ٹیگ کے محفوظات: کیدھر

جھانکتے اس کو ساتھ صباکے صبح پھریں ہیں گھر گھر ہم

اکتوبر 7, 2015میر تقی میر،اساتذہ،غزلمقرر،مرمر،کیدھر،کر،گھر،اکثر،اختر،بہتر،بستر،خوگرadmin

دیوان ششم غزل 1838

عشق کیا ہے اس گل کا یا آفت لائے سرپرہم

جھانکتے اس کو ساتھ صباکے صبح پھریں ہیں گھر گھر ہم

روز و شب کو اپنے یارب کیونکے کریں گے روزوشب

ہاتھ رکھے رہتے ہیں دل پر بیتابی میں اکثر ہم

پوچھتے راہ شکستہ دل کی جا نکلے تھے کعبے میں

سوچ وہاں تو گذرا جی میں آئے کدھر سے کیدھر ہم

شام سے کرتا منزل آکر گھر کو ہمارے صدر نشیں

رکھتے ستارہ اس مہ وش کی چاہ میں گربد اختر ہم

برسوں خس و خاشاک پہ سوئے مدت گلخن تابی کی

بخت نہ جاگے جو اس سے ہوں ایک بھی شب ہم بستر ہم

روز بتر ہے حالت عشقی جیسے ہوں بیمار اجل

ہے نہ دوا نے کوئی معالج کیونکر ہوں گے بہتر ہم

اس کی جناب سے رحمت ہو تو جی بچتا ہے دنیا میں

اس جانب سے تو بیٹھے ہیں مرنا کرکے مقرر ہم

اب تو ہماری طرف سے اتنا دل کو پتھر مت کریو

سختی سے ایام کی اب تک جیتے رہے ہیں مرمرہم

آہ معیشت روز و شب کی ساتھ اندوہ کے ٹھہری ہے

روتے کڑھتے رہا کرتے ہیں غم سے ہوئے ہیں خوگر ہم

شعلہ ایک اٹھا تھا دل سے آہ عالم سوز کا میر

ڈھیری ہوئی ہے خاکستر کی جیسی شب میں جل کر ہم

میر تقی میر

کھاوے گا آفتابہ کوئی خودسر آفتاب

اکتوبر 7, 2015میر تقی میر،اساتذہ،غزلچکر،کیدھر،کر،گھر،پر،برتر،تھرتھر،خودسر،خوشتر،سیسرadmin

دیوان ششم غزل 1811

منھ دھوتے اس کے آتا تو ہے اکثر آفتاب

کھاوے گا آفتابہ کوئی خودسر آفتاب

سر صدقے تیرے ہونے کی خاطر بہت ہے گرم

مارا کرے ہے شام و سحر چکر آفتاب

ہر خانہ کیوں نہ صبح جہاں میں ہو پر فروغ

پھرتا ہے جھانکتا اسی کو گھر گھر آفتاب

تجرید کا فراغ ہے یک دولت عظیم

بھاگے ہے اپنے سائے سے بھی خوشتر آفتاب

نازک مزاج ہے تو کہیں گھر سے مت نکل

ہوتا ہے دوپہر کے تئیں سر پر آفتاب

پیدا ہے روز مشرق نو کی نمود سی

آئے ہے کوے یار سے بچ بچ کر آفتاب

ہو پست اس کے نور کا زیر زمیں گیا

ہر چند سب ستاروں سے تھا برتر آفتاب

اس رخ کی روشنی میں نہ معلوم کچھ ہوا

مہ گم کدھر ہوا ہے گیا کیدھر آفتاب

کس زورکش کی قوس قزح ہے کمان پاک

جس کی اٹھا سکا نہ کبھو سیسر آفتاب

روشن ہے یہ کہ خوف ہے اس غصہ ور کا میر

نکلے ہے صبح کانپتا جو تھرتھر آفتاب

میر تقی میر

کیوں کر اڑ کر پہنچیں اس تک طائر بے پر ہیں ہم

اکتوبر 6, 2015میر تقی میر،اساتذہ،غزلکیدھر،پر،بداختر،دلبر،سرadmin

دیوان پنجم غزل 1680

کیا کریں بیکس ہیں ہم بے بس ہیں ہم بے گھر ہیں ہم

کیوں کر اڑ کر پہنچیں اس تک طائر بے پر ہیں ہم

سر نہ بالیں سے اٹھاویں کاشکے بیمار عشق

ہو گا یک ہنگامہ برپا فتنہ زیر سر ہیں ہم

سو طرف لے جاتی ہے ہم کو پریشاں خاطری

یاں کسے ڈھونڈو ہو تم کیا جانیے کیدھر ہیں ہم

گر نہ روئیں کیا کریں ہر چار سو ہے بیکسی

بیدل و بے طاقت و بے دین و بے دلبر ہیں ہم

وہ جو رشک مہ کبھی اس راہ سے نکلا نہ میر

ہم نہ رکھتے تھے ستارہ یعنی بداختر ہیں ہم

میر تقی میر

تعب ایسی گذری کہ مر مر گئے

اکتوبر 6, 2015میر تقی میر،اساتذہ،غزلمر،کیدھر،کر،بھر،باہرadmin

دیوان چہارم غزل 1505

ہم اس مرتبہ پھر بھی لشکر گئے

تعب ایسی گذری کہ مر مر گئے

نظر اک سپاہی پسر سے لڑی

قریب اس کے تلوار کر کر گئے

بہم مہر ورزی کے سرگرم تھے

خدا جانے وہ لوگ کیدھر گئے

لہو میری آنکھوں میں آتا نہیں

جگر کے مگر زخم سب بھر گئے

رباط کہن میں نہیں میرجی

ہوا جو لگی وے بھی باہر گئے

میر تقی میر

کاش رہتے کسو طرف مر ہم

اکتوبر 6, 2015میر تقی میر،اساتذہ،غزلمر،کیدھر،گھر،اکثر،بر،برابر،ترadmin

دیوان چہارم غزل 1439

حال زخم جگر سے ہے درہم

کاش رہتے کسو طرف مر ہم

دلبروں کو جو بر میں کھینچا ٹک

اس ادا سے بہت ہوئے برہم

آپ کو اب کہیں نہیں پاتے

بے خودی سے گئے ہیں کیدھر ہم

دیر و کعبہ گئے ہیں ہم اکثر

یعنی ڈھونڈا ہے اس کو گھر گھر ہم

کہہ سکے کون ہم کو ناہموار

اب تو ہیں خاک سے برابر ہم

کوفت سی کوفت اپنے دل پر ہے

چھاتی کوٹا کیے ہیں اکثر ہم

ابر کرتا ہے اب کمی سی میر

دیکھیں ہیں سوے دیدئہ تر ہم

میر تقی میر

اور غرور سے ان نے ہم کو جانا کنکر پتھر آج

اکتوبر 6, 2015میر تقی میر،اساتذہ،غزلچکر،یاور،کیدھر،کر،گھر،پتھر،پر،اکثر،باور،بدبر،بسترadmin

دیوان چہارم غزل 1369

ہم تو لب خوش رنگ کو اس کے مانا لعل احمر آج

اور غرور سے ان نے ہم کو جانا کنکر پتھر آج

عشق کے جو سرگشتہ ہوئے ہم رفتہ رفتہ دوار ہوا

پائوں میں چکر ہوتا ہے یاں سر کو بھی ہے چکر آج

عرش پہ دھونی لگانے کو تھے دود دل سے کب تک ہم

خاک پہ یاں کی درویشانہ ہم نے بچھایا بستر آج

جینے سے ہم غم کشتوں کے خاطر تم بھی جمع کرو

کل تک کام نہیں کھینچے گا غش آتا ہے اکثر آج

ملکوں ملکوں شہروں شہروں قریہ و قصبہ دیہ، و دیار

شعر وبیت و غزل پر اپنی ہنگامہ ہے گھر گھر آج

خط سے آگے مہر و وفا کا دعویٰ سب کچھ صادق تھا

جامۂ مصحف گو پہنے وہ کون کرے ہے باور آج

دیدہ و دل بھی اس کی جانب میل کلی رکھتے ہیں

عشق میں ہم بے کس ہیں واقع یار نہیں بے یاور آج

عشق کیا ہو ہم نے کہیں تو عشق ہمارا جی مارے

یوں ہی نکورو دلبر اپنا ہم سے ہوا ہے بدبر آج

رحم کی جاگہ کی ہے پیدا شاید اس کے دل میں بھی

دیکھ رہا ہے منھ کو ہمارے حال ہمارا سن کر آج

کل کہتے ہیں قیامت ہو گی کل کی کل ہی لیں گے دیکھ

یاں تو قیامت عشق میں اس کے ہے گی اپنے سر پر آج

کرتی ہے بووہ زلف معنبر آئے ہو بے خود سے کچھ

بارے مزاج شریف تمھارا میر گیا ہے کیدھر آج

میر تقی میر

سب خراشوں ہی سے جبہے بھر گئے

اکتوبر 6, 2015میر تقی میر،اساتذہ،غزلمر،کیدھر،پتھر،پر،بھر،باہر،ترadmin

دیوان سوم غزل 1311

دست بستہ کام ناخن کر گئے

سب خراشوں ہی سے جبہے بھر گئے

بت کدے سے تو چلے کعبے ولے

دس قدم ہم دل کو کر پتھر گئے

کیا جو اڑتی سی سنی آئے ہیں گل

ہم اسیروں کے تو بال و پر گئے

مجلسوں کی مجلسیں برہم ہوئیں

لوگ وے پل مارتے کیدھر گئے

تھے لب جو پر جو گرم دید یار

سبزے کے سے رنگ مژگاں تر گئے

خانوادے ہو گئے کیا کیا خراب

خانہ ساز دین کیسے مر گئے

دست افشاں پاے کوباں شوق میں

صومعے سے میر بھی باہر گئے

میر تقی میر

دل اپنا تو بجھا سا دیا ہے جان چراغ مضطر ہے

اکتوبر 6, 2015میر تقی میر،اساتذہ،غزلقلندر،مضطر،کیدھر،ٹکر،پتھر،بہترadmin

دیوان سوم غزل 1262

دیکھیے کیا ہو سانجھ تلک احوال ہمارا ابتر ہے

دل اپنا تو بجھا سا دیا ہے جان چراغ مضطر ہے

خاطر اپنی اتنی پریشاں آنکھیں پھریں ہیں اس بن حیراں

تم نے کہا دل چاہے تو بیٹھو دل کیا جانے کیدھر ہے

تاب و تواں کا حال وہی ہے آج تنک ہم چیتے ہیں

تم پوچھو تو اور کہیں کیا نسبت کل کی بہتر ہے

اس بے مہر صنم کی خاطر سختی سی سختی کھینچی ہم

جی پگھلے کیا اس کا ہم پر رحم کہاں وہ پتھر ہے

سر نہ بڑے کے چڑھیے اس میں ہرگز زیاں ہے سر ہی کا

سمجھے نہ سمجھے کوئی اسے یہ پہاڑ کی آخر ٹکر ہے

جب سے ملا اس آئینہ رو سے خوش کی ان نے نمد پوشی

پانی بھی دے ہے پھینک شبوں کو میر فقیر قلندر ہے

میر تقی میر

بلا پر چلے آئے ہر ہر قدم

اکتوبر 6, 2015میر تقی میر،اساتذہ،غزلہر،مر،کیدھر،بھر،باہر،بر،تر،دھر،درadmin

دیوان سوم غزل 1169

گئے عشق کی راہ سر کر قدم

بلا پر چلے آئے ہر ہر قدم

عجب راہ پرخوف و مشکل گذر

اٹھایا گیا ہم سے مر مر قدم

بہت مستی عشق پالغز تھی

خدا جانے پڑتا تھا کیدھر قدم

ہوا ہو گا خالی بدن جاں سے جب

چلے ہوں گے یہ راہ جو بھر قدم

وہ عیار یوں چشم تر سے گیا

کہ ہرگز نہ اس کا ہوا تر قدم

جگر کو ہے ان سر سے گذروں کے عشق

گئے جو ہمارے قدم بر قدم

جو کچھ آوے سالک کے آگے ہے خیر

رکھا ہم نے اب گھر سے باہر قدم

ہمیں سرکشی سربلندی سے کیا

رہے ضعف میں ہم تو سر در قدم

کہیں کیا کف پا میں میر آبلے

چلیں ہم سروں پر مگر دھر قدم

میر تقی میر

دل نہ اپنا ہے محبت میں نہ دلبر اپنا

اکتوبر 6, 2015میر تقی میر،اساتذہ،غزلمقرر،مکدر،معطر،کیدھر،کبوتر،گھر،پتھر،پر،بستر،دلبرadmin

دیوان سوم غزل 1094

کیا کہے حال کہیں دل زدہ جاکر اپنا

دل نہ اپنا ہے محبت میں نہ دلبر اپنا

دوری یار میں ہے حال دل ابتر اپنا

ہم کو سو کوس سے آتا ہے نظر گھر اپنا

یک گھڑی صاف نہیں ہم سے ہوا یار کبھی

دل بھی جوں شیشۂ ساعت ہے مکدر اپنا

ہر طرف آئینہ داری میں ہے اس کے رو کی

شوق سے دیکھیے منھ ہووے ہے کیدھر اپنا

لب پہ لب رکھ کے نہ اس گل کے کبھو ہم سوئے

یہ بساط خسک و خار ہے بستر اپنا

کس طرح حرف ہو ناصح کا موثر ہم میں

سختیاں کھینچتے ہی دل ہوا پتھر اپنا

کیسی رسوائی ہوئی عشق میں کیا نقل کریں

شہر و قصبات میں مذکور ہے گھر گھر اپنا

اس گل تر کی قبا کے کہیں کھولے تھے بند

رنگوں گل برگ کے ناخن ہے معطر اپنا

تجھ سے بے مہر کے لگ لگنے نہ دیتے ہرگز

زور چلتا کچھ اگر چاہ میں دل پر اپنا

پیش کچھ آئو یہیں ہم تو ہیں ہر صورت سے

مثل آئینہ نہیں چھوڑتے ہم گھر اپنا

دل بہت کھینچتی ہے یار کے کوچے کی زمیں

لوہو اس خاک پہ گرنا ہے مقرر اپنا

میر خط بھیجے پر اب رنگ اڑا جاتا ہے

کہ کہاں بیٹھے کدھر جاوے کبوتر اپنا

میر تقی میر

چلتے اس کوچے سے ہم پر سینکڑوں پتھر چلے

اکتوبر 6, 2015میر تقی میر،اساتذہ،غزللشکر،مر،کیدھر،گھر،پتھر،پر،اجگر،بھر،خنجرadmin

دیوان دوم غزل 993

سختیاں کھینچیں سو کھینچیں پھر بھی جو اٹھ کر چلے

چلتے اس کوچے سے ہم پر سینکڑوں پتھر چلے

مارگیری سے زمانے کی نہ دل کو جمع رکھ

چال دھیمی اس کی ایسی ہے کہ جوں اجگر چلے

کیونکے ان کا کوئی وارفتہ بھلا ٹھہرا رہے

جنبش ان پلکوں کو ہوتی ہے کہ جوں خنجر چلے

اب جو وہ سرمایۂ جاں یاں تلک آیا تو کیا

راہ تکتے تکتے اس کی ہم تو آخر مر چلے

میں نہ کہتا تھا دم بسمل مرے مت آئیو

لوٹتے دامن کی اپنے زہ لہو میں بھر چلے

چھوڑ جانا جاں بہ لب ہم کو کہاں کا ہے سلوک

گھر کے گھر یاں بیٹھے جاتے ہیں تم اٹھ کر گھر چلے

صاف سارا شہر اس انبوہ خط میں لٹ گیا

کچھ نہیں رہتا ہے واں جس راہ ہو لشکر چلے

پائوں میں مارا ہے تیشہ میں نے راہ عشق میں

ہو سو ہو اب گوکہ آرا بھی مرے سر پر چلے

لائے تھے جاکر ابھی تو اس گلی میں سے پکار

چپکے چپکے میر جی تم اٹھ کے پھر کیدھر چلے

میر تقی میر

سگ یار آدم گری کر گیا

اکتوبر 6, 2015میر تقی میر،اساتذہ،غزلمر،ور،کیدھر،کر،گھرadmin

دیوان دوم غزل 750

شب رفتہ میں اس کے در پر گیا

سگ یار آدم گری کر گیا

شکستہ دل عشق کی جان کیا

نظر پھیری تونے تو وہ مر گیا

ہوئے یار کیا کیا خراب اس بغیر

وہ کس خانہ آباد کے گھر گیا

کشندہ تھا لڑکا ہی ناکردہ خوں

مجھے دیکھ کر محتضر ڈر گیا

بہت رفتہ رہتے ہو تم اس کے اب

مزاج آپ کا میر کیدھر گیا

میر تقی میر

اب کہو اس شہر نا پرساں سے کیدھر جایئے

اکتوبر 6, 2015میر تقی میر،اساتذہ،غزلمقرر،کیدھر،کر،گھر،پرadmin

دیوان اول غزل 551

مہوشاں پوچھیں نہ ٹک ہجراں میں گر مر جایئے

اب کہو اس شہر نا پرساں سے کیدھر جایئے

کام دل کا کچھ ٹھکانا ہی نہیں کیونکر بنے

آیئے تاچند ناامید پھر کر جایئے

مضطرب اس آستاں سے اٹھ کے کچھ پایا نہ رو

منھ رہا ہے کیا جو پھر اب اس کے در پر جایئے

بعد طوف قیس ہوجے زائر فرہاد بھی

دشت سے اٹھے تو کوہوں میں مقرر جایئے

شوق تھا جو یار کے کوچے ہمیں لایا تھا میر

پائوں میں طاقت کہاں اتنی کہ اب گھر جایئے

میر تقی میر

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: کیدھر

جھانکتے اس کو ساتھ صباکے صبح پھریں ہیں گھر گھر ہم

کھاوے گا آفتابہ کوئی خودسر آفتاب

کیوں کر اڑ کر پہنچیں اس تک طائر بے پر ہیں ہم

تعب ایسی گذری کہ مر مر گئے

کاش رہتے کسو طرف مر ہم

اور غرور سے ان نے ہم کو جانا کنکر پتھر آج

سب خراشوں ہی سے جبہے بھر گئے

دل اپنا تو بجھا سا دیا ہے جان چراغ مضطر ہے

بلا پر چلے آئے ہر ہر قدم

دل نہ اپنا ہے محبت میں نہ دلبر اپنا

چلتے اس کوچے سے ہم پر سینکڑوں پتھر چلے

سگ یار آدم گری کر گیا

اب کہو اس شہر نا پرساں سے کیدھر جایئے

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: