ٹیگ کے محفوظات: محرم

تم سر بسر خوشی تھے مگر غم ملے تمہیں

اکتوبر 23, 2015Jaun Elia،جون ایلیا،شعراء،غزلمحرم،کم،پیہم،پرنم،آدم،برہم،خم،دم،عالم،غمadmin

جون ایلیا ۔ غزل نمبر 128

شرمندگی ہے ہم کو بہت ہم ملے تمہیں

تم سر بسر خوشی تھے مگر غم ملے تمہیں

میں اپنے آپ میں نہ ملا اس کا غم نہیں

غم تو یہ ہے کہ تم بھی بہت کم ملے تمہیں

ہے جو ہمارا ایک حساب اُس حساب سے

آتی ہے ہم کو شرم کہ پیہم ملے تمہیں

تم کو جہانِ شوق و تمنا میں کیا ملا

ہم بھی ملے تو درہم و برہم ملے تمہیں

اب اپنے طور ہی میں نہیں سو کاش کہ

خود میں خود اپنا طور کوئی دم ملے تمہیں

اس شہرِ حیلہ جُو میں جو محرم ملے مجھے

فریادِ جانِ جاں وہی محرم ملے تمہیں

دیتا ہوں تم کو خشکیِ مژ گاں کی میں دعا

مطلب یہ ہے کہ دامنِ پرنم ملے تمہیں

میں اُن میں آج تک کبھی پایا نہیں گیا

جاناں ! جو میرے شوق کے عالم ملے تمہیں

تم نے ہمارے دل میں بہت دن سفر کیا

شرمندہ ہیں کہ اُس میں بہت خم ملے تمہیں

یوں ہو کہ اور ہی کوئی حوا ملے مجھے

ہو یوں کہ اور ہی کوئی آدم ملے تمہیں

جون ایلیا

تم ہوئے رعنا جواں بالفرض لیکن ہم کہاں

اکتوبر 7, 2015میر تقی میر،اساتذہ،غزلہم،محرم،اودھم،آدم،دم،عالمadmin

دیوان ششم غزل 1855

دم ہے مہلت شیب میں جانے کا اپنے غم کہاں

تم ہوئے رعنا جواں بالفرض لیکن ہم کہاں

عالم عالم جمع تھے خوباں جہاں صافا ہوا

گرچہ عالم اور ہے اب واں پہ وہ عالم کہاں

تھی بلا شوخی شرارت یار کی ہنگامہ ساز

شور یوں تو اوروں کا بھی ہے پہ وہ اودھم کہاں

کیا جنوں ہے تم کو جو تم طالب ویرانہ ہو

جس کو فردوس بریں کہتے ہیں واں آدم کہاں

حبس دم میں شیخ جو کرتا نہیں حرف و سخن

حق طرف ہے اس کے اس بیہودہ گو میں دم کہاں

ہو سو ہو میں میر اب تو دم بخود ہوں ہجر میں

کیا لکھوں تہ دل کی باتیں کاغذ و محرم کہاں

میر تقی میر

اس طور اس طرح کے ایسے کم آشنا ہیں

اکتوبر 7, 2015میر تقی میر،اساتذہ،غزلمحرم،کم،دم،عالم،غمadmin

دیوان ششم غزل 1854

ناآشنا کے اپنے جیسے ہم آشنا ہیں

اس طور اس طرح کے ایسے کم آشنا ہیں

باہم جو یاریاں ہیں اور آشنائیاں ہیں

سب ہیں نظر میں اپنی ہم عالم آشنا ہیں

ماتم کدہ ہے تکیہ کیا تازہ کچھ ہمارا

یک جا فقیر کب سے ہم سب غم آشنا ہیں

تحریر راز دل کی مشکل ہے کیونکے کریے

کاغذ قلم ہمارے کب محرم آشنا ہیں

یاری جہانیوں کی کیا میر معتبر ہے

ناآشنا ہیں یک دم یہ اک دم آشنا ہیں

میر تقی میر

کون ایسے محروم غمیں کا ہم راز و محرم ہے اب

اکتوبر 6, 2015میر تقی میر،اساتذہ،غزلماتم،محرم،کم،دم،درہم،عالم،غمadmin

دیوان پنجم غزل 1581

دل کے گئے بیکس کہلائے ایسا کہاں ہمدم ہے اب

کون ایسے محروم غمیں کا ہم راز و محرم ہے اب

سینہ زنی سے غم زدگی ہے سر دھننا ہے رونا ہے

دل جو ہمارا خون ہوا ہے اس سے بلا ماتم ہے اب

سن کر حال کسو کے دل کا رونا ہی مجھ کو آتا تھا

یعنی کبھو جو کڑھتا تھا میں وہ رونا ہر دم ہے اب

زردی چہرہ تن کی نزاری بیماری پھر چاہت ہے

دل میں غم ہے مژگاں نم ہیں حال بہت درہم ہے اب

دیکھیں دن کٹتے ہیں کیونکر راتیں کیونکے گذرتی ہیں

بیتابی ہے زیادہ زیادہ صبر بہت کم کم ہے اب

عشق ہمارا آہ نہ پوچھو کیا کیا رنگ بدلتا ہے

خون ہوا دل داغ ہوا پھر درد ہوا پھر غم ہے اب

ملنے والو پھر ملیے گا ہے وہ عالم دیگر میں

میر فقیر کو سکر ہے یعنی مستی کا عالم ہے اب

میر تقی میر

آٹھ پہر رہتا ہے رونا اس کی دوری کے غم کا

اکتوبر 6, 2015میر تقی میر،اساتذہ،غزلماتم،محرم،اودھم،دم،رستم،عالم،غمadmin

دیوان پنجم غزل 1571

کچھ اندیشہ ہم کو نہیں ہے اپنے حال درہم کا

آٹھ پہر رہتا ہے رونا اس کی دوری کے غم کا

روتے کڑھتے خاک میں ملتے جیتے رہے ہم دنیا میں

دس دن اپنی عمر کے گویا عشرہ تھا یہ محرم کا

کشتی ہماری عشق میں کیا تھی ہاتھ ملاتے پاک ہوئی

پاے ثبات نہ ٹھہرا دم بھر اس میدان میں رستم کا

عالم نیستی کیا عالم تھا غم دنیا و دیں کا نہ تھا

ہوش آیا ہے جب سے سر میں شوق رہا اس عالم کا

یاں واجب ہے ہم کو تم کو دم لیویں تو شمردہ لیں

دینا ہو گا حساب کسو کو یک دم ہی میں دم دم کا

چھاتی کوٹی منھ نوچا سر دے دے مارا پتھر پر

دل کے خوں ہونے میں ہمارا یہی طریق ہے ماتم کا

لڑکے شوخ بہت ہیں لیکن ویسا میر نہیں کوئی

دھوم قیامت کی سی ہے ہنگامہ اس کے اودھم کا

میر تقی میر

ہم نے کھینچی کمان رستم بھی

اکتوبر 6, 2015میر تقی میر،اساتذہ،غزلماتم،محرم،اودھم،دم،رستم،عالم،غمadmin

دیوان چہارم غزل 1491

زورکش ہیں گے عشق کے ہم بھی

ہم نے کھینچی کمان رستم بھی

ہے بلا دھوم دل تڑپنے کی

ایسا ہوتا نہیں ہے اودھم بھی

کچھ نہیں اور دیکھیں ہیں کیا کیا

خواب کا سا ہے یاں کا عالم بھی

حیف دل جاتے پڑ گئی جی کی

ورنہ غم کرتے لیتے ماتم بھی

حرم کعبہ کا نہ پایا بھید

نہ ملا واں کا ایک محرم بھی

خشک نے سا تھا شیخ حیف موا

یوں تو یار اس کو دیتے تھے دم بھی

کھپ ہی جاتا ہے آدمی اے میر

آفت جاں ہے عشق کا غم بھی

میر تقی میر

ناز و غرور بہت ہے اس کا لطف نہیں ہے کم کم بھی

اکتوبر 6, 2015میر تقی میر،اساتذہ،غزلہم،موسم،ماتم،محرم،مرہم،کم،عالمadmin

دیوان چہارم غزل 1487

میں تو تنک صبری سے اپنی رہ نہیں سکتا اک دم بھی

ناز و غرور بہت ہے اس کا لطف نہیں ہے کم کم بھی

جامۂ احرام آخر تہ کر دل کی اور توجہ کی

در پہ حرم کے اس لیے تھے ہم کوئی ملے گا محرم بھی

دیکھ ہوا کو طائر گلشن کس حسرت سے کہتے تھے

گل ہی چلے جاتے نہیں یاں سے چلنے کو بیٹھے ہیں ہم بھی

کیا کیا میں بیتاب رہا ہوں رنج و الم سے محبت کے

ہے عالم کچھ اور ہی میرے دل کے مرض کا عالم بھی

پنبہ و داغ کیا ہے کیا کیا اچھے ہونے والے نہ تھے

زخموں پر چھاتی کے میری رکھ دیکھو نہ مرہم بھی

گرم ہوا ہے ہو گا جوہر سیر چمن کی کر لیجے

پھول بکھرتے جاتے ہیں کچھ آخر ہے اب موسم بھی

نعل جڑے سینے کو کوٹا چہرے نچے پر خاک ملی

میر کیا ہے میں نے نہایت دل جانے کا ماتم بھی

میر تقی میر

چھیڑ رکھی ہے تم نے کیا ہم سے

اکتوبر 6, 2015میر تقی میر،اساتذہ،غزلہم،مقدم،محرم،نم،آدم،خم،دم،درہم،عالمadmin

دیوان اول غزل 582

ہنستے ہو روتے دیکھ کر غم سے

چھیڑ رکھی ہے تم نے کیا ہم سے

مند گئی آنکھ ہے اندھیرا پاک

روشنی ہے سو یاں مرے دم سے

تم جو دلخواہ خلق ہو ہم کو

دشمنی ہے تمام عالم سے

درہمی آگئی مزاجوں میں

آخر ان گیسوان درہم سے

سب نے جانا کہیں یہ عاشق ہے

بہ گئے اشک دیدئہ نم سے

مفت یوں ہاتھ سے نہ کھو ہم کو

کہیں پیدا بھی ہوتے ہیں ہم سے

اکثر آلات جور اس سے ہوئے

آفتیں آئیں اس کے مقدم سے

دیکھ وے پلکیں برچھیاں چلیاں

تیغ نکلی اس ابروے خم سے

کوئی بیگانہ گر نہیں موجود

منھ چھپانا یہ کیا ہے پھر ہم سے

وجہ پردے کی پوچھیے بارے

ملیے اس کے کسو جو محرم سے

درپئے خون میر ہی نہ رہو

ہو بھی جاتا ہے جرم آدم سے

میر تقی میر

پر نہ اتنا بھی کہ ڈوبے شہر کم کم رویئے

اکتوبر 6, 2015میر تقی میر،اساتذہ،غزلماتم،محرم،کم،آدم،دم،دمادم،شبنمadmin

دیوان اول غزل 503

خوب ہے اے ابر اک شب آئو باہم رویئے

پر نہ اتنا بھی کہ ڈوبے شہر کم کم رویئے

وقت خوش دیکھا نہ اک دم سے زیادہ دہر میں

خندئہ صبح چمن پر مثل شبنم رویئے

شادی و غم میں جہاں کی ایک سے دس کا ہے فرق

عید کے دن ہنسیے تو دس دن محرم رویئے

دیکھا ماتم خانۂ عالم کو ہم مانند ابر

ہرجگہ پر جی میں یوں آیا دمادم رویئے

ہو جدا فردوس سے یعنی گلی سے یار کی

مدتوں تک کیجیے غم مثل آدم رویئے

اب سے یوں کریے مقرر اٹھیے جب کہسار سے

وادی مجنوں پہ بھی اے ابر اک دم رویئے

عشق میں تقریب گریہ گو نہیں درکار میر

ایک مدت صبر ہی کا رکھیے ماتم رویئے

میر تقی میر

کسو سے کام نہیں رکھتی جنس آدم کی

اکتوبر 6, 2015میر تقی میر،اساتذہ،غزلموسم،ماتم،محرم،کم،آدم،برہم،دمadmin

دیوان اول غزل 468

بغیر دل کہ یہ قیمت ہے سارے عالم کی

کسو سے کام نہیں رکھتی جنس آدم کی

کوئی ہو محرم شوخی ترا تو میں پوچھوں

کہ بزم عیش جہاں کیا سمجھ کے برہم کی

ہمیں تو باغ کی تکلیف سے معاف رکھو

کہ سیر و گشت نہیں رسم اہل ماتم کی

تنک تو لطف سے کچھ کہہ کہ جاں بلب ہوں میں

رہی ہے بات مری جان اب کوئی دم کی

گذرنے کو تو کج و واکج اپنی گذرے ہے

جفا جو ان نے بہت کی تو کچھ وفا کم کی

گھرے ہیں درد و الم میں فراق کے ایسے

کہ صبح عید بھی یاں شام ہے محرم کی

قفس میں میر نہیں جوش داغ سینے پر

ہوس نکالی ہے ہم نے بھی گل کے موسم کی

میر تقی میر

اس زمانے میں گئی ہے برکت غم سے بھی

اکتوبر 6, 2015میر تقی میر،اساتذہ،غزلہم،ماتم،محرم،نم،آدم،سرعالم،غمadmin

دیوان اول غزل 431

دل کو تسکین نہیں اشک دمادم سے بھی

اس زمانے میں گئی ہے برکت غم سے بھی

ہم نشیں کیا کہوں اس رشک مہ تاباں بن

صبح عید اپنی ہے بدتر شب ماتم سے بھی

کاش اے جان المناک نکل جاوے تو

اب تو دیکھا نہیں جاتا یہ ستم ہم سے بھی

آخرکار محبت میں نہ نکلا کچھ کام

سینہ چاک و دل پژمردہ مژہ نم سے بھی

آہ ہر غیر سے تاچند کہوں جی کی بات

عشق کا راز تو کہتے نہیں محرم سے بھی

دوری کوچہ میں اے غیرت فردوس تری

کام گذرا ہے مرا گریۂ آدم سے بھی

ہمت اپنی ہی تھی یہ میر کہ جوں مرغ خیال

اک پرافشانی میں گذرے سرعالم سے بھی

میر تقی میر

گوش گل سے لگتے تھے جاکے سو وہ موسم نہیں

اکتوبر 6, 2015میر تقی میر،اساتذہ،غزلہم،موسم،محرمadmin

دیوان اول غزل 364

نالۂ قید قفس سے چھوٹ اب اک دم نہیں

گوش گل سے لگتے تھے جاکے سو وہ موسم نہیں

ہم پہ کھینچی تیغ تو غیروں کو ٹک لگنے نہ دے

وے اگر ہوویں گے اس کے درمیاں تو ہم نہیں

بت برہمن کوئی نامحرم نہیں اللہ کا

ہے حرم میں شیخ لیکن میر وہ محرم نہیں

میر تقی میر

افلاک پہ بھی شامِ محرم ہے عجب ہے

دسمبر 1, 2007منصور آفاق،شعراء،غزلموسم،مجسم،محرم،گندم،گوتم،سنگم،شیشم،شبنمadmin

منصور آفاق ۔ غزل نمبر 608

قاتل بھی شریکِ صفِ ماتم ہے عجب ہے

افلاک پہ بھی شامِ محرم ہے عجب ہے

بہتے ہیں کئی طرح کے افسوس نظر سے

یہ آنکھ بھی دریاؤں کا سنگم ہے عجب ہے

پھولوں کے مراسم ہیں کہیں آتشیں لب سے

شعلوں کی مصاحب کہیں شبنم ہے عجب ہے

کل تک وہی شداد تھا نمرود تھا لیکن

اب وہی مسیحاوہی گوتم ہے عجب ہے

منظر ہے وہی لوگ مگر اور کوئی ہیں

دیکھو وہی دریا وہی شیشم ہے عجب ہے

وہ جس نے نکالا تھا بہشت آباد سے ہم کو

خوابوں میں وہی دانہ ء گندم ہے عجب ہے

ہم ڈھونڈتے نکلے تھے جسے عرشِ بریں پر

گلیوں میں وہی حسنِ مجسم ہے عجب ہے

منصور مجھے چھوڑا ہے اک شخص نے لیکن

ہر آنکھ میں انکار کا موسم ہے عجب ہے

منصور آفاق

گزرتے ہی نہیں جاں سے محرم مانگنے والے

دسمبر 1, 2007منصور آفاق،شعراء،غزلموسم،محرم،کسٹم،درہم،ریشمadmin

منصور آفاق ۔ غزل نمبر 557

ذرا سا زخم آئے تو یہ مرہم مانگنے والے

گزرتے ہی نہیں جاں سے محرم مانگنے والے

بناتے پھرتے ہیں کیسے تعلق قیس سے اپنا

بدن کے واسطے کمخواب و ریشم مانگنے والے

سب اُس بازار کے دلال ہیں رشتوں زمینوں تک

یہ استعمال کی چیزوں پہ کسٹم مانگنے والے

بھلا کیسے یہ ہوسکتے ہیں خادم کعبہ اللہ کے

یہ حج کو بیچنے والے یہ درہم مانگنے والے

کبھی منصور جا کر پوچھتے احوال کانٹوں کا

گلستان کیلئے پھولوں کا موسم مانگنے والے

منصور آفاق

اچھی لگتی ہے ندی دیدہ ء پرنم کی یونہی

دسمبر 1, 2007منصور آفاق،شعراء،غزلموسم،ماتم،محرم،نیلم،پرنم،جہلم،ریشم،شیشم،شبنمadmin

منصور آفاق ۔ غزل نمبر 495

بانسری بانس کے جنگل سے سنوں غم کی یونہی

اچھی لگتی ہے ندی دیدہ ء پرنم کی یونہی

کوئی امکان بظاہر تو بچھڑنے کا نہیں

یاد آئی ہے مجھے ہجر کے موسم کی یونہی

دشت کی دھوپ کوئی چیز نہیں میرے غزال

گفتگو تجھ سے ہوئی سایہ ء شیشم کی یونہی

میں نے جانا نہیں برفاب تہوں میں اس کی

بات سنتا ہوں میں بہتے ہوئے جہلم کی یونہی

برف گرتی ہے تو آتی ہے نظر خوابوں میں

اک پری زاد مجھے وادی ء نیلم کی یونہی

صبر کرتا رہا قربان حسین ابن علی

ظلم کہتا رہا حرمت ہے محرم کی یونہی

مجھ کو معلوم نہیں کون کہاں روتا ہے

بات کی سبزہ پہ بکھری ہوئی شبنم کی یونہی

اک موبائل سے بنا لینے دو تصویر مجھے

پہنے رکھو ذرا پوشاک یہ ریشم کی یونہی

ذکر ہوتا رہے لیلائے وطن کا منصور

آگ جلتی رہے بس نوحۂ ماتم کی یونہی

منصور آفاق

پھر کربلا میں شامِ محرم گزار خیر

دسمبر 1, 2007منصور آفاق،شعراء،غزلموسم،ماتم،محرم،پرنم،باہم،غمadmin

منصور آفاق ۔ غزل نمبر 178

جاری ہے پھر حسین کا ماتم گزار خیر

پھر کربلا میں شامِ محرم گزار خیر

پھٹ ہی نہ جائے کوئی یہاں بم گزار خیر

اک چھت تلے ہے فیملی باہم گزار خیر

خودکش دھماکے ہونے لگے ہیں گلی گلی

برپا جگہ جگہ پہ ہے ماتم گزار خیر

پھرتی ہے موت ظلم کے گرد و غبار میں

آیا ہے خاک و خون کا موسم گزار خیر

میرے وطن میں آگ لگی ہے اک ایک کوس

وہ سرنگوں ہے دین کا پرچم گزار خیر

منصور پہ کرم ہو خصوصی خدائے پاک

لگتی نہیں گزرتی شبِ غم گزار خیر

منصور آفاق

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: محرم

تم سر بسر خوشی تھے مگر غم ملے تمہیں

تم ہوئے رعنا جواں بالفرض لیکن ہم کہاں

اس طور اس طرح کے ایسے کم آشنا ہیں

کون ایسے محروم غمیں کا ہم راز و محرم ہے اب

آٹھ پہر رہتا ہے رونا اس کی دوری کے غم کا

ہم نے کھینچی کمان رستم بھی

ناز و غرور بہت ہے اس کا لطف نہیں ہے کم کم بھی

چھیڑ رکھی ہے تم نے کیا ہم سے

پر نہ اتنا بھی کہ ڈوبے شہر کم کم رویئے

کسو سے کام نہیں رکھتی جنس آدم کی

اس زمانے میں گئی ہے برکت غم سے بھی

گوش گل سے لگتے تھے جاکے سو وہ موسم نہیں

افلاک پہ بھی شامِ محرم ہے عجب ہے

گزرتے ہی نہیں جاں سے محرم مانگنے والے

اچھی لگتی ہے ندی دیدہ ء پرنم کی یونہی

پھر کربلا میں شامِ محرم گزار خیر

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: