ٹیگ کے محفوظات: میلا

میں اک بستی میں اُترا تھا

اگست 4, 2018ناصر کاظمی،پہلی بارش،غزلمیلا،چولا،نکلا،کھلا،اڑتا،اترا،دیکھا،رہا،شرماتاadmin

چھوٹی رات سفر لمبا تھا

میں اک بستی میں اُترا تھا

سرما ندی کے گھاٹ پہ اُس دن

جاڑے کا پہلا میلا تھا

بارہ سکھیوںں کا اک جھرمٹ

سیج پہ چکر کاٹ رہا تھا

نئی نکور کنواری کلیاں

کورا بدن کورا چولا تھا

دیکھ کے جوبن کی پھلواری

چاند گگن پر شرماتا تھا

پیٹ کی ہری بھری کیاری میں

سرج مکھی کا پھول کھلا تھا

ماتھے پر سونے کا جھومر

چنگاری کی طرح اُڑتا تھا

بالی رادھا بالا موہن

ایسا ناچ کہاں دیکھا تھا

کچھ یادیں کچھ خوشبو لے کر

میں اُس بستی سے نکلا تھا

ناصر کاظمی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اُس نے بھی اب کے ہمیں رُسوا کہا

فروری 27, 2017ماجد صدیقی،سخناب،غزلمیلا،کیا،اچّھا،ایسا،جا،رسواadmin

ماجد صدیقی ۔ غزل نمبر 111

جس کو باوصفِ ستم اپنا کہا

اُس نے بھی اب کے ہمیں رُسوا کہا

دَمبدم ہوں ضو فشاں اُس روز سے

جب سے ماں نے مجھ کو چاند ایسا کہا

عاق ہو کر رہ گئے پل میں سبھی

پیڑ نے پتّوں سے جانے کیا کہا

برق خود آ کر اُسے نہلا گئی

جس شجر کو ہم نے تھا میلا کہا

قولِ غالب ہے کہ اُس سے قبل بھی

ایک شاعر نے سخن اچّھا کہا

اک ہماری ہی زباں تھی زشت خُو

اُس نے تو ماجدؔ نہ کچھ بے جا کہا

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔