ٹیگ کے محفوظات: کاجل

مجھ سے اِتنی وحشت ہے تو میری حدوں سے دُور نکل

اگست 4, 2018ناصر کاظمی،دیوانِ ناصر،غزلچل،نکل،کاجل،جنگل،عملadmin

گلی گلی مری یاد بچھی ہے پیارے رستہ دیکھ کے چل

مجھ سے اِتنی وحشت ہے تو میری حدوں سے دُور نکل

ایک سمے ترا پھول سا نازک ہاتھ تھا میرے شانوں پر

ایک یہ وقت کہ میں تنہا اور دُکھ کے کانٹوں کا جنگل

یاد ہے اب تک تجھ سے بچھڑنے کی وہ اندھیری شام مجھے

تو خاموش کھڑا تھا لیکن باتیں کرتا تھا کاجل

میں تو ایک نئی دُنیا کی دُھن میں بھٹکتا پھرتا ہوں

میری تجھ سے کیسے نبھے گی ایک ہیں تیرے فکر و عمل

میرا منہ کیا دیکھ رہا ہے، دیکھ اس کالی رات کو دیکھ

میں وہی تیرا ہمراہی ہوں ساتھ مرے چلنا ہو تو چل

ناصر کاظمی

اب کے لگے ہے ٹھہری وہ ٹھنڈے جل سی

جولائی 31, 2017ماجد صدیقی،دِل دِل کرب کمان،غزلکل،کاجل،بوجھل،جل،حنظلadmin

ماجد صدیقی ۔ غزل نمبر 48

خون میں برپا رہتی تھی جو ہلچل سی

اب کے لگے ہے ٹھہری وہ ٹھنڈے جل سی

ایسی کیوں ہے، آنکھ نہیں بتلا سکتی

نِندیا ہے کہ گرانی سے ہے بوجھل سی

لا فانی ہے، یہ تو کتابیں کہتی ہیں

روح نجانے رہتی ہے کیوں بے کل سی

رات کا اکھوا ہے کہ نشانِ بد امنی

دور افق پر ایک لکیر ہے کاجل سی

منظر منظر تلخ رُوئی ہے وہ ماجد

اُتری ہے جو آنکھوں آنکھوں حنظل سی

ماجد صدیقی

ابکے لگے ہے ٹھہری وہ ٹھنڈے جل سی

اکتوبر 31, 2016ماجد صدیقی،آغاز،غزلکل،کاجل،بوجھل،جل،حنظلadmin

ماجد صدیقی ۔ غزل نمبر 53

خون میں برپا رہتی تھی جو ہلچل سی

ابکے لگے ہے ٹھہری وہ ٹھنڈے جل سی

ایسی کیوں ہے آنکھ نہیں بتلا سکتی

نندیا ہے کہ گرانی سے ہے بوجھل سی

لا فانی ہے یہ تو کتابیں کہتی ہیں

روح نجانے رہتی ہے کیوں بے کل سی

رات کا اکھوا ہے کہ نشانِ بدامنی

دور افق پر ایک لکیر ہے کاجل سی

منظر منظر تلخ رُوئی ہے وہ ماجد

اتری لگے جو آنکھوں آنکھوں حنظل سی

ماجد صدیقی

وصل کا خواب مکمل ہو جائے

اکتوبر 25, 2015پروین شاکر،شعراء،غزلمکمل،کاجل،پاگل،آنچل،بادل،جنگل،شلadmin

پروین شاکر ۔ غزل نمبر 90

رنگ ، خوشبو میں اگر حل ہو جائے

وصل کا خواب مکمل ہو جائے

چاند کا چوما ہُوا سرخ گلاب

تیتری دیکھے تو پاگل ہو جائے

میں اندھیروں کو اُجالُوں ایسے

تیرگی آنکھ کا کاجل ہو جائے

دوش پر بارشیں لے کے گُھومیں

مَیں ہوا اور وہ بادل ہو جائے

نرم سبزے پہ ذرا جھک کے چلے

شبنمی رات کا آنچل ہو جائے

عُمر بھر تھامے رہے خوشبو کو

پُھول کا ہاتھ مگر شل ہو جائے

چڑیا پتّوں میں سمٹ کر سوئے

پیٹریُوں پھیلے کہ جنگل ہو جائے

پروین شاکر

ایسی برساتیں کہ بادل بھیگتا ہے ساتھ ساتھ

اکتوبر 25, 2015پروین شاکر،شعراء،غزلکمبل،کاجل،پاگل،آنچل،بادل،صندلadmin

پروین شاکر ۔ غزل نمبر 67

تیرا گھر اور میرا جنگل بھیگتا ہے ساتھ ساتھ

ایسی برساتیں کہ بادل بھیگتا ہے ساتھ ساتھ

بچپنے کا ساتھ ہے،پھر ایک سے دونوں کے دُکھ

رات کا اور میرا آنچل بھیگتا ہے ساتھ ساتھ

وہ عجب دنیا کہ سب خنجر بکف پھرتے ہیں ۔۔اور

کانچ کے پیالوں میں صندل بھیگتا ہے ساتھ ساتھ

بارشِ سنگِ ملامت میں بھی وہ ہمراہ ہے

میں بھی بھیگوں ،خود بھی پاگل بھیگتا ہے ساتھ ساتھ

لڑکیوں کے دُکھ عجب ہوتے ہیں ،سُکھ اُس سے عجیب

ہنس رہی ہیں اور کاجل بھیگتا ہے ساتھ ساتھ

بارشیں جاڑے کی اور تنہا بہت میرا کساں

جسم کا اکلوتا کمبل بھیگتا ہے ساتھ ساتھ

پروین شاکر

دست گُل پھیلا ہُوا ہے مرے آنچل کی طرح

اکتوبر 25, 2015پروین شاکر،شعراء،غزلچھاگل،کومل،کاجل،آنچل،جنگل،دلدل،صندلadmin

پروین شاکر ۔ غزل نمبر 35

پھر مرے شہر سے گزرا ہے وہ بادل کی طرح

دست گُل پھیلا ہُوا ہے مرے آنچل کی طرح

کہہ رہا ہے کسی موسم کی کہانی اب تک

جسم برسات میں بھیگے ہُوئے جنگل کی طرح

اُونچی آواز میں اُس نے تو کبھی بات نہ کی

خفگیوں میں بھی وہ لہجہ رہا کومل کی طرح

مِل کے اُس شخص سے میں لاکھ خموشی سے چلوں

بول اُٹھتی ہے نظر، پاؤں کی چھاگل کی طرح

پاس جب تک وہ رہے ،درد تھما رہتا ہے

پھیلتا جاتا ہے پھر آنکھ کے کاجل کی طرح

اَب کسی طور سے گھر جانے کی صُورت ہی نہیں

راستے میرے لیے ہو گئے دلدل کی طرح

جسم کے تیرہ و آسیب زدہ مندر میں

دل سِر شام سُلگ اُٹھتا ہے صندل کی طرح

پروین شاکر

جاگا ہوا نگر بھی مجھے شل دکھائی دے

دسمبر 1, 2007منصور آفاق،شعراء،غزلململ،مکمل،مسلسل،کاکمبل،کاجل،پل،بوجھل،جنگل،دلدل،شلadmin

منصور آفاق ۔ غزل نمبر 528

حرکت ہر ایک شے کی معطل دکھائی دے

جاگا ہوا نگر بھی مجھے شل دکھائی دے

آتے ہوئے منٹ کی طوالت کا کیا کہوں

گزری ہوئی صدی تو مجھے پل دکھائی دے

پلکوں کے ساتھ ساتھ فلک پر کہیں کہیں

مجھ کو کوئی ستارہ مسلسل دکھائی دے

برسات کی پھوار برہنہ کرے تجھے

تیرے بدن پہ ڈھاکہ کی ململ دکھائی دے

پیچھے زمین ٹوٹ کے کھائی میں گر پڑی

آگے تمام راستہ دلدل دکھائی دے

ہجراں کی رات نرم ملائم کچھ اتنی ہے

مجھ کو ترا خیال بھی بوجھل دکھائی دے

برفاب موسموں میں مرے جسم پر تری

بھیڑوں کی گرم اون کاکمبل دکھائی دے

اُس چشم کے اندھیرے میں سورج کی خیر ہو

دیکھوں جہاں تلک مجھے کاجل دکھائی دے

دیکھا ہے رکھ کے اپنی ہتھیلی پہ کتنی بار

وہ پھول ہر طرف سے مکمل دکھائی دے

نقشِ قدم سے پاک جزیرہ کہیں ملے

منصور ان چھوا کوئی جنگل دکھائی دے

منصور آفاق

کھلے گلے کی پہن کر قمیض ململ کی

دسمبر 1, 2007منصور آفاق،شعراء،غزلململ،منگل،چھل،چاول،ڈھل،کمبل،کاجل،پیتل،تھل،جنگلadmin

منصور آفاق ۔ غزل نمبر 463

گرا کے پھول اٹھائے کوئی کڑی تھل کی

کھلے گلے کی پہن کر قمیض ململ کی

ابھی تو پاؤں میں باقی ہے ہجر کا ہفتہ

پڑی ہے راہ ابھی ایک اور منگل کی

حنائی ہاتھ پہ شاید پلیٹ رکھی تھی

ہوا کے جسم سے خوشبو اٹھی تھی چاول کی

بچھی ہوئی ہیں سحر خیزیوں تلک آنکھیں

ملی ہوئی ہے شبوں سے لکیر کاجل کی

لیا ہے شام کا شاور ابھی ابھی کس نے

گلی میں آئی ہے خوشبو کہاں سے جل تھل کی

شفق کے لان میں صدیوں سے شام کی لڑکی

بجا رہی ہے مسلسل پرات پیتل کی

نکھر نکھر گیا کمرے میں رنگ کا موسم

ذرا جو شال بدن کے گلاب سے ڈھلکی

کسی کو فتح کیا میں نے پیاس کی رت میں

اڑے جو کارک تو شمپین جسم پر چھلکی

چھتوں پہ لوگ اٹھائے ہوئے تھے بندوقیں

تمام شہر پہ اتری تھی رات جنگل کی

جھلس گیا تھا دسمبر کی رات میں منصور

وہ سرسراتی ہوئی آگ تیرے کمبل کی

منصور آفاق

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: کاجل

مجھ سے اِتنی وحشت ہے تو میری حدوں سے دُور نکل

اب کے لگے ہے ٹھہری وہ ٹھنڈے جل سی

ابکے لگے ہے ٹھہری وہ ٹھنڈے جل سی

وصل کا خواب مکمل ہو جائے

ایسی برساتیں کہ بادل بھیگتا ہے ساتھ ساتھ

دست گُل پھیلا ہُوا ہے مرے آنچل کی طرح

جاگا ہوا نگر بھی مجھے شل دکھائی دے

کھلے گلے کی پہن کر قمیض ململ کی

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: