ٹیگ کے محفوظات: قلق

وہ شعلے شفق تا شفق اب کہاں

اگست 4, 2018ناصر کاظمی،برگِ نے،غزلقلق،ورق،شفق،طبقadmin

چمن در چمن وہ رمق اب کہاں

وہ شعلے شفق تا شفق اب کہاں

کراں تا کراں ظلمتیں چھا گئیں

وہ جلوے طبق در طبق اب کہاں

بجھی آتشِ گل اندھیرا ہوا

وہ اُجلے سنہرے ورق اب کہاں

برابر ہے ملنا نہ ملنا ترا

بچھڑنے کا تجھ سے قلق اب کہاں

ناصر کاظمی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

سوز دروں سے نامہ کباب ورق ہوا

اکتوبر 6, 2015میر تقی میر،اساتذہ،غزلفق،قلق،نسق،ورق،حق،سبق،شفقadmin

دیوان دوم غزل 740

ہنگام شرح غم جگر خامہ شق ہوا

سوز دروں سے نامہ کباب ورق ہوا

بندہ خدا ہے پھر تو اگر گذرے آپ سے

مرتا ہے جو کوئی اسے کہتے ہیں حق ہوا

دل میں رہا نہ کچھ تو کیا ہم نے ضبط شوق

یہ شہر جب تمام لٹا تب نسق ہوا

وہ رنگ وہ روش وہ طرح سب گئی بباد

آتے ہی تیرے باغ میں منھ گل کا فق ہوا

برسوں تری گلی میں چمن ساز جو رہا

سو دیدہ اب گداختہ ہوکر شفق ہوا

لے کر زمیں سے تابہ فلک رک گیا ہے آہ

کس دردمندعشق کو یارب قلق ہوا

اس نو ورق میں میر جو تھا شرح و بسط سے

بیٹھا جو دب کے میں تو ترا اک سبق ہوا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

علم بس عشق کے سبق پر ہے

دسمبر 1, 2007منصور آفاق،شعراء،غزلقلق،ورق،حق،دق،سبق،شفق،طبقadmin

منصور آفاق ۔ غزل نمبر 613

آنکھ کے قطرۂ عرق پر ہے

علم بس عشق کے سبق پر ہے

منزلِ ہجر سے ذرا آگے

اپنا گھر چشمۂ قلق پر ہے

کوئی آیا ہے میرے آنگن میں

ابر صحرائے لق و دق پر ہے

ایک ہی نام ایک ہی تاریخ

ڈائری کے ورق ورق پر ہے

شامِ غم کے نگار خانے میں

زخم پھیلا ہوا شفق پر ہے

سن رہا ہوں کہ میرے ہونے کی

روشنی چودھویں طبق پر ہے

دیکھ کر کارِ امت شبیر

لگ رہا ہے یزید حق پر ہے

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔