ٹیگ کے محفوظات: شہر

جینے کی دوا پائی اُسی زہر میں ہم نے

جولائی 24, 2018موجِ خیال، باصر کاظمی، غزللہر، نفر، دوپہر، زہر، شہرadmin

کھینچا تھا کبھی غم جو تِرے شہر میں ہم نے

جینے کی دوا پائی اُسی زہر میں ہم نے

جانا یہ بالآخر کہ نبھانا نہیں ممکن

وہ عہد کیا ہو گا کسی لہر میں ہم نے

جو اِتنی کٹھن رات کی کاوش کا ثمر تھی

اُس صبح کو دیکھا نہیں دوپہر میں ہم نے

ہے کونسا گوشہ جو نظر میں نہیں اپنی

اک عُمر گزاری ہے اِسی شہر میں ہم نے

گھبرا گئے بس تم تو کنارے ہی پہ باصرِؔ

ہاں تیرنا سیکھا تھا اِسی نہر میں ہم نے

باصر کاظمی

Rate this:

دل خرابہ جیسے دلی شہر ہے

اکتوبر 6, 2015میر تقی میر، اساتذہ، غزلقہر، لہر، دہر، زہر، شہرadmin

دیوان پنجم غزل 1775

دیدئہ گریاں ہمارا نہر ہے

دل خرابہ جیسے دلی شہر ہے

آندھی آئی ہو گیا عالم سیاہ

شور نالوں کا بلاے دہر ہے

دل جو لگتا ہے تڑپنے ہر زماں

اک قیامت ہے غضب ہے قہر ہے

بہ نہیں ہوتا ہے زخم اس کا لگا

آب تیغ یار یکسر زہر ہے

یاد زلف یار جی مارے ہے میر

سانپ کے کاٹے کی سی یہ لہر ہے

میر تقی میر

Rate this:

اُترے وُہ آفتاب لہو کے سپہر سے

نومبر 17, 2013آفتاب اقبال شمیملہر، نفر، دیر، زہر، سپہر، شہرadmin

آفتاب اقبال شمیم ۔ غزل نمبر 65

سایوں سے ہو کر برہنہ زمیں جس کے قہر سے

اُترے وُہ آفتاب لہو کے سپہر سے

نشے کے شہ نشین پہ کچھ دیر بیٹھ کر

آؤ نا انتقام لیا جائے دیر سے

ہرچند دی خرام کی مہلت ہواؤں نے

لیکن خراجِ مرگ لیا لہر لہر سے

بنجر پڑی ہوئی ہے زمیں جسم و جان کی

سیراب کر اسے کبھی سانسوں کی نہر سے

کب تک بچے گا اپنے تعاقب سے دیکھئے

لے کر مزاجِ شہر، وُہ نکلا ہے شہر سے

ہے جامِ خوابِ عشرت فردا بہت، مجھے

میں مر نہیں سکا ہوں کسی دکھ کے زہر سے

آفتاب اقبال شمیم

Rate this:

واقعہ ہے یہ ستمبر کی کسی سہ پہر کا

نومبر 17, 2013آفتاب اقبال شمیمقہر، نفر، پہر، دہر، زہر، شہرadmin

آفتاب اقبال شمیم ۔ غزل نمبر 65

ہانپتی ندی میں دم ٹوٹا ہوا تھا لہر کا

واقعہ ہے یہ ستمبر کی کسی سہ پہر کا

سرسراہٹ رینگتے لمحے کی سرکنڈوں میں تھی

تھا نشہ ساری فضا میں ناگنوں کے زہر کا

تھی صدف میں روشنی کی بوند تھرّائی ہوئی

جسم کے اند کہیں دھڑکا لگا تھا قہر کا

دل میں تھیں ایسے فساد آمادہ دل کی دھڑکنیں

ہو بھرا بُلوائیوں سے چوک جیسے شہر کا

آسماں اترا کناروں کو ملانے کے لئے

یہ بھی پھر دیکھا کہ پُل ٹوٹا ہوا تھا نہر کا

عیش بے معیاد ملتی، پر کہاں ملتی تجھے

میری مٹی کی مہک میں شائبہ ہے دہر کا

آفتاب اقبال شمیم

Rate this:

خونِ تمنا دریا دریا، دریا دریا عیش کی لہر

اپریل 5, 2012فیض احمد فیض، سرِ وادئِٔ سینا، غزللہر، شہرadmin

فیض احمد فیض ۔ غزل نمبر 3

زنداں زنداں شورِ انالحق، محفل محفل قلقلِ مے

خونِ تمنا دریا دریا، دریا دریا عیش کی لہر

دامن دامن رُت پھولوں کی، آنچل آنچل اشکوں کی

قریہ قریہ جشن بپا ہے، ماتم شہر بہ شہر

قطعہ

فیض احمد فیض

Rate this:

اسے بھی چھوڑ دیا شہر کی طرح میں نے

دسمبر 1, 2007منصور آفاق، شعراء، غزلقہر، لہر، نفر، دوپہر، زہر، شہرadmin

منصور آفاق ۔ غزل نمبر 563

سلوک خود سے کیا دھر کی طرح میں نے

اسے بھی چھوڑ دیا شہر کی طرح میں نے

گزار دی ہے طلب کی سلگتی گلیوں میں

تمام زندگی دوپہر کی طرح میں نے

اُس ایک لفظ سے نیلاہٹیں ابھرآئی

اتار دل میں لیا زہر کی طرح میں نے

بسر کیا ہے جدائی کی تلخ راتوں میں

اسے بھی مرگ نما قہر کی طرح میں نے

وہ بند توڑنے والا تھا ، چشمۂ احساس

بہا دیا ہے کسی نہر کی طرح میں نے

وہ چل رہی تھی سمندرکی ریت پر منصور

جسے سمیٹ لیا لہر کی طرح میں نے

منصور آفاق

Rate this:

موج میں لہر میں ہم برہنہ ہوئے

دسمبر 1, 2007منصور آفاق، شعراء، غزللہر، نفر، بحر، دہر، دوپہر، زہر، سحر، شہرadmin

منصور آفاق ۔ غزل نمبر 507

کشف کے قہر میں ہم برہنہ ہوئے

موج میں لہر میں ہم برہنہ ہوئے

رنگ گرتے رہے رقصِ مجذوب پر

نور کی نہر میں ہم برہنہ ہوئے

دیکھنے والا کوئی دکھائی نہ دے

اس لئے شہر میں ہم برہنہ ہوئے

واعظِ سگ بیاں سے نکلتی ہوئی

جھاگ کے زہر میں ہم برہنہ ہوئے

اک ابھی خاک سے شخص ڈھانپا گیا

اور پھر دہر میں ہم برہنہ ہوئے

اسم اللہ کا بس تصور کیا

پھر اُسی سحر میں ہم برہنہ ہوئے

ایک چہرہ اچانک گریزاں ہوا

غم کی دوپہر میں ہم برہنہ ہوئے

اور کیا کہتے منصور طوفان سے

شورشِ بحر میں ہم برہنہ ہوئے

منصور آفاق

Rate this:

یا فر اوہدے قد تے، دھوکا سی کجھ لہر دا

جون 1, 1963وِتّھاں ناپدے ہتھ، غزللہر، کھیہر، ٹھہر، پہر، دہر، دوپہر، شہرadmin

ماجد صدیقی (پنجابی کلام) ۔ غزل نمبر 117

ہے سی ٹھاٹھاں مار دا، جوبن چڑھیا قہر دا

یا فر اوہدے قد تے، دھوکا سی کجھ لہر دا

ایہہ کی میں پیا ویکھناں، گُجھے درد حبیب توں

بازی لے لے جاوندا، دُکھڑا اک اک دہر دا

لگدا سی کر دئے گا، تھالی جنج دریاں نوں

پانی کنڈھیاں نال سی، مڑ مڑ کے اِنج کھیہر دا

اکھیاں وچ برسات جیہی، سرتے کالی رات جیہی

دل وچ اوہدی جھات جیہی، نقشہ بھری دوپہر دا

اکو سوہجھ خیال سی، چلدا نالوں نال سی

فکراں وچ ابال سی، قدم نئیں سی ٹھہر دا

سینے دے وچ چھیک سی‘ ڈاہڈا مِٹھڑا سیک سی

دل نوں اوہدی ٹیک سی، رنگ ائی ہورسی شہر دا

آئی تے اوہدے نال سی، پھُٹڈی پوہ وساکھ دی

گئی تے ماجدُ مکھ تے، سماں سی پچھلے پہر دا

ماجد صدیقی (پنجابی کلام)

Rate this:

سِر ساڈے وختاں دی، شُوکدی دوپہر سی

جون 1, 1963وِتّھاں ناپدے ہتھ، غزلقہر، ٹھہر، دوپہر، زہر، شہرadmin

ماجد صدیقی (پنجابی کلام) ۔ غزل نمبر 19

بَنّے بَنّے مہکدی، گلاباں والی لہر سی

سِر ساڈے وختاں دی، شُوکدی دوپہر سی

لبھ کے وی اوہنوں، اوہنوں لبھنے دا دُکھ سی

سماں سی وصال دا تے، اوہ وی قہر و قہر سی

خورے کس اگّی اساں، دونواں نوں سی پھُوکیا

میں وی رَتو رَت ساں، تے اوہ وی زہر و زہر سی

سماں ساڈی ٹور دا وی، نقشہ سی گور دا

ہار گئے ساں جتھے، اُتھوں قدماں تے شہر سی

اکھاں وچوں اتھرو تے، مُک گئے نیں ماجداُ

عمراں توں لمی، تیری ہِیک کدوں ٹھہر سی

ماجد صدیقی (پنجابی کلام)

Rate this: