ٹیگ کے محفوظات: پرواہ

وہ خون بھی تھوکے گا تو پرواہ نہ کریں گے

اکتوبر 23, 2015Jaun Elia،جون ایلیا،شعراء،غزلپرواہ،اچھا،انشا،بالا،جھگڑاadmin

جون ایلیا ۔ غزل نمبر 194

سوچا ہے کہ اب کارِ مسیحا نہ کریں گے

وہ خون بھی تھوکے گا تو پرواہ نہ کریں گے

اس بار وہ تلخی ہے کہ روٹھے بھی نہیں ہم

اب کہ وہ کر لیتی ہے کہ جھگڑا نہ کریں گے

یاں اس کے سلیقے کے ہیں آثار تو کیا ہم

اس پر بھی یہ کمرا تہ و بالا نہ کریں گے

اب نغمہ طرازانِ برا فروختہ اے شہر!

واسوخت کہیں گے غزل انشا نہ کریں گے

ایسا ہے کہ سینے میں سلگتی ہیں خراشیں

اب سانس بھی ہم لیں گے تو اچھا نہ کریں گے

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اب ہم بھی کسی شخص کی پرواہ نہ کریں گے

اکتوبر 23, 2015Jaun Elia،جون ایلیا،شعراء،غزلچہکا،پرواہ،اصلا،تمنا،سوچا،غصہadmin

جون ایلیا ۔ غزل نمبر 193

اخلاق نہ برتیں گے مدارا نہ کریں گے

اب ہم بھی کسی شخص کی پرواہ نہ کریں گے

کچھ لوگ کئی لفظ غلط بول رہے ہیں

اصلاح مگر ہم بھی اب اصلا نہ کریں گے

کم گوئی کہ اک وصف حماقت ہے ہر طور

کم گوئی کو اپنائیں گے چہکا نہ کریں گے

اب سہل پسندی کو بنائیں گے وتیرہ

تا دیر کسی باب میں سوچا نہ کریں گے

غصہ بھی ہے تہذیب تعلق کا طلب گار

ہم چپ ہیں، بھرے بیٹھے ہیں، غصہ نہ کریں گے

کل رات بہت غور کیا ہے سو ہم اے جون

طے کر کے اٹھے ہیں کہ تمنا نہ کریں گے

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

بچھڑنا ہے تو جھگڑا کیوں کریں ہم

اکتوبر 23, 2015Jaun Elia،جون ایلیا،شعراء،غزلہلکا،مسیحا،وا،ٹہلا،پیچھا،پرواہ،پردا،ایفا،اکٹھا،بھروسہ،برپا،تمنا،جھگڑا،دعوی،سوداadmin

جون ایلیا ۔ غزل نمبر 56

نیا اک رشتہ پیدا کیوں کریں ہم

بچھڑنا ہے تو جھگڑا کیوں کریں ہم

خموشی سے ادا ہو رسمِ دوری

کوئی ہنگامہ برپا کیوں کریں ہم

یہ کافی ہے کہ ہم دشمن نہیں ہیں

وفاداری کا دعویٰ کیوں کریں ہم

وفا، اخلاص، قربانی، مروّت

اب ان لفظوں کا پیچھا کیوں کریں ہم

سنا دیں عصمتِ مریم کا قصّہ؟

پر اب اس باب کو وا کیوں کریں ہم

زلیخائے عزیزاں بات یہ ہے

بھلا گھاٹے کا سودا کیوں کریں ہم

ہماری ہی تمنّا کیوں کرو تم

تمہاری ہی تمنا کیوں کریں ہم

کیا تھا عہد جب لمحموں میں ہم نے

تو ساری عمر ایفا کیوں کریں ہم

اُٹھا کر کیوں نہ پھینکیں ساری چیزیں

فقط کمروں میں ٹہلا کیوں کریں ہم

جو اک نسل فرومایہ کو پہنچے

وہ سرمایہ اکٹھا کیوں کریں ہم

نہیں دُنیا کو جب پرواہ ہماری

تو پھر دُنیا کی پرواہ کیوں کریں ہم

برہنہ ہیں سرِبازار تو کیا

بھلا اندھوں سے پردا کیوں کریں ہم

ہیں باشندے اسی بستی کے ہم بھی

سو خود پر بھی بھروسہ کیوں کریں ہم

پڑی رہنے دو انسانوں کی لاشیں

زمیں کا بوجھ ہلکا کیوں کریں ہم

یہ بستی ہے مسلمانوں کی بستی

یہاں کارِ مسیحا کیوں کریں ہم

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔