ٹیگ کے محفوظات: مسلسل

مگر یہ لوگ پاگل ہو گئے ہیں

اگست 4, 2018ناصر کاظمی،برگِ نے،غزلمسلسل،کل،پاگل،اوجھل،بوجھل،جنگل،شلadmin

ترے ملنے کو بیکل ہو گئے ہیں

مگر یہ لوگ پاگل ہو گئے ہیں

بہاریں لے کے آئے تھے جہاں تم

وہ گھر سنسان جنگل ہو گئے ہیں

یہاں تک بڑھ گئے آلامِ ہستی

کہ دل کے حوصلے شل ہو گئے ہیں

کہاں تک تاب لائے ناتواں دل

کہ صدمے اب مسلسل ہو گئے ہیں

نگاہِ یاس کو نیند آ رہی ہے

مژہ پر اشک بوجھل ہو گئے ہیں

اُنھیں صدیوں نہ بھولے گا زمانہ

یہاں جو حادثے کل ہو گئے ہیں

جنھیں ہم دیکھ کر جیتے تھے ناصرؔ

وہ لوگ آنکھوں سے اوجھل ہو گئے ہیں

ناصر کاظمی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

وہ کہ جو کل نہ ہوا، کل نہیں ہونے والا

نومبر 17, 2013آفتاب اقبال شمیممکمل،مسلسل،کل،اوجھل،شلadmin

آفتاب اقبال شمیم ۔ غزل نمبر 83

مسئلہ آدمی کا حل نہیں ہونے والا

وہ کہ جو کل نہ ہوا، کل نہیں ہونے والا

ایک تعمیر جو ہر دم زدِ تخریب میں ہے

اس جگہ کچھ بھی مکمل نہیں ہونے والا

جھیل ہے آنکھ مری، ایک پرت پانی کی

جس سے جلوہ ترا اوجھل نہیں ہونے والا

اس عنایت میں کوئی اس کی غرض بھی ہو گی

یہ کرم تم پہ مسلسل نہیں ہونے والا

شوق سے بوجھ مصائب کا بڑھاتے جاؤ

یہ جو ہے دوش مرا، شل نہیں ہونے والا

آفتاب اقبال شمیم

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

جاگا ہوا نگر بھی مجھے شل دکھائی دے

دسمبر 1, 2007منصور آفاق،شعراء،غزلململ،مکمل،مسلسل،کاکمبل،کاجل،پل،بوجھل،جنگل،دلدل،شلadmin

منصور آفاق ۔ غزل نمبر 528

حرکت ہر ایک شے کی معطل دکھائی دے

جاگا ہوا نگر بھی مجھے شل دکھائی دے

آتے ہوئے منٹ کی طوالت کا کیا کہوں

گزری ہوئی صدی تو مجھے پل دکھائی دے

پلکوں کے ساتھ ساتھ فلک پر کہیں کہیں

مجھ کو کوئی ستارہ مسلسل دکھائی دے

برسات کی پھوار برہنہ کرے تجھے

تیرے بدن پہ ڈھاکہ کی ململ دکھائی دے

پیچھے زمین ٹوٹ کے کھائی میں گر پڑی

آگے تمام راستہ دلدل دکھائی دے

ہجراں کی رات نرم ملائم کچھ اتنی ہے

مجھ کو ترا خیال بھی بوجھل دکھائی دے

برفاب موسموں میں مرے جسم پر تری

بھیڑوں کی گرم اون کاکمبل دکھائی دے

اُس چشم کے اندھیرے میں سورج کی خیر ہو

دیکھوں جہاں تلک مجھے کاجل دکھائی دے

دیکھا ہے رکھ کے اپنی ہتھیلی پہ کتنی بار

وہ پھول ہر طرف سے مکمل دکھائی دے

نقشِ قدم سے پاک جزیرہ کہیں ملے

منصور ان چھوا کوئی جنگل دکھائی دے

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔