ٹیگ کے محفوظات: مان

جاناں! تیر ا برتاؤ بھی جان لیا

جون 29, 2017ماجد صدیقی،سُرخ لبوں کی آگ،غزلمان،چھان،آسان،تان،جانadmin

ماجد صدیقی ۔ غزل نمبر 24

چہرے پر چہرہ ہم نے پہچان لیا

جاناں! تیر ا برتاؤ بھی جان لیا

اِس بالک کی ہٹ تو ہم کو لے بیٹھی

ہم نے دل کا جانا تھا آسان لیا

جتنے بھی پیغام ہوا نے پہنچائے

ہم نے اُن ساروں کو سچا مان لیا

اور بھلا اِس مشکل کا حل کیا ہوتا

یاد اُجالا چہرۂ شب پر تان لیا

تیرے حسن کا سونا ہاتھ نہیں آیا

ہم نے چاہت کا صحرا بھی چھان لیا

ماجد صدیقی

اتنا بھی کہا نہ مان میرا

نومبر 2, 2015احمد فراز،شعراء،غزللہان،مکاں،مان،جہان،دھیانadmin

احمد فراز ۔ غزل نمبر 8

تجھ پر بھی نہ ہو گمان میرا

اتنا بھی کہا نہ مان میرا

میں دکھتے ہوئے دلوں کا عیسیٰ

اور جسم لہو لہان میرا

کچھ روشنی شہر کو ملی تو

جلتا ہے جلے مکاں میرا

یہ ذات یہ کائنات کیا ہے

تو جان مری جہان میرا

تو آیا تو کب پلٹ کے آیا

جب ٹوٹ چکا تھا مان میرا

جو کچھ بھی ہوا یہی بہت ہے

تجھ کو بھی رہا ہے دھیان میرا

احمد فراز

پر یہ تیرا نہ امتحان گیا

اکتوبر 6, 2015میر تقی میر،اساتذہ،غزلمکان،مان،چھان،نشان،گمان،امتحان،جوان،جانadmin

دیوان دوم غزل 739

سینکڑوں بیکسوں کا جان گیا

پر یہ تیرا نہ امتحان گیا

واے احوال اس جفاکش کا

عاشق اپنا جسے وہ جان گیا

داغ حرماں ہے خاک میں بھی ساتھ

جی گیا پر نہ یہ نشان گیا

کل نہ آنے میں ایک یاں تیرے

آج سو سو طرف گمان گیا

حرف نشنو کوئی اسے بھی ملا

تب تو میں نے کہا سو مان گیا

دل سے مت جا کہ پھر وہ پچھتایا

ہاتھ سے جس کے یہ مکان گیا

پھرتے پھرتے تلاش میں اس کی

ایک میرا ہی یوں نہ جان گیا

اب جو عیسیٰ ؑ فلک پہ ہے وہ بھی

شوق میں برسوں خاک چھان گیا

کون جی سے نہ جائے گا اے میر

حیف یہ ہے کہ تو جوان گیا

میر تقی میر

شور سے جیسے بان جاتا ہے

اکتوبر 6, 2015میر تقی میر،اساتذہ،غزلمیہمان،مکان،مان،نشان،گمان،بان،جہان،جوان،جانadmin

دیوان اول غزل 535

نالہ تا آسمان جاتا ہے

شور سے جیسے بان جاتا ہے

دل عجب جاے ہے ولیکن مفت

ہاتھ سے یہ مکان جاتا ہے

گاہے آتا ہوں آپ میں سو بھی

جیسے کوئی میہمان جاتا ہے

کیا خرابی ہے میکدے کی سہل

محتسب اک جہان جاتا ہے

جب سرراہ آوے ہے وہ شوخ

ایک عالم کا جان جاتا ہے

اس سخن ناشنو سے کیا کہیے

غیر کی بات مان جاتا ہے

عشق کے داغ کا عبث ہے علاج

کوئی اب یہ نشان جاتا ہے

گو وہ ہرجائی آئے اپنی اور

سو طرف ہی گمان جاتا ہے

میر تو عمر طبعی کو پہنچا

عشق میں جوں جوان جاتا ہے

میر تقی میر

انجان اتنے کیوں ہوئے جاتے ہو جان کر

اکتوبر 6, 2015میر تقی میر،اساتذہ،غزلمہربان،مان،چھان،نشان،امتحان،تان،جان،زبان،سانadmin

دیوان اول غزل 226

جھوٹے بھی پوچھتے نہیں ٹک حال آن کر

انجان اتنے کیوں ہوئے جاتے ہو جان کر

وے لوگ تم نے ایک ہی شوخی میں کھو دیے

پیدا کیے تھے چرخ نے جو خاک چھان کر

جھمکے دکھاکے باعث ہنگامہ ہی رہے

پر گھر سے در پہ آئے نہ تم بات مان کر

کہتے نہ تھے کہ جان سے جاتے رہیں گے ہم

اچھا نہیں ہے آ نہ ہمیں امتحان کر

کم گو جو ہم ہوئے تو ستم کچھ نہ ہو گیا

اچھی نہیں یہ بات مت اتنی زبان کر

ہم وے ہیں جن کے خوں سے تری راہ سب ہے گل

مت کر خراب ہم کو تو اوروں میں سان کر

تا کشتۂ وفا مجھے جانے تمام خلق

تربت پہ میری خون سے میرے نشان کر

ناز و عتاب و خشم کہاں تک اٹھایئے

یارب کبھو تو ہم پہ اسے مہربان کر

افسانے ما و من کے سنیں میر کب تلک

چل اب کہ سوویں منھ پہ دوپٹے کو تان کر

میر تقی میر

سخن سرا

اردو اور پنجابی ادب کی شاہکار نظمیں، غزلیں اور نثر

ٹیگ کے محفوظات: مان

جاناں! تیر ا برتاؤ بھی جان لیا

اتنا بھی کہا نہ مان میرا

پر یہ تیرا نہ امتحان گیا

شور سے جیسے بان جاتا ہے

انجان اتنے کیوں ہوئے جاتے ہو جان کر

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں:

Rate this:

اسے شیئر کریں:

اسے پسند کریں: