ٹیگ کے محفوظات: ڈھونڈتی

کوئی تازہ ہوا چلی ہے ابھی

اگست 4, 2018ناصر کاظمی،دیوانِ ناصر،غزلچلی،نئی،ڈھونڈتی،کمی،کھلی،گری،پڑی،جاگتی،خامشی،رہیadmin

دل میں اِک لہر سی اٹھی ہے ابھی

کوئی تازہ ہوا چلی ہے ابھی

شور برپا ہے خانہِ دل میں

کوئی دِیوار سی گری ہے ابھی

بھری دُنیا میں جی نہیں لگتا

جانے کس چیز کی کمی ہے ابھی

تو شریکِ سخن نہیں ہے تو کیا

ہم سخن تیری خامشی ہے ابھی

یاد کے بے نشاں جزیروں سے

تیری آواز آ رہی ہے ابھی

شہر کی بے چراغ گلیوں میں

زِندگی تجھ کو ڈھونڈتی ہے ابھی

سو گئے لوگ اُس حویلی کے

ایک کھڑکی مگر کھلی ہے ابھی

تم تو یارو ابھی سے اُٹھ بیٹھے

شہر میں رات جاگتی ہے ابھی

کچھ تو نازک مزاج ہیں ہم بھی

اور یہ چوٹ بھی نئی ہے ابھی

وقت اچھا بھی آئے گا ناصر

غم نہ کر زندگی پڑی ہے ابھی

ناصر کاظمی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

گماں گماں سی مہک خود کو ڈھونڈتی ہی رہی

اکتوبر 23, 2015Jaun Elia،جون ایلیا،شعراء،غزلڈھونڈتی،کمی،گلی،گزشتگی،تازگی،حسی،خوشی،سجیadmin

جون ایلیا ۔ غزل نمبر 157

نہ ہم رہے نہ وہ خوابوں کی زندگی ہی رہی

گماں گماں سی مہک خود کو ڈھونڈتی ہی رہی

عجب طرح رخ آیندگی کا رنگ اڑا

دیار ذات میں ازخود گزشتگی ہی رہی

حریم شوق کا عالم بتائیں کیا تم کو

حریم شوق میں بس کمی ہی رہی

پس نگاہ تغافل تھی اک نگاہ کہ تھی

جو دل کے چہرہ ء حسرت کی تازگی ہی رہی

عجیب آئینہ پر تو تمنا تھا

تھی اس میں ایک اداسی جو سجی ہی رہی

بدل گیا سبھی کچھ اس دیار بودش میں

گلی تھی جو تری جاں وہ تری گلی ہی رہی

تمام دل کے محلے اجڑ چکے تھے—– مگر

بہت دنوں تو ہنسی ہی رہی خوشی ہی رہی

وہ داستاں تمہیں اب بھی یاد ہے کہ نہیں

جو خون تھوکنے والوں کی بے حسی ہی رہی

سناؤں میں کسے افسانہ ء خیال ملال

تری کمی ہی رہی اور مری کمی ہی رہی

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔