ٹیگ کے محفوظات: پرایا

اب تو اپنے در و بام بھی‘ جانتے ہیں پرایا مجھے

مئی 31, 2021کلیاتِ شکیب جلالی ۔ غزلیں،شکیب جلالی،غزلملایا،پایا،پرایا،رلایا،سکھایا،سایہadmin

تونے کیا کیا نہ اے زندگی!دشت و دَر میں پھرایا مجھے

اب تو اپنے در و بام بھی‘ جانتے ہیں پرایا مجھے

اور بھی کچھ بھڑکنے لگا‘ میرے سینے کا آتش کدہ

راس تجھ بِن نہ آیا کبھی‘ سبز پیڑوں کا سایہ مجھے

ان نئی کونپلوں سے مرا‘ کیا کوئی بھی تعلق نہ تھا

شاخ سے توڑ کر اے صبا !خاک میں کیوں ملایا مجھے

درد کا دیپ جلتا رہا‘ دل کا سونا پگھلتا رہا

ایک ڈوبے ہوئے چاند نے‘ رات بھرخوں رلایامجھے

اب مرے راستے میں کہیں ‘ خوفِ صحرا بھی حائل نہیں

خشک پتّے نے آوارگی کا قرینہ سکھایا مجھے

مدّتوں رُوئے گُل کی جھلک کو ترستا رہا میں ‘ شکیبؔ

اب جو آئی بہار‘ اس نے صحنِ چمن میں نہ پایا مجھے

شکیب جلالی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ہم سے بچھڑا تو پھر نہ آیا وُہ

فروری 27, 2017ماجد صدیقی،سخناب،غزللایا،نہایا،چھایا،پرایا،آیا،بھایا،سمایاadmin

ماجد صدیقی ۔ غزل نمبر 137

بن کے ابرِ رواں کا سایا وُہ

ہم سے بچھڑا تو پھر نہ آیا وُہ

اُڑنے والا ہوا پہ خُوشبو سا

دیکھتے ہی لگا پرایا وُہ

جبر میں، لطف میں، تغافل میں

کیا ادا ہے نہ جس میں بھایا وُہ

جیسے پانی میں رنگ گھُل جائے

میرے خوابوں میں یُوں سمایا وُہ

مَیں کہ تھا اِک شجر تمّنا کا

برگ بن بن کے مجھ پہ چھایا وُہ

تیرتا ہے نظر میں شبنم سا

صبحدم نُور میں نہایا وُہ

آزمانے ہماری جاں ماجدؔ

کرب کیا کیا نہ ساتھ لایا وُہ

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

رہا دیکھ اپنا پرایا ہمیں

اکتوبر 6, 2015میر تقی میر،اساتذہ،غزللگایا،کھایا،پایا،پرایا،آیا،جلایا،دلایاadmin

دیوان دوم غزل 903

جنوں نے تماشا بنایا ہمیں

رہا دیکھ اپنا پرایا ہمیں

سدا ہم تو کھوئے گئے سے رہے

کبھو آپ میں تم نے پایا ہمیں

یہی تا دم مرگ بیتاب تھے

نہ اس بن تنک صبر آیا ہمیں

شب آنکھوں سے دریا سا بہتا رہا

انھیں نے کنارے لگایا ہمیں

ہمارا نہیں تم کو کچھ پاس رنج

یہ کیا تم نے سمجھا ہے آیا ہمیں

لگی سر سے جوں شمع پا تک گئی

سب اس داغ نے آہ کھایا ہمیں

جلیں پیش و پس جیسے شمع و پتنگ

جلا وہ بھی جن نے جلایا ہمیں

ازل میں ملا کیا نہ عالم کے تیں

قضا نے یہی دل دلایا ہمیں

رہا تو تو اکثر الم ناک میر

ترا طور کچھ خوش نہ آیا ہمیں

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کہ میں تو اپنے ہی گھر میں سدا پرایا رہا

نومبر 18, 2013آفتاب اقبال شمیمنہایا،چھایا،پرایا،بقایا،سایاadmin

آفتاب اقبال شمیم ۔ غزل نمبر 98

وہ اختلاف نظر درمیاں میں آیا رہا

کہ میں تو اپنے ہی گھر میں سدا پرایا رہا

وہاں کی روشنیاں بھی مثالِ ظلمت تھیں

جہاں جہاں مری نادیدنی کا سایا رہا

یہی کہ نذرِ تب و تابِ زر ہوئیں آنکھیں

غبارِ بے بصری بستیوں پہ چھایا رہا

یہ معجزہ تھا سرِ چشم ایک آنسو کا

تمام منظرِ شب دھوپ میں نہایا رہا

بنامِ عشق اِسے قرض جاریہ کہئے

کہ نقدِ جاں بھی ادا کر کے جو بقایا رہا

آفتاب اقبال شمیم

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

سدھراں بھرم گنوایا

جون 1, 1963وِتّھاں ناپدے ہتھ،غزلچھنکایا،گنوایا،پرایا،جایا،خدایا،دھایاadmin

ماجد صدیقی (پنجابی کلام) ۔ غزل نمبر 55

رات گئی دن آیا

سدھراں بھرم گنوایا

اکھیاں آپوں روگی

سیکن درد پرایا

گُھوک سُتے دے ویہڑے

چُوڑا کس چھنکایا

توں گُنگیاں دا حامی

بولے کون خدایا

کون نتارے آ کے

زہر دماں وچ دھایا

اسماناں وَل گُھورے

ماجدُ دھرتی جایا

ماجد صدیقی (پنجابی کلام)

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔