ٹیگ کے محفوظات: نالاں

نہ ہو بلبلِ زار نالاں عبث

اکتوبر 25, 2015مصطفٰی خان شیفتہ،اساتذہ،غزلمغیلاں،نالاں،گریباں،پنہاں،پیماں،افغاں،ایماں،بستاں،جاں،حیواں،حرماں،خواں،دبستاں،درماں،ساماں،طوفاں،عندلیباںadmin

مصطفٰی خان شیفتہ ۔ غزل نمبر 41

نہ کر فاش رازِ گلستاں عبث

نہ ہو بلبلِ زار نالاں عبث

کفایت تھی مجھ کو تو چینِ جبیں

کیا قتل کا اور ساماں عبث

مقدم ہے ترکِ عدو کی قسم

وگرنہ یہ سب عہد و پیماں عبث

جو آیا ہے وادی میں تو صبر کر

شکایاتِ خارِ مغیلاں عبث

تکبر گدائے خرابات ہے

نہ اے خواجہ کھو جان و ایماں عبث

وہاں صوتِ مینا و آوازِ ساز

خوش آہنگیِ مرغِ شب خواں عبث

وہاں دس بجے دن کو ہوتی ہے صبح

سحر خیزیِ عندلیباں عبث

دمِ خضر ہے چشمۂ زندگی

سکندر سرِ آبِ حیواں عبث

پری کا وہاں مجھ کو سایہ ہوا

نہیں اشتیاقِ دبستاں عبث

طلب گارِ راحت ہیں نا دردمند

اگر درد ہے فکرِ درماں عبث

یہ نازک مزاجوں کا دستور ہے

خشونت سے اندوہِ حرماں عبث

شکایت کو اس نے سنا بھی نہیں

کھلا غیر پر رازِ پنہاں عبث

مرے غم میں گیسوئے مشکیں نہ کھول

نہ ہو خلق کا دشمنِ جاں عبث

محبت جتاتا ہوں ہر طور سے

اثر کی نظر سوئے افغاں عبث

نہ سمجھا کسی نے مجھے گل نہ صبح

ہوا ٹکڑے ٹکڑے گریباں عبث

مجھے یوں بٹھاتے وہ کب بزم میں

اٹھائے رقیبوں نے طوفاں عبث

یہ اندازِ دل کش کہاں شیفتہ

جگر کاویِ مرغِ بستاں عبث

مصطفٰی خان شیفتہ

پھر بھی یہ کہوں جلوہ جاناں نہیں دیکھا

اکتوبر 25, 2015اساتذہ،داغ دہلوی،غزلنالاں،پریشان،پشیماں،جاناں،دیوانadmin

داغ دہلوی ۔ غزل نمبر 22

کیا ذوق ہے کہ شوق ہے سو مرتبہ دیکھوں

پھر بھی یہ کہوں جلوہ جاناں نہیں دیکھا

محشر میں وہ نادم ہوں خدا یہ نہ دکھائے

آنکھوں نے کبھی اس کو پشیماں نہیں دیکھا

ہر چند ترے ظلم کی کچھ حد نہیں ظالم

پر ہم نے کسی شخص کو نالاں نہیں دیکھا

ملتا نہیں ہم کو دل گم گشتہ ہمارا

تو نے تو کہیں اے غم جاناں نہیں دیکھا

لو اور سنو کہتے ہیں وہ دیکھ کے مجھ کو

جو حال سنا تھا وہ پریشان نہیں دیکھا

کیا پوچھتے ہو کون ہے یہ کسی کی ہے شہرت

کیا تم نے کبھی داغ کا دیوان نہیں دیکھا

داغ دہلوی

عقل حیراں ہے کیا کیا جائے

اکتوبر 23, 2015Jaun Elia،جون ایلیا،شعراء،غزلنالاں،نازاں،کنعاں،گریزاں،آساں،ارزاں،حیراں،خوباںadmin

جون ایلیا ۔ غزل نمبر 161

دل پریشاں ہے کیا کیا جائے

عقل حیراں ہے کیا کیا جائے

شوقِ مشکل پسند اُن کا حصول

سخت آساں ہے کیا کیا جائے

عشقِ خوباں کے ساتھ ہی ہم میں

نازِ خوباں ہے کیا کیا جائے

بے سبب ہی مری طبیعتِ غم

سب سے نالاں ہے کیا کیا جائے

باوجود ان کی دلنوازی کے

دل گریزاں ہے کیا کیا جائے

میں تو نقدِ حیات لایا تھا

جنس ارزاں ہے کیا کیا جائے

ہم سمجھتے تھے عشق کو دشوار

یہ بھی آساں ہے کیا کیا جائے

وہ بہاروں کی ناز پروردہ

ہم پہ نازاں ہے کیا کیا جائے

مصرِ لطف و کرم میں بھی اے جونؔ

یادِ کنعاں ہے کیا کیا جائے

جون ایلیا

اس رو کا مثل آئینہ حیراں ہوا نہ تو

اکتوبر 6, 2015میر تقی میر،اساتذہ،غزلمسلماں،نالاں،ناداں،انساں،حیراںadmin

دیوان چہارم غزل 1472

دل اس کے مو سے لگ کے پریشاں ہوا نہ تو

اس رو کا مثل آئینہ حیراں ہوا نہ تو

صد رنگ بحث رہتی ہے یاں ذی شعور سے

اے وائے عقلمند کہ ناداں ہوا نہ تو

نزدیک حق کے دین تو اسلام بن ہے کفر

اے برہمن دریغ مسلماں ہوا نہ تو

کتنے دنوں کہا تھا دلا ضبط نالہ کر

پھر شب کو ناشکیبی سے نالاں ہوا نہ تو

ہوتا ہے میر روے سخن آدمی کی اور

افسوس اے ستم زدہ انساں ہوا نہ تو

میر تقی میر

دامن گل گریۂ خونیں سے سب افشاں ہوا

اکتوبر 6, 2015میر تقی میر،اساتذہ،غزلمہماں،نالاں،ویراں،گریاں،پاں،افشاں،آساں،جاں،حیراں،داماں،طوفاںadmin

دیوان دوم غزل 710

وارد گلشن غزل خواں وہ جو دلبر یاں ہوا

دامن گل گریۂ خونیں سے سب افشاں ہوا

طائران باغ کو تھا بیت بحثی کا دماغ

پر ہر اک درد سخن سے میر کے نالاں ہوا

دل کی آبادی کو پہنچا اپنے گویا چشم زخم

دیکھتے ہی دیکھتے یہ شہر سب ویراں ہوا

سبز بختی پر ہے اس کی طائر سدرہ کو رشک

جو شکار اس تیغ کے سائے تلے بے جاں ہوا

خاک پر بھی دوڑتی ہے چشم مہر و ماہ چرخ

کس دنی الطبع کے گھر جا کے میں مہماں ہوا

تھا جگر میں جب تلک قطرہ ہی تھا خوں کا سرشک

اب جو آنکھوں سے تجاوز کر چلا طوفاں ہوا

اس کے میرے بیچ میں آئینہ آیا تھا ولے

صورت احوال ساری دیکھ کر حیراں ہوا

دل نے خوں ہو عشق خوباں میں بھی کیا بدلے ہیں رنگ

چہروں کو غازہ ہوا ہونٹوں کا رنگ پاں ہوا

تم جو کل اس راہ نکلے برق سے ہنستے گئے

ابر کو دیکھو کہ جب آیا ادھر گریاں ہوا

جی سے جانا بن گیا اس بن ہمیں پل مارتے

کام تو مشکل نظر آتا تھا پر آساں ہوا

جب سے ناموس جنوں گردن بندھا ہے تب سے میر

جیب جاں وابستۂ زنجیر تا داماں ہوا

میر تقی میر

سواد بر مجنوں تو چراگاہ غزالاں ہے

اکتوبر 6, 2015میر تقی میر،اساتذہ،غزلنالاں،چراغاں،باراں،داماں،غزالاںadmin

دیوان اول غزل 512

گذار خوش نگاہاں جس میں ہے میرا بیاباں ہے

سواد بر مجنوں تو چراگاہ غزالاں ہے

کرے ہے خندئہ دنداں نما تو میں بھی روئوں گا

چمکتی زور ہے بجلی مقرر آج باراں ہے

چمن پر نوحہ و زاری سے کس گل کا یہ ماتم ہے

جو شبنم ہے تو گریاں ہے جو بلبل ہے تو نالاں ہے

ہر اک مژگاں پہ میری اشک کے قطرے جھمکتے ہیں

تماشا مفت خوباں ہے لب دریا چراغاں ہے

کیا تھا جابجا رنگیں لہو تجھ ہجر میں رو کر

گریباں میر کا دیکھا مگر گلچیں کا داماں ہے

میر تقی میر

کہ بھر جھولی نہ یاں سے لے گئی گل ہاے حرماں کو

اکتوبر 6, 2015میر تقی میر،اساتذہ،غزلفروشاں،مژگاں،نالاں،ویراں،گلستاں،پیکاں،حرماں،خوباں،داماں،غریباںadmin

دیوان اول غزل 378

نسیم مصر کب آئی سواد شہر کنعاں کو

کہ بھر جھولی نہ یاں سے لے گئی گل ہاے حرماں کو

زبان نوحہ گر ہوں میں قضا نے کیا ملایا تھا

مری طینت میں یارب سودئہ دل ہاے نالاں کو

کوئی کانٹا سررہ کا ہماری خاک پر بس ہے

گل گلزار کیا درکار ہے گور غریباں کو

یہ کیا جانوں ہوا سینے میں کیا اس دل کو اب ناصح

سحر خوں بستہ تو دیکھا تھا میں نے اپنی مژگاں کو

گل و سنبل ہیں نیرنگ قضا مت سرسری گذرے

کہ بگڑے زلف و رخ کیا کیا بناتے اس گلستاں کو

صداے آہ جیسے تیرجی کے پار ہوتی ہے

کسو بیدرد نے کھینچا کسو کے دل سے پیکاں کو

کریں بال ملک فرش رہ اس ساعت کہ محشر میں

لہو ڈوبا کفن لاویں شہید ناز خوباں کو

کیا سیر اس خرابے کا بہت اب چل کے سو رہیے

کسو دیوار کے سائے میں منھ پر لے کے داماں کو

بہاے سہل پر دیتے ہیں کس محبوب کو کف سے

قلم اس جرم پر کرنا ہے دست گل فروشاں کو

تری ہی جستجو میں گم ہوا ہے کہہ کہاں کھویا

جگر خوں گشتہ دل آزردہ میر اس خانہ ویراں کو

میر تقی میر

تیر تو نکلا مرے سینے سے لیکن جاں سمیت

اکتوبر 6, 2015میر تقی میر،اساتذہ،غزلنالاں،ویراں،افشاں،جاں،داماںadmin

دیوان اول غزل 182

سب ہوئے نادم پئے تدبیر ہو جاناں سمیت

تیر تو نکلا مرے سینے سے لیکن جاں سمیت

تنگ ہوجاوے گا عرصہ خفتگان خاک پر

گر ہمیں زیرزمیں سونپا دل نالاں سمیت

باغ کر دکھلائیں گے دامان دشت حشر کو

ہم بھی واں آئے اگر مژگان خون افشاں سمیت

قیس و فرہاد اور وامق عاقبت جی سے گئے

سب کو مارا عشق نے مجھ خانماں ویراں سمیت

اٹھ گیا پردہ نصیحت گر کے لگ پڑنے سے میر

پھاڑ ڈالا میں گریباں رات کو داماں سمیت

میر تقی میر

دل کے سو ٹکڑے مرے پر سبھی نالاں یک جا

اکتوبر 6, 2015میر تقی میر،اساتذہ،غزلمسلماں،نالاں،گریاں،گریباں،جاناں،ساماں،شہیداںadmin

دیوان اول غزل 93

میں بھی دنیا میں ہوں اک نالہ پریشاں یک جا

دل کے سو ٹکڑے مرے پر سبھی نالاں یک جا

پند گویوں نے بہت سینے کی تدبیریں لیں

آہ ثابت بھی نہ نکلا یہ گریباں یک جا

تیرا کوچہ ہے ستمگار وہ کافر جاگہ

کہ جہاں مارے گئے کتنے مسلماں یک جا

سر سے باندھا ہے کفن عشق میں تیرے یعنی

جمع ہم نے بھی کیا ہے سر و ساماں یک جا

کیونکے پڑتے ہیں ترے پائوں نسیم سحری

اس کے کوچے میں ہے صد گنج شہیداں یک جا

تو بھی رونے کو ملا دل ہے ہمارا بھی بھرا

ہوجے اے ابر بیابان میں گریاں یک جا

بیٹھ کر میر جہاں خوب نہ رویا ہووے

ایسی کوچے میں نہیں ہے ترے جاناں یک جا

میر تقی میر

ویلا فیر وی دیوے سانوں، کھیڈ کھِڈونے بالاں دے

جون 1, 1963وِتّھاں ناپدے ہتھ،غزلنالاں،ڈھالاں،والاں،بالاں،ترکالاں،دھمالاں،سالاںadmin

ماجد صدیقی (پنجابی کلام) ۔ غزل نمبر 63

سدھراں دے مّچ لگن بھانویں، تپّن بھٹُ خیالاں دے

ویلا فیر وی دیوے سانوں، کھیڈ کھِڈونے بالاں دے

ویہڑے ویہڑے ریجھ دیاں ناراں دے، سورج تنیا ایں

زُلفاں تھانویں، سِراں تے جاپن، چُر مُر گچھے والاں دے

کل لنگھیا اج وی لنگھ جاسی بھلکے وی، کِیہ ہونا ایں

اِکو جہئے نیں رَنج سویر دے، اوہ ائی دُکھ ترکالاں دے

نہ تین گاہدی لبھنی، نہ ائی مَین، جھوٹا اسواری دا

بَجھیاں اکھّیں گیڑدے چلئے، اِنج ائی کھوہ پئے سالاں دے

اوہ سجری تے مارو کاٹ اے، تن تے ورہدیاں تیغاں دی

تریڑاں تریڑاں دِسّن ہُن تے، سالم جُثے ڈھالاں دے

سب کھڈاری کھول لنگوٹے، کندھاں تے اِنج ٹنگن پئے

جِنج کدھرے پِڑ جمنے، نہ ائی وجنے، ڈھول دھمالاں دے

پکھوآں وانگ انبھول ایں توں وی، رکھیں سدھر پنگرن دی

آل دوال چ جال نیں جتھے، ماجدُ گُجھیاں چالاں دے

ماجد صدیقی (پنجابی کلام)

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: نالاں

نہ ہو بلبلِ زار نالاں عبث

پھر بھی یہ کہوں جلوہ جاناں نہیں دیکھا

عقل حیراں ہے کیا کیا جائے

اس رو کا مثل آئینہ حیراں ہوا نہ تو

دامن گل گریۂ خونیں سے سب افشاں ہوا

سواد بر مجنوں تو چراگاہ غزالاں ہے

کہ بھر جھولی نہ یاں سے لے گئی گل ہاے حرماں کو

تیر تو نکلا مرے سینے سے لیکن جاں سمیت

دل کے سو ٹکڑے مرے پر سبھی نالاں یک جا

ویلا فیر وی دیوے سانوں، کھیڈ کھِڈونے بالاں دے

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: