ٹیگ کے محفوظات: ملتی

آگ جلتی رہے رات ڈھلتی رہے

اگست 4, 2018ناصر کاظمی،دیوانِ ناصر،غزلملتی،ڈھلتی،اچھلتیadmin

برف گرتی رہے آگ جلتی رہے

آگ جلتی رہے رات ڈھلتی رہے

رات بھر ہم یونہی رقص کرتے رہیں

نیند تنہا کھڑی ہاتھ ملتی رہے

برف کے ہاتھ پیانو بجاتے رہیں

جام چلتے رہیں مے اُچھلتی رہے

ناصر کاظمی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

منجمد ہوتی ہوئی اور پگھلتی ہوئی شام

نومبر 18, 2013آفتاب اقبال شمیمملتی،چلتی،نکلتی،پگھلتی،پھسلتی،جلتیadmin

آفتاب اقبال شمیم ۔ غزل نمبر 95

اپنی کیفیتیں ہر آن بدلتی ہوئی شام

منجمد ہوتی ہوئی اور پگھلتی ہوئی شام

ڈگمگاتی ہوئی ہر گام سنبھلتی ہوئی شام

خواب گاہوں سے اِدھر خواب میں چلتی ہوئی شام

گوندھ کر موتیے کے ہار گھنی زلفوں میں

عارض و لب پہ شفق سرخیاں ملتی ہوئی شام

اک جھلک پوشش بے ضبط سے عریانی کی

دے گئی، دن کے نشیبوں سے پھسلتی ہوئی شام

ایک سناٹا رگ و پے میں سدا گونجتا ہے

بجھ گئی جیسے لہو میں کوئی جلتی ہوئی شام

وقت بپتسمہ کرے آبِ ستارہ سے اِسے

دستِ دنیا کی درازی سے نکلتی ہوئی شام

آفتاب اقبال شمیم

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

پر طاقِ شب تنہائی میں اک شمع مسلسل جلتی ہے

دسمبر 1, 2007منصور آفاق،شعراء،غزلملتی،چلتی،پلتی،جلتی،جھلتی،غلطیadmin

منصور آفاق ۔ غزل نمبر 594

ہر شام شعاعیں بجھتی ہیں ہر صبح سیاہی ڈھلتی ہے

پر طاقِ شب تنہائی میں اک شمع مسلسل جلتی ہے

کچھ رنگ اِدھر سے آتے ہیں کچھ رنگ اُدھر سے جاتے ہیں

تاریکی دباتی ہے پاؤں جب روشنی پنکھا جھلتی ہے

تجدید محبت کی کوشش بے سود ہے مجھکو بھول بھی جا

کب راکھ سے شعلے اٹھتے ہیں کب ریت میں کشتی چلتی ہے

یہ کس نے حسیں دوشیزہ کے خوابوں کا تسلسل توڑ دیا

اب چونک کے نیند سے اٹھی ہے گھبرا کے وہ آنکھیں ملتی ہے

ہم لوگ ستم کے شہروں میں مصروف عمل ہیں زیرِ زمیں

آغوشِ شبِ نادیدہ میں تحریک سحر کی پلتی ہے

کیوں اس کا لکھا ہے نام بتا۔۔اس شہر کی سب دیواروں پر

ناراض یونہی وہ شخص نہیں منصوریہ تیری غلطی ہے

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

ہاتھ تصویر پہ ملتی ہوئی چیخ

دسمبر 1, 2007منصور آفاق،شعراء،غزلملتی،مچلتی،چلتی،نکلتی،نگلتی،پگھلتی،اگلتی،بدلتی،سنبھلتیadmin

منصور آفاق ۔ غزل نمبر 152

آتشِ لمس سے جلتی ہوئی چیخ

ہاتھ تصویر پہ ملتی ہوئی چیخ

زخم پاؤں میں کیے جاتی ہے

خشک پتوں سے نکلتی ہوئی چیخ

اک شکاری کے کفن سے ابھری

برف کے ساتھ پگھلتی ہوئی چیخ

کس نے چپکائی ہے دیواروں پر

خواب میں رنگ بدلتی ہوئی چیخ

میں طلسمات سے نکلا تو ملی

بابِ حیرت پہ مچلتی ہوئی چیخ

قاتلو! دھوتے رہو نقشِ قدم

چلتی جاتی ہے وہ چلتی ہوئی چیخ

اک تعلق کے گلے سے نکلی

در و دیوار نگلتی ہوئی چیخ

پھر وہی ڈوبتا سورج منصور

پھر وہی آگ اگلتی ہوئی چیخ

آخری سانس میں ڈھلتی ہوئی چیخ

گر پڑی ایک سنبھلتی ہوئی چیخ

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔