ٹیگ کے محفوظات: کوکب

اور چاک تک قفس کے مرے سَب سلے ہوئے

جون 1, 2021یاور ماجد،آنکھ بھر آسمان،غزلمطلب،ڈھب،کوکب،کب،رب،سبadmin

---

قدغن لگی ہے سوچ پہ اور لَب سلے ہوئے

اور چاک تک قفس کے مرے سَب سلے ہوئے

نکلا ہوں کتنے زعم سے دُنیا کے سامنے

پہنے ہوئے یہ چیتھڑے بے ڈَھب سلے ہوئے

صدیوں کی گھاٹیوں میں یہ لمحوں کی مشعلیں

گہرے فلک پہ اختر و کوکب سلے ہوئے

مشکل کہاں ہے میرے سوالوں کو بوجھنا

سادہ ہیں ان حروف میں مطلب سلے ہوئے

آنکھوں میں سُرخ ڈوریاں عمروں سے ساتھ تھیں

اس دِل کے زخم پھر بھی رہے کب سلے ہوئے

جُوں جُوں چمن میں سُرخی پروتی گئی بہار

کھلتے گئے ہیں گھاؤ مرے سب سلے ہوئے

ایسا بیاں کا زور کیا تھا اگر عطا

کیوں ہونٹ دے دئیے مجھے یا رب سلے ہوئے

یاور ماجد

آنکھ بھر آسمان ۔ فہرست

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

مگر فن ہے مرا موجود تو کب میں نہیں ہوں گا

اکتوبر 1, 2017ماجِد نشان،ماجد صدیقی،غزللب،منصب،ڈھب،کوکب،کب،تب،سبadmin

ماجد صدیقی ۔ غزل نمبر 25

بہت یاد آؤں گا ہر شخص کو جب میں نہیں ہوں گا

مگر فن ہے مرا موجود تو کب میں نہیں ہوں گا

مری قامت نہیں تسلیم جن بَونوں کو اب، وہ بھی

دلائیں گے مجھے کیا کیا نہ منصب، میں نہیں ہوں گا

سحر پھوٹے گی آخر جگنوؤں سے میرے حرفوں کے

یہ ہو گا پر ہُوا جب اس طرح تب میں نہیں ہوں گا

نہ جانیں گے خمیر اِس کا اٹھا کن تلخیوں سے تھا

مرا شیریں سخن دہرائیں گے سب میں نہیں ہوں گا

یقیں ہے انتقاماً جب مجھے ظلمت نگل لے گی

مرے فکر و نظر ٹھہریں گے کوکب میں نہیں ہوں گا

جتانے کو مری بے چینیاں آتے زمانوں تک

پسِ ہر حرف دھڑکیں گے مرے لب میں نہیں ہوں گا

ملا جو صرف، فن ہو کر مجھے اظہار کا ، ماجِد

سبھی ترسیں گے اپنانے کو وہ ڈھب میں نہیں ہوں گا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

حال مخالف تھے سب کے سب دریا میں

مارچ 31, 2017ماجد صدیقی،غزل،غزل سراکوکب،کب،اب،جب،سب،شبadmin

ماجد صدیقی ۔ غزل نمبر 8

ہم نے اُتارا جس دم مرکب دریا میں

حال مخالف تھے سب کے سب دریا میں

جب سے کنارے اُس کے تُجھ سے ملن ٹھہرا

اُترے آس کے کیا کیا کوکب دریا میں

ہر تنکے ہر پیڑ کو جو جتلاتا تھا

زور نہیں وہ پہلا سا اب دریا میں

ہاتھ میں چپّو تان لئے تو ڈرنا کیا

عمر کٹے یا کٹ جائے شب دریا میں

رنج نظر کا آخر آنکھ میں تیرے گا

لاش دبی رہتی ہے بھلا کب دریا میں

چاہت نے اسباب نہ دیکھے تھے ماجدؔ

کھُرتی خاک لئے اُتری جب دریا میں

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔