ٹیگ کے محفوظات: ڈری

ہم میں ہے جو اِس قدر بھی سادگی اچّھی نہیں

مارچ 31, 2017ماجد صدیقی،غزل،غزل سراڈری،بھربھری،بری،تہی،دلی،سادگیadmin

ماجد صدیقی ۔ غزل نمبر 65

جنگلوں میں میش کی سی بے بسی اچّھی نہیں

ہم میں ہے جو اِس قدر بھی سادگی اچّھی نہیں

دل میں تُو اہلِ ریا کے بیج چاہت کے نہ بو

اِس غرض کو یہ زمیں ہے بُھربھُری،اچّھی نہیں

ہر سفر ہے آن کا بَیری اور اُس کے سامنے

اور جو کچھ ہو سو ہو پہلو تہی اچّھی نہیں

ظرفِ انساں ہی کے سارے رنگ ہیں بخشے ہوئے

چیز اپنی ذات میں کوئی بُری، اچّھی نہیں

ہو کے رہ جاتی ہے اکثر یہ عذابِ جان بھی

ہوں جہاں اندھے سبھی، دیدہ وری اچّھی نہیں

کچھ دنوں سے تجھ کو لاحق ہے جو ماجدؔ دمبدم

جان لے مشکل میں ایسی بے دلی اچّھی نہیں

ماجد صدیقی

تری توصیف اک احسان میری شاعری پر ہے

دسمبر 1, 2007منصور آفاق،شعراء،غزلڈری،کافری،گری،دلبری،شاعریadmin

منصور آفاق ۔ غزل نمبر 615

مجھے کیا اعتماد الفاظ کی جادوگری پر ہے

تری توصیف اک احسان میری شاعری پر ہے

ترے دربار سے کچھ مانگنا گر کفر ٹھہرا ہے

تو میں کافر ہوں مجھ کو ناز اپنی کافری پر ہے

تری رفعت تفکر کی حدودِ فہم سے بالا

ترا عرفان طنزِ مستقل دانش وری پر ہے

سراپا ناز ہو کر بھی نیازِ عشق کے سجدے

خدا کو فخر بس تیرے خلوصِ دلبری پر ہے

صلائے عام ہے وہ نبضِ ہستی تھام لے آ کر

جو کوئی معترض آقا تری چارہ گری پر ہے

مجھے تسخیرِ یزداں کا عمل معلوم ہے منصور

کرم خاکِ مدنیہ کا مری دیدہ وری پر ہے

منصور آفاق

تیرے ہوتے ہوئے ہو جاتے کسی کے کیسے

دسمبر 1, 2007منصور آفاق،شعراء،غزللبی،نفی،نمی،ڈری،کنی،کجی،کسی،گری،اسی،بھری،بری،خوشی،دری،روی،سری،شبیadmin

منصور آفاق ۔ غزل نمبر 552

جام کے بادہ کے خوشبو کے کلی کے کیسے

تیرے ہوتے ہوئے ہو جاتے کسی کے کیسے

زخم مرہم کی تمنا ہی نہیں کر سکتا

ہیں یہ احسان تری چارہ گری کے کیسے

نقشِ پا تیرے نہ ہوتے تو سرِ دشتِ وفا

جاگتے بخت یہ آشفتہ سری کے کیسے

اپنے کمرے میں ہمیں قید کیا ہے تُو نے

سلسلے تیرے ہیں آزاد روی کے کیسے

اتنے ناکردہ گناہوں کی سزا باقی تھی

ہائے در کھلتے بھلا بخت وری کے کیسے

صفر میں صفر ملاتے تھے تو کچھ بنتا تھا

جمع کر لیتے تھے اعداد نفی کے کیسے

جیپ آتی تھی تو سب گاؤں نکل آتا تھا

کیا کہوں بھاگ تھے اس بھاگ بھری کے کیسے

ہجر کی رات ہمیں دیکھ رہی تھی دنیا

بند ہو جاتے درے بارہ دری کے کیسے

ڈاک کے کام میں تو کوئی رکاوٹ ہی نہیں

سلسلے ختم ہوئے نامہ بری کے کیسے

موت کی اکڑی ہوئی سرد رتوں میں جی کر

یہ کھنچے ہونٹ کھلیں ساتھ خوشی کے کیسے

کون روتا ہے شبِ ہجر کی تنہائی میں

پتے پتے پہ ہیں یہ قطرے نمی کے کیسے

موج اٹھتی ہی نہیں کوئی سرِ چشمِ وفا

یہ سمندر ہیں تری تشنہ لبی کے کیسے

موت کی شکل بنائی ہی نہیں تھی اس نے

نقش تجسیم ہوئے جان کنی کے کیسے

آ ہمیں دیکھ کہ ہم تیرے ستم پروردہ

کاٹ آئے ہیں سفر تیرہ شبی کے کیسے

بس یہی بات سمجھ میں نہیں آتی اپنی

جو کسی کا بھی نہیں ہم ہیں اسی کے کیسے

آنکھ کہ چیرتی جاتی تھی ستاروں کے جگر

موسم آئے ہوئے ہیں دیدہ وری کے کیسے

کجکلاہوں سے لڑائی ہے ازل سے اپنی

دوست ہو سکتے ہیں ہم لوگ کجی کے کیسے

ہم چٹانوں کے جگر کاٹنے والے منصور

سیکھ بیٹھے ہیں ہنر شیشہ گری کے کیسے

منصور آفاق

رو پڑے میری کافری اور میں

دسمبر 1, 2007منصور آفاق،شعراء،غزلمسافری،ڈری،کافری،پروری،پری،بھری،برتری،جریadmin

منصور آفاق ۔ غزل نمبر 317

آسماں کی برابری اور میں

رو پڑے میری کافری اور میں

چار سو ہیں دعا کے گلدستے

بیچ میں آخری جری اور میں

لفظ کی بے بسی کی بستی میں

چشم و لب کی سخن وری اور میں

اپنی اپنی تلاش میں گم ہیں

عمر بھر کی مسافری اور میں

مر گئے اختتام سے پہلے

اک کہانی تھی متھ بھری اور میں

کچھ نہیں بانٹتے تناسب سے

میرا احساس برتری اور میں

ایک فیری کے خالی عرشے پر

رقص کرتی تھی جل پری اور میں

فہمِ منصور سے تو بالا ہے

یہ تری بندہ پروری اور میں

منصور آفاق

رستہ کوئی جا تیری گلی سے نہیں ملتا

دسمبر 1, 2007منصور آفاق،شعراء،غزلندی،ڈری،کسی،گلی،گھڑی،اسی،خوشیadmin

منصور آفاق ۔ غزل نمبر 19

اے چاند پتہ تیرا کسی سے نہیں ملتا

رستہ کوئی جا تیری گلی سے نہیں ملتا

او پچھلے پہر رات کے، جا نیند سے کہہ دے

اب خواب میں بھی کوئی کسی سے نہیں ملتا

کیوں وقتِ مقرر پہ ٹرام آتی نہیں ہے

کیوں وقت ترا میری گھڑی سے نہیں ملتا

میں جس کے لیے عمر گزار آیا ہوں غم میں

افسوس مجھے وہ بھی خوشی سے نہیں ملتا

یہ ایک ریاضت ہے خموشی کی گپھا میں

یہ بختِ ہنر نام وری سے نہیں ملتا

وہ تجھ میں کسی روز ضرور آ کے گرے گی

دریا تو کبھی جا کے ندی سے نہیں ملتا

دہلیز پہ رکھ جاتی ہے ہر شام جو آنکھیں

منصور عجب ہے کہ اسی سے نہیں ملتا

منصور آفاق

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: ڈری

ہم میں ہے جو اِس قدر بھی سادگی اچّھی نہیں

تری توصیف اک احسان میری شاعری پر ہے

تیرے ہوتے ہوئے ہو جاتے کسی کے کیسے

رو پڑے میری کافری اور میں

رستہ کوئی جا تیری گلی سے نہیں ملتا

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: