ٹیگ کے محفوظات: مجسم

شہرِ وجود سے بابِ عدم تک ایک سا ہُو کا عالم ہے

مئی 30, 2021عرفان ستار،غزلفراہم،ماتم،مجسم،مدۤھم،کم،پرنم،برہم،دم،سم،عالمadmin

ایک ملال تو ہونے کا ہے ایک نہ ہونے کا غم ہے

شہرِ وجود سے بابِ عدم تک ایک سا ہُو کا عالم ہے

کب تک راہ تکیں گے اُس کی کب تک اُس کو پکاریں گے

آنکھوں میں اب کتنا نم ہے سینے میں کتنا دم ہے

اُس کے ہوتے روز ہی آکر مجھے جگایا کرتی تھی

میری طرف اب بادِ صبا کا آنا جانا کم کم ہے

اب تعبیر نجانے کیا ہو خواب میں اتنا دیکھا تھا

ایک جلوس چلا جاتا ہے آگے خونیں پرچم ہے

تم لوگوں کی عادت ٹھہری جھوٹ کا شربت پینے کی

میرے پیالے سے مت پینا میرے پیالے میں سم ہے

ہاں ویسے تو حجرہءِ جاں میں بے ترتیبی ٹھیک نہیں

لیکن کیا ترتیب سے رکھوں سب کچھ درہم برہم ہے

درد کی پردہ پوشی ہے سب، کھل جائے گر غور کرو

آہوں کی تکرار ہیں سانسیں دل کی دھڑکن ماتم ہے

خوشبو کے پہلو میں بیٹھا رنگ سے ہم آغوش ہُوا

جب سے اُس کا قرب ملا ہے ہر احساس مجسم ہے

اب اظہار میں کوتاہی کی، کوئی دلیل نہیں صائب

آنکھوں کو ہے خون مہیّا دل کو درد فراہم ہے

شہرِ سخن کے ہنگامے میں کون سنے تیری عرفان

ایک تو باتیں الجھی الجھی پھر لپجہ بھی مدۤھم ہے

عرفان ستار

شہرِ وجود سے بابِ عدم تک ایک سا ہُو کا عالم ہے

اکتوبر 26, 2015شعراء،عرفان ستار،غزلفراہم،ماتم،مجسم،مدۤھم،کم،پرنم،برہم،دم،سم،عالمadmin

عرفان ستار ۔ غزل نمبر 75

ایک ملال تو ہونے کا ہے ایک نہ ہونے کا غم ہے

شہرِ وجود سے بابِ عدم تک ایک سا ہُو کا عالم ہے

کب تک راہ تکیں گے اُس کی کب تک اُس کو پکاریں گے

آنکھوں میں اب کتنا نم ہے سینے میں کتنا دم ہے

اُس کے ہوتے روز ہی آکر مجھے جگایا کرتی تھی

میری طرف اب بادِ صبا کا آنا جانا کم کم ہے

اب تعبیر نجانے کیا ہو خواب میں اتنا دیکھا تھا

ایک جلوس چلا جاتا ہے آگے خونیں پرچم ہے

تم لوگوں کی عادت ٹھہری جھوٹ کا شربت پینے کی

میرے پیالے سے مت پینا میرے پیالے میں سم ہے

ہاں ویسے تو حجرہءِ جاں میں بے ترتیبی ٹھیک نہیں

لیکن کیا ترتیب سے رکھوں سب کچھ درہم برہم ہے

درد کی پردہ پوشی ہے سب، کھل جائے گر غور کرو

آہوں کی تکرار ہیں سانسیں دل کی دھڑکن ماتم ہے

خوشبو کے پہلو میں بیٹھا رنگ سے ہم آغوش ہُوا

جب سے اُس کا قرب ملا ہے ہر احساس مجسم ہے

اب اظہار میں کوتاہی کی، کوئی دلیل نہیں صائب

آنکھوں کو ہے خون مہیّا دل کو درد فراہم ہے

شہرِ سخن کے ہنگامے میں کون سنے تیری عرفان

ایک تو باتیں الجھی الجھی پھر لپجہ بھی مدۤھم ہے

عرفان ستار

چاہ یوسفؑ تھا ذقن سو چاہ رستم ہو گیا

اکتوبر 6, 2015میر تقی میر،اساتذہ،غزلماتم،مجسم،برہم،خم،دم،رم،رستم،سم،عالم،غمadmin

دیوان دوم غزل 677

خط سے وہ زور صفاے حسن اب کم ہو گیا

چاہ یوسفؑ تھا ذقن سو چاہ رستم ہو گیا

سینہ کوبی سنگ سے دل خون ہونے میں رہی

حق بجانب تھا ہمارے سخت ماتم ہو گیا

ایک سا عالم نہیں رہتا ہے اس عالم کے بیچ

اب جہاں کوئی نہیں یاں ایک عالم ہو گیا

آنکھ کے لڑتے تری آشوب سا برپا ہوا

زلف کے درہم ہوئے اک جمع برہم ہو گیا

اس لب جاں بخش کی حسرت نے مارا جان سے

آب حیواں یمن طالع سے مرے سم ہو گیا

وقت تب تک تھا تو سجدہ مسجدوں میں کفر تھا

فائدہ اب جب کہ قد محراب سا خم ہو گیا

عشق ان شہری غزالوں کا جنوں کو اب کھنچا

وحشت دل بڑھ گئی آرام جاں رم ہو گیا

جی کھنچے جاتے ہیں فرط شوق سے آنکھوں کی اور

جن نے دیکھا ایک دم اس کو سو بے دم ہو گیا

ہم نے جو کچھ اس سے دیکھا سو خلاف چشم داشت

اپنا عزرائیل وہ جان مجسم ہو گیا

کیا کہوں کیا طرحیں بدلیں چاہ نے آخر کو میر

تھا گرہ جو درد چھاتی میں سو اب غم ہو گیا

میر تقی میر

مہلت ہمیں بسان شرر کم بہت ہے یاں

اکتوبر 6, 2015میر تقی میر،اساتذہ،غزلماتم،مجسم،نم،کم،آدم،دم،درہم،شبنم،عالم،غمadmin

دیوان اول غزل 346

آجائیں ہم نظر جو کوئی دم بہت ہے یاں

مہلت ہمیں بسان شرر کم بہت ہے یاں

یک لحظہ سینہ کوبی سے فرصت ہمیں نہیں

یعنی کہ دل کے جانے کا ماتم بہت ہے یاں

حاصل ہے کیا سواے ترائی کے دہر میں

اٹھ آسماں تلے سے کہ شبنم بہت ہے یاں

مائل بہ غیر ہونا تجھ ابرو کا عیب ہے

تھی زور یہ کماں ولے خم چم بہت ہے یاں

ہم رہروان راہ فنا دیر رہ چکے

وقفہ بسان صبح کوئی دم بہت ہے یاں

اس بت کدے میں معنی کا کس سے کریں سوال

آدم نہیں ہے صورت آدم بہت ہے یاں

عالم میں لوگ ملنے کی گوں اب نہیں رہے

ہر چند ایسا ویسا تو عالم بہت ہے یاں

ویسا چمن سے سادہ نکلتا نہیں کوئی

رنگینی ایک اور خم و چم بہت ہے یاں

اعجاز عیسوی سے نہیں بحث عشق میں

تیری ہی بات جان مجسم بہت ہے یاں

میرے ہلاک کرنے کا غم ہے عبث تمھیں

تم شاد زندگانی کرو غم بہت ہے یاں

دل مت لگا رخ عرق آلود یار سے

آئینے کو اٹھا کہ زمیں نم بہت ہے یاں

شاید کہ کام صبح تک اپنا کھنچے نہ میر

احوال آج شام سے درہم بہت ہے یاں

میر تقی میر

افلاک پہ بھی شامِ محرم ہے عجب ہے

دسمبر 1, 2007منصور آفاق،شعراء،غزلموسم،مجسم،محرم،گندم،گوتم،سنگم،شیشم،شبنمadmin

منصور آفاق ۔ غزل نمبر 608

قاتل بھی شریکِ صفِ ماتم ہے عجب ہے

افلاک پہ بھی شامِ محرم ہے عجب ہے

بہتے ہیں کئی طرح کے افسوس نظر سے

یہ آنکھ بھی دریاؤں کا سنگم ہے عجب ہے

پھولوں کے مراسم ہیں کہیں آتشیں لب سے

شعلوں کی مصاحب کہیں شبنم ہے عجب ہے

کل تک وہی شداد تھا نمرود تھا لیکن

اب وہی مسیحاوہی گوتم ہے عجب ہے

منظر ہے وہی لوگ مگر اور کوئی ہیں

دیکھو وہی دریا وہی شیشم ہے عجب ہے

وہ جس نے نکالا تھا بہشت آباد سے ہم کو

خوابوں میں وہی دانہ ء گندم ہے عجب ہے

ہم ڈھونڈتے نکلے تھے جسے عرشِ بریں پر

گلیوں میں وہی حسنِ مجسم ہے عجب ہے

منصور مجھے چھوڑا ہے اک شخص نے لیکن

ہر آنکھ میں انکار کا موسم ہے عجب ہے

منصور آفاق

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: مجسم

شہرِ وجود سے بابِ عدم تک ایک سا ہُو کا عالم ہے

شہرِ وجود سے بابِ عدم تک ایک سا ہُو کا عالم ہے

چاہ یوسفؑ تھا ذقن سو چاہ رستم ہو گیا

مہلت ہمیں بسان شرر کم بہت ہے یاں

افلاک پہ بھی شامِ محرم ہے عجب ہے

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: