ٹیگ کے محفوظات: کافر

پھر جو بھی در ملا ہے اسی در کے ہو گئے

نومبر 6, 2015احمد فراز،شعراء،غزلکافر،گر،پتھر،اکثر،باہر،در،سمندرadmin

احمد فراز ۔ غزل نمبر 109

تجھ سے بچھڑ کے ہم بھی مقدر کے ہو گئے

پھر جو بھی در ملا ہے اسی در کے ہو گئے

پھر یوں ہوا کہ غیر کو دل سے لگا لیا

اندر وہ نفرتیں تھیں کہ باہر کے ہو گئے

کیا لوگ تھے کہ جان سے بڑھ کر عزیز تھے

اب دل سے محو نام بھی اکثر کے ہو گئے

اے یادِ یار تجھ سے کریں کیا شکایتیں

اے دردِ ہجر ہم بھی تو پتھر کے ہو گئے

سمجھا رہے تھے مجھ کو سبھی ناصحانِ شہر

پھر رفتہ رفتہ خود اسی کافر کے ہو گئے

اب کے نہ انتظار کریں چارہ گر کا ہم

اب کے گئے تو کوئے ستم گرکے ہو گئے

روتے ہو اک جزیرۂ جاں کو فراز تم

دیکھو تو کتنے شہر سمندر کے ہو گئے

احمد فراز

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

تجھ پر تری نگاہ سے چھپ کر نگاہ کی

مارچ 3, 2012مجید امجد،امروز،غزلکافر،کر،ٹھوکر،پرadmin

مجید امجد ۔ غزل نمبر 30

اک عمر دل کی گھات سے تجھ پر نگاہ کی

تجھ پر تری نگاہ سے چھپ کر نگاہ کی

روحوں میں جلتی آگ، خیالوں میں کھلتے پھول

ساری صداقتیں کسی کافر نگاہ کی

جب بھی غمِ زمانہ سے آنکھیں ہوئیں دوچار

منہ پھیر کر تبسمِ دل پر نگاہ کی

باگیں کھنچیں، مسافتیں کڑکیں، فرس رکے

ماضی کی رتھ سے کس نے پلٹ کر نگاہ کی

دونوں کا ربط ہے تری موجِ خرام سے

لغزش خیال کی ہو کہ ٹھوکر نگاہ کی

مجید امجد

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

یہ الگ بات بظاہر تجھے چھوڑ آیا ہوں

دسمبر 1, 2007منصور آفاق،شعراء،غزلمسافر،کافر،آخر،بظاہر،خاطرadmin

منصور آفاق ۔ غزل نمبر 283

دل نہیں مانتا میں پھرتجھے چھوڑ آیا ہوں

یہ الگ بات بظاہر تجھے چھوڑ آیا ہوں

پاؤں پتھر تھے پہاڑوں کی طرح لگتے ہیں

سچ یہی ہے تری خاطر تجھے چھوڑ آیا ہوں

تُو جہاں بھول گیا تھا مجھے رکھ کر جاناں

میں اسی جگہ پہ آخر تجھے چھوڑ آیا ہوں

تُو جہنم کی گلی میں مجھے چھوڑآیا تھا

میں تو جنت میں مسافر تجھے چھوڑ آیا ہوں

جتنا ممکن تھا ترا ساتھ دیا ہے لیکن

آخرش میں بھی اے کافر تجھے چھوڑ آیا ہوں

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

وہ علم و آگہی کا جو منظر تھا کیا ہوا

دسمبر 1, 2007منصور آفاق،شعراء،غزللشکر،منظر،مظہر،چیتر،کافر،کر،پر،اوپر،ازبر،تیتر،سمندرadmin

منصور آفاق ۔ غزل نمبر 65

سید نصیر شاہ کا جو گھر تھا کیا ہوا

وہ علم و آگہی کا جو منظر تھا کیا ہوا

کہتا تھا جو خدا سے کہ اک جیساکر ہمیں

مشہور شہر میں وہ جو کافر تھا کیا ہوا

وہ جس بلند طرے سے ڈرتے تھے کجکلاہ

وہ جو غریب چلتا اکٹر کر تھا کیا ہوا

ہوتے مشاعرے تھے جو اکثر وہ کیا ہوئے

وہ شاعروں کا ایک جو لشکر تھا کیا ہوا

وہ شام کیا ہوئی جو سٹیشن کے پاس تھی

وہ شخص جو مجھے کبھی ازبر تھا کیا ہوا

وہ ہار مونیم جو بجاتا تھا ساری رات

وہ ایک گانے والا یہاں پر تھا کیا ہوا

برگد ہزاروں سال سے سایہ فگن جہاں

وہ چشمہ جو پہاڑ کے اوپر تھا کیا ہوا

جلتے جہاں تھے دیپ وہ میلے کہاں گئے

آتا یہاں جو پھولوں کا چیتر تھا کیا ہوا

مکھن جو کھایا کرتے تھے وہ مرغ کیا ہوئے

ہر صبح وہ جو بولتا تیتر تھا کیا ہوا

عاجز کے وہ لہکتے ہوئے گیت کیا ہوئے

تنویر کچھ بتا وہ جو مظہر تھا کیا ہوا

چشمہ بیراج کیا ہوا منصور کچھ کہو

جو دیکھنے میں ایک سمندر تھا کیا ہوا

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ہو گا کسی کے ہاتھ سے آخر بنا ہوا

دسمبر 1, 2007منصور آفاق،شعراء،غزلمسافر،ناصر،کافر،آخر،بظاہر،شاعر،طائرadmin

منصور آفاق ۔ غزل نمبر 60

آئے نظر جو روحِ مناظر بنا ہوا

ہو گا کسی کے ہاتھ سے آخر بنا ہوا

یہ کون جا رہا ہے مدینے سے دشت کو

ہے شہر سارا حامی و ناصر بنا ہوا

پر تولنے لگا ہے مرے کینوس پہ کیوں

امکان کے درخت پہ طائر بنا ہوا

یہ اور بات کھلتا نہیں ہے کسی طرف

ہے ذہن میں دریچہ بظاہر بنا ہوا

آغوشِ خاک میں جسے صدیاں گزر گئیں

پھرتا ہے وہ جہاں میں مسافر بنا ہوا

فتویٰ دو میرے قتل کا فوراً جنابِ شیخ

میں ہوں کسی کے عشق میں کافر بنا ہوا

کیا قریہء کلام میں قحط الرجال ہے

منصور بھی ہے دوستو شاعر بنا ہوا

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔