ٹیگ کے محفوظات: مٹھاس

مُرجھا کے آ گرا ہوں مگر سرد گھاس میں

مئی 31, 2021کلیاتِ شکیب جلالی ۔ غزلیں،شکیب جلالی،غزللباس،مٹھاس،یاس،کلاس،گلاس،گھاس،پیاس،انعکاس،باسadmin

میں شاخ سے اڑا تھا ستاروں کی آس میں

مُرجھا کے آ گرا ہوں مگر سرد گھاس میں

سوچو تو سِلوٹوں سے بھری ہے تمام روح

دیکھو تو اک شکن بھی نہیں ہے لباس میں

صحرا کی بُود و باش ہے‘ اچھی نہ کیوں لگے

سُوکھی ہوئی گلاب کی ٹہنی گلاس میں

چمکے نہیں نظر میں ابھی نقش دُور کے

مصروف ہوں ابھی عملِ اِنعکاس میں

دھوکے سے اس حسیں کو اگر چُوم بھی لیا

پاؤ گے دل کا زہر لَبوں کی مٹھاس میں

تارہ کوئی رِدائے شبِ ابر میں نہ تھا

بیٹھا تھا میں اداس بیابانِ یاس میں

جُوئے روانِ دشت! ابھی سُوکھنا نہیں

ساون ہے دُور اور وہی شدّت ہے پیاس میں

رہتا تھا سامنے ترا چہرہ کھلا ہُوا

پڑھتا تھا میں کتاب یہی ہر کلاس میں

کانٹوں کی باڑ پھاند گیا تھا مگر‘ شکیبؔ

رستہ نہ مل سکا مجھے پھولوں کی باس میں

شکیب جلالی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کہنا اُسے، دنیا مجھے راس آئی نہیں ہے

نومبر 17, 2013آفتاب اقبال شمیممٹھاس،پاس،اُداس،حواس،راسadmin

آفتاب اقبال شمیم ۔ غزل نمبر 74

تخلیق سے فن کار کی باس آئی نہیں ہے

کہنا اُسے، دنیا مجھے راس آئی نہیں ہے

شاید کہ ہو اُمّید کے تاروں کا خزانہ

پاس آ کے یہ دولت میرے پاس آئی نہیں ہے

سورج کو نکلنا ہی نہ ہو مطلعِٔ شب سے

پھر کس لئے یہ شام اُداس آئی نہیں ہے

یا ذائقہ ہے تلخ کسی شے کی کمی سے

یا بھول میں موسم کی مٹھاس آئی نہیں ہے

کھوئے گئے حالات کے آشوب میں ایسے

کچھ اپنی خبر تا بہ حواس آئی نہیں ہے

آفتاب اقبال شمیم

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

بھٹک رہا ہوں گھاٹ گھاٹ روشنی کی پیاس میں

نومبر 17, 2013آفتاب اقبال شمیمقیاس،مٹھاس،کپاس،گلاس،پیاس،التماس،حواسadmin

آفتاب اقبال شمیم ۔ غزل نمبر 61

زمینِ پنج آب! تیری چاہتوں کے طاس میں

بھٹک رہا ہوں گھاٹ گھاٹ روشنی کی پیاس میں

نکل نہیں رہیں گھروں سے، سوہنیوں کی خیر ہو

دھوئیں کا ذائقہ ہے آج دھوپ کی مٹھاس میں

اگر مشقتوں کا ہے معاوضہ برہنگی

لگائیں کیوں نہ چل کے آگ پھولتی کپاس میں

ابھی بہے گی خلوتوں سے روشنی شراب کی

بجیں گی نرم قہقہوں کی گھنٹیاں گلاس میں

بنامِ چشم و گوش آئیں فیصلے شکوک کے

مچی ہوئی ہے اک عجیب ابتری حواس میں

وُہ عرضِ مدعا میں پیچ ڈھونڈتے ہی رہ گئے

بہت زیادہ سادگی تھی میرے التماس میں

کہاں ہوں ! آئنے سے کٹ گیا ہے میرا عکس کیا؟

کہ میری شکل آ نہیں رہی مرے قیاس میں

آفتاب اقبال شمیم

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ابھی تو کھیت میں دو دن کی گھاس ہے سائیاں

دسمبر 1, 2007منصور آفاق،شعراء،غزلہراس،لباس،مٹھاس،گلاس،گھاس،پاس،التماس،اداس،حواسadmin

منصور آفاق ۔ غزل نمبر 267

دوبارہ کاٹنے آؤ گے… آس ہے سائیاں

ابھی تو کھیت میں دو دن کی گھاس ہے سائیاں

مری دعاؤں پہ چیلیں جھپٹنے والی ہیں

یہ ایک چیخ بھری التماس ہے سائیاں

عجیب شہد سا بھرنے لگا ہے لہجے میں

یہ حرفِ میم میں کیسی مٹھاس ہے سائیاں

تمہارے قرب کی مانگی تو ہے دعا میں نے

مگر یہ ہجر جو برسوں سے پاس ہے سائیاں

جسے ملو وہی پیاسا دکھائی دیتا ہے

بھرا ہوا بھی کسی کا گلاس ہے سائیاں

ترے بغیر کسی کا بھی دل نہیں لگتا

مرے مکان کی ہر شے اداس ہے سائیاں

ٹھہر نہ جائے خزاں کی ہوا اسے کہنا

ابھی شجر کے بدن پر لباس ہے سائیاں

کوئی دیا کہیں مصلوب ہونے والا ہے

بلا کا رات پہ خوف و ہراس ہے سائیاں

نجانے کون سی کھائی میں گر پڑے منصور

یہ میرا وقت بہت بد حواس ہے سائیاں

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اپنے لہجے میں کچھ مٹھاس ملا

دسمبر 1, 2007منصور آفاق،شعراء،غزلہراس،مٹھاس،گھاس،پیاس،آس،باس،سپاسadmin

منصور آفاق ۔ غزل نمبر 35

شہد ٹپکا، ذرا سپاس ملا

اپنے لہجے میں کچھ مٹھاس ملا

سوکھ جائیں گی اس کی آنکھیں بھی

جا کے دریا میں میری پیاس ملا

خشک پتے مرا قبیلہ ہیں

دل جلوں میں نہ سبز گھاس ملا

آخری حد پہ ہوں ذرا سا اور

بس مرے خوف میں ہراس ملا

آ، مرے راستے معطر کر

آ، ہوا میں تُو اپنی باس ملا

نسخہء دل بنا مگر پہلے

اس میں امید ڈال آس ملا

ہے خداوند کے لیے منصور

سو غزل میں ذرا سپاس ملا

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔