ٹیگ کے محفوظات: کھونا

کہ مٹی کوڑے کا اب ہے بچھونا

اکتوبر 6, 2015میر تقی میر،اساتذہ،غزلکھونا،بچھونا،سلوناadmin

دیوان پنجم غزل 1563

جدا اس سیم تن سے کیسا سونا

کہ مٹی کوڑے کا اب ہے بچھونا

بہت کی جستجو اس کی نہ پایا

ہمیں درپیش ہے اب جی کا کھونا

جگر کے زخم شاید ہیں نمک بند

مزہ کچھ آنسوئوں کا ہے سلونا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پھر کسی نے سونا ہے

دسمبر 1, 2007منصور آفاق،شعراء،غزلہونا،چبھونا،ڈبونا،کہونا،کونا،کھلونا،کھونا،پونا،پرونا،بونا،بھگونا،دھونا،رونا،سلونا،سمونا،سوچاadmin

منصور آفاق ۔ غزل نمبر 596

خالی پھر بچھونا ہے

پھر کسی نے سونا ہے

سربلند لوگوں کا

بادشاہ بونا ہے

پوری کیسے ہو تعبیر

خواب آدھا’ پونا‘ ہے

دوسروں کے ماتم پر

اپنا اپنا رونا ہے

اجنبی ہے دنیا سی

کون مجھ سا ہونا ہے

انتظارِ جاری نے

کیا کسی کو کھونا ہے

آنسوئوں کی بارش سے

قیقہوں کو دھونا ہے

وقت ایک بچہ سا

آدمی کھلونا ہے

زخم زخم دامن کا

چاک کیا پرونا ہے

میں ہوں اور تنہائی

گھر کا ایک کونا ہے

چائے کی پیالی میں

آسماں ڈبونا ہے

کائنات سے باہر

کیا کسی نے ہونا ہے

عرش کا گریباں بھی

آگ میں بھگونا ہے

موت کو بھی آخر کار

قبر میں سمونا ہے

آبلوں کے دریا کو

دشت بھر چبھونا ہے

تیرے دل میں میرا غم

پھر مجھے کہونا، ہے

حسن دھوپ میں منصور

سانولا سلونا ہے

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ہو بھی جاؤ جو کسی اورکا ہونا ہے تمہیں

دسمبر 1, 2007منصور آفاق،شعراء،غزلہونا،چبھونا،ڈبونا،کونا،کھونا،کاکھلونا،پرونا،بچھونا،بونا،بھگونا،دھونا،سمونا،سوچاadmin

منصور آفاق ۔ غزل نمبر 392

یہی دوچار برس آنکھ نے رونا ہے تمہیں

ہو بھی جاؤ جو کسی اورکا ہونا ہے تمہیں

آخری بات کہ کس وقت ملیں گے کل ہم

مجھ کو معلوم ہے اب رات ہے ، سونا ہے تمہیں

یاد رکھنا کہ تمہیں چارہ گری کرنی ہے

زخم سینے ہیں مرے ،چاک پرونا ہے تمہیں

کیا گزاروگے اسی خیمہ ء افلاک میں رات

کیا بنانا یہی فٹ پاتھ بچھونا ہے تمہیں

کوئی خودکُش سا دھماکہ بھی ضروری ہے وہاں

جلدی سے جائے وقوعہ کو بھی دھونا ہے تمہیں

تم سے پہلوں نے جہاں اپنے قدم رکھے تھے

اسی آسیب زدہ غار میں کھونا ہے تمہیں

روح تک دیکھنے کی تم میں بصارت ہی نہیں

صرف کافی یہی مٹی کاکھلونا ہے تمہیں

سرخ فوارہ کی دھاروں کے دمادم کی قسم

رات کی چھاتی میں بس تیر چبھونا ہے تمہیں

دیکھنے ہیں مجھے جذبوں کی صراحی کے خطوط

میں نے وہسکی سے کسی روز بھگونا ہے تمہیں

صرف ہم نصف کے مالک ہیں بحکمِ ربی

فصل بھی کاٹنی ہے بیج بھی بونا ہے تمہیں

میری باہو سے ملاقات ہے ہونے والی

زندگی !’’ ہو‘‘ کے سمندر میں ڈبونا ہے تمہیں

تم پرندے ہو کسی وقت بھی اڑسکتے ہو

ساتھ رکھنے کے لئے جاں میں سمونا ہے تمہیں

جس میں چلتی چلی جاتی ہے قیامت منصور

اُس دوپٹے کا پکڑنا کوئی کونا ہے تمہیں

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔