منصور آفاق ۔ غزل نمبر 368

یاد کے گلی میں دو اجنبی مسافر ہیں

میرے ساتھ خوشبو اور روشنی مسافر ہیں

گھر میں کمپیوٹر کی صرف ایک کھڑکی ہے

ورنہ قیدیوں کے دل ہر گھڑی مسافر ہیں

چند ٹن بیئر کے ہیں چند چپس کے پیکٹ

رات کی سڑک ہے اور ہم یونہی مسافر ہیں

کون ریل کو سگنل لالٹین سے دے گا

گاؤں کے سٹیشن پر اک ہمی مسافر ہیں

نیند کے جزیرے پر، آنکھ کی عمارت میں

اجنبی سے لگتے ہیں ، یہ کوئی مسافر ہیں

شب پناہ گیروں کے ساتھ ساتھ رہتی ہے

روشنی کی بستی میں ہم ابھی مسافر ہیں

اور اک سمندر سا پھر عبور کرنا ہے

خار و خس کی کشتی ہے کاغذی مسافر ہیں

چند اور رہتے ہیں دھوپ کے قدم منصور

شام کی گلی کے ہم آخری مسافر ہیں

منصور آفاق