ٹیگ کے محفوظات: چاہوں

اور بھلا کیا چاہوں میں

جولائی 24, 2018موجِ خیال،باصر کاظمی،غزلہوتا،چلتا،چکا،چاہوں،رہتاadmin

تجھ کو دیکھ رہا ہوں میں

اور بھلا کیا چا ہوں میں

دنیا کی منزل ہے وہ

جس کو چھوڑ چکا ہوں میں

تُو جب سامنے ہوتا ہے

اور کہیں ہوتا ہوں میں

اور کسی کو کیا پاؤں

خود کھویا رہتا ہوں میں

ختم ہوئیں ساری باتیں

اچھا اب چلتا ہوں میں

باصر کاظمی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اُبھر رہے ہیں شرارے سے کیوں نگاہوں میں

فروری 27, 2017ماجد صدیقی،سخناب،غزلنگاہوں،چاہوں،گناہوں،پناہوں،باہوں،خواہوں،راہوںadmin

ماجد صدیقی ۔ غزل نمبر 54

کوئی تو آگ ہے اُتری جواب کے آہوں میں

اُبھر رہے ہیں شرارے سے کیوں نگاہوں میں

پہنچ گئے ہیں یہ کس مہرباں کی سازش سے

سکوں کی آس لیے، جبر کی پناہوں میں

اُفق سے دل کی تمناؤں کے جو اُبھرا تھا

پلٹ کے چاند وہ آیا نہ اپنی باہوں میں

بچے گا دام سے کیا اُس کے کوئی زندانی

ستم نے کانچ بچھائے ہوئے راہوں میں

ہمارا جرم ہوئی موسموں سے نم طلبی

شمار بات نہ کیا کیا ہوئی گناہوں میں

وہ مرغ باز ہُوا نام پر قفس جن کے

ہمیں بھی جانیے اُنہی کے خیر خواہوں میں

ہے جب سے جبر کا پہرہ سروں پہ اے ماجدؔ

نہ نفرتوں میں مزہ ہے نہ لطف چاہوں میں

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔