ٹیگ کے محفوظات: ہم تارے، چاند ستارے ہیں

ہم تارے، چاند ستارے ہیں

ہم تارے ہیں

ہم تارے، راج دلارے ہیں

ہم تارے، چاند ستارے ہیں

خوش خصلت ہیں، خوش طینت ہیں

ہم اس پرچم کی زینت ہیں

ہم جگ مگ کرتے تارے ہیں

ہم تارے، چاند ستارے ہیں

ان پیلے سبز دیاروں میں

اس دنیا کے اندھیاروں میں

ہم روشنیوں کے سہارے ہیں

ہم تارے، چاند ستارے ہیں

ہم پھول اور باس اور ہریالی

ہم علم اور امن اور خوش حالی

ہم پاک وطن کے دلارے ہیں

ہم تارے، چاند ستارے ہیں

اس جیتے دیس میں جینا ہے

خوشیوں کا امرت پینا ہے

یہ باغ، یہ پھول ہمارے ہیں

ہم تارے، چاند ستارے ہیں

مجید امجد