ٹیگ کے محفوظات: پل

صحرا میں گلاب پل رہے ہیں

مئی 31, 2021کلیاتِ شکیب جلالی ۔ غیر مدوّن کلام ۔ غزلیں،شکیب جلالی،غزلچل،ڈھل،پل،بدل،جلadmin

آدابِ چمن بدل رہے ہیں

صحرا میں گلاب پل رہے ہیں

دنیا کی حقیقتیں وہی ہیں

اندازِ نظر بدل رہے ہیں

آمد ہے کس اسیرِ نو کی

زنداں میں چراغ جل رہے ہیں

ہمّت نے جواب دے دیا ہے

دیوانے پھر بھی چل رہے ہیں

ہونٹوں پہ ہنسی اور آنکھ پْرنم

پانی سے چراغ جل رہے ہیں

آشائیں غُروب ہو رہی ہیں

امید کے سایے ڈھل رہے ہیں

وہ راہ، شکیبؔ، کب ہے اپنی

جس راہ پہ لوگ چل رہے ہیں

شکیب جلالی

اور کہیں بیچ میں امکان کا پل پڑتا ہے

مئی 30, 2021عرفان ستار،غزلمچل،چل،نکل،کل،پل،اچھل،ابل،ازل،بل،خللadmin

چپ ہے آغاز میں، پھر شورِ اجل پڑتا ہے

اور کہیں بیچ میں امکان کا پل پڑتا ہے

ایک وحشت ہے کہ ہوتی ہے اچانک طاری

ایک غم ہے کہ یکایک ہی ابل پڑتا ہے

یاد کا پھول مہکتے ہی نواحِ شب میں

کوئی خوشبو سے ملاقات کو چل پڑتا ہے

حجرہِٗ ذات میں سنّاٹا ہی ایسا ہے کہ دل

دھیان میں گونجتی آہٹ پہ اچھل پڑتا ہے

روک لیتا ہے ابد وقت کے اُس پار کی راہ

دوسری سمت سے جاوٗں تو ازل پڑتا ہے

ساعتوں کی یہی تکرار ہے جاری پر دم

میری دنیا میں کوئی آج، نہ کل پڑتا ہے

تابِ یک لحظہ کہاں حسنِ جنوں خیز کے پیش

سانس لینے سے توجّہ میں خلل پڑتا ہے

مجھ میں پھیلی ہوئی تاریکی سے گھبرا کے کوئی

روشنی دیکھ کے مجھ میں سے نکل پڑتا ہے

جب بھی لگتا ہے سخن کی نہ کوئی لوَ ہے نہ رَو

دفعتاً حرف کوئی خوں میں مچل پڑتا ہے

غم چھپائے نہیں چھپتا ہے کروں کیا عرفان

نام لوں اُس کا تو آواز میں بل پڑتا ہے

عرفان ستار

اِک مدّت سے جسم ہمارا بوجھل ہے

فروری 27, 2017ماجد صدیقی،سخناب،غزلہلچل،پل،پیدل،پاگل،بوجھل،تھلadmin

ماجد صدیقی ۔ غزل نمبر 146

اِس میں جانے کس کے ہجر کا کَس بل ہے

اِک مدّت سے جسم ہمارا بوجھل ہے

منفی ہے پر اُس کی بھی اک دنیا ہے

وہ جو نظر میں اہلِ نظر کی پاگل ہے

بات ہے ساری یہ تقلید کے جذبے کی

چرواہا بھی اِس کارن ہی پیدل ہے

جھپٹا ہے پھر سانپ کسی کاشانے پر

رات گئے شاخوں میں کیا یہ ہلچل ہے

پتھر ہے جو اس کو کیا پرواہ بھلا

شیشے ہی کو جان کا کھٹکا پل پل ہے

اب دریا کی سیر کو کم کم جاتا ہے

ماجدؔ جس کا اپنا چہرہ جل تھل ہے

ماجد صدیقی

اور کہیں بیچ میں امکان کا پل پڑتا ہے

اکتوبر 26, 2015شعراء،عرفان ستار،غزلمچل،چل،نکل،کل،پل،اچھل،ابل،ازل،بل،خللadmin

عرفان ستار ۔ غزل نمبر 77

چپ ہے آغاز میں، پھر شورِ اجل پڑتا ہے

اور کہیں بیچ میں امکان کا پل پڑتا ہے

ایک وحشت ہے کہ ہوتی ہے اچانک طاری

ایک غم ہے کہ یکایک ہی ابل پڑتا ہے

یاد کا پھول مہکتے ہی نواحِ شب میں

کوئی خوشبو سے ملاقات کو چل پڑتا ہے

حجرہِٗ ذات میں سنّاٹا ہی ایسا ہے کہ دل

دھیان میں گونجتی آہٹ پہ اچھل پڑتا ہے

روک لیتا ہے ابد وقت کے اُس پار کی راہ

دوسری سمت سے جاوٗں تو ازل پڑتا ہے

ساعتوں کی یہی تکرار ہے جاری پر دم

میری دنیا میں کوئی آج، نہ کل پڑتا ہے

تابِ یک لحظہ کہاں حسنِ جنوں خیز کے پیش

سانس لینے سے توجّہ میں خلل پڑتا ہے

مجھ میں پھیلی ہوئی تاریکی سے گھبرا کے کوئی

روشنی دیکھ کے مجھ میں سے نکل پڑتا ہے

جب بھی لگتا ہے سخن کی نہ کوئی لوَ ہے نہ رَو

دفعتاً حرف کوئی خوں میں مچل پڑتا ہے

غم چھپائے نہیں چھپتا ہے کروں کیا عرفان

نام لوں اُس کا تو آواز میں بل پڑتا ہے

عرفان ستار

بارش میں گلاب جل رہا ہے

اکتوبر 25, 2015پروین شاکر،شعراء،غزلمَل،چل،کَھل،گل،پل،جل،جھل،شلadmin

پروین شاکر ۔ غزل نمبر 120

موسم کا عذاب چل رہا ہے

بارش میں گلاب جل رہا ہے

پھر دیدہ و دل کی خیر یارب!

پھر ذہن میں خواب پل رہا ہے

صحرا کے سفر میں کب ہوں

تنہا ہمراہ سراب چل رہا ہے

آندھی میں دُعا کو بھی نہ اُٹھا

یوں دستِ گُلاب شل رہا ہے

کب شہرِ جمال میں ہمیشہ

وحشت کا عتاب چل رہا ہے

زخموں پہ چھڑک رہا ہے خوشبو

آنکھوں پہ گلاب مَل رہا ہے

ماتھے پہ ہَوانے ہاتھ رکھے

جسموں کو سحاب جھل رہا ہے

موجوں نے وہ دُکھ دیے بدن کو

اب لمسِ حباب کَھل رہا ہے

قرطاسِ بدن پہ سلوٹیں ہیں

ملبوسِ کتاب ،گل رہا ہے

پروین شاکر

لوہو لگا کے وہ بھی شہیدوں میں مل گیا

اکتوبر 6, 2015میر تقی میر،اساتذہ،غزلہل،مل،نگل،کھل،پل،خجل،دلadmin

دیوان پنجم غزل 1567

ناخن سے بوالہوس کا گلا یوں ہی چھل گیا

لوہو لگا کے وہ بھی شہیدوں میں مل گیا

دل جمع تھا جو غنچہ کے رنگوں خزاں میں تھا

اے کیا کہوں بہار گل زخم کھل گیا

بے دل ہوئے پہ کرتے تدارک جو رہتا ہوش

ہم آپ ہی میں آئے نہیں جب سے دل گیا

دیکھا نہیں پہاڑ گراں سنگ یا سبک

زوروں چڑھا تھا عشق میں فرہاد پل گیا

شبنم کی سی نمود سے تھا میں عرق عرق

یعنی کہ ہستی ننگ عدم تھی خجل گیا

غم کھینچتے ہلا نہیں جاگہ سے کیا کروں

دل جا لگے ہے دم بہ دم اودھر ہی ہل گیا

صورت نہ دیکھی ویسی کشادہ جبیں کہیں

میں میر اس تلاش میں چین و چگل گیا

میر تقی میر

اپنی زنجیر پا ہی کا غل تھا

اکتوبر 6, 2015میر تقی میر،اساتذہ،غزلگل،پل،بلبل،توکل،تامل،تجاہل،تحمل،تغافل،غلadmin

دیوان اول غزل 17

جب جنوں سے ہمیں توسل تھا

اپنی زنجیر پا ہی کا غل تھا

بسترا تھا چمن میں جوں بلبل

نالہ سرمایۂ توکل تھا

یک نگہ کو وفا نہ کی گویا

موسم گل صفیر بلبل تھا

ان نے پہچان کر ہمیں مارا

منھ نہ کرنا ادھر تجاہل تھا

شہر میں جو نظر پڑا اس کا

کشتۂ ناز یا تغافل تھا

اب تو دل کو نہ تاب ہے نہ قرار

یاد ایام جب تحمل تھا

جا پھنسا دام زلف میں آخر

دل نہایت ہی بے تامل تھا

یوں گئی قد کے خم ہوئے جیسے

عمر اک رہرو سر پل تھا

خوب دریافت جو کیا ہم نے

وقت خوش میر نکہت گل تھا

میر تقی میر

دل کی حالت سنبھل چلی ہے

اپریل 3, 2012فیض احمد فیض،زنداں نامہ،غزلڈھل،ٹل،پل،بہل،بدل،سنبھلadmin

فیض احمد فیض ۔ غزل نمبر 9

بات بس سے نکل چلی ہے

دل کی حالت سنبھل چلی ہے

اب جنوں حد سے بڑھ چلا ہے

اب طبیعت بہل چلی ہے

اشک خونناب ہو چلے ہیں

غم کی رنگت بدل چلی ہے

یا یونہی، بجھ رہی ہیں شمعیں

یا شبِ ہجر ٹل چلی ہے

لاکھ پیغام ہو گئے ہیں

جب صبا ایک پل چلی ہے

جاو اب سو رہو ستارو

درد کی رات ڈھل چلی ہے

فیض احمد فیض

جاگا ہوا نگر بھی مجھے شل دکھائی دے

دسمبر 1, 2007منصور آفاق،شعراء،غزلململ،مکمل،مسلسل،کاکمبل،کاجل،پل،بوجھل،جنگل،دلدل،شلadmin

منصور آفاق ۔ غزل نمبر 528

حرکت ہر ایک شے کی معطل دکھائی دے

جاگا ہوا نگر بھی مجھے شل دکھائی دے

آتے ہوئے منٹ کی طوالت کا کیا کہوں

گزری ہوئی صدی تو مجھے پل دکھائی دے

پلکوں کے ساتھ ساتھ فلک پر کہیں کہیں

مجھ کو کوئی ستارہ مسلسل دکھائی دے

برسات کی پھوار برہنہ کرے تجھے

تیرے بدن پہ ڈھاکہ کی ململ دکھائی دے

پیچھے زمین ٹوٹ کے کھائی میں گر پڑی

آگے تمام راستہ دلدل دکھائی دے

ہجراں کی رات نرم ملائم کچھ اتنی ہے

مجھ کو ترا خیال بھی بوجھل دکھائی دے

برفاب موسموں میں مرے جسم پر تری

بھیڑوں کی گرم اون کاکمبل دکھائی دے

اُس چشم کے اندھیرے میں سورج کی خیر ہو

دیکھوں جہاں تلک مجھے کاجل دکھائی دے

دیکھا ہے رکھ کے اپنی ہتھیلی پہ کتنی بار

وہ پھول ہر طرف سے مکمل دکھائی دے

نقشِ قدم سے پاک جزیرہ کہیں ملے

منصور ان چھوا کوئی جنگل دکھائی دے

منصور آفاق

اک سیہ مورت سے مل کے صبح شرمندہ ہوئی

دسمبر 1, 2007منصور آفاق،شعراء،غزلمل،کھل،گل،پل،تل،دل،سل،ظلadmin

منصور آفاق ۔ غزل نمبر 445

کالکیں چہرے سے چھل کے صبح شرمندہ ہوئی

اک سیہ مورت سے مل کے صبح شرمندہ ہوئی

جس کی نس نس میں اندھیرے تھے تبسم آفریں

اس کلی کے ساتھ کھل کے صبح شرمندہ ہوئی

وہ مجسم رات وہ کالی صراحی کے خطوط

دامنِ خوباں میں سل کے صبح شرمندہ ہوئی

حسرتوں کی ٹھیکرے تھے، ڈھیر تھے افسوس کے

پھر کھنڈر میں آ کے دل کے صبح شرمندہ ہوئی

اس نے زلفوں کو بکھیرا اور سورج بجھ گیا

سامنے لہراتے ظل کے صبح شرمندہ ہوئی

ہر نمو مٹی کی کالی قبر سے آباد تھی

بیچ شہرِآب و گل کے صبح شرمندہ ہوئی

یار کے رخسار پر ہے اک عجب کالا گلاب

پھر مقابل ایک تل کے صبح شرمندہ ہوئی

کنجِ لب سے ہی نکلتی یار کے تو بات تھی

بس افق کے پاس کھل کے صبح شرمندہ ہوئی

جھانک سکتی ہی نہیں مٹی کے اندر روشنی

خاک پہ منصور پل کے صبح شرمندہ ہوئی

منصور آفاق

پل دو پل

جون 1, 1963وِتّھاں ناپدے ہتھ،غزلکَھل،گل،ٹل،پل،تھل،جَھلadmin

ماجد صدیقی (پنجابی کلام) ۔ غزل نمبر 65

سکھ دی چھل

پل دو پل

یار کُیار

لاون ٹل

بن گئی نِیر

مُنہ دی گل

ساہو ساہ

تپدے تھل

مڑ مڑ کیہ

پِٹئیے جَھل

ٹھوہ نہ ہو

ماجدُ کَھل

ماجد صدیقی (پنجابی کلام)

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: پل

صحرا میں گلاب پل رہے ہیں

اور کہیں بیچ میں امکان کا پل پڑتا ہے

اِک مدّت سے جسم ہمارا بوجھل ہے

اور کہیں بیچ میں امکان کا پل پڑتا ہے

بارش میں گلاب جل رہا ہے

لوہو لگا کے وہ بھی شہیدوں میں مل گیا

اپنی زنجیر پا ہی کا غل تھا

دل کی حالت سنبھل چلی ہے

جاگا ہوا نگر بھی مجھے شل دکھائی دے

اک سیہ مورت سے مل کے صبح شرمندہ ہوئی

پل دو پل

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: