ٹیگ کے محفوظات: چھل

گر مے پہ ہے پابندی کچھ اُس کا بدل آئے

جولائی 24, 2018ہوائے طرب،باصر کاظمی،غزلچھل،کل،اجل،بل،بدلadmin

معمول میں رندوں کے ساقی نہ خلل آئے

گر مے پہ ہے پابندی کچھ اُس کا بدل آئے

مایوس نہیں کرتا میں تجھ کو مگر اے دل

جو آج نہیں آیا مشکل ہے وہ کل آئے

چاہا بھی کہ ہو جائیں کچھ اہلِ ہوس جیسے

پر جو اُنہیں آتے ہیں ہم کو نہ وہ چھل آئے

شاید یہی بہتر ہے ہو جائیں ہمیں سیدھے

قبل اِس کے کہ ماتھے پر اُس شوخ کے بَل آئے

تم دیکھ تو لو آ کر بیمار کو اپنے، پھر

چاہے یہ شفا پائے یا اِس کی اجل آئے

باصر کاظمی

وہی ننھے ننھے پودے تھے گھنے درخت کل کے

جولائی 24, 2018موجِ خیال،باصر کاظمی،غزلچل،نکل،چھل،ڈھل،کل،جل،سنبھلadmin

دمِ صبح آندھیوں نے جنہیں رکھ دیا مسل کے

وہی ننھے ننھے پودے تھے گھنے درخت کل کے

نئے ساتھیوں کی دُھن میں تیری دوستی کو چھوڑا

کوئی تجھ سا بھی نہ پایا تِرے شہر سے نکل کے

وہی رسمِ کم نگاہی وہی رات کی سیاہی

مرے شہر کے چراغو یہاں کیا کرو گے جل کے

نئے خواب میری منزل تہِ آب میرا ساحل

تمہیں کیا ملے گا یارو مرے ساتھ ساتھ چل کے

سرِ شام آج کوئی مرے دل سے کہہ رہا ہے

کوئی چاند بھی تو نکلے کوئی جام بھی تو چھلکے

یہ جو گھر لٹا لٹا ہے یہ جو دل بجھا بجھا ہے

اِسی دل میں رہ گئے ہیں کئی آفتاب ڈھل کے

یہ مشاہدہ ہے میرا رہِ زندگی میں باصرِؔ

وہی منہ کے بَل گرا ہے جو چلا سنبھل سنبھل کے

باصر کاظمی

کاشکے آہوچشم اپنا آنکھوں کو پائوں سے مل جاتا

اکتوبر 6, 2015میر تقی میر،اساتذہ،غزلمل،چھل،ٹل،بدل،جل،دہل،سنبھلadmin

دیوان پنجم غزل 1568

ایک نہ خواہش بر آئی تا جی کا غبار نکل جاتا

کاشکے آہوچشم اپنا آنکھوں کو پائوں سے مل جاتا

آتش دل کی لپٹوں کا ہے یارو کچھ عالم ہی جدا

لائحہ کوئی کھینچتا سر تو سارا عالم جل جاتا

نعرہ کرنا عاشق کا ہے ساتھ اک ہیبت کے یعنی

سن آواز اس شیرنر کی سیل بلا سے دہل جاتا

اہل زمیں تو کیا ہیں ان کا سہل تھا راہ سے لے جانا

چرخ پہ ہوتا وہ جو چھلاوا خیل ملک کو چھل جاتا

کشتی زبردستوں کی اس سے پاک ہوئی تو کیا ہے عجب

رستم سامنے ہوجاتا تو راہ بچا کر ٹل جاتا

غم سے ہو گر زرد سراسر صورت ساری خزاں کی سی

آن نکلتے سوے چمن تو رنگ ہوا کا بدل جاتا

ڈھلتے ڈھلتے ضعف سے آئے میر سو ان نے منھ پھیرا

یاقوتی سے بوسۂ لب کی جی شاید کہ سنبھل جاتا

میر تقی میر

کل درد دل کہا سو مرا منھ ابل گیا

اکتوبر 6, 2015میر تقی میر،اساتذہ،غزلنکل،چھل،ابل،بہل،بچل،بدل،جل،خلل،دہل،سنبھلadmin

دیوان چہارم غزل 1325

شاید جگر حرارت عشقی سے جل گیا

کل درد دل کہا سو مرا منھ ابل گیا

بے یار حیف باغ میں دل ٹک بہل گیا

دے گل کو آگ چار طرف میں نہ جل گیا

اس آہوے رمیدہ کی شوخی کہیں سو کیا

دکھلائی دے گیا تو چھلاوا سا چھل گیا

دن رات خوں کیا ہی کیے ہم جگر کو پھر

گر پھول گل سے کوئی گھڑی جی بہل گیا

تیور بدلنے سے تو نہیں اس کے بے حواس

اندیشہ یہ ہے طور ہی اس کا بدل گیا

ہرچند میں نے شوق کو پنہاں کیا ولے

ایک آدھ حرف پیار کا منھ سے نکل گیا

کرتے ہیں نذر ہم کہ نہ الفت کریں کہیں

گر دل ضعیف اب کے ہمارا سنبھل گیا

چلنے لگے تھے راہ طلب پر ہزار شکر

پہلے قدم ہی پائوں ہمارا بچل گیا

میں دہ دلا تو آگے ہی تھا فرط شوق سے

طور اس کا دیکھ اور بھی کچھ دل دہل گیا

سر اب لگے جھکانے بہت خاک کی طرف

شاید کہ میرجی کا دماغی خلل گیا

میر تقی میر

کیا کہوں اے ہم نشیں میں تجھ سے حاصل دل گیا

اکتوبر 6, 2015میر تقی میر،اساتذہ،غزلقاتل،محمل،چھل،کھل،دلadmin

دیوان اول غزل 57

خواہ مجھ سے لڑ گیا اب خواہ مجھ سے مل گیا

کیا کہوں اے ہم نشیں میں تجھ سے حاصل دل گیا

اپنے ہی دل کو نہ ہو واشد تو کیا حاصل نسیم

گو چمن میں غنچۂ پژمردہ تجھ سے کھل گیا

دل سے آنکھوں میں لہو آتا ہے شاید رات کو

کشمکش میں بے قراری کی یہ پھوڑا چھل گیا

قیس کا کیا کیا گیا اودھر دل و دیں ہوش و صبر

جس طرف صحرا سے لیلیٰ کا چلا محمل گیا

رشک کی جا گہ ہے مرگ اس کشتۂ حسرت کی میر

نعش کے ہمراہ جس کی گور تک قاتل گیا

میر تقی میر

یہ کہاں تک آ گئے ہیں ساتھ چل کے آئینے

دسمبر 1, 2007منصور آفاق،شعراء،غزلہل،چل،نکل،چھل،ڈھل،پگھل،بدل،سنبھلadmin

منصور آفاق ۔ غزل نمبر 568

دیکھتا ہوں خواب میں تیرے محل کے آئینے

یہ کہاں تک آ گئے ہیں ساتھ چل کے آئینے

میں نے دیواروں پہ تیری شکل کیا تصویر کی

آ گئے کمرے میں آنکھوں سے نکل کے آئینے

آدمی نے اپنی صورت پر تراشے دیوتا

آپ اپنی ہی عبادت کی، بدل کے آئینے

ساڑھی کے شیشوں میں میرا لمسِ تازہ دیکھ کر

تیرے شانوں سے نظر کے ساتھ ڈھلکے آئینے

آخری نقطے تلک دیکھا تھا اپنی آنکھ میں

اور پھر دھندلا گئے تھے ہلکے ہلکے آئینے

ایک سورج ہے ترے مد مقابل آج رات

دیکھ اس کو دیکھ لیکن کچھ سنبھل کے آئینے

سینہء شب میں حرارت تھی کچھ اتنی چاند کی

پارہ پارہ ہو گئے ہیں دو پگھل کے آئینے

پھر برہنہ شخصیت ہونے لگی دونوں طرف

جب شرابوں سے بھرے کچھ دیر چھلکے آئینے

منصور آفاق

کھلے گلے کی پہن کر قمیض ململ کی

دسمبر 1, 2007منصور آفاق،شعراء،غزلململ،منگل،چھل،چاول،ڈھل،کمبل،کاجل،پیتل،تھل،جنگلadmin

منصور آفاق ۔ غزل نمبر 463

گرا کے پھول اٹھائے کوئی کڑی تھل کی

کھلے گلے کی پہن کر قمیض ململ کی

ابھی تو پاؤں میں باقی ہے ہجر کا ہفتہ

پڑی ہے راہ ابھی ایک اور منگل کی

حنائی ہاتھ پہ شاید پلیٹ رکھی تھی

ہوا کے جسم سے خوشبو اٹھی تھی چاول کی

بچھی ہوئی ہیں سحر خیزیوں تلک آنکھیں

ملی ہوئی ہے شبوں سے لکیر کاجل کی

لیا ہے شام کا شاور ابھی ابھی کس نے

گلی میں آئی ہے خوشبو کہاں سے جل تھل کی

شفق کے لان میں صدیوں سے شام کی لڑکی

بجا رہی ہے مسلسل پرات پیتل کی

نکھر نکھر گیا کمرے میں رنگ کا موسم

ذرا جو شال بدن کے گلاب سے ڈھلکی

کسی کو فتح کیا میں نے پیاس کی رت میں

اڑے جو کارک تو شمپین جسم پر چھلکی

چھتوں پہ لوگ اٹھائے ہوئے تھے بندوقیں

تمام شہر پہ اتری تھی رات جنگل کی

جھلس گیا تھا دسمبر کی رات میں منصور

وہ سرسراتی ہوئی آگ تیرے کمبل کی

منصور آفاق

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: چھل

گر مے پہ ہے پابندی کچھ اُس کا بدل آئے

وہی ننھے ننھے پودے تھے گھنے درخت کل کے

کاشکے آہوچشم اپنا آنکھوں کو پائوں سے مل جاتا

کل درد دل کہا سو مرا منھ ابل گیا

کیا کہوں اے ہم نشیں میں تجھ سے حاصل دل گیا

یہ کہاں تک آ گئے ہیں ساتھ چل کے آئینے

کھلے گلے کی پہن کر قمیض ململ کی

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: