ٹیگ کے محفوظات: گھائل

مفت میں مشہور میں لوگوں میں عامل ہو گیا

اکتوبر 25, 2015مصطفٰی خان شیفتہ،اساتذہ،غزلقاتل،مقابل،محفل،کامل،گھائل،بابل،باطل،داخل،سِل،ساحل،شمائل،عاقل،عامل،عادلadmin

مصطفٰی خان شیفتہ ۔ غزل نمبر 36

وہ پری وش عشق کے افسوں سے مائل ہو گیا

مفت میں مشہور میں لوگوں میں عامل ہو گیا

میں نہیں فرہاد، وہ خسرو نہیں، پھر کیا سبب؟

غیر کا مائل جو وہ شیریں شمائل ہو گیا

اشک باری ہم کناری کی ہوس میں رات تھی

قلزمِ گریہ کو اس کا دھیان ساحل ہو گیا

زخم میرے خنجرِ خوں ریز تھے اغیار کو

بے وفائی سے خجل کس وقت قاتل ہو گیا

اہلِ وحشت کو مری شورش سے لازم ہے خطر

میں وہ مجنوں ہوں کہ مجنوں کے مقابل ہو گیا

رشکِ خسرو بے تصرف، نازِ شیریں بے اثر

سینۂ فرہاد مثلِ بے ستوں، سِل ہو گیا

ہے خراشِ ناخنِ غم میں بھی کیا بالیدگی

جو ہلالِ غرہ تھا، سو ماہِ کامل ہو گیا

عید کے دن ذبح کرنا اور بھی اچھا ہوا

حلقۂ اسلام میں وہ شوخ داخل ہو گیا

اس کے اٹھتے ہی یہ ہلچل پڑ گئی بس بزم میں

طورِ روزِ حشر سب کو طورِ محفل ہو گیا

ہوش تو دیکھو کہ سن کر میری وحشت کی خبر

چھوڑ کر دیوانہ پن کو قیس عاقل ہو گیا

ہاتھ اٹھایا اس نے قتلِ بے گنہ سے میرے بعد

طالع اغیار سے جلاد عادل ہو گیا

حسن کے اعجاز نے تیرے مٹایا کفر کو

تیرے آگے نقشِ مانی، نقشِ باطل ہو گیا

میرے مرتے دم جو رویا وہ بڑی تسخیر تھی

آبِ چشمِ یار آبِ چاہِ بابل ہو گیا

ہے عدم میں بھی تلاشِ سرمہ و مشک و نمک

شیفتہ تیغِ نگہ سے کس کی گھائل ہو گیا

مصطفٰی خان شیفتہ

میری خوں ریزی ہی کا مائل ہے

اکتوبر 6, 2015میر تقی میر،اساتذہ،غزلہائل،مائل،کامل،گھائل،اوائل،باطل،جاہل،حاصل،سائل،ساحل،شمائلadmin

دیوان پنجم غزل 1772

سخت بے رحم آہ قاتل ہے

میری خوں ریزی ہی کا مائل ہے

دور مجنوں کا ہو گیا آخر

یاں جنوں کا ابھی اوائل ہے

نکلے اس راہ کس طرح وہ ماہ

نہ تو طالع نہ جذب کامل ہے

مثل صورت ہیں جلوہ کے حیراں

ہائے کیا شکل کیا شمائل ہے

ہاتھ رکھ لیوے تو کہے کہ بس اب

کیا جیے گا بہت یہ گھائل ہے

حق میں اس بت کے بد کہیں کیونکر

وہ ہمارا خداے باطل ہے

سچ ہے راحت تو بعد مرنے کے

پر بڑا واقعہ یہ ہائل ہے

تیغ اگر درمیاں رہے تو رہے

یار میرا جوان جاہل ہے

رو نہیں چشم تر سے اب رکھیے

سیل اسی در کا کب سے سائل ہے

حال ہم ڈوبتوں کا کیا جانے

جس کو دریا پہ سیر ساحل ہے

میر کب تک بحال مرگ جئیں

کچھ بھی اس زندگی کا حاصل ہے

میر تقی میر

ناقصوں میں رہیے کیا رہیے تو صاحب دل کے پاس

اکتوبر 6, 2015میر تقی میر،اساتذہ،غزلقاتل،محمل،گھائل،تل،دل،ساحلadmin

دیوان پنجم غزل 1630

کوئی دن کریے معیشت جاکسو کامل کے پاس

ناقصوں میں رہیے کیا رہیے تو صاحب دل کے پاس

بوے خوں بھک بھک دماغوں میں چلی آتی ہے کچھ

نکلی ہے ہوکر صبا شاید کسو گھائل کے پاس

شور و ہنگامہ بہت دعویٰ ضروری ہے بہت

کاشکے مجھ کو بلاویں حشر میں قاتل کے پاس

گرد سے ہے ناقۂ سلمیٰ کو مشکل رہروی

خاک کس کی ہے کہ مشتاق آتی ہے محمل کے پاس

تل سے تیرے منھ کے دل تھا داغ اے برناے چرب

خال یہ اک اور نکلا ظالم اگلے تل کے پاس

دل گداز عشق سے سب آب ہوکر بہ گیا

مرگئے پر گور میری کریے تو بے دل کے پاس

ملیے کیونکر نہ کف افسوس جی جاتا ہے میر

ڈوبتی ہے کشتی ورطے سے نکل ساحل کے پاس

میر تقی میر

ایسے ناداں دلربا کے ملنے کا حاصل ہے کیا

اکتوبر 6, 2015میر تقی میر،اساتذہ،غزلمقبل،منزل،مائل،محمل،مشکل،گھائل،باطل،بسمل،حاصل،شاملadmin

دیوان سوم غزل 1059

دل اگر کہتا ہوں تو کہتا ہے وہ یہ دل ہے کیا

ایسے ناداں دلربا کے ملنے کا حاصل ہے کیا

جاننا باطل کسو کو یہ قصور فہم ہے

حق اگر سمجھے تو سب کچھ حق ہے یاں باطل ہے کیا

یاں کوئی دن رات وقفہ کرکے قصد آگے کا کر

کارواں گاہ جہان رفتنی منزل ہے کیا

تک رہے ہیں اس کو سو ہم تک رہے ہیں ایک سے

دیدئہ حیراں ہمارا دیدئہ بسمل ہے کیا

وہ حقیقت ایک ہی ساری نہیں ہے سب میں تو

آب سا ہر رنگ میں یہ اور کچھ شامل ہے کیا

چوٹ میرے دل میں ایسی ہے کہ ہوں میں دم بخود

وہ کشندہ یوں ہی کہتا ہے کہ تو گھائل ہے کیا

کہتے ہیں ظاہر ہے اک ہی لیلی ہفت اقلیم میں

اس عبارت کا نہیں معلوم کچھ محمل ہے کیا

ہم تو سو سو بار مر رہتے ہیں ایک ایک آن میں

عشق میں اس کے گذرنا جان سے مشکل ہے کیا

شاخ پر گل یا نہال اودھر جھکے جاتے ہیں سب

قامت دلکش کا اس کی سرو ہی مائل ہے کیا

مرثیہ میرے بھی دل کا رقت آور ہے بلا

محتشمؔ کو میر میں کیا جانوں اور مقبلؔ ہے کیا

میر تقی میر

یہ دوانہ بائولا عاقل ہے میاں

اکتوبر 6, 2015میر تقی میر،اساتذہ،غزلقائل،قابل،قاتل،منزل،مشکل،کامل،گل،گھائل،باطل،بسمل،جاہل،حامل،حائل،حاصل،دل،سل،سائل،ساحل،شامل،عاقل،غافلadmin

دیوان دوم غزل 904

کیا عبث مجنوں پئے محمل ہے میاں

یہ دوانہ بائولا عاقل ہے میاں

قند کا کون اس قدر مائل ہے میاں

جو ہے ان ہونٹوں ہی کا قائل ہے میاں

ہم نے یہ مانا کہ واعظ ہے ملک

آدمی ہونا بہت مشکل ہے میاں

چشم تر کی خیر جاری ہے سدا

سیل اس دروازے کا سائل ہے میاں

مرنے کے پیچھے تو راحت سچ ہے لیک

بیچ میں یہ واقعہ حائل ہے میاں

دل کی پامالی ستم ہے قہر ہے

کوئی یوں دلتا ہے آخر دل ہے میاں

آج کیا فرداے محشر کا ہراس

صبح دیکھیں کیا ہو شب حامل ہے میاں

دل تڑپتا ہی نہیں کیا جانیے

کس شکار انداز کا بسمل ہے میاں

چاہیے پیش از نماز آنکھیں کھلیں

حیف اس کا وقت جو غافل ہے میاں

رنگ بے رنگی جدا تو ہے ولے

آب سا ہر رنگ میں شامل ہے میاں

سامنے سے ٹک ٹلے تو دق نہ ہو

آسماں چھاتی پر اپنی سل ہے میاں

دل لگی اتنی جہاں میں کس لیے

رہگذر ہے یہ تو کیا منزل ہے میاں

بے تہی دریاے ہستی کی نہ پوچھ

یاں سے واں تک سو جگہ ساحل ہے میاں

چشم حق بیں سے کرو ٹک تم نظر

دیکھتے جو کچھ ہو سب باطل ہے میاں

دردمندی ہی تو ہے جو کچھ کہ ہے

حق میں عاشق کے دوا قاتل ہے میاں

برسوں ہم روتے پھرے ہیں ابر سے

زانو زانو اس گلی میں گل ہے میاں

کہنہ سالی میں ہے جیسے خورد سال

کیا فلک پیری میں بھی جاہل ہے میاں

کیا دل مجروح و محزوں کا گلہ

ایک غمگیں دوسرے گھائل ہے میاں

دیکھ کر سبزہ ہی خرم دل کو رکھ

مزرع دنیا کا یہ حاصل ہے میاں

مستعدوں پر سخن ہے آج کل

شعر اپنا فن سو کس قابل ہے میاں

کی زیارت میر کی ہم نے بھی کل

لاابالی سا ہے پر کامل ہے میاں

میر تقی میر

اس لب خاموش کا قائل ہوا

اکتوبر 6, 2015میر تقی میر،اساتذہ،غزلقائل،گھائل،حائل،زائل،سائلadmin

دیوان دوم غزل 735

لعل پر کب دل مرا مائل ہوا

اس لب خاموش کا قائل ہوا

لڑ گئیں آنکھیں اٹھائی دل نے چوٹ

یہ تماشائی عبث گھائل ہوا

ناشکیبی سے گئی ناموس فقر

عاقبت بوسے کا میں سائل ہوا

ایک تھے ہم وے نہ ہوتے ہست اگر

اپنا ہونا بیچ میں حائل ہوا

میر ہم کس ذیل میں دیکھ اس کی آنکھ

ہوش اہل قدس کا زائل ہوا

میر تقی میر

میں کشتہ ہوں انداز قاتل کا اپنے

اکتوبر 6, 2015میر تقی میر،اساتذہ،غزلقاتل،منزل،مائل،گھائل،اوائل،باطل،حاصل،دلadmin

دیوان اول غزل 556

تڑپنا بھی دیکھا نہ بسمل کا اپنے

میں کشتہ ہوں انداز قاتل کا اپنے

نہ پوچھو کہ احوال ناگفتہ بہ ہے

مصیبت کے مارے ہوئے دل کا اپنے

دل زخم خوردہ کے اور اک لگائی

مداوا کیا خوب گھائل کا اپنے

جو خوشہ تھا صد خرمن برق تھا یاں

جلایا ہوا ہوں میں حاصل کا اپنے

ٹک ابرو کو میری طرف کیجے مائل

کبھو دل بھی رکھ لیجے مائل کا اپنے

ہوا دفتر قیس آخر ابھی یاں

سخن ہے جنوں کے اوائل کا اپنے

بنائیں رکھیں میں نے عالم میں کیا کیا

ہوں بندہ خیالات باطل کا اپنے

مقام فنا واقعے میں جو دیکھا

اثر بھی نہ تھا گور منزل کا اپنے

میر تقی میر

آ کے ڈوبی جاتی ہے کشتی مری ساحل کے پاس

اکتوبر 6, 2015میر تقی میر،اساتذہ،غزلقاتل،محمل،گھائل،بسمل،دل،ساحلadmin

دیوان اول غزل 237

کیونکے نکلا جائے بحر غم سے مجھ بے دل کے پاس

آ کے ڈوبی جاتی ہے کشتی مری ساحل کے پاس

ہے پریشاں دشت میں کس کا غبار ناتواں

گرد کچھ گستاخ آتی ہے چلی محمل کے پاس

گرم ہو گا حشر کو ہنگامۂ دعویٰ بہت

کاشکے مجھ کو نہ لے جاویں مرے قاتل کے پاس

دور اس سے جوں ہوا دل پر بلا ہے مضطرب

اس طرح تڑپا نہیں جاتا کسو بسمل کے پاس

بوے خوں آتی ہے باد صبح گاہی سے مجھے

نکلی ہے بے درد شاید ہو کسو گھائل کے پاس

آہ نالے مت کیا کر اس قدر بیتاب ہو

اے ستم کش میر ظالم ہے جگر بھی دل کے پاس

میر تقی میر

اس مسافت پر طبعیت شوق سے مائل رہی

دسمبر 1, 2007منصور آفاق،شعراء،غزلمل،منزل،مائل،کھل،گھائل،بسمل،حاصل،ساحل،شاملadmin

منصور آفاق ۔ غزل نمبر 494

ہر قدم پر کوچہ ء جاناں میں گو مشکل رہی

اس مسافت پر طبعیت شوق سے مائل رہی

ایک اک گنتا رہا ضربِ مسلسل ایک اک

دل کی دھڑکن کپکپاتی یاد میں شامل رہی

اک طرف کتنے مسافر راستے میں رہ گئے

اک طرف پائے طلب کی منتظر منزل رہی

آخری الہام کی پہلی کرن سے پیشتر

چارہ گر آتے رہے بیچارگی بسمل رہی

یہ بنامِ امن جنگیں یہ ہلاکت خیز خیر

زندگی تہذیب کی دہلیز پر گھائل رہی

خشک پتے کی طرح اڑنا مجھے اچھا لگا

سچ یہی ہے عمر کا آوارگی حاصل رہی

ڈوبنے سے جو بچالیتی ہے اپنی زندگی

بس وہی کشتی سمندر کا سدا ساحل رہی

تنگ کرتی جا رہی ہے بس یہی الجھن مجھے

کوئی شے تھی پاس میرے جونہیں اب مل رہی

پھر کوئی منصور خوشبو ملنے والی ہے مجھے

ان دنوں باغیچے میں پھرہے چنبلی کھل رہی

منصور آفاق

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: گھائل

مفت میں مشہور میں لوگوں میں عامل ہو گیا

میری خوں ریزی ہی کا مائل ہے

ناقصوں میں رہیے کیا رہیے تو صاحب دل کے پاس

ایسے ناداں دلربا کے ملنے کا حاصل ہے کیا

یہ دوانہ بائولا عاقل ہے میاں

اس لب خاموش کا قائل ہوا

میں کشتہ ہوں انداز قاتل کا اپنے

آ کے ڈوبی جاتی ہے کشتی مری ساحل کے پاس

اس مسافت پر طبعیت شوق سے مائل رہی

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: