ٹیگ کے محفوظات: مہمان

میں میزبان تھا مجھے مہمان کر دیا

نومبر 2, 2015احمد فراز،شعراء،غزلمہمان،گلدان،پریشان،جان،سلیمانadmin

احمد فراز ۔ غزل نمبر 27

اُس کی نوازشوں نے تو حیران کر دیا

میں میزبان تھا مجھے مہمان کر دیا

اک نو بہار ناز کے ہلکے سے لمس نے

میرے تو سارے جسم کو گلدان کر دیا

کل اک نگار شہر سبا نے بہ لطف خاص

مجھ سے فقیر کو بھی سلیمان کر دیا

جینے سے اس قدر بھی لگاؤ نہ تھا مجھے

تو نے تو زندگی کو، میری جان کر دیا

نا آشنائے لُطف تصادم کو کیا خبر

میں نے ہوا کی زد پہ رکھا جان کر دیا

اتنے سکوں کے دن کبھی دیکھے نہ تھے فراز

آسودگی نے مجھ کو پریشان کر دیا

احمد فراز

مجھ میں اُتر گیا ہے وہ سرطان کی طرح

اکتوبر 25, 2015پروین شاکر،شعراء،غزلمہمان،کلیان،رحمان،سامان،سرطان،شیزان،شریانadmin

پروین شاکر ۔ غزل نمبر 32

دشمن ہے اور ساتھ رہے جان کی طرح

مجھ میں اُتر گیا ہے وہ سرطان کی طرح

جکڑے ہُوئے ہے تن کو مرے ، اس کی آرزو

پھیلا ہُوا ہے جال سا شریان کی طرح

دیوار و در نے جس کے لیے ہجر کاٹے تھے

آیا تھا چند روز کو ، مہمان کی طرح

دکھ کی رُتوں میں پیڑ نے تنہا سفر کیا

پتّوں کو پہلے بھیج کے سامان کی طرح

گہرے خنک اندھیرے میں اُجلے تکلّفات

گھر کی فضا بھی ہو گئی شیزان کی طرح

ڈوبا ہُوا ہے حسنِ سخن میں سکوتِ شب

تارِ ربابِ رُوح میں کلیان کی طرح

آہنگ کے جمال میں انجیل کی دُعا

نرمی میں اپنی ، سورہ ءِ رحمان کی طرح

پروین شاکر

احسان کا مزا ہے احسان کر کے بھولے

اکتوبر 25, 2015اساتذہ،داغ دہلوی،غزلقرآن،مہمان،نقصان،پیمان،آسان،انسان،احسان،ارمان،دھیان،دربان،سامانadmin

داغ دہلوی ۔ غزل نمبر 44

گر ہو سلوک کرنا انسان کر کے بھولے

احسان کا مزا ہے احسان کر کے بھولے

نشتر سے کم نہیں ہے کچھ چھیڑ آرزو کی

عاشق مزاج کیوں کر ارمان کر کے بھولے

وعدہ کیا پھر اُس پر تم نے قسم بھی کھائی

کیا بھول ہے انساں پیمان کر کے بھولے

وعدے کی شب رہا ہے کیا انتظار مجھ کو

آنے کا وہ یہاں تک سامان کر کے بھولے

اپنے کئے پہ نازاں ہو آدمی نہ ہر گز

طاعت ہو یا اطاعت انسان کر کے بھولے

خود ہی مجھے بلایا پھر بات بھی نہ پوچھی

وہ انجمن میں اپنی مہمان کر کے بھولے

یہ بھول بھی ہماری ہے یادگار دیکھو

دل دے کے مفت اپنا نقصان کر کے بھولے

تم سے وفا جو کی ہے ہم سے خطا ہوئی ہے

ایسا قصور کیوں کر انسان کر کے بھولے

آخر تو آدمی تھے نسیان کیوں نہ ہوتا

میری شناخت شب کو دربان کر کے بھولے

اب یاد ہے اُسی کی فریاد ہے اُسی کی

سارے جہاں کو جس کا ہم دھیان کر کے بھولے

اب عشق کا صحیفہ یوں دل سے مٹ گیا ہے

جس طرح یاد کوئی قرآن کر کے بھولے

اے داغ اپنا احساں رکھے گا یاد قاتل

وہ اور میری مشکل آسان کر کے بھولے

داغ دہلوی

مہمان

اکتوبر 9, 2015ن م راشد،آزاد نظممہمانadmin

میں اس شہر مہمان اترا

تو سینے میں غم اور آنکھوں میں آنسو کے طوفاں

جدائی سے ہر چیز، حسنِ ازل تک وہ پردہ

کہ جس کے ورا حیرتِ خیرگی تھی!

جدائی سے تو بھی حزیں

اور ترا زخم مجھ سے بھی گہرا تھا خوں دادہ تر تھا!

میں مبہم سی امید تو ساتھ لایا تھا لیکن

تو اک شاخسارِ شکستہ کے مانند بے آرزو!

۔۔۔ وہ بے آرزوئی کا گہرا خلا جس کو میں نے

کبھی ذہنِ بے مایہ جانا

کبھی خوف و نفرت کے عفریت کا سایہ جانا!

تجھے یاد محبوب کا نرم راحت سے لبریز بالش

تجھے یاد کمرے کے شام و پگا، جن میں تو نے

ستاروں کے خوشوں کی آواز دیکھی

بنفشے کے رنگوں کو تُو نے چکھا

اور بہشتی پرندوں کے نغموں کو چھوتی رہی

تجھے اس کی پرواز کی آخری رات بھی یاد تھی۔۔

لذت و غم سے بے خواب لمحے

جو صدیوں سے بھرپور، صدیوں کی

پہنائی بنتے چلے جا رہے تھے!

ادھر میں مہجور، افسردہ، تنہا

وہ شبنم کا قطرہ

جو صحرا میں نازل ہو لیکن

سمندر سے ملنے کا رویا لیے ہو!

میں افسردہ، مہجور، تنہا

کہ محبوب سے بُعد کو نور کے سالہا سال سے

ناپتا آ رہا تھا،

مگر نور کے سال اِک خطِّ پیمانہ بھی تو

نہیں بن سکے تھے!

نئی سر زمیں کے نئی اجنبی،

تجھے میں نے اک خواب پیما کی آنکھوں سے دیکھا

کہ اس روز تجھ کو عیاں دیکھنا

ایسا الحاد ہوتا

کہ جس کی سزا جسم و جہاں سہہ نہ سکتے!

مگر میرے دل نے کہا

اجنبی شہر کی خلوتِ بے نہایت میں تُو بھی

کسی روز بن کر رہے گی

ستم ہائے تازہ کی خواہش کا پرتو!

زخود رفتگی سے، اشاروں سے، ترغیب وا سے

تجھے میں بلاتا رہا تھا

تُو آہستہ، خاموش بڑھنے لگی تھی

کہ یادیں ابھی تک ترے دل میں یوں گونجتی تھیں

کہ ہم گوش بر لب سہی،

سُن نہ سکتے تھے اک دوسرے کی صدائیں

مگر جب ملے ہم تو ایسے ملے

وہ تری خود نگہداریاں کام آئیں

نہ میرا تذبذب مجھے راس آیا

ہم ایسے ملے جیسے صدیوں کے مہجور

آدم کے جشنِ ولادت کے مہجور

باہم ابد میں ملیں گے!

ن م راشد

ہو مختلط جو ان سے تو ایمان کیا رہے

اکتوبر 7, 2015میر تقی میر،اساتذہ،غزلمہمان،پہچان،ایمان،ارمان،جان،حیران،سامانadmin

دیوان ششم غزل 1886

کافر بتوں سے مل کے مسلمان کیا رہے

ہو مختلط جو ان سے تو ایمان کیا رہے

شمشیر اس کی حصہ برابر کرے ہے دو

ایسی لگی ہے ایک تو ارمان کیا رہے

ہے سر کے ساتھ مال و منال آدمی کا سب

جاتا رہے جو سر ہی تو سامان کیا رہے

ویرانی بدن سے مرا جی بھی ہے اداس

منزل خراب ہووے تو مہمان کیا رہے

اہل چمن میں میں نے نہ جانا کسو کے تیں

مدت میں ہو ملاپ تو پہچان کیا رہے

حال خراب جسم ہے جی جانے کی دلیل

جب تن میں حال کچھ نہ رہے جان کیا رہے

جب سے جہاں ہے تب سے خرابی یہی ہے میر

تم دیکھ کر زمانے کو حیران کیا رہے

میر تقی میر

آہ و فغاں کے طور سے میرے لوگ مجھے پہچان گئے

اکتوبر 6, 2015میر تقی میر،اساتذہ،غزلمہمان،چھان،پہچان،انجان،اوسان،ارمان،دھیانadmin

دیوان سوم غزل 1253

شور کیا جو اس کی گلی میں رات کو ہیں سب جان گئے

آہ و فغاں کے طور سے میرے لوگ مجھے پہچان گئے

عہد میں اس کی یاری کے خوں دل میں ہوئے ہیں کیا کیا چائو

خاک میں آخر ساتھ ہی میرے سب میرے ارمان گئے

موت جو آئے سر پر انساں دست و پا گم کرتا ہے

دیکھتے ہی شمشیر بکف کچھ آج اسے اوسان گئے

مہلت عمر دوروزہ کتنی کریے فضولی کاہے پر

آئے جو ہیں دنیا میں ہم تو جیسے کہیں مہمان گئے

ہاتھ لگا وہ گوہر مقصد جیسا ہے معلوم ہمیں

محو طلب ہو اہل طلب سب خاک بھی یاں کی چھان گئے

کہیے سلوک انھوں کے کیا کیا چھیڑ تجاہل کی ہے نئی

نکلے تھے اس رستے سو وے جان کے بھی انجان گئے

میر نظر کی دل کی طرف کی عرش کی جانب فکر بہت

تھی جو طلب مطلوب کی ہم کو کیدھر کیدھر دھیان گئے

میر تقی میر

جان ہی جائے گی آخر کو اس ارمان کے ساتھ

اکتوبر 6, 2015میر تقی میر،اساتذہ،غزلقرآن،مہمان،مسلمان،نادان،پیکان،انسان،ایمان،احسان،ارمانadmin

دیوان سوم غزل 1244

ہے تمناے وصال اس کی مری جان کے ساتھ

جان ہی جائے گی آخر کو اس ارمان کے ساتھ

کیا فقط توڑ کے چھاتی ہی گیا تیر اس کا

لے گیا صاف مرے دل کو بھی پیکان کے ساتھ

دین و دل ہی کے رہا میرے وہ کافر درپے

خصمی قاطبہ اس کو ہے مسلمان کے ساتھ

بحر پر نہر پہ برسے ہے برابر ہی ابر

پیش ہر اک سے کریم آتے ہیں احسان کے ساتھ

سطرزلف آئی ہے اس روے مخطط پہ نظر

یہ عبارت نئی لاحق ہوئی قرآن کے ساتھ

تیر اس کا جو گذر دل سے چلا جی بھی چلا

رسم تعظیم سے ہو لیتے ہیں مہمان کے ساتھ

میں تو لڑکا نہیں جو بالے بتائو مجھ کو

یہ فریبندگی کریے کسو نادان کے ساتھ

خون مسلم کو تو واجب یہ بتاں جانے ہیں

ہوجے کافر کہ اماں یاں نہیں ایمان کے ساتھ

آدمیت سے تمھیں میر ہو کیونکر بہرہ

تم نے صحبت نہیں رکھی کسو انسان کے ساتھ

میر تقی میر

آ بوالہوس گر ذوق ہے یہ گو ہے یہ میدان ہے

اکتوبر 6, 2015میر تقی میر،اساتذہ،غزلمہمان،میدان،پیمان،آسان،ارمان،جان،طوفانadmin

دیوان اول غزل 606

اپنا سر شوریدہ تو وقف خم چوگان ہے

آ بوالہوس گر ذوق ہے یہ گو ہے یہ میدان ہے

عالم مری تقلید سے خواہش تری کرنے لگا

میں تو پشیماں ہو چکا لوگوں کو اب ارمان ہے

ہر چند بیش از بیش ہے دعویٰ تو رونے کا تجھے

پر دیدئہ نمناک بھی اے ابرتر طوفان ہے

اس بے دمی میں بھی کبھو دل بھر اٹھے ہے دم ترا

آ ٹک شتابی بے وفا اب تک تو مجھ میں جان ہے

ہر لحظہ خنجر درمیاں ہر دم زباں زیر زباں

وہ طور وہ اسلوب ہے یہ عہد یہ پیمان ہے

اس آرزوے وصل نے مشکل کیا جینا مرا

ورنہ گذرنا جان سے اتنا نہیں آسان ہے

بس بے وقاری ہوچکی گلیوں میں خواری ہوچکی

اب پاس کر ٹک میر کا دو چار دن مہمان ہے

میر تقی میر

کتنے اک اشک ہوئے جمع کہ طوفان ہوئے

اکتوبر 6, 2015میر تقی میر،اساتذہ،غزلمہمان،ویران،کان،پریشان،پشیمان،جان،حیران،طوفانadmin

دیوان اول غزل 506

جوش دل آئے بہم دیدئہ گریان ہوئے

کتنے اک اشک ہوئے جمع کہ طوفان ہوئے

کیا چھپیں شہر محبت میں ترے خانہ خراب

گھر کے گھر ان کے ہیں اس بستی میں ویران ہوئے

کس نے لی رخصت پرواز پس از مرگ نسیم

مشت پر باغ میں آتے ہی پریشان ہوئے

سبزہ و لالہ و گل ابر و ہوا ہے مے دے

ساقی ہم توبہ کے کرنے سے پشیمان ہوئے

دیکھتے پھرتے ہیں منھ سب کا سحر آئینے

جلوہ گر ہو کہ یہ تجھ بن بہت حیران ہوئے

دعوی خوش دہنی گرچہ اسے تھا لیکن

دیکھ کر منھ کو ترے گل کے تئیں کان ہوئے

جام خوں بن نہیں ملتا ہے ہمیں صبح کو آب

جب سے اس چرخ سیہ کاسہ کے مہمان ہوئے

اپنے جی ہی نے نہ چاہا کہ پئیں آب حیات

یوں تو ہم میر اسی چشمے پہ بے جان ہوئے

میر تقی میر

دکھلائی دے جہاں تک میدان ہورہا ہے

اکتوبر 6, 2015میر تقی میر،اساتذہ،غزلقربان،مہمان،میدان،ایوان،آسان،جان،حیران،سامان،طوفانadmin

دیوان اول غزل 491

بے یار شہر دل کا ویران ہورہا ہے

دکھلائی دے جہاں تک میدان ہورہا ہے

اس منزل جہاں کے باشندے رفتنی ہیں

ہر اک کے ہاں سفر کا سامان ہورہا ہے

اچھا لگا ہے شاید آنکھوں میں یار اپنی

آئینہ دیکھ کر کچھ حیران ہورہا ہے

ٹک زیر طاق نیلی وسواس سے رہا کر

مدت سے گرنے پر یہ ایوان ہورہا ہے

گل دیکھ کر چمن میں تجھ کو کھلا ہی جا ہے

یعنی ہزار جی سے قربان ہورہا ہے

حال زبون اپنا پوشیدہ کچھ نہ تھا تو

سنتا نہ تھا کہ یہ صید بے جان ہورہا ہے

ظالم ادھر کی سدھ لے جوں شمع صبح گاہی

ایک آدھ دم کا عاشق مہمان ہورہا ہے

قرباں گہ محبت وہ جا ہے جس میں ہر سو

دشوار جان دینا آسان ہورہا ہے

ہر شب گلی میں اس کی روتے تو رہتے ہو تم

اک روز میر صاحب طوفان ہورہا ہے

میر تقی میر

نومیدیاں ہیں کتنی ہی مہمان آرزو

اکتوبر 6, 2015میر تقی میر،اساتذہ،غزلمہمان،ایمان،جان،دیوان،دامانadmin

دیوان اول غزل 410

آنکھوں سے دل تلک ہیں چنے خوان آرزو

نومیدیاں ہیں کتنی ہی مہمان آرزو

یک چشم اس طرف بھی تو کافر کہ تو ہی ہے

دین نگاہ حسرت و ایمان آرزو

آیا تو اور رنگ رخ یاس چل بسا

جانے لگا تو چلنے لگی جان آرزو

اس مجہلے کو سیر کروں کب تلک کہ ہے

دست ہزار حسرت و دامان آرزو

پامال یاس آہ کہاں تک رہوں گا میر

سرمشق کیوں کیا تھا میں دیوان آرزو

میر تقی میر

بوسہ بھی لیں تو کیا ہے ایمان ہے ہمارا

اکتوبر 6, 2015میر تقی میر،اساتذہ،غزلفرمان،قربان،مہمان،مندان،نادان،ویران،ایمان،آسان،احسان،جان،دیوان،دالان،دربان،طوفان،عنوانadmin

دیوان اول غزل 108

تیرا رخ مخطط قرآن ہے ہمارا

بوسہ بھی لیں تو کیا ہے ایمان ہے ہمارا

گر ہے یہ بے قراری تو رہ چکا بغل میں

دو روز دل ہمارا مہمان ہے ہمارا

ہیں اس خراب دل سے مشہور شہرخوباں

اس ساری بستی میں گھر ویران ہے ہمارا

مشکل بہت ہے ہم سا پھر کوئی ہاتھ آنا

یوں مارنا تو پیارے آسان ہے ہمارا

ادریس و خضر و عیسیٰ قاتل سے ہم چھڑائے

ان خوں گرفتگاں پر احسان ہے ہمارا

ہم وے ہیں سن رکھو تم مرجائیں رک کے یک جا

کیا کوچہ کوچہ پھرنا عنوان ہے ہمارا

ہیں صید گہ کے میری صیاد کیا نہ دھڑکے

کہتے ہیں صید جو ہے بے جان ہے ہمارا

کرتے ہیں باتیں کس کس ہنگامے کی یہ زاہد

دیوان حشر گویا دیوان ہے ہمارا

خورشید رو کا پرتو آنکھوں میں روز ہے گا

یعنی کہ شرق رویہ دالان ہے ہمارا

ماہیت دوعالم کھاتی پھرے ہے غوطے

یک قطرہ خون یہ دل طوفان ہے ہمارا

نالے میں اپنے ہر شب آتے ہیں ہم بھی پنہاں

غافل تری گلی میں مندان ہے ہمارا

کیا خانداں کا اپنے تجھ سے کہیں تقدس

روح القدس اک ادنیٰ دربان ہے ہمارا

کرتا ہے کام وہ دل جو عقل میں نہ آوے

گھر کا مشیر کتنا نادان ہے ہمارا

جی جا نہ آہ ظالم تیرا ہی تو ہے سب کچھ

کس منھ سے پھر کہیں جی قربان ہے ہمارا

بنجر زمین دل کی ہے میر ملک اپنی

پر داغ سینہ مہر فرمان ہے ہمارا

میر تقی میر

وابستہ ترے مو کا پریشان رہے گا

اکتوبر 6, 2015میر تقی میر،اساتذہ،غزلمہمان،میدان،پریشان،پشیمان،احسان،جان،دیوانadmin

دیوان اول غزل 9

دیکھے گا جو تجھ رو کو سو حیران رہے گا

وابستہ ترے مو کا پریشان رہے گا

وعدہ تو کیا اس سے دم صبح کا لیکن

اس دم تئیں مجھ میں بھی اگر جان رہے گا

منعم نے بنا ظلم کی رکھ گھر تو بنایا

پر آپ کوئی رات ہی مہمان رہے گا

چھوٹوں کہیں ایذا سے لگا ایک ہی جلاد

تاحشر مرے سر پہ یہ احسان رہے گا

چمٹے رہیں گے دشت محبت میں سر و تیغ

محشر تئیں خالی نہ یہ میدان رہے گا

جانے کا نہیں شور سخن کا مرے ہرگز

تاحشر جہاں میں مرا دیوان رہے گا

دل دینے کی ایسی حرکت ان نے نہیں کی

جب تک جیے گا میر پشیمان رہے گا

میر تقی میر

یاد وہ بھی نہیں آتا ہے پریشان جو ہیں

جنوری 8, 2012عرفان صدیقی،غزلمہمان،ناداں،گریبان،پریشان،امکان،بیابان،سامانadmin

عرفان صدیقی ۔ غزل نمبر 173

کچھ نہ کچھ بھول تو ہوجاتی ہے انسان جو ہیں

یاد وہ بھی نہیں آتا ہے پریشان جو ہیں

صرف اتنا کہ بڑی چیز ہے ملنا دل کا

ہم کوئی بات سمجھتے نہیں ناداں جو ہیں

رونقِ شہر سے مایوس نہ ہو بانوئے شہر

خاک اڑانے کو ترے بے سرو سامان جو ہیں

خیر دُنیا مری وحشت کے لیے تنگ سہی

اور یہ عرصۂ باطن میں بیابان جو ہیں

اے شبِ دربدری آنکھ میں روشن کیا ہے

کچھ ستارے کہ سرِ مطلعِ امکان جو ہیں

اگلے موسم میں ہماری کوئی پہچان تو ہو

ان کو محفوظ رکھیں تارِ گریبان جو ہیں

رات کی رات فقیروں کی بھی دلداری کر

دائم آباد زمیں، ہم ترے مہمان جو ہیں

عرفان صدیقی

میرے لہو نے سب سر و سامان کر دیا

جنوری 3, 2012عرفان صدیقی،غزلمہمان،میدان،مسلمان،نقصان،گریبان،پریشان،اعلان،سامانadmin

عرفان صدیقی ۔ غزل نمبر 64

زرتاب ترا قریۂ ویران کر دیا

میرے لہو نے سب سر و سامان کر دیا

اس بار یوں ہوا کہ اندھیروں کی فوج کو

دو چار جگنوؤں نے پریشان کر دیا

کمزور طائروں کو لہو کی ترنگ نے

شاہیں بچوں سے دست و گریبان کر دیا

دست ستم کا دل پہ کوئی بس نہ چل سکا

تھوڑا سا مریے جسم کا نقصان کر دیا

سینے پہ نیزہ، پشت پہ دیوار سنگ تھی

تنگ آکے ہم نے جنگ کا اعلان کر دیا

وہ آفتیں پڑیں کہ خدا یاد آگیا

ان حادثوں نے مجھ کو مسلمان کر دیا

وہ درد ہے کہ دل سے نکلتا نہیں سو آج

ہم نے سپرد خانہ بہ مہمان کر دیا

عرفانؔ ، بزم بادہ و گل تھی زمین شعر

تم نے تو اس کو حشر کا میدان کر دیا

عرفان صدیقی

ایک بزنس جس میں بس نقصان ہے

دسمبر 1, 2007منصور آفاق،شعراء،غزلمہمان،میدان،نقصان،کادالان،پاکستان،امکان،ایمان،دانadmin

منصور آفاق ۔ غزل نمبر 593

اچھے بزنس مین کی پہچان ہے

ایک بزنس جس میں بس نقصان ہے

دوڑتی پھرتی ہوئی بچی کے پاس

دور تک اک گھاس کا میدان ہے

صبح تازہ کی اذاں کے واسطے

میرے کمرے میں بھی روشن دان ہے

پتھروں سے مل نہ پتھر کی طرح

سنگ میں بھی روح کا امکان ہے

چند ہیں ابرِ رواں کی چھتریاں

باقی خالی دھوپ کادالان ہے

اتنا ہے پاکیزگی سے رابطہ

میرے گھر کا نام پاکستان ہے

موت آفاقی حقیقت ہے مگر

زندگی پر بھی مرا ایمان ہے

جتنی ممکن ہے جگہ دامن میں دے

روشنی منصور کی مہمان ہے

منصور آفاق

وحشت میں مبتلا ہوا انسان کس لئے

دسمبر 1, 2007منصور آفاق،شعراء،غزلمہمان،نقصان،ویران،گلدان،انسان،دالان،سلطان،سامان،سرطانadmin

منصور آفاق ۔ غزل نمبر 498

ہر لمحہ تازہ قتل کا امکان کس لئے

وحشت میں مبتلا ہوا انسان کس لئے

میں سوچتا ہوں دیکھ کے اڑتے ہوئے پرند

لایا ہوں ہفتہ بھر کا یہ سامان کس لئے

شاخیں لدی ہوئی ہیں گلابوں سے غیر کی

خالی ہے میری ذات کا گلدان کس لئے

جنت نما ہیں اہل ستم کی ریاستیں

اپنے دیارِ زندگی ویران، کس لئے

رائج جہاں میں کیوں ہوئی جنگل کی شہریت

کچھ بھیڑیاصفت ہوئے سلطان کس لئے

کیا جانوں کس نے پیٹھ لگائی تھی اس کے ساتھ

پھیلا ہوا پیڑ میں سرطان کس لئے

آخر کہاں گئی ہیں وہ کرنیں وہ گرم دھوپ

ویراں پڑا ہوا ہے یہ دالان کس لئے

آسیب پھر رہا ہے کوئی میرے ساتھ ساتھ

ہونے لگا ہے روزہی نقصان کس لئے

جاتے نہیں ہیں لوٹ کے اپنے ستاروں پر

منصور کائنات کے مہمان کس لئے

منصور آفاق

کیا جانے کس اور گئے ہیں خوابوں کے مہمان

دسمبر 1, 2007منصور آفاق،شعراء،غزلمہمان،پہچان،پاکستان،دھان،دانadmin

منصور آفاق ۔ غزل نمبر 11

نکھری صبحیں ، بکھری شامیں ، راتیں ہیں سنسان

کیا جانے کس اور گئے ہیں خوابوں کے مہمان

سرمایہ ہیں تیرے سپنے ، حاصل تیرے خواب

تیری یاد کا چہرہ میری ذات کی ہے پہچان

کاش کوئی آ،تاپے اپنی نرم و ملائم شام

روح میں جلتا دیکھوں دن بھر غم کا آتش دان

کس کا چہرہ جنس زدہ ہے ، کس کا جسم غلیظ

کون زمیں کی پیٹھ پہ پھوڑا تُو یا پاکستان

تیس برس کی اک لڑکی کا جیسے کومل جسم

دوبالشت جب ہوجائے منصور سنہری دھان

منصور آفاق

مہمان

جون 1, 1979نظم،ریتنجناںمہمانadmin

پہلاں کاں دی کوہجی واج نوں

سن کے وی میں خوش ہوندا ساں

پر ہن انج اے

بنے بنیرے کاں بولے تے

ڈرجاندا واں

کیوں جے میرے گھر دا راشن

میرے گھر دے

سب جّیاں توں وی کمتی اے

بھاں توں

میرے دکھ ونڈا ون لئی اوہ آوے

میں مہمان نوں

کیکن ’’جی آیاں نوں‘‘ آکھاں

ماجد صدیقی (پنجابی کلام)

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: مہمان

میں میزبان تھا مجھے مہمان کر دیا

مجھ میں اُتر گیا ہے وہ سرطان کی طرح

احسان کا مزا ہے احسان کر کے بھولے

مہمان

ہو مختلط جو ان سے تو ایمان کیا رہے

آہ و فغاں کے طور سے میرے لوگ مجھے پہچان گئے

جان ہی جائے گی آخر کو اس ارمان کے ساتھ

آ بوالہوس گر ذوق ہے یہ گو ہے یہ میدان ہے

کتنے اک اشک ہوئے جمع کہ طوفان ہوئے

دکھلائی دے جہاں تک میدان ہورہا ہے

نومیدیاں ہیں کتنی ہی مہمان آرزو

بوسہ بھی لیں تو کیا ہے ایمان ہے ہمارا

وابستہ ترے مو کا پریشان رہے گا

یاد وہ بھی نہیں آتا ہے پریشان جو ہیں

میرے لہو نے سب سر و سامان کر دیا

ایک بزنس جس میں بس نقصان ہے

وحشت میں مبتلا ہوا انسان کس لئے

کیا جانے کس اور گئے ہیں خوابوں کے مہمان

مہمان

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: