ٹیگ کے محفوظات: یاری

کہ کارِبےکار و بےقراری میں لگ گیا ہوں

جون 30, 2018افتخار فلک،اذیت،غزلیاری،اشکباری،بےقراری،خاکساری،شرمساریadmin

حضور! شہرت کی آب کاری میں لگ گیا ہوں

کہ کارِبےکار و بےقراری میں لگ گیا ہوں

میں نفسیاتی ضیافتوں کا شکار ہو کر

ترے تقرب کی آب یاری میں لگ گیا ہوں

یہ دنیاداری مجھے گوارا نہیں پرندو

مرے مریدو! میں خاکساری میں لگ گیا ہوں

زمیں کی ساری غلیظ رسموں سے ہاتھ کرکے

زہے فراغت کہ شرمساری میں لگ گیا ہوں

غریب ہوتی ہوئی محبت مجھے منا لے

برائے حجت میں اشکباری میں لگ گیا ہوں

افتخار فلک

دل فریبی کی لگاوٹ، یہ تمہاری ہے عبث

اکتوبر 25, 2015مصطفٰی خان شیفتہ،اساتذہ،غزلقراری،یاری،امیدواری،باری،تمہاری،شعاریadmin

مصطفٰی خان شیفتہ ۔ غزل نمبر 42

اُس وفا کی مجھ سے پھر امیدواری ہے عبث

دل فریبی کی لگاوٹ، یہ تمہاری ہے عبث

دشمنی کو جو کہ احساں جانتا ہو ناز سے

اس ستم ایجاد سے امیدِ یاری ہے عبث

غمزہ ہائے دوست بعد از مرگ بھی نظروں میں ہیں

وہمِ راحت سے عدو کو بے قراری ہے عبث

سرو میں کب پھل لگا، تاثیر کیا ہو آہ میں

چشمِ تر کی صورتِ ابر اشک باری ہے عبث

ہم نے غافل پا کے تجھ کو اور کو دل دے دیا

اے ستم گر اب تری غفلت شعاری ہے عبث

ہجر میں چرخ و اجل نے گر نہ کی یاری تو کیا

دشمنوں سے شیفتہ امیدواری ہے عبث

مصطفٰی خان شیفتہ

کیا ہوئی ظالم تری غفلت شعاری ہائے ہائے

اکتوبر 8, 2015مرزا اسد اللہ خان غالب،اساتذہ،غزلیاری،کاری،گساری،پائداری،امّیدواری،خواری،داری،سازگاری،شماری،شعاریadmin

دیوانِ غالب ۔ غزل نمبر 207

درد سے میرے ہے تجھ کو بے قراری ہائے ہائے

کیا ہوئی ظالم تری غفلت شعاری ہائے ہائے

تیرے دل میں گر نہ تھا آشوبِ غم کا حوصلہ

تو نے پھر کیوں کی تھی میری غم گساری ہائے ہائے

کیوں مری غم خوارگی کا تجھ کو آیا تھا خیال

دشمنی اپنی تھی میری دوست داری ہائے ہائے

عمر بھر کا تو نے پیمانِ وفا باندھا تو کیا

عمر کو بھی تو نہیں ہے پائداری ہائے ہائے

زہر لگتی ہے مجھے آب و ہوائے زندگی

یعنی تجھ سے تھی اسے نا سازگاری ہائے ہائے

گل فشانی ہائے نازِ جلوہ کو کیا ہو گیا

خاک پر ہوتی ہے تیری لالہ کاری ہائے ہائے

شرمِ رسوائی سے جا چھپنا نقابِ خاک میں

ختم ہے الفت کی تجھ پر پردہ داری ہائے ہائے

خاک میں ناموسِ پیمانِ محبّت مل گئی

اٹھ گئی دنیا سے راہ و رسمِ یاری ہائے ہائے

ہاتھ ہی تیغ آزما کا کام سے جاتا رہا

دل پہ اک لگنے نہ پایا زخمِ کاری ہائے ہائے

کس طرح کاٹے کوئی شبہائے تارِ برشکال

ہے نظر خو کردۂ اختر شماری ہائے ہائے

گوش مہجورِ پیام و چشم محرومِ جمال

ایک دل تِس پر یہ نا امّیدواری ہائے ہائے

عشق نے پکڑا نہ تھا غالب ابھی وحشت کا رنگ

رہ گیا تھا دل میں جو کچھ ذوقِ خواری ہائے ہائے

مرزا اسد اللہ خان غالب

دزد غمزوں کی ویسی عیاری

اکتوبر 7, 2015میر تقی میر،اساتذہ،غزلوفاداری،یاری،اندھیاری،بیماری،بیزاری،باری،تیاری،جاری،عیاریadmin

دیوان ششم غزل 1902

وے سیہ موئی و گرفتاری

دزد غمزوں کی ویسی عیاری

اب کے دل ان سے بچ گیا تو کیا

چور جاتے رہے کہ اندھیاری

اچھا ہونا نہیں مریض عشق

ساتھ جی کے ہے دل کی بیماری

کیوں نہ ابر بہار پر ہو رنگ

برسوں دیکھی ہے میری خوں باری

شور و فریاد و زاری شب سے

شہریوں کو ہے مجھ سے بیزاری

چلے جاتے ہیں رات دن آنسو

دیدئہ تر کی خیر ہے جاری

مر رہیں اس میں یا رہیں جیتے

شیوہ اپنا تو ہے وفاداری

کیونکے راہ فنا میں بیٹھیے گا

جرم بے حد سے ہے گراں باری

واں سے خشم و خطاب و ناز و عتاب

یاں سے اخلاص و دوستی یاری

میر چلنے سے کیوں ہو غافل تم

سب کے ہاں ہو رہی ہے تیاری

میر تقی میر

جی چکا وہ کہ یہ بے طرح کی بیماری ہے

اکتوبر 6, 2015میر تقی میر،اساتذہ،غزلہشیاری،یاری،گنہگاری،گرفتاری،پیاری،بیماری،بیزاری،تیاری،جگرداری،خواری،ساریadmin

دیوان پنجم غزل 1765

جو کوئی خستہ جگر عشق کا آزاری ہے

جی چکا وہ کہ یہ بے طرح کی بیماری ہے

کارواں گاہ جہاں میں نہیں رہتا کوئی

جس کے ہاں دیکھتے ہیں چلنے کی تیاری ہے

چیز و ناچیز کا آگاہ کو رہتا ہے لحاظ

سارے عالم میں حقیقت تو وہی ساری ہے

آئینہ روبرو رکھنے کو بھی اب جاے نہیں

صورتوں سے اسے ہم لوگوں کی بیزاری ہے

مر گئے عشق میں نازک بدنوں کے آخر

جان کا دینا محبت کی گنہگاری ہے

پلکیں وے اس کی پھری جی میں کھبی جاتی ہیں

آنکھ وہ دیکھے کوئی شوخی میں کیا پیاری ہے

بے قراری میں نہ دلبر سے اٹھا ہرگز ہاتھ

عشق کرنے کے تئیں شرط جگرداری ہے

وائے وہ طائر بے بال ہوس ناک جسے

شوق گل گشت گلستاں میں گرفتاری ہے

جرم بے جرم کھنچی رہتی ہے جس کی شمشیر

اس ستم گار جفاجو سے ہمیں یاری ہے

آنکھ مستی میں کسو پر نہیں پڑتی اس کی

یہ بھی اس سادہ و پرکار کی ہشیاری ہے

واں سے جز ناز و تبختر نہیں کچھ یاں سے میر

عجز ہے دوستی ہے عشق ہے غم خواری ہے

میر تقی میر

ہزار سابقوں سے سابق ایک یاری ہے

اکتوبر 6, 2015میر تقی میر،اساتذہ،غزلیاری،پیاری،اضطراری،باری،تمھاری،ساری،شرمساریadmin

دیوان چہارم غزل 1508

ہماری تیری مودت ہے دوست داری ہے

ہزار سابقوں سے سابق ایک یاری ہے

گئی وہ نوبت مجنوں کہ نام باجے تھا

ہمارا شور جنوں اب ہے اپنی باری ہے

کریں تو جاکے گدایانہ اس طرف آواز

اگر صدا کوئی پہچانے شرمساری ہے

مسافران رہ عشق ہیں شکیب سے چپ

وگرنہ حال ہمارا تو اضطراری ہے

خرابی حال کی دل خواہ جو تمھارے تھی

سو خطرے میں نہیں خاطر ہمیں تمھاری ہے

ہمیں ہی عشق میں جینے کا کچھ خیال نہیں

وگرنہ سب کے تئیں جان اپنی پیاری ہے

نگاہ غور سے کر میر سارے عالم میں

کہ ہووے عین حقیقت وہی تو ساری ہے

میر تقی میر

لے زمیں سے تا فلک فریاد و زاری کیجیے

اکتوبر 6, 2015میر تقی میر،اساتذہ،غزلہماری،یاری،گذاری،بردباری،تیمارداری،جاری،دستکاری،زاری،ساریadmin

دیوان سوم غزل 1281

شب اگر دل خواہ اپنے بے قراری کیجیے

لے زمیں سے تا فلک فریاد و زاری کیجیے

ایک دن ہو تو کریں احوال گیری دل کی آہ

مر گئے ہم کب تلک تیمارداری کیجیے

نوچیے ناخن سے منھ یا چاک کریے سب جگر

جی میں ہے آگے ترے کچھ دستکاری کیجیے

جایئے اس شہر ہی سے اب گریباں پھاڑ کر

کیجیے کیا غم سے یوں ماتم گذاری کیجیے

یوں بنے کب تک کہ بے لعل لب اس کے ہر گھڑی

چشمہ چشمہ خون دل آنکھوں سے جاری کیجیے

کنج لب اس شوخ کا بھی ریجھنے کی جاے ہے

صرف کیجے عمر تو اس جاے ساری کیجیے

کوہ غم سر پر اٹھا لیجے نہ کہیے منھ سے کچھ

عشق میں جوں کوہکن کچھ بردباری کیجیے

گرچہ جی کب چاہتا ہے آپ کا آنے کو یاں

پر کبھو تو آئیے خاطر ہماری کیجیے

آشنا ہو اس سے ہم مر مر گئے آئندہ میر

جیتے رہیے تو کسو سے اب نہ یاری کیجیے

میر تقی میر

مانگ جن کی ہے میں اُن چیزوں کا بیوپاری نہیں

نومبر 18, 2013آفتاب اقبال شمیمہاری،یاری،کاری،بیوپاری،داری،دشواریadmin

آفتاب اقبال شمیم ۔ غزل نمبر 104

نام کی خواہش مرے وجدان پر بھاری نہیں

مانگ جن کی ہے میں اُن چیزوں کا بیوپاری نہیں

سوچتا ہوں کس سے لکھواؤں سند پہچان کی

شہر کے شہرت نویسوں سے میری یاری نہیں

دے خداوندا مجھے بعدِ بصیرت کا سراغ

آنکھ کا یہ زخم گہرا ہے مگر کاری نہیں

شعرِ مشکل کی سماعت نا پسند آئے انہیں

اور آساں ہو تو کہتے ہیں کہ تہ داری نہیں

مشکلیں سہنے کا جینے میں سلیقہ آ گیا

اب تو مر جانے میں مجھ کو کوئی دشواری نہیں

خیر ہو اے یار! تیری دلبری کی خیر ہو

عاشقوں نے ہار کر بازی ابھی ہاری نہیں

آفتاب اقبال شمیم

اُس پہ وُہ رات بہت بھاری تھی

نومبر 16, 2013آفتاب اقبال شمیمہاری،یاری،کاری،بھاری،داری،دشواری،سرشاریadmin

آفتاب اقبال شمیم ۔ غزل نمبر 51

شہر کے شہر میں بیداری تھی

اُس پہ وُہ رات بہت بھاری تھی

دستِ قاتل کو ملے دادِ کمال

ضرب ہلکی تھی مگر کاری تھی

میں جو سمجھا وُہ نہیں تھا شاید

لفظ میں حکمتِ تہ داری تھی

میں پگھلتا ہی، پگھلتا ہی گیا

عشق کی اوّلین سرشاری تھی

نصف افلاک سے میں لوٹ آیا

اپنی مٹی سے مری یاری تھی

یاس کیسی کہ یہ بازی ہم نے

کبھی جیتی تھی کبھی ہاری تھی

مر گئے ہوتے اگر مر سکتے

ایک اقرار کی دشواری تھی

آفتاب اقبال شمیم

دریا سے پوچھو، رات یہ ہم نے کیسے گزاری دریا کنارے

جنوری 12, 2012عرفان صدیقی،غزلیاری،کیاری،گزاری،اتاری،سواریadmin

عرفان صدیقی ۔ غزل نمبر 265

کشتی تو اپنی خود ہی جلا دی، بستی ہماری دریا کنارے

دریا سے پوچھو، رات یہ ہم نے کیسے گزاری دریا کنارے

برفیلی رُت نے جب بھی تمہاری مٹّی کا دانہ پانی چرایا

دیکھو پرندو‘ رب نے تمہاری روزی اتاری دریا کنارے

تم بھی مسافر کتنے دلاور‘ ہم بھی مسافر کیسے شناور

آندھی کے پیچھے جنگل سے ناتا‘ دریا سے یاری دریا کنارے

ریتی کے پیلے دامن پہ ہم بھی رنگِ حنا سے بکھرے پڑے ہیں

موجِ بہاراں‘ آئے گی کب تک تیری سواری دریا کنارے

تمثیل سمجھو یا استعارہ اتنا سا لوگو، قصہ ہمارا

آنکھوں میں اپنی پھولوں سے چہرے، چہروں کی کیاری دریا کنارے

عرفان صدیقی

اب تعلق میں بردباری چھوڑ

دسمبر 1, 2007منصور آفاق،شعراء،غزلقراری،ماری،نگاری،یاری،کاری،گزاری،گساری،بردباری،حواری،خواری،داری،سواری،شہریاریadmin

منصور آفاق ۔ غزل نمبر 256

وحشتیں اوڑھ، انتظاری چھوڑ

اب تعلق میں بردباری چھوڑ

دیکھنا چاند کیا سلاخوں سے

کج نظر سارتر سے یاری چھوڑ

دستِ ابلیس سے ثواب نہ پی

یہ تہجد کی بادہ خواری چھوڑ

زندہ قبروں پہ پھول رکھنے آ

مرنے والوں کی غم گساری چھوڑ

مردہ کتے کا دیکھ لے انجام

مشورہ مان، شہریاری چھوڑ

کچھ تو اعمال میں مشقت رکھ

یہ کرم کی حرام کاری چھوڑ

صبح کی طرح چل! برہنہ ہو

یہ اندھیرے کی پردہ داری چھوڑ

توڑ دے ہجر کے کواڑوں کو

اب دریچوں سے چاند ماری چھوڑ

بھونک اب جتنا بھونک سکتا ہے

ظلم سے التجا گزاری چھوڑ

آج اس سے تُو معذرت کر لے

یہ روایت کی پاس داری چھوڑ

رکھ بدن میں سکوت مٹی کا

یہ سمندر سی بے قراری چھوڑ

چھوڑ آسانیاں مصائب میں

دشت میں اونٹ کی سواری چھوڑ

یہ سفیدی پھری ہوئی قبریں

چھوڑ عیسیٰ کے یہ حواری چھوڑ

شہرِ غالب سے بھاگ جا منصور

میر جیسی غزل نگاری چھوڑ

منصور آفاق

مُکھڑے مکھڑے اکو جیہی بے زاری اے

جون 1, 1963وِتّھاں ناپدے ہتھ،غزلہکساہری،لاری،نتاری،یاری،کھاری،اتاری،اسواری،اساری،دھاری،زاریadmin

ماجد صدیقی (پنجابی کلام) ۔ غزل نمبر 109

ویلے نے کُجھ ایداں دی مت ماری اے

مُکھڑے مکھڑے اکو جیہی بے زاری اے

رُکھ اپنی چھاں دُوجے رُکھ نوں دیندا نئیں

انت نوں سبھناں ایہو گل نتاری اے

گلی گلی وچ ہوکا دیوے اُسّے دا

جس جس دے سر اُتے جیہڑی کھاری اے

پَتّر نَم نوں رُکھ چھانواں نوں سِکدے نیں

دَین رُتاں دی ہرتھانویں ہکساہری اے

کون کسے دا، جنہوں ویکھو، اُنّھے اُئی

اپنے آل دوالے کندھ اُساری اے

کدے نہ پھیرا پاوے اجڑیاں تھانواں ول

کَنیاں دی رُت وی شاہ دی اسواری اے

نویں وکھالی دیون دے لئی چڑیاں نوں

سپ نے اپنی پہلی کُنج اُتاری اے

اوڑک اوہنوں پنجرہ کھِچ ائی لیاندا اے

دَھون دوالے جس پکھنو دے دھاری اے

حرص دی ایس بھاجڑ وچ کِنّھے بچنا ایں

سڑکاں اُتّے لاری پچھے لاری اے

سُولی تیک وی ایہو حرف پُجاندے نیں

ماجدُ جنہاں دے سنگ تیری یاری اے

ماجد صدیقی (پنجابی کلام)

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: یاری

کہ کارِبےکار و بےقراری میں لگ گیا ہوں

دل فریبی کی لگاوٹ، یہ تمہاری ہے عبث

کیا ہوئی ظالم تری غفلت شعاری ہائے ہائے

دزد غمزوں کی ویسی عیاری

جی چکا وہ کہ یہ بے طرح کی بیماری ہے

ہزار سابقوں سے سابق ایک یاری ہے

لے زمیں سے تا فلک فریاد و زاری کیجیے

مانگ جن کی ہے میں اُن چیزوں کا بیوپاری نہیں

اُس پہ وُہ رات بہت بھاری تھی

دریا سے پوچھو، رات یہ ہم نے کیسے گزاری دریا کنارے

اب تعلق میں بردباری چھوڑ

مُکھڑے مکھڑے اکو جیہی بے زاری اے

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: