ٹیگ کے محفوظات: شناس

تسکیں کو دے نوید@ کہ مرنے کی آس ہے

اکتوبر 8, 2015مرزا اسد اللہ خان غالب،اساتذہ،غزلپاس،آس،اداس،راس،سپاس،شناسadmin

دیوانِ غالب ۔ غزل نمبر 248

سر گشتگی میں عالمِ ہستی سے یاس ہے

تسکیں کو دے نوید@ کہ مرنے کی آس ہے

لیتا نہیں مرے دلِ آوارہ کی خبر

اب تک وہ جانتا ہے کہ میرے ہی پاس ہے

کیجے بیاں سرورِ تبِ غم کہاں تلک

ہر مو مرے بدن پہ زبانِ سپاس ہے

ہے وہ غرورِ حسن سے بیگانۂ وفا

ہرچند اس کے پاس دلِ حق شناس ہے

پی جس قدر ملے شبِ مہتاب میں شراب

اس بلغمی مزاج کو گرمی ہی راس ہے

ہر اک مکان کو ہے مکیں سے شرف اسدؔ

مجنوں جو مر گیا ہے تو جنگل اداس ہے

@ نسخۂ عرشی میں یوں ہے: ’تسکین کو نوید‘۔ اصل نظامی اور دوسرے نسخوں میں اسی طرح ہے۔

مرزا اسد اللہ خان غالب

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

جائیں یاں سے جو ہم اداس کہیں

اکتوبر 6, 2015میر تقی میر،اساتذہ،غزلہراس،قیاس،لباس،نراس،پیاس،پاس،اداس،باس،شناسadmin

دیوان سوم غزل 1178

جمع ہوتے نہیں حواس کہیں

جائیں یاں سے جو ہم اداس کہیں

دل کی دو اشک سے نہ نکلی بھڑاس

اوسوں بجھتی نہیں ہے پیاس کہیں

بائو خوشبو ہے آئی ہے واں سے

کوئی چھپتی ہے گل کی باس کہیں

اس جنوں میں کہیں ہے سر پر خاک

ٹکڑے ہو کر گرا لباس کہیں

گرد سر یار کے پھریں پہروں

ہم جو ہوں اس کے آس پاس کہیں

سب جگہ لوگ حق و ناحق پر

نہ ملا حیف حق شناس کہیں

ہر طرف ہیں امیدوار یار

اس سے کوئی نہیں نراس کہیں

عشق کا محو دشت شیریں ہوں

جان کا بھی نہیں ہراس کہیں

عرش تک تو خیال پہنچے میر

وہم پھر ہے کہیں قیاس کہیں

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

یا اب پھٹک نہیں ہے کہیں ان کے آس پاس

اکتوبر 6, 2015میر تقی میر،اساتذہ،غزلقیاس،لباس،گھاس،آس،اداس،سپاس،شناسadmin

دیوان دوم غزل 824

رہتے تھے ہم وے آٹھ پہر یا تو پاس پاس

یا اب پھٹک نہیں ہے کہیں ان کے آس پاس

تا لوگ بدگماں نہ ہوں آئے نہ اس کی اور

ہم تو کیا ہے عشق میں دور از قیاس پاس

گر ہی پڑے جو دیکھے ہے تنکا بھی گر کہیں

مایہ نہیں ہے کچھ فلک بے سپاس پاس

شیخ ان لبوں کے بوسے کو اس ریش سے نہ جھک

رکھتا ہے کون آتش سو زندہ گھاس پاس

تم نے تو قدر کی ہے متاع وفا کی خوب

بیچیں گے اب یہ جنس کسو دل شناس پاس

آلودہ کر نہ مستی سے جامے کو جسم کے

ہشیار رہ یہ عاریتی ہے لباس پاس

وحشی ہے میر ربط ہے اس سے خلاف عقل

بیٹھے سو جا کے کیا کوئی ایسے اداس پاس

میر تقی میر

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

یا آئینے سے چھین ہنر انعکاس کا

نومبر 16, 2013آفتاب اقبال شمیمہراس،یاس،پیاس،پاس،انعکاس،باس،شناسadmin

آفتاب اقبال شمیم ۔ غزل نمبر 49

یا پھونک سے چراغ، بجھا دے حواس کا

یا آئینے سے چھین ہنر انعکاس کا

دم گھُٹ گیا ہے لمسِ لطافت سے اے خدا

اعلان کر ہواؤں میں مٹی کی باس کا

ہر آب جُو پہ ریت کا پہرہ لگا ہوا

یہ زندگی ہے یا کوئی صحرا ہے پیاس کا

جب دے سکا نہ کوئی گواہی سرِ صلیب

جرمانہ شہر پر ہوا خوف و ہراس کا

گھر کے سکوت نے تو ڈرایا بہت مگر

وجہِ سکوں تھا شور میرے آس پاس کا

ہر دستِ پُر فسوں ، یدِ بیضا دکھائی دے

اے روشنی پرست! یہ منظر ہے یاس کا

دستک ہر اک مکان پہ دنیا پڑی مجھے

مقصود تھا سراغ مرے غم شناس کا

آفتاب اقبال شمیم

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

تمہارے ہوتے ہوئے ہم اُداس کیسے ہوئے

جنوری 11, 2012عرفان صدیقی،غزللباس،اُداس،راس،شناسadmin

عرفان صدیقی ۔ غزل نمبر 255

نہ جانے اِتنے وفا ناشناس کیسے ہوئے

تمہارے ہوتے ہوئے ہم اُداس کیسے ہوئے

جو خواب میں نظر آتے تو چونک جاتا تھا

وہ حادثے مری آنکھوں کو راس کیسے ہوئے

دِلوں میں اَب وہ پُرانی کدورتیں بھی نہیں

یہ سایہ دار شجر بے لباس کیسے ہوئے

یہ نرم لہجہ تمہارا چلن نہ تھا عرفانؔ

تم آج ایسے زمانہ شناس کیسے ہوئے

عرفان صدیقی

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

کہ آپ چل کے کنواں آئے پاس ایسا ہو

دسمبر 1, 2007منصور آفاق،شعراء،غزللباس،کراس،گھاس،پاس،اقتباس،انعکاس،اداس،بدحواس،شناسadmin

منصور آفاق ۔ غزل نمبر 232

یہ لب سمیٹ لیں صحرا کی پیاس ایسا ہو

کہ آپ چل کے کنواں آئے پاس ایسا ہو

کری گلاس میں ڈالے پلیٹ میں پانی

میں چاہتا ہوں کہ وہ بدحواس ایسا ہو

تمام رات رہے مال روڈ پر بجلی

تمام رات یہ چیرنگ کراس ایسا ہو

مری گلی میں شعاعوں کی بھیڑ لگ جائے

اُس آئینے سے کوئی انعکاس ایسا ہو

وہ خوش خرام بدن نرم گرم جیسا ہے

مرے بدن کا بھی کوئی لباس ایسا ہو

ملال سسکیاں گلیوں میں بھرتے پھرتے ہوں

یہ شہر ہجر میں تیرے اداس ایسا ہو

کوئی بھی راستہ پاؤں کی دسترس میں نہ ہو

ہرایک راہ میں اگ آئے گھاس ایسا ہو

جو دیکھ سکتا ہومنظر نہیں پسِ منظر

کوئی تو شہر میں چہرہ شناس ایسا ہو

وہ بار بار پڑھے رات دن جسے منصور

کتابِ دل کا کوئی اقتباس ایسا ہو

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔

تیرا فیضان بے قیاس ملا

دسمبر 1, 2007منصور آفاق،شعراء،غزلقیاس،لباس،نواس،گلاس،پاس،اداس،خاص،شناسadmin

منصور آفاق ۔ غزل نمبر 38

جب مجھے حسنِ التماس ملا

تیرا فیضان بے قیاس ملا

گھر میں صحرا دکھائی دیتا ہے

شیلف سے کیا ابو نواس ملا

جب بھی کعبہ کو ڈھونڈنا چاہا

تیرے قدموں کے آس پاس ملا

تیری رحمت تڑپ تڑپ اٹھی

جب کہیں کوئی بھی اداس ملا

تیری توصیف رب پہ چھوڑی ہے

بس وہی مرتبہ شناس ملا

یوں بدن میں سلام لہرایا

جیسے کوثر کا اک گلاس ملا

تیری کملی کی روشنائی سے

زندگی کو حسیں لباس ملا

ابنِ عربی کی بزم میں منصور

کیوں مجھے احترامِ خاص ملا

منصور آفاق

Rate this:

اسے شیئر کریں:

• Twitter
• فیس بک

اسے پسند کریں:

پسند کریں لوڈ کیا جا رہا ہے۔۔۔