ٹیگ کے محفوظات: فرمایا

جی الجھتا ہے بہت مت بال سلجھایا کرو

اکتوبر 6, 2015میر تقی میر،اساتذہ،غزلفرمایا،آیا،بہلایا،بندھوایا،جایا،سلجھایا،سایہadmin

دیوان سوم غزل 1233

سر پہ عاشق کے نہ یہ روز سیہ لایا کرو

جی الجھتا ہے بہت مت بال سلجھایا کرو

تاب مہ کی تاب کب ہے نازکی سے یار کو

چاندنی میں آفتابی کا مگر سایہ کرو

گرچہ شان کفر ارفع ہے ولے اے راہباں

ایک دو ہم سوں کو بھی زنار بندھوایا کرو

شوق سے دیدار کے بھی آنکھوں میں کھنچ آیا جی

اس سمیں میں دیکھنے ہم کو بہت آیا کرو

کوہکن کی ہے قدم گاہ آخر اے اہل وفاق

طوف کرنے بے ستوں کا بھی کبھی جایا کرو

فرق یار و غیر میں بھی اے بتاں کچھ چاہیے

اتنی ہٹ دھرمی بھی کیا انصاف فرمایا کرو

کب میسر اس کے منھ کا دیکھنا آتا ہے میر

پھول گل سے اپنے دل کو تم بھی بہلایا کرو

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

صنم خانہ ہی یاں اے شیخ تونے کیوں نہ بنوایا

اکتوبر 6, 2015میر تقی میر،اساتذہ،غزلفرمایا،آیا،بنوایاadmin

دیوان اول غزل 130

مجھے زنہار خوش آتا نہیں کعبے کا ہمسایا

صنم خانہ ہی یاں اے شیخ تونے کیوں نہ بنوایا

زہے اے عشق کی نیرنگ سازی غیر کو ان نے

جلایا بات کہتے واں ہمیں مرنے کو فرمایا

بھری ہے آگ تیرے درد دل میں میر ایسی تو

کہ کہتے روبرو اس شوخ کے قاصد کا منھ آیا

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کیسا جشن منایا ہم نے

جنوری 12, 2012عرفان صدیقی،غزلفرمایا،مچایا،مایا،چمکایا،نبھایا،کھڑکایا،کایا،گرایا،پایاadmin

عرفان صدیقی ۔ غزل نمبر 280

جام تہی لہرایا ہم نے

کیسا جشن منایا ہم نے

رات ہوا کے ساتھ نکل کر

حلقۂ در کھڑکایا ہم نے

چپ گلیوں میں دیں آوازیں

شہر میں شور مچایا ہم نے

خاک تھے لیکن لہر میں آکر

رقصِ جنوں فرمایا ہم نے

دیکھیں کب ہوں عشق میں کندن

راکھ تو کردی کایا ہم نے

عمرِ شرر بیکار نہ گزری

پل بھر تو چمکایا ہم نے

سب کو نشانہ کرتے کرتے

خود کو مار گرایا ہم نے

تم سے ملے تو خود سے زیادہ

تم کو اکیلا پایا ہم نے

اپنے سر کی آن پہ واری

پاؤں سے لپٹی مایا ہم نے

اے شبِ ہجراں، اب تو اجازت

اتنا ساتھ نبھایا ہم نے

عرفان صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔