ٹیگ کے محفوظات: کہانی

نگاہوں سے بیاں دل کی کہانی اب بھی ہوتی ہے

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلفشانی،قدردانی،مہربانی،کہانی،ترجمانی،زندگانی،سہانیadmin

محبت میں زباں کی بے زبانی اب بھی ہوتی ہے

نگاہوں سے بیاں دل کی کہانی اب بھی ہوتی ہے

سرِ محفل وہ کوئی بات بھی مجھ سے نہیں کرتے

مگر تنہائیوں میں گُل فِشانی اب بھی ہوتی ہے

چُھپاؤ لاکھ بے چینی کو خاموشی کے پردے میں

تمھارے رُخ سے دل کی ترجمانی اب بھی ہوتی ہے

ہمارا حال چُھپ کر پوچھتا تھا کوئی پہلے بھی

ہمارے حال پر یہ مہربانی اب بھی ہوتی ہے

تمھاری ہی کمی محسوس ہوتی ہے مجھے ورنہ

وہ موسم، وہ فضا، وہ رُت سُہانی اب بھی ہوتی ہے

زمانہ دل کی باتوں کو کبھی کُھل کر نہیں کہتا

بہ اندازِ شکایت قدردانی اب بھی ہوتی ہے

نکل آیا زمان و آشیاں کی قید سے لیکن

بقا کی رَہ میں حائل زندگانی اب بھی ہوتی ہے

شکیب جلالی

ایک قصے کی بھلا کتنی کہانی کرتے

مئی 30, 2021عرفان ستار،غزلفشانی،مکانی،معانی،نگرانی،کہانی،پانی،پرانی،جانی،دہانی،روانی،رانیadmin

راکھ کے ڈھیر پہ کیا شعلہ بیانی کرتے

ایک قصے کی بھلا کتنی کہانی کرتے

حسن اتنا تھا کہ ممکن ہی نہ تھی خود نگری

ایک امکان کی کب تک نگرانی کرتے

شعلہ جاں کو بجھاتے یونہی قطرہ قطرہ

خود کو ہم آگ بناتے تجھے پانی کرتے

پھول سا تجھ کو مہکتا ہوا رکھتے شب بھر

اپنے سانسوں سے تجھے رات کی رانی کرتے

ندیاں دیکھیں تو بس شرم سے پانی ہو جائیں

چشمِ خوں بستہ سے پیدا وہ روانی کرتے

سب سے کہتے کہ یہ قصہ ہے پرانا صاحب

آہ کی آنچ سے تصویر پرانی کرتے

درودیوار بدلنے میں کہاں کی مشکل

گھر جو ہوتا تو بھلا نقل مکانی کرتے؟

کوئی آجاتا کبھی یونہی اگر دل کے قریب

ہم ترا ذکر پئے یاد دہانی کرتے

سچ تو یہ ہے کہ ترے ہجر کا اب رنج نہیں

کیا دکھاوے کے لیے اشک فشانی کرتے؟

دل کو ہر لحظہ ہی دی عقل پہ ہم نے ترجیح

یارِ جانی کو کہاں دشمنِ جانی کرتے

شب اسی طرح بسر ہوتی ہے میری عرفان

حرفِ خوش رنگ کو اندوہِ معانی کرتے

عرفان ستار

نظر کیونکر نہ رکھیں اُس پہ جو رت بھی سہانی ہے

اکتوبر 1, 2017ماجِد نشان،ماجد صدیقی،غزلنشانی،کہانی،گلفشانی،آسمانی،روانی،سہانیadmin

ماجد صدیقی ۔ غزل نمبر 2

ہمیں کاہے کو ہر پل پت جھڑوں سے بدگمانی ہے

نظر کیونکر نہ رکھیں اُس پہ جو رت بھی سہانی ہے

تعفّن آشنا ٹھہرے نہ ہو نابُود نظروں سے

وہ پانی خاک پر جس کو بہم پیہم روانی ہے

سحر کا دوپہر کا اور زوالِ شام کا منظر

تری ہو یا مری سب کی بس ایسی ہی کہانی ہے

حضور اپنے جو ہم جنسوں سے نت سجدے کراتا ہے

زمینی مت کہو اُس کو وہ حضرت آسمانی ہے

کسی کے جھوٹ کو تم جھوٹ ثابت کرکے دیکھو تو

سنو پھر اس سے کیا کیا پاس اُس کے گلفشانی ہے

وہ کنجشک و کبوتر ہو کہ ماجِد فاختہ اُس کے

پر و بازو میں لرزہ امن خواہی کی نشانی ہے

ماجد صدیقی

اور مقیّد ہو کے نہروں کی روانی ہو گیا

ستمبر 30, 2017ماجِد نشان،ماجد صدیقی،غزلمانی،نشانی،کہانی،آسمانی،جانی،روانی،زبانیadmin

ماجد صدیقی ۔ غزل نمبر 72

ابر بردوشِ ہوا رہ کر بھی پانی ہو گیا

اور مقیّد ہو کے نہروں کی روانی ہو گیا

لطفِ باراں سے، شگفتِ گُل سے جو منسوب تھا

ہاں وہی مضموں ادا میری زبانی ہو گیا

وہ کہ کہلاتا رہا تھا لالۂ صحرا کبھی

رنگ و خوشبو کی کشش سے میرا جانی ہو گیا

اُس نے اہلِ خاک سے پھر رابطہ رکھا نہیں

جس کو کچھ رفعت ملی وہ آسمانی ہو گیا

خواب میں اکثر لگا ایسا کہ صبح جاگتے

میں بھی اوروں کی طرح قصّہ کہانی ہو گیا

کھو کے سارے رنگ گردآلود، زنگ آلود سا

دل بھی ہے گزرے زمانوں کی نشانی ہو گیا

ہاں وہی ماجِد کہ تھا صورت گرِ جذبات جو

مانتے ہیں سب کہ ہے بہزاد و مانی ہو گیا

ماجد صدیقی

ہاں وہ شخص کہ رات کی رانی جیسا ہے

مئی 31, 2017ماجد صدیقی،شہر پناہ،غزلنشانی،کہانی،پانی،جوانی،حیرانی،روانی،رانی،طغیانیadmin

ماجد صدیقی ۔ غزل نمبر 7

منظر کی تزئین میں ’مانی‘ جیسا ہے

ہاں وہ شخص کہ رات کی رانی جیسا ہے

آنکھ میں اُس کے لبوں کا وداعی سنّاٹا

ہاتھ میں مُندری کی سی نشانی جیسا ہے

رہبروں کے غبارے پھٹنے پر اپنا

عالم بّچوں کی حیرانی جیسا ہے

جس کی قبر کو ڈھانپنے تاج محل اُبھرے

وہ بے مثل ہے کون اُس رانی جیسا ہے

ہونٹ سِلے ہیں گویا بل بل ماتھے کا

تن میں ابلتا خوں طغیانی جیسا ہے

قّصہ اپنے ہاں کے سبھی منصوبوں کا

طوطے اور مَینا کی کہانی جیسا ہے

اُس چنچل کا قرب ہمیشہ کب حاصل

پل دو پل کا ساتھ جوانی جیسا ہے

اِس قطرے میں جانے الاؤ کیا کیا ہیں

آنکھ میں آنسو یوں تو پانی جیسا ہے

ماجدؔ تیرا فکر امینِ توانائی

اور سخن دریا کی روانی جیسا ہے

ماجد صدیقی

شعر کیا کہوں کہ طبیعت میں روانی کم ہے

نومبر 7, 2015احمد فراز،شعراء،غزللٹانی،کہانی،پانی،بیانی،جوانی،روانیadmin

احمد فراز ۔ غزل نمبر 146

دل سُلگتا ہے مگر سوختہ جانی کم ہے

شعر کیا کہوں کہ طبیعت میں روانی کم ہے

زیست اک آدھ محبت سے بسر ہو کیسے؟

رات لمبی ہو تو پھر ایک کہانی کم ہے

تجھ سے کہنا تو نہیں چاہیے پر کہتے ہیں

ہم نے بھی دولتِ جاں اب کے لٹانی کم ہے

دل کو کیا روئیں کہ جب سوکھ گئی ہوں آنکھیں

شہر ویراں ہے کہ دریاؤں میں پانی کم ہے

ہم نے اندوہ زمانہ سے نہ خم کھایا ہے

شاید اب یوں ہے کہ آشوبِ جوانی کم ہے

جس طرح سانحے گزرے ہیں تیری جاں پہ فراز

اس کو دیکھیں تو یہ آشفتہ بیانی کم ہے

احمد فراز

ایک قصے کی بھلا کتنی کہانی کرتے

اکتوبر 26, 2015شعراء،عرفان ستار،غزلفشانی،مکانی،معانی،نگرانی،کہانی،پانی،پرانی،جانی،دہانی،روانی،رانیadmin

عرفان ستار ۔ غزل نمبر 66

راکھ کے ڈھیر پہ کیا شعلہ بیانی کرتے

ایک قصے کی بھلا کتنی کہانی کرتے

حسن اتنا تھا کہ ممکن ہی نہ تھی خود نگری

ایک امکان کی کب تک نگرانی کرتے

شعلہ جاں کو بجھاتے یونہی قطرہ قطرہ

خود کو ہم آگ بناتے تجھے پانی کرتے

پھول سا تجھ کو مہکتا ہوا رکھتے شب بھر

اپنے سانسوں سے تجھے رات کی رانی کرتے

ندیاں دیکھیں تو بس شرم سے پانی ہو جائیں

چشمِ خوں بستہ سے پیدا وہ روانی کرتے

سب سے کہتے کہ یہ قصہ ہے پرانا صاحب

آہ کی آنچ سے تصویر پرانی کرتے

درودیوار بدلنے میں کہاں کی مشکل

گھر جو ہوتا تو بھلا نقل مکانی کرتے؟

کوئی آجاتا کبھی یونہی اگر دل کے قریب

ہم ترا ذکر پئے یاد دہانی کرتے

سچ تو یہ ہے کہ ترے ہجر کا اب رنج نہیں

کیا دکھاوے کے لیے اشک فشانی کرتے؟

دل کو ہر لحظہ ہی دی عقل پہ ہم نے ترجیح

یارِ جانی کو کہاں دشمنِ جانی کرتے

شب اسی طرح بسر ہوتی ہے میری عرفان

حرفِ خوش رنگ کو اندوہِ معانی کرتے

عرفان ستار

ساری دنیا فقط کہانی ہے

اکتوبر 23, 2015Jaun Elia،جون ایلیا،شعراء،غزلفانی،مانی،کہانی،کمانی،گنوانی،پرانی،آزمانی،داستانیadmin

جون ایلیا ۔ غزل نمبر 210

دل کو اک بات کہہ سنانی ہے

ساری دنیا فقط کہانی ہے

تو میری جان داستان تھا کبھی

اب تیرا نام داستانی ہے

سہہ چکے زخمِ التفات تیرا

اب تیری یاد آزمانی ہے

اک طرف دل ہے، اک طرف دنیا

یہ کہانی بہت پرانی ہے

تھا سوال ان کی اداس آنکھوں کا

زندگی کیا نہیں گنوانی ہے

کیا بتاؤں میں اپنے پاسِ انا

میں نے ہنس ہنس کر ہار مانی ہے

ہوس انگیز ہے بدن میرا

ہائے میری ہوس کہ فانی ہے

زندگی کس طرح سے گزاروں میں

مجھ کو روزی نہیں کمانی ہے

جون ایلیا

تو فسردگی نہاں ہے بہ کمینِ بے زبانی

اکتوبر 8, 2015مرزا اسد اللہ خان غالب،اساتذہ،غزلکہانی،زندگانی،زبانیadmin

دیوانِ غالب ۔ غزل نمبر 44

جو نہ نقدِ داغِ دل کی کرے شعلہ پاسبانی

تو فسردگی نہاں ہے بہ کمینِ بے زبانی

مجھے اس سے کیا توقّع بہ زمانۂ جوانی

کبھی کودکی میں جس نے نہ سنی مری کہانی

یوں ہی دکھ کسی کو دینا نہیں خوب ورنہ کہتا

کہ مرے عدو کو یا رب ملے میری زندگانی

مرزا اسد اللہ خان غالب

کہاں ہم کہاں تم کہاں پھر جوانی

اکتوبر 6, 2015میر تقی میر،اساتذہ،غزلمانی،کہانی،تانی،جوانی،زعفرانیadmin

دیوان پنجم غزل 1738

ملو ان دنوں ہم سے اک رات جانی

کہاں ہم کہاں تم کہاں پھر جوانی

شکایت کروں ہوں تو سونے لگے ہے

مری سرگذشت اب ہوئی ہے کہانی

ادا کھینچ سکتا ہے بہزاد اس کی

کھنچے صورت ایسی تو یہ ہم نے مانی

ملاقات ہوتی ہے تو کشمکش سے

یہی ہم سے ہے جب نہ تب اینچا تانی

بسنتی قبا پر تری مر گیا ہے

کفن میر کو دیجیو زعفرانی

میر تقی میر

سنی گرچہ جاتی نہیں یہ کہانی

اکتوبر 6, 2015میر تقی میر،اساتذہ،غزلمہربانی،مانی،نشانی،کہانی،آسمانی،بانی،جوانی،جانیadmin

دیوان چہارم غزل 1503

سنو سرگذشت اب ہماری زبانی

سنی گرچہ جاتی نہیں یہ کہانی

بہت نذریں مانیں کہ مانے گا کہنا

ولیکن مری بات ہرگز نہ مانی

بہت مو پریشاں کھپے اس کے غم میں

خدا جانے ہے بید کس کی نشانی

گیا بھول جی شیب میں جو ہمارا

بہت یاد آئی گئی وہ جوانی

توقع نہیں یاں تک آنے کی ان سے

اگر لطف مجھ پر کریں مہربانی

گری ضبط گریہ سے دل کی عمارت

ہوئی چشم تر اس خرابی کی بانی

ملا دیتی ہے خاک میں آدمی کو

محبت ہے کوئی بلا آسمانی

گرامی گہر میر جی تھا ہمارا

ولے عشق میں قدر ہم نے نہ جانی

میر تقی میر

اب کب گئی اٹھائی ہے زور ناتوانی

اکتوبر 6, 2015میر تقی میر،اساتذہ،غزلناتوانی،کہانی،پانی،جوانی،جانی،زبانی،زعفرانیadmin

دیوان چہارم غزل 1501

اکثر کی بے دماغی ہر دم کی سرگرانی

اب کب گئی اٹھائی ہے زور ناتوانی

تم دل کو دیتے ہو تو بے دل سمجھ کے ہوجو

ہم نے تو قدر دل کی افسوس کچھ نہ جانی

عہد شباب کی تو فرصت تھی ایک چشمک

مژگاں بہم زدن میں جاتی رہی جوانی

حسرت سے دیکھ رہیو اے نامہ بر منھ اس کا

بس اور کچھ نہ کہیو ہرگز مری زبانی

اس غیرت قمر کی خجلت سے تاب رخ کی

آئینہ تو سراسر ہوتا ہے پانی پانی

مرزائی فقر میں بھی دل سے گئی نہ میرے

چہرے کے رنگ اپنے چادر کی زعفرانی

یوں میر تو غم اپنا برسوں کہا کریں گے

اب رات کم ہے سوئو بس ہو چکی کہانی

میر تقی میر

مری زیست ہے مہربانی کے ساتھ

اکتوبر 6, 2015میر تقی میر،اساتذہ،غزلفشانی،مہربانی،ناتوانی،کہانی،پانی،جوانی،روانیadmin

دیوان سوم غزل 1248

نہ باتیں کرو سرگرانی کے ساتھ

مری زیست ہے مہربانی کے ساتھ

نہ اٹھ کر در یار سے جاسکے

یہ کم لطف ہے ناتوانی کے ساتھ

فرو درد آنسو پیے کچھ ہوا

دوا جیسے پیتے ہیں پانی کے ساتھ

کہے میں نے اشعار ہر بحر میں

ولیکن قیامت روانی کے ساتھ

شتابی گئی اس روش فصل گل

کہ جوں رفتگی ہو جوانی کے ساتھ

بکھیرے ہے جوں لخت دل آہ صبح

ہوا کب ہے اس گل فشانی کے ساتھ

جلا جی بہت قصۂ میر سن

بلا سوز تھا اس کہانی کے ساتھ

میر تقی میر

مزہ عمر کا ہے جوانی سے حظ

اکتوبر 6, 2015میر تقی میر،اساتذہ،غزلکہانی،پانی،جوانیadmin

دیوان سوم غزل 1152

جو وہ ہے تو ہے زندگانی سے حظ

مزہ عمر کا ہے جوانی سے حظ

نہیں وہ تو سب کچھ یہ بے لطف ہے

نہ کھانے میں لذت نہ پانی سے حظ

کہا درد دل رات کیا میر نے

اٹھایا بہت اس کہانی سے حظ

میر تقی میر

دوستی مدعی جانی تھی

اکتوبر 6, 2015میر تقی میر،اساتذہ،غزلمہربانی،مانی،چھانی،ناگہانی،کہانی،پانی،جوانی،جانی،زندگانی،زعفرانیadmin

دیوان دوم غزل 956

یار بن تلخ زندگانی تھی

دوستی مدعی جانی تھی

سر سے اس کی ہوا گئی نہ کبھو

عمر برباد یوں ہی جانی تھی

لطف پر اس کے ہم نشیں مت جا

کبھو ہم پر بھی مہربانی تھی

ہاتھ آتا جو تو تو کیا ہوتا

برسوں تک ہم نے خاک چھانی تھی

شیب میں فائدہ تامل کا

سوچنا تب تھا جب جوانی تھی

میرے قصے سے سب کی گئیں نیندیں

کچھ عجب طور کی کہانی تھی

عاشقی جی ہی لے گئی آخر

یہ بلا کوئی ناگہانی تھی

اس رخ آتشیں کی شرم سے رات

شمع مجلس میں پانی پانی تھی

پھر سخن نشنوی ہے ویسی ہی

رات ایک آدھ بات مانی تھی

کوے قاتل سے بچ کے نکلا خضر

اسی میں اس کی زندگانی تھی

فقر پر بھی تھا میر کے اک رنگ

کفنی پہنی سو زعفرانی تھی

میر تقی میر

اللہ اللہ رے طبیعت کی روانی اس کی

اکتوبر 6, 2015میر تقی میر،اساتذہ،غزلفشانی،مانی،نشانی،کہانی،اڑانی،بیانی،ثانی،جوانی،جانی،خزانی،دوانی،روانیadmin

دیوان دوم غزل 949

میر دریا ہے سنے شعر زبانی اس کی

اللہ اللہ رے طبیعت کی روانی اس کی

خاطر بادیہ سے دیر میں جاوے گی کہیں

خاک مانند بگولے کے اڑانی اس کی

ایک ہے عہد میں اپنے وہ پراگندہ مزاج

اپنی آنکھوں میں نہ آیا کوئی ثانی اس کی

مینھ تو بوچھار کا دیکھا ہے برستے تم نے

اسی انداز سے تھی اشک فشانی اس کی

بات کی طرز کو دیکھو تو کوئی جادو تھا

پر ملی خاک میں کیا سحر بیانی اس کی

کرکے تعویذ رکھیں اس کو بہت بھاتی ہے

وہ نظر پائوں پہ وہ بات دوانی اس کی

اس کا وہ عجز تمھارا یہ غرور خوبی

منتیں ان نے بہت کیں پہ نہ مانی اس کی

کچھ لکھا ہے تجھے ہر برگ پہ اے رشک بہار

رقعہ واریں ہیں یہ اوراق خزانی اس کی

سرگذشت اپنی کس اندوہ سے شب کہتا تھا

سو گئے تم نہ سنی آہ کہانی اس کی

مرثیے دل کے کئی کہہ کے دیے لوگوں کو

شہر دلی میں ہے سب پاس نشانی اس کی

میان سے نکلی ہی پڑتی تھی تمھاری تلوار

کیا عوض چاہ کا تھا خصمی جانی اس کی

آبلے کی سی طرح ٹھیس لگی پھوٹ بہے

دردمندی میں گئی ساری جوانی اس کی

اب گئے اس کے جز افسوس نہیں کچھ حاصل

حیف صد حیف کہ کچھ قدر نہ جانی اس کی

میر تقی میر

اے عمر گذشتہ میں تری قدر نہ جانی

اکتوبر 6, 2015میر تقی میر،اساتذہ،غزلفشانی،نشانی،کہانی،گرانی،پانی،آنی،جوانی،جانی،دوانی،زبانیadmin

دیوان اول غزل 466

غفلت میں گئی آہ مری ساری جوانی

اے عمر گذشتہ میں تری قدر نہ جانی

تھی آبلۂ دل سے ہمیں تشنگی میں چشم

پھوٹا تو نہ آیا نظر اک بوند بھی پانی

مدت سے ہیں اک مشت پر آوارہ چمن میں

نکلی ہے یہ کس کی ہوس بال فشانی

بھاتی ہے مجھے اک طلب بوسہ میں یہ آن

لکنت سے الجھ جا کے اسے بات نہ آنی

کیا جانیے کیا کیا میں لکھوں شوق میں قاصد

پڑھنا نہ کرے خط کا کہیں اس پہ گرانی

تکلیف نہ کر نامہ کے لکھنے کی تو مجھ کو

آجائے جو کچھ جی میں ترے کہیو زبانی

یہ جان اگر بید مولہ کہیں دیکھے

باقی ہے کسو موے پریشاں کی نشانی

دیکھیں تو سہی کب تئیں نبھتی ہے یہ صحبت

ہم جی سے ترے دوست ہیں تو دشمن جانی

مجنوں بھی نہ رسواے جہاں ہوتا نہ وہ آپ

مکتب میں جو کم آتی پہ لیلیٰ تھی دوانی

اک شخص مجھی سا تھا کہ وہ تجھ پہ تھا عاشق

وہ اس کی وفاپیشگی وہ اس کی جوانی

یہ کہہ کے جو رویا تو لگا کہنے نہ کہہ میر

سنتا نہیں میں ظلم رسیدوں کی کہانی

میر تقی میر

میں نے مر مر کے زندگانی کی

اکتوبر 6, 2015میر تقی میر،اساتذہ،غزلمہربانی،کہانی،پانی،جوانی،زندگانی،زبانیadmin

دیوان اول غزل 460

کیا کروں شرح خستہ جانی کی

میں نے مر مر کے زندگانی کی

حال بد گفتنی نہیں میرا

تم نے پوچھا تو مہربانی کی

سب کو جانا ہے یوں تو پر اے صبر

آتی ہے اک تری جوانی کی

تشنہ لب مر گئے ترے عاشق

نہ ملی ایک بوند پانی کی

بیت بحثی سمجھ کے کر بلبل

دھوم ہے میری خوش زبانی کی

جس سے کھوئی تھی نیند میر نے کل

ابتدا پھر وہی کہانی کی

میر تقی میر

قطرہ ٹوٹے تو روانی کا تماشا دیکھیں

نومبر 15, 2013آفتاب اقبال شمیممکانی،معانی،نشانی،کہانی،گرانی،جوانی،روانیadmin

آفتاب اقبال شمیم ۔ غزل نمبر 18

زخم کھائے ہوئے پانی کا تماشا دیکھیں

قطرہ ٹوٹے تو روانی کا تماشا دیکھیں

گاہے پستی کا مکیں ، گاہے بلندی پہ رواں

وقت کی نقل مکانی کا تماشا دیکھیں

جانتے ہیں کہ بنے واقعہ، قصّہ کیسے

ہم کہانی میں کہانی کا تماشا دیکھیں

اتنی خلقت میں مگر آدمی ناپید ملے

جنسِ ارزاں کی گرانی کا تماشا دیکھیں

دن میں سورج کبھی دو بار نکل آئے تو

ہم بھی دوبارہ جوانی کا تماشا دیکھیں

دیمکیں چاٹ چکی ہوں گی صلیبیں کتنی

ہم کہاں کس کی نشانی کا تماشا دیکھیں

پیرہن لمس میں ہوں جیسے بھرے بدنوں کے

لفظ اندر سے معانی کا تماشا دیکھیں

آفتاب اقبال شمیم

آخر شب کبھی آغاز کہانی کا نہ ہو

جنوری 6, 2012عرفان صدیقی،غزلمعانی،نشانی،کہانی،گرانی،پانی،روانیadmin

عرفان صدیقی ۔ غزل نمبر 122

دل کا جو حال ہوا دشمن جانی کا نہ ہو

آخر شب کبھی آغاز کہانی کا نہ ہو

لوگ کیا جانیں کہ گزرے ہوئے موسم کیا تھے

جب قبا پر کوئی پیوند نشانی کا نہ ہو

ہم کہاں قید میں رہ سکتے تھے لیکن ترا ہاتھ

ہے وہ زنجیر کہ احساس گرانی کا نہ ہو

مسکراتا ہوں تو اکثر یہ خیال آتا ہے

آنکھ میں نم ابھی برسے ہوئے پانی کا نہ ہو

عرض احوال پہ دنیا مرا منہ دیکھتی ہے

جیسے رشتہ کوئی الفاظ و معانی کا نہ ہو

اور کچھ دیر ابھی سیر سر ساحل کر لیں

جب تلک حکم سفینے کو روانی کا نہ ہو

عرفان صدیقی

اِس برس بھی ہے اُسی طرح سہانی بارش

جنوری 5, 2012عرفان صدیقی،غزلکہانی،پانی،جانی،دَھانی،روانی،سہانیadmin

عرفان صدیقی ۔ غزل نمبر 99

پھر جگاتی ہے وہی ٹیس پُرانی بارش

اِس برس بھی ہے اُسی طرح سہانی بارش

سسکیاں بھرتی رہی رات ہوا آنگن میں

رات بھر کہتی رہی کوئی کہانی بارش

آگ بن کر کبھی شریانوں میں بہتا ہوا خون

کبھی آنکھوں سے برستا ہوا پانی بارش

اَب تو یہ پیڑ ٹپکتا ہے مری چھت کی طرح

دو گھڑی روک ذرا اپنی روانی بارش

سبز پانی نے بدل ڈالا ہے منظر کا طلسم

رنگ کوئی ہو، کیے دیتی ہے دَھانی، بارش

چاہنے والی، مرے درد جگانے والی

میری محبوب، مری دشمنِ جانی، بارش

عرفان صدیقی

نا کوئی طائر سمتِ شجر کا‘ نا کوئی برگ نشانی کا

جنوری 2, 2012عرفان صدیقی،غزلنشانی،کہانی،سلطانی،سیدانیadmin

عرفان صدیقی ۔ غزل نمبر 35

اب کے برس کیا موسم ہے دل جنگل کی ویرانی کا

نا کوئی طائر سمتِ شجر کا‘ نا کوئی برگ نشانی کا

صبح تلک جینا تھا سو ہم نے بات کو کیا کیا طول دیا

اگلی رات کو پھر سوچیں گے اگلا موڑ کہانی کا

اور کسی کی ملک ہے بھائی‘ جس پر دونوں قائم ہیں

تکیہ میری فقیری کا اور تخت تری سلطانی کا

جسم کا شیشہ کاجل کرتی کالی رات خرابی کی

آنکھوں کی محراب میں روشن، چہرہ اک سیدانی کا

عرفان صدیقی

ہے ہوا کی نوحہ خوانی آنکھ میں

دسمبر 1, 2007منصور آفاق،شعراء،غزلفانی،قرانی،مکانی،مدھانی،معانی،نشانی،کہانی،گمانی،گنگنانی،پانی،بچھانی،بیکرانی،بسانی،جہانی،حکمرانی،خوانی،زبانی،سہانی،سبحانی،سجانیadmin

منصور آفاق ۔ غزل نمبر 341

دشت کی صدیوں پرانی آنکھ میں

ہے ہوا کی نوحہ خوانی آنکھ میں

اسمِ اللہ کے تصور سے گرے

آبشارِ بیکرانی آنکھ میں

لال قلعے سے قطب مینار تک

وقت کی ہے شہ جہانی آنکھ میں

لکھ رہا ہے اس کا آیت سا وجود

ایک تفسیرِ قرانی آنکھ میں

دودھیا باہیں ، سنہری چوڑیاں

گھومتی ہے اک مدھانی آنکھ میں

دیکھتا ہوں جو دکھاتا ہے مجھے

یار کی ہے حکمرانی آنکھ میں

برف رُت کے اس تعلق کی غزل

دھوپ نے ہے گنگنانی آنکھ میں

اجڑے خوابو!، ٹوٹی امیدو!سنو

ایک بستی ہے بسانی آنکھ میں

چل رہی ہے اپنے کرداروں کے ساتھ

فلم کی اب تک کہانی آنکھ میں

چاہتی ہے کیوں بصارت تخلیہ

کون ہے ظلِ ’سبحانی‘ آنکھ میں

کپکپاتے ساحلوں سے ہمکلام

دھوپ ہے کتنی سہانی آنکھ میں

آمد آمد شاہِ نظارہ کی ہے

سرخ مخمل ہے بچھانی آنکھ میں

تجھ سے پہلے توہواکرتے تھے اور

روشنی کے کچھ معانی آنکھ میں

پہلے ہوتے تھے مقاماتِ عدم

اب فقط ہے لا مکانی آنکھ میں

دیکھتے رہنا ہے نقشِ یار بس

بزمِ وحشت ہے سجانی آنکھ میں

بس یہی ہیں یادگاریں اپنے پاس

بس یہی آنسو نشانی آنکھ میں

اُس حویلی کے کھنڈر کی آج بھی

چیختی ہے بے زبانی آنکھ میں

زیرِآب آنے لگی تصویرِیار

پھیلتا جاتا ہے پانی آنکھ میں

شکرہے اُس اعتمادِذات کی

آ گیا ہوں غیر فانی آنکھ میں

دیکھ آئی ہے کسی کو اُس کے ساتھ

اب نہیں ہے خوش گمانی آنکھ میں

منصور آفاق

فلم جاری ہے کہانی ختم شد

دسمبر 1, 2007منصور آفاق،شعراء،غزلفانی،لامکانی،مہربانی،معانی،نہانی،ناگہانی،کہانی،کرانی،گمانی،ٹھانی،پانی،پاسبانی،پرانی،بیانی،باغبانی،ترجمانی،جوانی،جاودانی،دخانی،روانی،رائیگانی،زبانی،سرگرانیadmin

منصور آفاق ۔ غزل نمبر 156

زندگی! اب زندگانی ختم شد

فلم جاری ہے کہانی ختم شد

رو لیا ہے جتنا رو سکتا تھا میں

آنکھ میں جو تھا وہ پانی ختم شد

کر رہا ہوں شام سے فکرِ سخن

یعنی عہدِ رائیگانی ختم شد

میں بھی ہوں موجود اب افلاک پر

لامکاں کی لامکانی ختم شد

رک گیا میں بھی کنارہ دیکھ کر

پانیوں کی بھی روانی ختم شد

چھوڑ آیا ہوں میں شورِ ناتمام

گاڑیوں کی سرگرانی ختم شد

اور باقی ہیں مگر امید کی

اک بلائے ناگہانی ختم شد

آنے سے پہلے بتاتی ہیں مجھے

بارشوں کی بے زبانی ختم شد

دیکھتے ہیں آسماں کے کیمرے

اب گلی کی پاسبانی ختم شد

آ گئے جب تم تو کیا پھر رہ گیا

جو تھا سوچا ، جو تھی ٹھانی ختم شد

بھیج غالب آتشِ دوزخ مجھے

سوزِ غم ہائے نہانی ختم شد

اڑ رہی ہے راکھ آتش دان میں

یار کی بھی مہربانی ختم شد

اب مرے کچھ بھی نہیں ہے آس پاس

ایک ہی تھی خوش گمانی ختم شد

وہ سمندر بھی بیاباں ہو گیا

وہ جو کشتی تھی دخانی ختم شد

اک تکلم اک تبسم کے طفیل

میرا شوقِ جاودانی ختم شد

آہٹیں سن کر خدا کی پچھلی رات

میرے دل کی بے کرانی ختم شد

اک مجسم آئینے کے سامنے

آرزو کی خوش بیانی ختم شد

لفظ کو کیا کر دیا ہے آنکھ نے

چیختے روتے معانی ختم شد

کچھ ہوا ایسا ہوا کے ساتھ بھی

جس طرح میری جوانی ختم شد

اہم اتنا تھا کوئی میرے لیے

اعتمادِ غیر فانی ختم شد

دشت کی وسعت جنوں کو چاہیے

اس چمن کی باغبانی ختم شد

اپنے بارے میں کروں گا گفتگو

یار کی اب ترجمانی ختم شد

ذہن میں منصور ہے تازہ محاذ

سرد جنگ اپنی پرانی ختم شد

منصور آفاق

سخت کم ظرفی ہے اک دو بوند پانی پر گھمنڈ

نومبر 19, 2005امیر مینائی،غزلفانی،فشانی،قرانی،مہربانی،نہانی،ناتوانی،کہانی،پانی،بیانی،ترانی،جوانی،جانی،جاودانی،خوانی،زبانیadmin

امیر مینائی ۔ غزل نمبر 21

خنجرِ قاتل نہ کر اتنا روانی پر گھمنڈ

سخت کم ظرفی ہے اک دو بوند پانی پر گھمنڈ

شمع کے مانند کیا آتش زبانی پر گھمنڈ

صورتِ پروانہ کر سوز نہانی پر گھمنڈ

ہے اگر شمشیر قاتل کو روانی پر گھمنڈ

بسملوں کو بھی ہے اپنی سخت جانی پر گھمنڈ

ناز اُٹھانے کا ہے اس کے حوصلہ اے جانِ زار

اب تلک تجھ کو ہے زور ناتوانی پر گھمنڈ

نوبت شاہی سے آتی ہے صدا شام و سحر

اور کر لے چار دن اس دار فانی پر گھمنڈ

دیکھ او نادان کہ پیری کا زمانہ ہے قریب

کیا لڑکپن ہے کہ کرتا ہے جوانی پر گھمنڈ

چار ہی نالے ہمارے سن کے چپکی لگ گئی

تھا بہت بلبل کو اپنی خوش بیانی پر گھمنڈ

عفو کے قابل مرے اعمال کب ہیں اے کریم

تیری رحمت پر ہے تیری مہربانی پر گھمنڈ

شمع محفل شامت آئی ہے تری خاموش ہو

دل جلوں کے سامنے آتش زبانی پر گھمنڈ

طبع شاعر آ کے زوروں پر کرے کیوں کر نہ ناز

سب کو ہوتا ہے جوانی میں جوانی پر گھمنڈ

چار موجوں میں ہماری چشم تر کے رہ گیا

ابر نیساں کو یہی تھا ڈر فشانی پر گھمنڈ

دیکھنے والوں کی آنکھیں آپ نے دیکھی نہیں

حق بجانب ہے اگر ہے لن ترانی پر گھمنڈ

عاشق و معشوق اپنے اپنے عالم میں ہیں مست

واں نزاکت پر تو یاں ہے ناتوانی پر گھمنڈ

تو سہی کلمہ ترا پڑھوا کے چھوڑوں اے صنم

زاہدوں کو ہے بہت تسبیح خوانی پر گھمنڈ

سبزہ خط جلد یارب رخ پر اُس کے ہو نمود

خضر کو ہے اپنی عمر جاودانی پر گھمنڈ

گور میں کہتی ہے عبرت قیصر و فغفور سے

کیوں نہیں کرتے ہو اب صاحب قرانی پر گھمنڈ

ہے یہی تاثیر آبِ خنجر جلّاد میں

چشمۂ حیواں نہ کر تو اپنے پانی پر گھمنڈ

حال پر اجداد و آبا کے تفاخر کیا امیر

ہیں وہ ناداں جن کو ہے قصے کہانی پر گھمنڈ

امیر مینائی

کہانی

نومبر 16, 1991آفتاب اقبال شمیم،آزاد نظمکہانیadmin

اے سہیلی بتا!

جسم کی یاترا کر کے آئی ہے تُو

موتیے کی ہنسی سے مہکتے ہوئے تیرے گُلنار چہرے پہ

شکنوں میں لکھے ہوئے

بید کے شبد پڑھ کے سناؤں تجھے؟

(اے سکھی! انت کا بھید کس پہ کھلا ہے کبھی)

کیا بتاؤں کہ اُن درشنوں سے

مِری آنکھ سیراب ہو کے بھی

پیاسی رہی

ہاتھ کا لمس ایسا تھا

ہر پور سے دیپ کی لو لپکتی تھی ہر سانس میں

تھرتھری سی کسی ان سُنے گیت کی

کیا بتاؤں سکھی! کس طرح دل دریچے کھلے

اور پنجرے سے

احساس کی نارسائی کا پنچھی اُڑا

میں نے دیکھا سکھی

جھیل کی لہر میں

اک نئے چاند کا عکس اُگتا ہوا

اور پھر ٹمٹماتے ستاروں کی پریاں مجھے

کل کے سپنوں کے آکاش پر لے گئیں

اسے سکھی! اور پھر یوں ہوا

جب سویرے کی پہلی کرن نے جگایا مجھے

گاؤں کا راکشس

جانیے کونسی سمت لے جا چکا تھا انہیں

میں تو چاہت کی ہاری وہیں

مر گئی

اے سہیلی بتا! دُکھ کی بپتا سناتے ہوئے

تُو بڑی سخت جاں ہے کہ

روئی نہیں

ہاں۔۔۔۔ مجھے کل کی سچائیوں پر بھروسہ جو ہے

دُکھ کے پردیس سے

دیکھنا! شیام پیارے ضرور آئیں گے

آفتاب اقبال شمیم

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: کہانی

نگاہوں سے بیاں دل کی کہانی اب بھی ہوتی ہے

ایک قصے کی بھلا کتنی کہانی کرتے

نظر کیونکر نہ رکھیں اُس پہ جو رت بھی سہانی ہے

اور مقیّد ہو کے نہروں کی روانی ہو گیا

ہاں وہ شخص کہ رات کی رانی جیسا ہے

شعر کیا کہوں کہ طبیعت میں روانی کم ہے

ایک قصے کی بھلا کتنی کہانی کرتے

ساری دنیا فقط کہانی ہے

تو فسردگی نہاں ہے بہ کمینِ بے زبانی

کہاں ہم کہاں تم کہاں پھر جوانی

سنی گرچہ جاتی نہیں یہ کہانی

اب کب گئی اٹھائی ہے زور ناتوانی

مری زیست ہے مہربانی کے ساتھ

مزہ عمر کا ہے جوانی سے حظ

دوستی مدعی جانی تھی

اللہ اللہ رے طبیعت کی روانی اس کی

اے عمر گذشتہ میں تری قدر نہ جانی

میں نے مر مر کے زندگانی کی

قطرہ ٹوٹے تو روانی کا تماشا دیکھیں

آخر شب کبھی آغاز کہانی کا نہ ہو

اِس برس بھی ہے اُسی طرح سہانی بارش

نا کوئی طائر سمتِ شجر کا‘ نا کوئی برگ نشانی کا

ہے ہوا کی نوحہ خوانی آنکھ میں

فلم جاری ہے کہانی ختم شد

سخت کم ظرفی ہے اک دو بوند پانی پر گھمنڈ

کہانی

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: