ٹیگ کے محفوظات: کرنا

ایم سی ایس اک اور بھی آپ نے کرنا ہو گا

اکتوبر 1, 2017ماجِد نشان،ماجد صدیقی،غزلنکھرنا،ڈرنا،کرنا،ابھرنا،اترنا،بھرنا،توٹھہرناadmin

ماجد صدیقی ۔ غزل نمبر 44

نرم روی اپنا کے اور سُدھرنا ہو گا

ایم سی ایس اک اور بھی آپ نے کرنا ہو گا

اندر کی ٹھنڈک سے رکھ کے پروں کو سلامت

پار بکھیڑوں کے صحرا سے اترنا ہو گا

تازہ عزم و عمل اپنا کے گُن دکھلاکے

جیون میں اک رنگ نیا نت بھرنا ہو گا

شام کی گرد میں کھو کے اور پھر تازہ ہو کے

وادیٔ شب سے مثل گلوں کے ابھرنا ہو گا

رکھنا ہو گا پاس سدا ننھوں کی رضا کا

آپ سے ننھوں کو ہرگز نہیں ڈرنا ہو گا

جینے کے فن سے لے کر تخلیقِ سخن تک

اک اک میں کھو جانا اور نکھرنا ہو گا

آپ کا جیون سہل ہوا گر یاور بیٹے

آسودہ ماجِد نے بھی توٹھہرنا ہو گا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ہر ایک آنکھ جہاں آنسوؤں کا جھرنا ہے

مارچ 31, 2017ماجد صدیقی،غزل،غزل سرامکرنا،نکھرنا،کرنا،جھرنا،سدھرناadmin

ماجد صدیقی ۔ غزل نمبر 11

وہاں فلک پہ ستاروں نے کیا ابُھرنا ہے

ہر ایک آنکھ جہاں آنسوؤں کا جھرنا ہے

نجانے کتنے درندوں کی ہیں کمیں گاہیں

وُہ گھاٹیاں کہ جنہیں ہم نے پار کرنا ہے

کسی نگاہ میں آئے کب اُس کی پامالی

وُہ حسن عید کے دن ہی جِسے نکھرنا ہے

یہ دور وُہ ہے کہ ہر شب کسی خبر نے ہمیں

ہوا کے دوش پہ آ کر اداس کرنا ہے

سکھا دئیے ہیں جو کرتب کسی مداری نے

اَب اُن سے بڑھ کے بھی بندر نے کیا سُدھرنا ہے

ہمیں ہے اُس سے تقاضائے لُطفِ جاں ماجدؔ

وُہ جس کی خُوہی ہر اک بات سے مُکرنا ہے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

باقی کو کیا کرنا ہے

اکتوبر 23, 2015Jaun Elia،جون ایلیا،شعراء،غزلچرچا،ڈرنا،کرنا،گزرنا،اُبھرنا،اترنا،بکھرنا،بھرنا،سُدھرناadmin

جون ایلیا ۔ غزل نمبر 209

مجھ کو تو گِر کے مرنا ہے

باقی کو کیا کرنا ہے

شہر ہے چہروں کی تمثیل

سب کا رنگ اترنا ہے

وقت ہے وہ ناٹک جس میں

سب کو ڈرا کر ڈرنا ہے

میرے نقشِ ثانی کو

مجھ میں ہی سے اُبھرنا ہے

کیسی تلافی کیا تدبیر

کرنا ہے اور بھرنا ہے

جو نہیں گزرا ہے اب تک

وہ لمحہ تو گزرنا ہے

اپنے گماں کا رنگ تھا میں

اب یہ رنگ بکھرنا ہے

ہم دو پائے ہیں سو ہمیں

میز پہ جا کر چرنا ہے

چاہے ہم کچھ بھی کر لیں

ہم ایسوں کو سُدھرنا ہے

ہم تم ہیں اک لمحہ کے

پھر بھی وعدہ کرنا ہے

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اس برتاؤ میں ہے سب برتا دنیا کی

مارچ 4, 2012فردا،مجید امجد،غزلمایا،ندیا،یا،کرنا،پروا،برتا،جا،دنیاadmin

مجید امجد ۔ غزل نمبر 55

اک اچھائی میں سب کایا دنیا کی

اس برتاؤ میں ہے سب برتا دنیا کی

پھول تو سب اک جیسے ہیں سب مٹی کے

رُت کوئی بھی ہو دل کی یا دنیا کی

اس اک باڑ کے اندر سب کچھ اپنا ہے

باہر دنیا، کس کو پروا دنیا کی!

ان چمکیلے زینوں میں یہ خوش خوش لوگ

چہروں پر تسکینیں دنیا دنیا کی

اجلی کینچلیوں میں صاف تھرکتی ہے

ساری کوڑھ کلنکی مایا دنیا کی

پھر جب وقت بجھا تو ان پلکوں کے تلے

بہتے بہتے تھم گئی ندیا دنیا کی

جم گئے خود ہی اس دلدل میں، اور خود ہی

کریں شکایت، اہل دنیا، دنیا کی

دنیا کے ٹھکرائے ہوئے لوگوں کا کام

پہروں بیٹھے باتیں کرنا دنیا کی

دلوں پہ ظالم یکساں سچ کا پہرا ہے

کوئی تو جھوٹی ریت نبھا جا دنیا کی

مجید امجد

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

زندہ ہوئے کچھ اور اجالے مرنا ورنا بھول گئے

دسمبر 1, 2007منصور آفاق،شعراء،غزلنکھرنا،ڈرنا،کرنا،ابھرنا،اترنا،دھرنا،سنورناadmin

منصور آفاق ۔ غزل نمبر 518

صبحِ وطن کی کرنوں والے شام سے ڈرنا بھول گئے

زندہ ہوئے کچھ اور اجالے مرنا ورنا بھول گئے

سری نگر کے رستے پر تو موت ابھی تک راج کرے

جہلم کے ماتھے سے دن کے نور ابھرنا بھول گئے

ابھی تو کیرن سے آگے ہر پھول لہو کی خوشبو دے

آب رواں میں قوسِ قزح کے رنگ اترنا بھول گئے

سیبوں جیسے چہروں پر کہساروں کی برفاہٹ ہے

پیر چناسی پر اخروٹ کے پیڑ نکھرنا بھول گئے

اس کی یادیں سوچوں کو بکھرانے والامحشر تھیں

رات ہوئی تودیپ جلا کر طاق میں دھرنا بھول گئے

آنکھ اٹھا کر دیکھنے والی آنکھیں سجدہ ریز ہوئیں

اس کے آگے ہم سے سخنور بات بھی کرنا بھول گئے

موت زدہ کشمیر کا چہرہ پھولوں سا منصور کہاں

ایسی وحشت ناک فضا میں لوگ سنورنا بھول گئے

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

میں فائل بند کرنا چاہتا ہوں

دسمبر 1, 2007منصور آفاق،شعراء،غزلکھلنا،کرنا،گرنا،پڑھنا،رونا،رکنا،سمجھنا،سننا،سوچاadmin

منصور آفاق ۔ غزل نمبر 281

زمانے سے بچھڑنا چاہتا ہوں

میں فائل بند کرنا چاہتا ہوں

مقام صفر سے ملنے کی خاطر

کسی ٹاور سے گرنا چاہتا ہوں

لہومیں کالے کتے بھونکتے ہیں

کسی کے ساتھ سونا چاہتا ہوں

یہ کیوں پستی سے کرتا ہے محبت

میں پانی کو سمجھنا چاہتا ہوں

کبھی وحشی مسائل سے نکل کر

تجھے کچھ دیر رونا چاہتا ہوں

ذرا اونچی کرو آواز اس کی

ہوا کی بات سننا چاہتا ہوں

میں ہلکی ہلکی نیلی روشنی میں

بدن کا بورڈ پڑھنا چاہتا ہوں

پڑا ہوں بند اپنی ڈائری میں

کہیں پہ میں بھی کھلنا چاہتا ہوں

ازل سے پاؤں میں ہے ریل گاڑی

کہیں منصور رکنا چاہتا ہوں

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔