ،غزلناآگہی،کہی،کھلبلی،بیدلی،تازگی،سنسنیadmin

ماجد صدیقی ۔ غزل نمبر 41

دھڑکتی گونجتی اِک خامشی سی شہر میں ہے

پسِ خیال عجب سنسنی سی شہر میں ہے

لب و زباں پہ نہیں ہے، نظر نظر میں تو ہے

کوئی تو بات ہے جو اَن کہی سی شہر میں ہے

چھپا سکے نہ جسے کوئی بھی اَپَھل جوڑا

کچھ اِس طرح کی حزیں بیدلی سی شہر میں ہے

جھٹک رہے ہوں جسے آہوانِ رم خوردہ

وفورِ خوف میں وہ کھلبلی سی شہر میں ہے

ہُوا جو اُس کی خبر بھی ہے اور خبر بھی نہیں

چہار سُو یہی ناآگہی سی شہر میں ہے

دہک رہے ہیں گلابوں سے بام و در ماجد

جو آنچ میں ہو وہی تازگی سی شہر میں ہے

ماجد صدیقی

وہ بڑوں کو جو بڑا کچھ اور کر گیا

اگست 31, 2017ماجد صدیقی،اَکھیاں بیچ الاؤ،غزلنکھر،ور،کر،اتر،ادھر،باخبرadmin

ماجد صدیقی ۔ غزل نمبر 42

دوسروں کے واسطے جیا تھا مر گیا

وہ بڑوں کو جو بڑا کچھ اور کر گیا

جگنوؤں تلک کی روشنی لگے فریب

رہبروں سے ہُوں کچھ اِس طرح کا ڈر گیا

ناز تھا کہ ہم سفیرِ انقلاب ہیں

پر یہ زعم بھی نشہ سا تھا اُتر گیا

خانۂ خدا سے بُت جہاں جہاں گئے

بار بار میں نجانے کیوں اُدھر گیا

پاؤں کے تلے کی خاک نے نگل لیا

میں تو تھا کنارِ آب باخبر گیا

لعل تھا اٹا تھا گرد سے، پہ جب دھُلا

ماجدِ حزیں کچھ اور بھی نکھر گیا

ماجد صدیقی

چراغ بجھنے پہ آئے تو پھڑپھڑائے بہت

اگست 31, 2017ماجد صدیقی،اَکھیاں بیچ الاؤ،غزلکلبلائے،پھڑپھڑائے،تھرتھرائے،دبائے،سائےadmin

ماجد صدیقی ۔ غزل نمبر 43

دمِ زوال ، رعونت زباں پہ لائے بہت

چراغ بجھنے پہ آئے تو پھڑپھڑائے بہت

یہی تو ڈُوبتے سُورج کا اِک کرشمہ ہے

بڑھائے قامتِ کوتاہ تک کے، سائے بہت

قلم کے چاک سے پھوٹے وہ، مثل بیلوں کے

جو لفظ ہم نے زباں کے تلے دبائے بہت

ستم ستم ہے کوئی جان دار ہو اُس کو

نگل کے آب بھی اِک بار تھرتھرائے بہت

ہمارے گھر ہی اُترتی نہ کیوں سحر ماجد

تمام رات ہمِیں تھے جو کلبلائے بہت

ماجد صدیقی

آسماں کیوں ٹوٹ کر نیچے نہیں آنے لگا

اگست 31, 2017ماجد صدیقی،اَکھیاں بیچ الاؤ،غزللہرانے،آنے،بہلانے،دہلانے،سہلانےadmin

ماجد صدیقی ۔ غزل نمبر 44

دستِ شفقت کیوں بہ حقِ جور بن جانے لگا

آسماں کیوں ٹوٹ کر نیچے نہیں آنے لگا

کھیت جلنے پر بڑھا کر عمر، اپنے سود کی

کس طرح بنیا، کسانوں کو ہے بہلانے لگا

جانے کیا طغیانیاں کرنے لگیں گھیرے درست

گھونسلوں تک میں بھی جن کا خوف دہلانے لگا

خون کس نے خاک پر چھڑکا تھا جس کی یاد میں

اِک پھریرا سا فضاؤں میں ہے لہرانے لگا

مہد میں مٹی کے جھونکا برگِ گل کو ڈال کر

کس صفائی سے اُسے رہ رہ کے سہلانے لگا

ماجد صدیقی

ابکے یُوں بھی کھیتیاں سیراب ہونے لگ پڑیں

اگست 31, 2017ماجد صدیقی،اَکھیاں بیچ الاؤ،غزلآب،آداب،برقاب،سیراب،غرقابadmin

ماجد صدیقی ۔ غزل نمبر 45

خونِ مظلوماں سے ہیں شاداب ہونے لگ پڑیں

ابکے یُوں بھی کھیتیاں سیراب ہونے لگ پڑیں

غاصبانِ تخت کی خود ساختہ آفات سے

جانے کیا کیا ہستیاں، غرقاب ہونے لگ پڑیں

حق طلب ہیں جس قدر خاموش رکھنے کو اُنہیں

اجتماع گاہیں تلک برقاب ہونے لگ پڑیں

حرص زادوں کے تدّبر کی تہِ شیریں لئے

گالیاں بھی شاملِ آداب ہونے لگ پڑیں

جب سے ماجدؔ مکر کا غلبہ مناصب پر ہُوا

دیکھ کیا کیا حرمتیں بے آب ہونے لگ پڑیں

ماجد صدیقی

پر شہِ بے پیرہن کو میں نے عریاں کہہ دیا

اگست 31, 2017ماجد صدیقی،اَکھیاں بیچ الاؤ،غزلگلستاں،پریشاں،پشیماں،انساں،جاں،درخشاں،عریاںadmin

ماجد صدیقی ۔ غزل نمبر 46

خلق نے تو اس کو ایسے میں بھی ذی شاں کہہ دیا

پر شہِ بے پیرہن کو میں نے عریاں کہہ دیا

رزق نے جس کے مجھے پالا ہے جس کا رزق ہوں

کہہ دیا اس خاک کو میں نے رگِ جاں کہہ دیا

اِس تمنّا پر کہ ہاتھ آ جائے نخلستاں کوئی

خود غرض نے دیکھ صحرا کو گلستاں کہہ دیا

ہمزبانِ شاہ وہ بھی تھے جنہوں نے آز میں

رات تک کو، یار کی زلفِ پریشاں کہہ دیا

میں وہ خوش خُو جس نے دو ٹانگوں پہ چلتا دیکھ کر

شہر کے بن مانسوں تک کو بھی انساں کہہ دیا

کیا کہوں کیوں میں نے سادہ لوح چڑیوں کی طرح

وقفۂ شب کو بھی تھا صبحِ درخشاں کہہ دیا

اس کے ناطے، درگزر جو محض عُجلت میں ہوئی

گرگ کو بھی بھیڑ نے ماجدؔ پشیماں کہہ دیا

ماجد صدیقی

لوگ تماشا بننے سے کترانے لگے ہیں

اگست 31, 2017ماجد صدیقی،اَکھیاں بیچ الاؤ،غزلکترانے،ٹھکانے،افسانے،بلانے،سہلانےadmin

ماجد صدیقی ۔ غزل نمبر 47

حق طلبی سے اب کے دھیان ہٹانے لگے ہیں

لوگ تماشا بننے سے کترانے لگے ہیں

نرم ہوا کانٹوں سے الجھنا سیکھ رہی ہے

اور بگولے پھولوں کو سہلانے لگے ہیں

مہلتِ شر کو دیکھ کے جو ابلیس نے پائی

خیر کے جتنے قصّے ہیں افسانے لگے ہیں

صاحبِ قامت، اور بلندیِ فرق کی خاطر

سب کوتاہ قدوں کو پاس بلانے لگے ہیں

زردیِ رنگ پہ شور مچانے والے پتّے

ابر کے ہاتھوں ماجد خوب ٹھکانے لگے ہیں

ماجد صدیقی

کس زباں سے کسی سے کہیں وہ ہیں مسافر وہ کن دلدلوں کے

اگست 31, 2017ماجد صدیقی،اَکھیاں بیچ الاؤ،غزلپھلوں،آنگنوں،الجھنوں،بیساکھیوں،دلدلوں،رتجگوں،زلزلوںadmin

ماجد صدیقی ۔ غزل نمبر 48

حرص و نخوت کے اندھے نگر میں باپ ہیں جو جواں بیٹیوں کے

کس زباں سے کسی سے کہیں وہ ہیں مسافر وہ کن دلدلوں کے

شاخچوں کا جو اندوختہ تھا رس وہ چوسا ہے حبسِ زمیں نے

دھوپ ابکے چھتوں پر وہ اُتری پھول کملا گئے آنگنوں کے

خون میں خوف کی آہٹیں ہیں جسم در جسم کھولاہٹیں ہیں

ایک ہلچل سی اعصاب میں ہے ذہن مرکز ہیں یوں زلزلوں کے

شہرِ خفتہ کی گدلی فضا میں جانے کیا کیا دکھائی دیے ہیں

چشمِ بیدار میں چبھنے والے تُند کنکر نئے رتجگوں کے

زندگی دشتِ تاریک میں ہے جیسے بھٹکا ہوا شاہزادہ

جس کے ہر کُنج میں ایستادہ دیو ہیں نو بہ نو الجھنوں کے

وہ خودی ہو کہ خود انحصاری محض خوش فہمیاں ہیں کہ ہم نے

ہاتھ مصروف دیکھے ہیں جو بھی اُن میں پائے تھے بیساکھیوں کے

اِن مکینانِ فردوس پر بھی جیسے دوزخ کے در کھُل چلے ہوں

دِن بُرے آنے والے ہیں ماجد باغ میں سارے کچّے پھلوں کے

ماجد صدیقی

بَونے بانس لگا کر صاحبِ قامت ٹھہرے

اگست 31, 2017ماجد صدیقی،اَکھیاں بیچ الاؤ،غزلقیامت،قامت،کرامت،امامت،سلامت،شامتadmin

ماجد صدیقی ۔ غزل نمبر 49

چہرۂ سرو قداں پر داغِ ندامت ٹھہرے

بَونے بانس لگا کر صاحبِ قامت ٹھہرے

اُس کے لیے جو خود شامت ہے بستی بھر کی

جانے کونسی ساعت، ساعتِ شامت ٹھہرے

جس کے طلوع پہ خود سورج بھی شرمندہ ہے

اور وہ کون سا دن ہو گا جو قیامت ٹھہرے

اہلِ نشیمن کو آندھی سے طلب ہے بس اتنی

پیڑ اکھڑ جائے پر شاخ سلامت ٹھہرے

کون یزید کی بیعت سے منہ پھیر دکھائے

کون حسین ہو، دائم جس کی امامت ٹھہرے

خائف ہیں فرعون عصائے قلم سے تیرے

اور بھلا ماجد کیا تیری کرامت ٹھہرے

ماجد صدیقی

کہ دم بہ دم ہے بہاروں کا انتظار ہمیں

اگست 31, 2017ماجد صدیقی،اَکھیاں بیچ الاؤ،غزلگار،انکسار،انتظار،اعتبار،بار،تاجدار،شکارadmin

ماجد صدیقی ۔ غزل نمبر 50

چمن پہ ہے تو بس اِتنا سا اختیار ہمیں

کہ دم بہ دم ہے بہاروں کا انتظار ہمیں

مچلتی لُو کا فلک سے برستے ژالوں کا

نہ جانے کون سا موسم ہو ساز گار ہمیں

ہر اِک قدم پہ وہی تجربہ سکندر سا

کسی بھی خضر پہ کیا آئے اعتبار ہمیں

ذرا سا سر جو اٹھا بھی تو سیل آلے گا

یہی خبر ہے سُنائے جو، اِنکسار ہمیں

مہک تلک نہ ہماری کسی پہ کھُلنے دے

کِیا سیاستِ درباں نے یوں شکار ہمیں

جو نقش چھوڑ چلے ہم اُنہی کے ناطے سے

عزیز، جان سے جانیں گے تاجدار ہمیں

بپا جو ہو بھی تو ہو بعدِ زندگی ماجد

یہ حشر کیا ہے جلائے جو، بار بار ہمیں

ماجد صدیقی

لا دوا ہونے لگے آزار میرے شہر کے

اگست 31, 2017ماجد صدیقی،اَکھیاں بیچ الاؤ،غزلآزار،انوار،بیدار،بازار،تہوار،دار،دربارadmin

ماجد صدیقی ۔ غزل نمبر 51

جب سے اندر سے بِکے اخبار میرے شہر کے

لا دوا ہونے لگے آزار میرے شہر کے

اَنٹیوں کے مول بِکتے ہیں کئی یوسف یہاں

مصر کے بازار ہیں بازار، میرے شہر کے

لُوٹ کر شب زادگاں نے جگنوؤں کی پُونحیاں

چہرہ چہرہ مَل لئے انوار، میرے شہر کے

جانچیے تو لوگ باہم نفرتوں میں غرق ہیں

دیکھیے تو فرد ہیں تہوار، میرے شہر کے

کُو بہ کُو پسماندگی کا ہے تعفّن چار سو

اور بہت ذی شان ہیں دربار، میرے شہر کے

چوس لینے پر نمِ زر، جس کسی کے پاس ہے

کر چکے ایکا سبھی زر دار، میرے شہر کے

مکر کیا کیا لوریاں ماجد اُنہیں دینے لگا

لوگ جتنے بھی مِلے بیدار، میرے شہر کے

ماجد صدیقی

یہاں اہلِ نظر تو ہیں بہت، بیدار کم کم ہیں

اگست 31, 2017ماجد صدیقی،اَکھیاں بیچ الاؤ،غزلنادار،انوار،اوزار،بیدار،زارadmin

ماجد صدیقی ۔ غزل نمبر 52

جو آنکھیں دیکھتی ہوں دھُند کے اُس پار، کم کم ہیں

یہاں اہلِ نظر تو ہیں بہت، بیدار کم کم ہیں

بھسم کرنے کو آہن، کام میں لایا گیا کیا کیا

فلاحت اور زراعت کے مگر اوزار کم کم ہیں

سمجھ بیٹھے ہیں جب سے اصلِ حرصِ خوش خصالاں ہم

کسی بھی صورتِ حالات سے بے زار کم کم ہیں

شکم جب سے بھرا رہنے لگا ہے چھِینا جھپٹی سے

وہ کہتے ہیں یہی ، نگری میں اب نادار کم کم ہیں

فروغِ تیرگی بھی دم بہ دم ماجِد فراواں ہے

نگر میں جگنوؤں کے پاس بھی انوار کم کم ہیں

ماجد صدیقی

اور شور اٹھے جن گلیوں سے وہ گلیاں خون سے تر کر دو

اگست 31, 2017ماجد صدیقی،اَکھیاں بیچ الاؤ،غزلہنر،بدر،تر،سحر،شجر،ظفرadmin

ماجد صدیقی ۔ غزل نمبر 53

جو حق میں تمہارے بند رہیں وہ لب گنجینۂ زر کر دو

اور شور اٹھے جن گلیوں سے وہ گلیاں خون سے تر کر دو

جو سادہ منش ہیں ان سب کو تم دین کے نام پہ دھوکا دو

جو کھولے ڈھول کا پول اُسے اسلام آباد بدر کر دو

جو رات وطن پر چھائی ہے تم سب کے بھاگ جگانے کو

کچھ جگنو چھوڑ کے وعدوں کے اُس میں اعلانِ سحر کر دو

جو کھیت ترستے ہیں نم کو اُن کھیتوں کے اِک کونے کو

خِفّت کے عرق سے تر کر کے وقفِ تشہیرِ ہُنر کر دو

جو ہاتھ اُٹھیں وہ کٹ جائیں جو آنکھ اٹھے وہ پھوٹ بہے

ہر چلتی سانس کچلنے کو پیمانۂ فتح و ظفر کر دو

ہاں پیڑ پہ بیٹھی چڑیوں پر، کاہے کو کرو تم وار بھلا

ہاں ان کا شور دبانے کو شاہو! تو بیِخ شجر کر دو

ماجد صدیقی

اِنساں تھے ، سرِ کوہ کے اشجار نہیں تھے

اگست 31, 2017ماجد صدیقی،اَکھیاں بیچ الاؤ،غزلاشجار،بیدار،خبردار،طرفدارadmin

ماجد صدیقی ۔ غزل نمبر 54

ٹھہرے جو بھسم ، مِلکِ ستم گار نہیں تھے

اِنساں تھے ، سرِ کوہ کے اشجار نہیں تھے

اب کے بھی پرندے وُہی ، ژالوں میں سڑے ہیں

جو ابر کی خصلت سے خبردار نہیں تھے

الزام محافظ پہ بھی تھا کچھ تو ، نقب کا

افراد اگر شہر کے بیدار نہیں تھے

رکھتے تھے مہک پاس جو ماجد کے ہنر کی

جھونکے تھے ، کچھ اُس کے وہ طرفدار نہیں تھے

ماجد صدیقی

شجر پہ پات تھے جتنے ، وہ زرد ہونے لگے

اگست 31, 2017ماجد صدیقی،اَکھیاں بیچ الاؤ،غزلہونے،چبھونے،ڈبونے،پرونے،بونے،رونے،سونےadmin

ماجد صدیقی ۔ غزل نمبر 55

تھے جتنے ذائقے وہ اپنا لطف کھونے لگے

شجر پہ پات تھے جتنے ، وہ زرد ہونے لگے

وہی جو کھینچ کے لائے تھے کشتیوں سے ہمیں

بھنور کے بیچ وہ ناؤ ہیں اب ڈبونے لگے

کٹے ہیں جن کے بھی رشتے، کہ تھے جو جزوِ بدن

سکوں کی نیند بھلا، وہ کہاں ہیں سونے لگے

ہیں جتنے دل بھی غرض کی تپش سے بنجر ہیں

یہ ہم کہاں ہیں محبت کے بیج بونے لگے

یہ واقعہ ہے کہ وہ حبسِ دم سے ہو آزاد

بحالِ کرب کوئی، جب بھی کھُل کے رونے لگے

ملے جو شاہ بھی ، تقلیلِ رزقِ خلق سے وُہ

رگوں میں جبر کے نشتر نئے چبھونے لگے

ترے یہ حرف کہ جگنو ہیں ، ا شک ہیں ماجد

ہیں سانس سانس میں، کیا کیا گہر پرونے لگے

ماجد صدیقی

زوالِ عمر کے دن، ٹُوٹتے خمار کے دن

اگست 31, 2017ماجد صدیقی،اَکھیاں بیچ الاؤ،غزلنکھار،انتظار،اختیار،بہار،خمار،شمار،غبارadmin

ماجد صدیقی ۔ غزل نمبر 56

پڑے ہیں دیکھنے کیا کربِ آشکار کے دن

زوالِ عمر کے دن، ٹُوٹتے خمار کے دن

بنامِ کم نظراں، لطفِ لمحۂ گزراں

ہمارے نام نئی رُت کے انتظار کے دن

بدن سے گردِ شرافت نہ جھاڑ دیں ہم بھی

لپک کے چھین نہ لیں ہم بھی کچھ نکھار کے دن

طویل ہوں بھی تو آخر کو مختصر ٹھہریں

چمن پہ رنگ پہ، خوشبو پہ اختیار کے دن

نئے دنوں میں وہ پہلا سا رس نہیں شاید

کہ یاد آنے لگے ہیں گئی بہار کے دن

فلک کی اوس سے ہوں گے نم آشنا کیسے

زمین پر جو دھوئیں کے ہیں اور غبار کے دن

یہ وقت بٹنے لگا ناپ تول میں کیونکر

یہ کس طرح کے ہیں ماجدؔ گِنَت شُمار کے دن

ماجد صدیقی

دھجی دھجی برگ و شجر ہیں، حال بُرا ہے نہالوں کا

اگست 31, 2017ماجد صدیقی،اَکھیاں بیچ الاؤ،غزلنہالوں،ڈھالوں،کھالوں،سالوں،غزالوںadmin

ماجد صدیقی ۔ غزل نمبر 57

اب کی بہار بھی چلتے دیکھا زور چمن پہ وہ ژالوں کا

دھجی دھجی برگ و شجر ہیں، حال بُرا ہے نہالوں کا

جبر کے ہاتھوں جسم تلک وہ سادہ منش کٹوا بیٹھے

تیغ زنی سے بھی کچھ بڑھ کر زعم جنہیں تھا ڈھالوں کا

دشت و دمن میں ایسا تو دہلاتی چپ کا راج نہ تھا

لفظ و معانی تک پہ گماں ہے ٹھٹھکے ہوئے غزالوں کا

اِتنے چلے پر بھی نہیں پہنچے جس کی خنک فضاؤں میں

اُس بگیا تک اور سفر ہے جانے کتنے سالوں کا

ماجد اب دُرّوں کی جگہ وہ ہاتھ میں پرچم رکھتے ہیں

دھندا راس جنہیں آیا جسموں سے اتری کھالوں کا

ماجد صدیقی

احساس کے تلوے میں چھپا خار کہاں ہے

اگست 31, 2017ماجد صدیقی،اَکھیاں بیچ الاؤ،غزلچار،یار،پندار،اسرار،خارadmin

ماجد صدیقی ۔ غزل نمبر 58

آنکھوں کو نہیں سُوجھتا، آزار کہاں ہے

احساس کے تلوے میں چھپا خار کہاں ہے

جو جھاگ سا اُٹھا تھا کبھی اپنے سروں سے

اب دیکھیے وہ طرۂ پندار کہاں ہے

ہلچل سی مچا دیتا تھا جو کاسۂ خوں میں

جو دشمنِ جاں تھا وہ مرا یار کہاں ہے

شعلہ تو کہاں کا کہ دھُواں تک نہیں دیکھا

موجود پسِ لب ہے جو وہ نار کہاں ہے

تہہ دار ہے، اُلجھاؤ نہیں اُس کے سخن میں

ماجد کا لکھا ایسا پُر اسرار کہاں ہے

ماجد صدیقی

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں:

Rate this:

اسے شیئر کریں: