ٹیگ کے محفوظات: پرآب

کھولو منھ کو کہ پھر خطاب کرو

اکتوبر 7, 2015میر تقی میر،اساتذہ،غزلماہتاب،پرآب،حجاب،خواب،خراب،خطاب،شتابadmin

دیوان ششم غزل 1864

ٹک نقاب الٹو مت عتاب کرو

کھولو منھ کو کہ پھر خطاب کرو

آنکھیں غصے میں ہو گئی ہیں لال

سر کو چھاتی پہ رکھ کے خواب کرو

فرصت بود و باش یاں کم ہے

کام جو کچھ کرو شتاب کرو

محو صورت نہ آرسی میں رہو

اہل معنی سے ٹک حجاب کرو

جھوٹ اس کا نشاں نہ دو یارو

ہم خرابوں کو مت خراب کرو

منھ کھلے اس کے چاندنی چھٹکی

دوستو سیر ماہتاب کرو

میر جی راز عشق ہو گا فاش

چشم ہر لحظہ مت پرآب کرو

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

وہ جو تڑپا لے گیا آسودگی و خواب کو

اکتوبر 7, 2015میر تقی میر،اساتذہ،غزلمہتاب،ناب،پرآب،احباب،اسباب،خواب،شابadmin

دیوان ششم غزل 1860

کیونکے نیچے ہاتھ کے رکھا دل بیتاب کو

وہ جو تڑپا لے گیا آسودگی و خواب کو

کم نہیں ہے سحر سے یہ بھی تصرف عشق کا

پانی کر آنکھوں میں لایا دل کے خون ناب کو

تھا یہی سرمایۂ بحر بلا پچھلے دنوں

چشم کم سے دیکھو مت اس دیدئہ پرآب کو

تو کہے تھی برق خاطف ناگہاں آکر گری

اک نگہ سے مار رکھا ان نے شیخ و شاب کو

کیا سفیدی دیکھی اس کی آستیں کے چاک سے

جس کے آگے رو نہ تھا کچھ پرتو مہتاب کو

چاہتا ہے جب مسبب آپھی ہوتا ہے سبب

دخل اس عالم میں کیا ہے عالم اسباب کو

دم بخود رہتا ہوں اکثر سر رکھے زانو پہ میر

حال کہہ کر کیا کروں آزردہ اور احباب کو

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

وہ ہی ناز و عتاب ہے سو ہے

اکتوبر 6, 2015میر تقی میر،اساتذہ،غزلکباب،پرآب،اضطراب،باب،تاب،جناب،حجاب،حساب،خواب،خراب،عتابadmin

دیوان پنجم غزل 1751

ہم پہ خشم و خطاب ہے سو ہے

وہ ہی ناز و عتاب ہے سو ہے

گرچہ گھبرا کے لب پہ آئی ولے

جان کو اضطراب ہے سو ہے

بس گئی جاں خراب مدت کی

حال اپنا خراب ہے سو ہے

خشکی لب کی ہے تری کیسی

چشم لیکن پرآب ہے سو ہے

خاک جل کر بدن ہوا ہے سب

دل جلا سا کباب ہے سو ہے

کر گئے کاروانیاں شب گیر

وہ گراں مجھ کو خواب ہے سو ہے

یاں تو رسوا ہیں کیسا پردئہ شرم

اس کو ہم سے حجاب ہے سو ہے

دشمن جاں تو ہے دلوں میں بہم

دوستی کا حساب ہے سو ہے

زلفیں اس کی ہوا کریں برہم

ہم کو بھی پیچ و تاب ہے سو ہے

خاک میں مل کے پست ہیں ہم تو

ان کی عالی جناب ہے سو ہے

شہر میں در بدر پھرے ہے عزیز

میر ذلت کا باب ہے سو ہے

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

خوں بستہ ہیں گی آنکھیں آوے گی خواب کیونکر

اکتوبر 6, 2015میر تقی میر،اساتذہ،غزلکباب،کتاب،پرآب،جواب،خواب،سراب،شتاب،عتاب،عذابadmin

دیوان پنجم غزل 1614

تڑپے ہے غم زدہ دل لاوے گا تاب کیونکر

خوں بستہ ہیں گی آنکھیں آوے گی خواب کیونکر

پر ناتواں ہوں مجھ پر بھاری ہے جی ہی اپنا

مجھ سے اٹھیں گے اس کے ناز و عتاب کیونکر

اس بحر میں ہے مٹنا شکل حباب ہر دم

ابھرا رہے ہمیشہ نقش پرآب کیونکر

پانی کے دھوکے پیاسے کیا کیا عزیز مارے

سر پر نہ خاک ڈالے اپنے سراب کیونکر

آب رواں نہ تھا کچھ وہ لطف زندگانی

جاتی رہی جوانی اپنی شتاب کیونکر

سینے میں میرے کب سے اک سینک ہی رہے ہے

قلب و کبد نہ ہوویں دونوں کباب کیونکر

شلّاق خواری کی تھی خجلت جو کچھ نہ بولا

منھ کیا ہے نامہ بر کا نکلے جواب کیونکر

سوز دل و جگر سے جلتا ہے تن بدن سب

میں کیا کوئی ہو کھینچے ایسے عذاب کیونکر

چہرہ کتابی اس کا مجموعہ میر کا ہے

اک حرف اس دہن کا ہوتا کتاب کیونکر

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

گذرے گا اتقا میں عہد شباب کیونکر

اکتوبر 6, 2015میر تقی میر،اساتذہ،غزلپرآب،آفتاب،جواب،حباب،حجاب،حساب،خواب،خراب،شبابadmin

دیوان پنجم غزل 1613

روزوں میں رہ سکیں گے ہم بے شراب کیونکر

گذرے گا اتقا میں عہد شباب کیونکر

تھوڑے سے پانی میں بھی چل نکلے ہے اپھرتا

بے تہ ہے سر نہ کھینچے اک دم حباب کیونکر

چشمے بحیرے اب تک ہیں یادگار اس کے

وہ سوکھ سب گئی ہے چشم پرآب کیونکر

دل کی طرف کا پہلو سب متصل جلے ہے

مخمل ہو فرش کیوں نہ آوے گی خواب کیونکر

اول سحور کھانا آخر صبوحی کرنا

آوے نہ اس عمل سے شرم و حجاب کیونکر

اجڑے نگر کو دل کے دیکھوں ہوں جب کہوں ہوں

اب پھر بسے گی ایسی بستی خراب کیونکر

جرم و ذنوب تو ہیں بے حد و حصر یارب

روزحساب لیں گے مجھ سے حساب کیونکر

پیش از سحر اٹھے ہے آج اس کے منھ کا پردہ

نکلے گا اس طرف سے اب آفتاب کیونکر

خط میر آوے جاوے جو نکلے راہ ادھر کی

نبھتا نہیں ہے قاصد لاوے جواب کیونکر

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

بہت ہی حال برا ہے اب اضطراب نہیں

اکتوبر 6, 2015میر تقی میر،اساتذہ،غزلپرآب،اضطراب،باب،حساب،خواب،خراب،شرابadmin

دیوان چہارم غزل 1454

بھلا ہوا کہ دل مضطرب میں تاب نہیں

بہت ہی حال برا ہے اب اضطراب نہیں

جگر کا لوہو جو پانی ہو بہ نکلتا تھا

سو ہو چکا کہ مری چشم اب پرآب نہیں

دیار حسن میں دل کی نہیں خریداری

وفا متاع ہے اچھی پہ یاں کے باب نہیں

حساب پاک ہو روز شمار میں تو عجب

گناہ اتنے ہیں میرے کہ کچھ حساب نہیں

گذر ہے عشق کی بے طاقتی سے مشکل آہ

دنوں کو چین نہیں ہے شبوں کو خواب نہیں

جہاں کے باغ کا یہ عیش ہے کہ گل کے رنگ

ہمارے جام میں لوہو ہے سب شراب نہیں

تلاش میر کی اب میکدوں میں کاش کریں

کہ مسجدوں میں تو وہ خانماں خراب نہیں

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کاے میر کچھ کہیں ہم تجھ کو عتاب کر کر

اکتوبر 6, 2015میر تقی میر،اساتذہ،غزلکباب،پرآب،حجاب،حساب،خراب،شراب،عتابadmin

دیوان چہارم غزل 1390

یہ لطف اور پوچھا مجھ سے خطاب کر کر

کاے میر کچھ کہیں ہم تجھ کو عتاب کر کر

چھاتی جلی ہے کیسی اڑتی جو یہ سنی ہے

واں مرغ نامہ بر کا کھایا کباب کر کر

خوں ریزی سے کچھ آگے تشہیر کر لیا تھا

اس دل زدے کو ان نے مارا خراب کر کر

گنتی میں تو نہ تھا میں پر کل خجل ہوا وہ

کچھ دوستی کا میری دل میں حساب کر کر

روپوش ہی رہا وہ مرنے تک اپنے لیکن

منھ پر نہ رکھا اس کے کچھ میں حجاب کر کر

مستی و بے خودی میں آسودگی بہت تھی

پایا نہ چین میں نے ترک شراب کر کر

کیا جانیے کہ دل پر گذرے ہے میر کیا کیا

کرتا ہے بات کوئی آنکھیں پرآب کر کر

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پردہ رہا ہے کون سا ہم سے حجاب کیا

اکتوبر 6, 2015میر تقی میر،اساتذہ،غزلکباب،پرآب،اضطراب،جواب،حباب،حجاب،حساب،خراب،شتاب،عذابadmin

دیوان دوم غزل 760

منھ پر اس آفتاب کے ہے یہ نقاب کیا

پردہ رہا ہے کون سا ہم سے حجاب کیا

اے ابرتر یہ گریہ ہمارا ہے دیدنی

برسے ہے آج صبح سے چشم پرآب کیا

دم گنتے گنتے اپنی کوئی جان کیوں نہ دو

وہ پاس آن بیٹھے کسو کے حساب کیا

سو بار اس کے کوچے تلک جاتے ہیں چلے

دل ہے اگر بجا تو یہ ہے اضطراب کیا

بس اب نہ منھ کھلائو ہمارا ڈھکے رہو

محشر کو ہم سوال کریں تو جواب کیا

دوزخ سو عاشقوں کو تو دوزخ نہیں رہا

اب واں گئے پہ ٹھہرے ہے دیکھیں عذاب کیا

ہم جل کے ایک راکھ کی ڈھیری بھی ہو گئے

ہے اب تکلف آگے جلے گا کباب کیا

ہستی ہے اپنے طور پہ جوں بحر جوش میں

گرداب کیسا موج کہاں ہے حباب کیا

دیکھا پلک اٹھاکے تو پایا نہ کچھ اثر

اے عمر برق جلوہ گئی تو شتاب کیا

ہر چند میر بستی کے لوگوں سے ہے نفور

پر ہائے آدمی ہے وہ خانہ خراب کیا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

بسان جام لیے دیدئہ پرآب پھرا

اکتوبر 6, 2015میر تقی میر،اساتذہ،غزلکتاب،پرآب،آفتاب،آب،جواب،خراب،شتابadmin

دیوان دوم غزل 715

تمام روز جو کل میں پیے شراب پھرا

بسان جام لیے دیدئہ پرآب پھرا

اثر بن آہ کے وہ منھ ادھر نہ ہوتا تھا

ہوا پھری ہے مگر کچھ کہ آفتاب پھرا

نہ لکھے خط کی نمط ہو گئیں سفید آنکھیں

تجھے بھی عشق ہے قاصد بھلا شتاب پھرا

وہ رشک گنج ہی نایاب تھا بہت ورنہ

خرابہ کون سا جس میں نہ میں خراب پھرا

کسو سے حرف محبت کا فائدہ نہ ہوا

بغل میں میں تو لیے یاں بہت کتاب پھرا

لکھا تو دیکھ کہ قاصد پھرا جو مدت میں

جواب خط کا مرے صاف بے جواب پھرا

کہیں ٹھہرنے کی جا یاں نہ دیکھی میں نے میر

چمن میں عالم امکاں کے جیسے آب پھرا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

یاں شرم سے عرق میں ڈوب آفتاب نکلا

اکتوبر 6, 2015میر تقی میر،اساتذہ،غزلکتاب،گلاب،پرآب،آفتاب،تاب،جواب،حجاب،خواب،خراب،شتابadmin

دیوان اول غزل 104

واں وہ تو گھر سے اپنے پی کر شراب نکلا

یاں شرم سے عرق میں ڈوب آفتاب نکلا

آیا جو واقعے میں درپیش عالم مرگ

یہ جاگنا ہمارا دیکھا تو خواب نکلا

دیکھا جو اوس پڑتے گلشن میں ہم تو آخر

گل کا وہ روے خنداں چشم پرآب نکلا

پردے ہی میں چلا جا خورشید تو ہے بہتر

اک حشر ہے جو گھر سے وہ بے حجاب نکلا

کچھ دیر ہی لگی نہ دل کو تو تیر لگتے

اس صید ناتواں کا کیا جی شتاب نکلا

ہر حرف غم نے میرے مجلس کے تیں رلایا

گویا غبار دل کا پڑھتا کتاب نکلا

روے عرق فشاں کو بس پونچھ گرم مت ہو

اس گل میں کیا رہے گا جس کا گلاب نکلا

مطلق نہ اعتنا کی احوال پر ہمارے

نامے کا نامے ہی میں سب پیچ و تاب نکلا

شان تغافل اپنے نوخط کی کیا لکھیں ہم

قاصد موا تب اس کے منھ سے جواب نکلا

کس کی نگہ کی گردش تھی میر رو بہ مسجد

محراب میں سے زاہد مست و خراب نکلا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔