ٹیگ کے محفوظات: پھلجھڑی

پیو، کہ اور زیادہ ہو روشنی روشن

نومبر 15, 2013آفتاب اقبال شمیمنمی،چاندنی،کبھی،پھلجھڑی،آدمی،روشنیadmin

آفتاب اقبال شمیم ۔ غزل نمبر 13

کرے ہے آنکھ کے گوشوں کی تیرگی روشن

پیو، کہ اور زیادہ ہو روشنی روشن

تمام صحن شبِ یاد جگمگا اُٹھا

ہوئی جو آنکھ میں اشکوں کی پھلجھڑی روشن

تو کیا چراغ ہوں میں طاقِ روزمرہ کا

کبھی بجھا ہوا ہوتا ہوں اور کبھی روشن

سرور دینے لگا ہے مجھے اندھیرا بھی

لگے کہ اُس کے بدن میں ہے چاندنی روشن

مٹے نہ فرقِ سفید و سیاہ سورج سے

مٹے لہو سے، کرے جس کو آدمی روشن

جما ہے تن کے رہِ برف و باد میں کیسے

رکھو، مثالِ شجر جان کی نمی روشن

آفتاب اقبال شمیم

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

شاخ پر اب بھی کوئی پنکھڑی لگ سکتی ہے

دسمبر 1, 2007منصور آفاق،شعراء،غزلہتھکڑی،لڑی،گھڑی،پنکھڑی،پڑی،پھلجھڑی،بڑی،دھڑی،روکھڑیadmin

منصور آفاق ۔ غزل نمبر 631

آگ میں برگ وسمن کی جھڑی لگ سکتی ہے

شاخ پر اب بھی کوئی پنکھڑی لگ سکتی ہے

یہ بھی ہوسکتا ہے آنے کی خوشی میں اسکے

بام پہ قمقموں کی اک لڑی لگ سکتی ہے

اس کے وعدہ پہ مجھے پورا یقیں ہے لیکن

لوٹ آنے میں گھڑی دو گھڑی لگ سکتی ہے

رک بھی سکتی ہے یہ چلتی ہوئی اپنی گاڑی

میخ ٹائر میں کہیں بھی پڑی لگ سکتی ہے

جب کوئی ساتھ نہ دینے کا ارداہ کر لے

ایک نالی بھی ندی سے بڑی لگ سکتی ہے

دامِ ہمرنگ زمیں غیر بچھا سکتے ہیں

کوچۂ یار میں دھوکا دھڑی لگ سکتی ہے

اِس محبت کے نتائج سے ڈر آتا ہے مجھے

اِس شگوفے پہ کوئی پھلجھڑی لگ سکتی ہے

میں میانوالی سے آسکتاہوں ہر روز یہاں

خوبصورت یہ مجھے روکھڑی لگ سکتی ہے

جرم یک طرفہ محبت ہے ازل سے منصور

اِس تعلق پہ تجھے ہتھکڑی لگ سکتی ہے

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔