ٹیگ کے محفوظات: پہنچا

کہتے ہیں ہم محتاجوں کا مسیحا ہے

جولائی 31, 2017ماجد صدیقی،دِل دِل کرب کمان،غزلمسیحا،کرشمہ،ٹھہرایا،پہنچا،جھپٹا،رکھاadmin

ماجد صدیقی ۔ غزل نمبر 1

وہ کہ جو دھونس جمانے آگ سا برسا ہے

کہتے ہیں ہم محتاجوں کا مسیحا ہے

بہرِ تحفّظ، گنتی کی کچھ راتوں کو

بھیڑ نے چِیتے کو مہماں ٹھہرایا ہے

جو چڑیا سونے کا انڈا دیتی تھی

غاصب اب کے اُس چڑیا پر جھپٹا ہے

کیا کہیے کس کس نے مستقبل اپنا

ہاتھ کسی کے کیونکر گروی رکھا ہے

بپھری خلق کے دھیان کو جس نے بدلا وہ

شعبدہ بازوں کی ڈفلی کا کرشمہ ہے

چودھری اور انداز سے خانہ بدوشوں سے

اپنا بھتّہ ہتھیانے آ پہنچا ہے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

میرا ذمہ، دیکھ کر گر کوئی بتلا دے مجھے

اکتوبر 8, 2015مرزا اسد اللہ خان غالب،اساتذہ،غزلپہنچا،اُلجھا،بتلا،دکھلاadmin

دیوانِ غالب ۔ غزل نمبر 240

لاغر اتنا ہوں کہ گر تو بزم میں جا دے مجھے

میرا ذمہ، دیکھ کر گر کوئی بتلا دے مجھے

کیا تعجب ہے کہ اُس کو دیکھ کر آجائے رحم

وا ں تلک کوئی کسی حیلے سے پہنچا دے مجھے

منہ نہ دکھلاوے، نہ دکھلا، پر بہ اندازِ عتاب

کھول کر پردہ ذرا آنکھیں ہی دکھلا دے مجھے

یاں تلک میری گرفتاری سے وہ خو ش ہے کہ مَیں

زلف گر بن جاؤں تو شانے میں اُلجھا دے مجھے

مرزا اسد اللہ خان غالب

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

میرے بدن کی مٹی کو ذرا کندن رنگ بنا دینا

جنوری 1, 2012عرفان صدیقی،غزلکھلا،ٹھہرا،پہنچا،بنا،بتا،بجھا،برساadmin

عرفان صدیقی ۔ غزل نمبر 24

عشق میاں اِس آگ میں میرا ظاہر ہی چمکا دینا

میرے بدن کی مٹی کو ذرا کندن رنگ بنا دینا

آؤ تمہاری نذر کریں ہم ایک چراغ حکایت کا

جب تک جاگو روشن رکھنا نیند آئے تو بجھا دینا

بیس اکیس برس پیچھے ہمیں کب تک ملتے رہنا ہے

دیکھو، اَب کی بار ملو تو دِل کی بات بتا دینا

سینے کے ویرانے میں یہ خوشبو ایک کرامت ہے

ورنہ اتنا سہل نہیں تھا راکھ میں پھول کھلا دینا

دِل کی زمیں تک روشنیاں تھیں، چہرے تھے، ہریالی تھی

اب تو جہاں بھی ساحل پانا کشتی کو ٹھہرا دینا

مولا، پھر مرے صحرا سے بن برسے بادل لوٹ گئے

خیر، شکایت کوئی نہیں ہے اگلے برس برسا دینا

خواجہ خضر سنو ہم کب سے اس بستی میں بھٹکتے ہیں

تم کو اگر تکلیف نہ ہو تو جنگل تک پہنچا دینا

عرفان صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔