ٹیگ کے محفوظات: ناں

یہ ایک صبح تو ہے سیرِ بوستاں کے لیے

مارچ 5, 2012فردا،مجید امجد،غزلہمرہاں،ناں،بوستاں،بیاں،بےمکاں،جہاں،جاں،رفتگاں،رواں،رائیگاںadmin

مجید امجد ۔ غزل نمبر 179

بچا کے رکھا ہے جس کو غروبِ جاں کے لیے

یہ ایک صبح تو ہے سیرِ بوستاں کے لیے

چلیں کہیں تو سیہ دل زمانوں میں ہوں گی

فراغتیں بھی اس اک صدقِ رائیگاں کے لیے

لکھے ہیں لوحوں پہ جو مردہ لفظ، ان میں جییں

اس اپنی زیست کے اسرار کے بیاں کے لیے

پکارتی رہی ہنسی، بھٹک گئے ریوڑ

نئے گیاہ، نئے چشمۂ رواں کے لیے

سحر کو نکلا ہوں مینہ میں اکیلا کس کے لیے؟

درخت، ابر، ہوا، بوئے ہمرہاں کے لیے

سوادِ نور سے دیکھیں تو تب سراغ ملے

کہ کس مقام کی ظلمت ہے کس جہاں کے لیے

تو روشنی کے ملیدے میں رزق کی خاطر

میں روشنائی کے گودے میں آب و ناں کے لیے

ترس رہے ہیں سدا خشت خشت لمحوں کے دیس

جو میرے دل میں ہے اس شہرِ بےمکاں کے لیے

یہ نین، جلتی لووں، جیتی نیکیوں والے

گھنے بہشتوں کا سایہ ہیں ارضِ جاں کے لیے

ضمیرِ خاک میں خفتہ ہے میرا دل امجد

کہ نیند مجھ کو ملی خوابِ رفتگاں کے لیے

مجید امجد

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کیا سمندر ہے کہ اک موج رواں سے کم ہے

جنوری 14, 2012عرفان صدیقی،غزلناں،گراں،جہاں،جاں،رواںadmin

عرفان صدیقی ۔ غزل نمبر 327

ساعتِ وصل بھی عمر گزراں سے کم ہے

کیا سمندر ہے کہ اک موج رواں سے کم ہے

ہے بہت کچھ مری تعبیر کی دُنیا تجھ میں

پھر بھی کچھ ہے کہ جو خوابوں کے جہاں سے کم ہے

جان کیا دیجئے اس دولتِ دُنیا کے لیے

ہم فقیروں کو جو اک پارۂ ناں سے کم ہے

وادیِ ہو میں پہنچتا ہوں بیک جستِ خیال

دشتِ افلاک مری وحشتِ جاں سے کم ہے

میں وہ بسمل ہوں کہ بچنا نہیں اچھا جس کا

ویسے خطرہ ہنرِ چارہ گراں سے کم ہے

عرفان صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

بغض دوستاں چہرے لطف دشمناں چہرے

جنوری 8, 1972باقی صدیقی،شعراء،غزلمہرباں،ناں،کہاں،گماں،بیاں،دھواں،دشمناں،زباں،عیاںadmin

باقی صدیقی ۔ غزل نمبر 200

اردوگرد دیواریں اور درمیاں چہرے

بغض دوستاں چہرے لطف دشمناں چہرے

گردش زمانہ کا اک طویل افسانہ

یہ جلی جلی نظریں، یہ دھواں دھواں چہرے

نقش نقش پر برہم، داغ داغ پر خنداں

زندگی کی راہوں میں رہ گئے کہاں چہرے

قہقہوں کے ساغر میں ڈھل سکیں نہ وہ باتیں

موج لب سے پہلے ہی کر گئے بیاں چہرے

موسموں کی تلخی کا کچھ سراغ دیتے ہیں

شاخ جسم نازک پر برگ بے زباں چہرے

اک خیال دنیا کاکر گیا سکوں برہم

اک ہوا کے جھونکے سے ہو گئے عیاں چہرے

رنگ و بو کی تصویریں آئنے بدلتی ہیں

خار کی خلش چہرے، پھول کا گماں چہرے

رک گئے وہاں ہم بھی ایک دو گھڑی باقیؔ

جس جگہ نظر آئے چند مہرباں چہرے

باقی صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کیہدا جپدی اے ناں

جون 1, 1963وِتّھاں ناپدے ہتھ،غزللاں،چھاں،ناں،گراں،تپاںadmin

ماجد صدیقی (پنجابی کلام) ۔ غزل نمبر 42

چھلاں مار دی جھناں

کیہدا جپدی اے ناں

کدوں سُکھ نوں کھلیر

کیہڑی ہاسیاں دی تھاں

کتھے ساڈی نمھی ٹور

کتھے ماہی دا گراں

بُسی لگدی اے وا

کنّھوں اکھاں نال لاں

پَیریں سِیکرے دے سُول

سِریں کنڈیاں دی چھاں

دَس ماجداُ کدائیں

کیہدا جپدا سیں ناں

ماجد صدیقی (پنجابی کلام)

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔