ٹیگ کے محفوظات: عطا

ہالہ قمر کے گرد جو تھا، تنگ تر ہوا

جون 1, 2021یاور ماجد،آنکھ بھر آسمان،غزلمرا،گلا،تھا،خلا،عطاadmin

پاؤں میں تنگ حلقہ ذرا تنگ تر ہوا

ہالہ قمر کے گرد جو تھا، تنگ تر ہوا

سب وُسعتیں لکھی گئیں اس کے نصیب میں

ہر ایک تنگ رستہ مرا تنگ تر ہوا

ٹوٹا ستارہ اور ہزاروں میں بٹ گیا

سمٹے ہوئے گگن کا خلا تنگ تَر ہوا

پاؤں میں اپنے حلقۂ زنجیر دیکھ کر

دم اور گھٹ گیا ہے گلا تنگ تَر ہوا

لمحہ بہ لمحہ بڑھتی گئی گردشِ درُوں

لیکن مدار مجھ کو عطا تنگ تَر ہوا

کھلتی گئیں جہات کئی میری راہ میں

جُوں جُوں ہر ایک رستہ مرا تنگ تَر ہوا

یاور ماجد

آنکھ بھر آسمان ۔ فہرست

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

یعنی بڑے جتن سے ہم، خود سے جدا کیے گئے

مئی 30, 2021عرفان ستار،غزلفدا،وفا،کیا،ادا،جدا،خفا،خدا،دوا،دعا،رہا،رضا،سرا،عطاadmin

خواہشیں قتل کی گئیں، خواب فنا کیے گئے

یعنی بڑے جتن سے ہم، خود سے جدا کیے گئے

جوہرِ خوش صفات کی، راکھ ہیں ممکنات کی

ٹھیک سے دیکھیے کہ ہم، کون تھے کیا کیے گئے

پیرویءِ ضمیر سے، اور تو کچھ نہیں ہُوا

کام خراب کر لیے، دوست خفا کیے گئے

رکھے گئے تھے ضبط کی، قید میں جو تمام دن

رات کو گھر پہنچ کے وہ، اشک رہا کیے گئے

قوم کے سارے شرپسند، محوِعمل تھے رات دن

جتنے بھی اہلِ خیر تھے، صرف دعا کیے گئے

ذکر کیا کرو نہ تم، اہلِ جہاں کے درد کا

تم جو نگاہ پھیر کر، ذکرِ خدا کیے گئے

ربِّ سخن سے یہ گلہ، بنتا نہیں ہے کیا کہ ہم

عہدِ منافقت میں کیوں، نغمہ سرا کیے گئے

کرتے ہو کیوں موازنہ، اہلِ ہوس کا ہم سے تم

ہم تو وہ لوگ ہیں جنھیں، شعر عطا کیے گئے

چارہ گرانِ جسم کو، روح کی کیا خبربھلا

مجھ کو نہیں تھا جو مرض، اُس کی دوا کیے گئے

خالقِ حسن کو بہت، فکر تھی تیرے حسن کی

ہم بہ مشیّتِ خدا، تجھ پہ فدا کیے گئے

ملتا نہ تھا کوئی صلہ، پاسِ وفا کا اور پھر

ہم نے یہ فکر چھوڑ دی، اور وفا کیے گئے

ایک بزرگ روح سے، پوچھی تھی رمزِآگہی

اُس نے کہا کہ عشق کر، ہم بہ رضا کیے گئے

شام وہ اختیار کی، حسن سے کیا اُدھار کی

باقی تمام عمر ہم، قرض ادا کیے گئے

عرفان ستار

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

چمک رہے ہیں، مگر آئینہ نہیں ہوئے ہیں

مئی 30, 2021عرفان ستار،غزلماجرا،مبتلا،کیا،کشا،آئینہ،ادا،خفا،رہا،عطاadmin

ترے جمال سے ہم رُونما نہیں ہوئے ہیں

چمک رہے ہیں، مگر آئینہ نہیں ہوئے ہیں

دھڑک رہا ہے تو اک اِسم کی ہے یہ برَ کت

وگرنہ واقعے اِس دل میں کیا نہیں ہوئے ہیں

بتا نہ پائیں، تو خود تم سمجھ ہی جاؤ کہ ہم

بلا جواز تو بے ماجرا نہیں ہوئے ہیں

ترا کمال، کہ آنکھوں میں کچھ، زبان پہ کچھ

ہمیں تو معجزے ایسے عطا نہیں ہوئے ہیں

یہ مت سمجھ، کہ کوئی تجھ سے منحرف ہی نہیں

ابھی ہم اہلِ جُنوں لب کُشا نہیں ہوئے ہیں

بنامِ ذوقِ سخن خود نمائی آپ کریں

ہم اِس مرض میں ابھی مبتلا نہیں ہوئے ہیں

ہمی وہ، جن کا سفر ماورائے وقت و وجود

ہمی وہ، خود سے کبھی جو رہا نہیں ہوئے ہیں

خود آگہی بھی کھڑی مانگتی ہے اپنا حساب

جُنوں کے قرض بھی اب تک ادا نہیں ہوئے ہیں

کسی نے دل جو دکھایا کبھی، تو ہم عرفان

اُداس ہو گئے، لیکن خفا نہیں ہوئے ہیں

عرفان ستار

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

اِک یہی قرض ہے باقی سو ادا کردوں کیا؟

مئی 20, 2021ضامن جعفری،غزلوفا،ادا،بقا،بپا،جدا،خفا،خدا،عطاadmin

طائرِ روح قفس میں ہے رِہا کردوں کیا؟

اِک یہی قرض ہے باقی سو ادا کردوں کیا؟

میری حق گوئی سے ہے سارا زمانہ عاجز

بس خدا باقی ہے اُس کو بھی خفا کردوں کیا؟

چھیڑ کر بحث کہ کیا اُس نے کِیا کیا میں نے

کہئے! محشر میں نیا حشر بپا کردوں کیا؟

بندگی رکھتی ہے کس طرح خدائی پہ نظر

یہ ہُنَر مجھ میں ہے تجھ کو بھی عطا کردوں کیا؟

قطرہِ فانیِ ہستی ہُوں اَزَل سے لیکن

کر بھی سکتا ہُوں اِسے جوئے بقا، کردوں کیا؟

اُس کی خاطر نہ سہی اپنی اَنا کی خاطر

اِک نئے عزم سے آغازِ وفا کردوں کیا؟

اختلافِ جَسَد و روح سے عاجز ہُوں میں

امن کس طرح ہو؟ دونوں کو جُدا کردوں کیا؟

میرے گھر آئے گا اِک حُسنِ مجسّم ضامنؔ

سوچ میں بیٹھا ہُوں بندے کو خدا کردوں کیا؟

ضامن جعفری

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

بنی ہے جان پہ جو کچھ بھی برملا کہئیے

نومبر 30, 2016ہوا کا تخت،ماجد صدیقی،غزلمدّعا،ناخدا،نارسا،برملا،صلا،صبا،عطاadmin

ماجد صدیقی ۔ غزل نمبر 25

مثالِ برگِ خزاں اپنا ماجرا کہئیے

بنی ہے جان پہ جو کچھ بھی برملا کہئیے

بہ دامِ موج وُہ اُلجھا گیا ہے کیا کہئیے

نہنگ جانئیے اُس کو کہ ناخدا کہئیے

ہمارے دم سے سہی اَب تو سربلند ہے وُہ

اسے بھی عجز کا اپنے ہی اِک صلا کہئیے

جھڑی ہے دُھول شجر سے اگر بجائے ثمر

تو کیوں نہ وقت کی اِس کو بھی اِک عطا کہئیے

زباں کے زخم پُرانے یہی سُجھاتے ہیں

کہ اب کسی سے بھی دل کا نہ مدّعا کہئیے

بہ شاخِ نطق یہ بے بال و پر پرندے ہیں

نہ شعر کہئیے اِنہیں حرفِ نارسا کہئیے

نگاہ رکھئے زمینِ چمن پہ بھی ماجدؔ

خزاں کو محض نہ آوردۂ صبا کہئیے

ماجد صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

چمک رہے ہیں، مگر آئینہ نہیں ہوئے ہیں

اکتوبر 26, 2015شعراء،عرفان ستار،غزلماجرا،مبتلا،کیا،کُشا،آئینہ،ادا،خفا،رہا،عطاadmin

عرفان ستار ۔ غزل نمبر 44

ترے جمال سے ہم رُونما نہیں ہوئے ہیں

چمک رہے ہیں، مگر آئینہ نہیں ہوئے ہیں

دھڑک رہا ہے تو اک اِسم کی ہے یہ برَ کت

وگرنہ واقعے اِس دل میں کیا نہیں ہوئے ہیں

بتا نہ پائیں، تو خود تم سمجھ ہی جاؤ کہ ہم

بلا جواز تو بے ماجرا نہیں ہوئے ہیں

ترا کمال، کہ آنکھوں میں کچھ، زبان پہ کچھ

ہمیں تو معجزے ایسے عطا نہیں ہوئے ہیں

یہ مت سمجھ، کہ کوئی تجھ سے منحرف ہی نہیں

ابھی ہم اہلِ جُنوں لب کُشا نہیں ہوئے ہیں

بنامِ ذوقِ سخن خود نمائی آپ کریں

ہم اِس مرض میں ابھی مبتلا نہیں ہوئے ہیں

ہمی وہ، جن کا سفر ماورائے وقت و وجود

ہمی وہ، خود سے کبھی جو رہا نہیں ہوئے ہیں

خود آگہی بھی کھڑی مانگتی ہے اپنا حساب

جُنوں کے قرض بھی اب تک ادا نہیں ہوئے ہیں

کسی نے دل جو دکھایا کبھی، تو ہم عرفان

اُداس ہو گئے، لیکن خفا نہیں ہوئے ہیں

عرفان ستار

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

حالتِ حال یک صدا مانگو

اکتوبر 23, 2015Jaun Elia،جون ایلیا،شعراء،غزلکا،پتا،جا،خدا،دُعا،سلسلہ،صدا،عطاadmin

جون ایلیا ۔ غزل نمبر 72

کوئے جاناں میں اور کیا مانگو

حالتِ حال یک صدا مانگو

ہر نفس تم یقینِ منعم سے

رزق اپنے گمان کا مانگو

ہے اگر وہ بہت ہی دل نزدیک

اس سے دُوری کا سلسلہ مانگو

درِ مطلب ہے کیا طلب انگیز

کچھ نہیں واں سو کچھ بھی جا مانگو

گوشہ گیرِ غبارِ ذات ہوں میں

مجھ میں ہو کر مرا پتا مانگو

مُنکرانِ خدائے بخشزہ

اس سے تو اور اک خدا مانگو

اُس شکمِ رقص گر کے سائل ہو

ناف پیالے کی تم عطا مانگو

لاکھ جنجال مانگنے میں ہیں

کچھ نہ مانگو فقط دُعا مانگو

جون ایلیا

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

معرکوں کا فیصلہ ہو گا علیؑ آنے کو ہیں

جنوری 8, 2012عرفان صدیقی،غزلہوا،فیصلہ،لکھا،ملا،کیا،کھلا،پا،ادا،سلسلہ،عطاadmin

عرفان صدیقی ۔ غزل نمبر 175

خیمۂ نصرت بپا ہو گا علیؑ آنے کو ہیں

معرکوں کا فیصلہ ہو گا علیؑ آنے کو ہیں

دیکھتا ہوں آسمانوں پر غبار اُٹھتا ہوا

دلدلِ فرخندہ پا ہو گا علیؑ آنے کو ہیں

دُور اُفق تک ہر طرف روشن چراغوں کی قطار

داغ دل کا سلسلہ ہو گا علیؑ آنے کو ہیں

آئنے خوش ہیں کہ اُڑ جائے گی سب گردِ ملال

شہر میں رقصِ ہوا ہو گا علیؑ آنے کو ہیں

میں تو چپ تھا پھر زمانے کو خبر کیسے ہوئی

میرے چہرے پر لکھا ہو گا علیؑ آنے کو ہیں

ہو رہا ہے قید و بندِ رہزناں کا بند و بست

عاملوں کو خط ملا ہو گا علیؑ آنے کو ہیں

آج تک ہوتا رہا ظالم ترا سوچا ہوا

اب مرا چاہا ہوا ہو گا علیؑ آنے کو ہیں

جب اِدھر سے ہوکے گزرے گا گہر افشاں جلوس

میرا دروازہ کھلا ہو گا علیؑ آنے کو ہیں

چاکر دُنیا سے عرضِ مدّعا کیوں کیجیے

خسروِ دوراں سے کیا ہو گا علیؑ آنے کو ہیں

لفظ نذر شاہ کر دینے کی ساعت آئے گی

خلعتِ معنی عطا ہو گا علیؑ آنے کو ہیں

جان فرشِ راہ کر دینے کی ساعت آئے گی

زندگی کا حق ادا ہو گا علیؑ آنے کو ہیں

عرفان صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

آؤ کہ اجر کار رسالت ادا کریں

جنوری 7, 2012عرفان صدیقی،غزلکیا،ادا،بقا،رہا،رضا،سوا،صدا،عزا،عطاadmin

عرفان صدیقی ۔ غزل نمبر 154

جاں نذر دے کے نصرت آل عبا کریں

آؤ کہ اجر کار رسالت ادا کریں

برپا کریں تو حشر کریں کربلا کے بعد

روشن اگر کریں تو چراغ عزا کریں

صدیوں سے سینہ زن ہے بدن میں لہو کی لہر

آج اس کو پیش تیغ ستم گر رہا کریں

صرف ایک سر ملا تھا سو نذرانہ کر دیا

اب ناصران معرکۂ صبر کیا کریں

صحرا میں شور کرتی ہیں موجیں فرات کی

زنداں میں جیسے اہل سلاسل صدا کریں

اس شاہ بے کساں پہ دل و روح و جاں نثار

مقدور ہو تو نذر کچھ اس سے سوا کریں

یاد آوران تشنہ دہانان کربلا

اس تشنگی کو چشمۂ آب بقا کریں

گریہ نشان جاں ہے مگر اس کے باوجود

مقتل مقام صبر و رضا ہے رضا کریں

تیرا قلم ولا کا علم ہے سو مجرئ

عباس تجھ کو ظل حمایت عطا کریں

عرفان صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔