ٹیگ کے محفوظات: چڑھائی

دوستو آگے چڑھائی ہے بہت

جولائی 24, 2018ہوائے طرب، باصر کاظمی، غزلمچائی، چڑھائی، پارسائی، آئی، بھائی، دہائیadmin

تم نے گو ہمت دلائی ہے بہت

دوستو آگے چڑھائی ہے بہت

کہہ رہی ہے آج بھی نہرِ فرات

ساتھ ہو تو ایک بھائی ہے بہت

روز اک تازہ امید اک تازہ رنج

ہم کو غربت راس آئی ہے بہت

اے خرد اب کچھ مرے دل کی بھی سوچ

اِس نے بھی آفت مچائی ہے بہت

بیٹھتا ہے شیخ کب رندوں کے پاس

اُس کو زعمِ پارسائی ہے بہت

دیس کی کایا پلٹنے کے لیے

ذوق ہو تو اک دہائی ہے بہت

باصر کاظمی

Rate this:

یہ ایک شمعِ سخن ہم نے جو جلائی ہے

اکتوبر 1, 2017ماجِد نشان، ماجد صدیقی، غزلچڑھائی، کمائی، اٹھائی، بھائی، جلائی، دہائیadmin

ماجد صدیقی ۔ غزل نمبر 51

ضیائے دہر، اندھیروں میں کھینچ لائی ہے

یہ ایک شمعِ سخن ہم نے جو جلائی ہے

کوئی کوئی ہے خُلیفہ خُدا کا ایسا بھی

تمام خلق میں جس کے سبب دُہائی ہے

مِلا ہے زاغ کو ٹُکڑا کہیں سے روٹی کا

اور ایک جُھنڈ کی اُس ایک پر چڑھائی ہے

بہ حقِ ہم نفساں ہے جو شر، یہ انساں ہے

کہ کل بھی جس نے قیامت نئی اُٹھائی ہے

نجانے کتنے دھڑوں میں ہے منقسم ٹھہری

وُہ نسل، روزِ ازل سے جو بھائی بھائی ہے

لگا رہا ہے تُو کیوں اِس کو داؤ پر ماجِد!

یہ آن ہی تو تری زیست کی کمائی ہے

ماجد صدیقی

Rate this: